انا عندى مرض جلدى اسمه البهاق واتعالجت منه كتير والان انا مش باخد اى ادوية وهو بيزيد وحالتى النفسيه بقت صعبة اوى واخذت الكورتيزون فتره وتعبت اوى ممكن يكون بسببه بحس ببعض الاعراض الكثيره لو حد يفدنى اعمل ايه ولا ايه اللى ممكن اعمله اكون مشكوة له
مشاكل الجلد
تعبانه بجد بسبب مرض البهاق الجلدي
اضيف بتاريخ: Saturday, November 6th, 2010 في 16:24
كلمات مشاكل وحلول: اعراض, البهاق, الكورتيزون, امراض جلدية, جلدي, علاج, مرض البهاق, مشاكل الجلد
الاخت فاطمة….ممكن معلومات عن البدوى اللى بيعالج البهاق
الاخ حسين ….ممكن تليفون و عنوان عطار المحلة اللى بيعالج البهاق
أنا ايضا مصابة به ادعولي اخواني
انا عندى بهاق من اكتر من 4 سنوات وياريت حد يقولى علاج عشان انا تعبت من علاج من غير فايدة ياريت وصفة بجد
الاطمنطا اكويس اليى يعرف يتعالج بيها انا عندى بهاق ونعالج بيها الحمدالله
نسيت اقول ك بالنسبة للاطمنطا مع العسل فهي تاكل ومباشرة تدهني بمرهم Daivonex
بالنسبة للبهاق هناك سيدة تعالجت بالاطمنطا اللي اسمها في المغرب الاطريلال مع عاقر قرحا تقوم بخلطهم بالعسل تدهن اماكن البهاق بمرهم daivonex ثم تتعرض للشمس وفي المساء تقوم بوضع بصلة حمراء في الفرن وتعصرها وتدهن بها مكان البهاق
ملاحظة ادم لاحظت ان الاطمنطا زادت لك البهاق فلا تفزعي فهي تقوم باخراجه من تحت الجلد فقط تابعي ولاتتوقفي حتى تقضي على البهاق بادن الله تعالى
اكثري من تناول الجزر وفيتامين B9 و B5 اتمنى لك الشفاء
جربي مسه اليكون + التراميدانين سعر الاثنين 25جنيه مصري يتم خلطهم مع بعض ويتم الدهان صباحا
وقبل الغروب مع التعرض للشمس في هذه الاوقات بالاضافه الي حقنه فيتامين ب12 1000وحده تؤخذ مره
كل شهر واسال الله الشافي ان يعافيكي ويعافي كل المرضي
بعد السلام والتحية ياريت تركزي معايا انا والحمد لله عندي بهاق ايضا من زمان المهم الحمد لله واقف عندي بفضل الله المهم انا عندي البهاق في اماكن الحركة في الركبه والكوعين والخ المهم عالجت كثير ولكن الحمد لله دون فائده والحمد لله الى ان ظهر بوجهي المهم طبعا مش محتاج ااقولكوكم كانت ايه حالتي النفسيه المهم قررت ان اعالج انا نفسي نظرا لخبرتي الكبيرة مع هذا المرض المهم ذهبت لأحد الدكاترة وطلبت منة حقن ديرموجيت الحقنه نفسها اسمها ديرموجيت مش المكونات المكونات كانت كورتيزون مخفف والحمد لله وبفضل الله اختفى من وجهي بس خللي بالك ان البهاق اما ظهر بوجهي ظهر بأماكن بها شعر يعني من الاخر موضوع الشعر ده مهم جدا وبالنسبة لأيدي فانا استعمل مس بيقرب لون الجدلد للطبيعي بيستمر حوالى ثلاث ايام اسمه فيتي نورم
زي ما الاخ قال باللبن بتاع التين او اللبن بتاع الصبار وبيجيب نتايج هايلة وسريعة ان شاء الله
وفي دوا عبارة عن مس بيغير اللون بسرعة ايضا اسمه
oxsolaren lotion
والله الشافي المعافي ان شاء الله
يوجد فطر لعلاج كثير من الامراض الجلديه لو ان حضرتك كتبتي كامبوتشا او فطر يعيش في الشاي الاخضر وياريت تكتبي علي اليوتيوب يجيلك طريقه تحضير الفطر وانا بكلمك عن تجربه مع بنتي عندها الصدفيه والحمد لله نتيجه سحريه علي فكره هو له اسم تاني خل الاعشاب
ده ربط في طريقة تحضير الفطر ولو استعنتي ب يوتيوب هيجيلك طريه تحضيره فيديو
فى حلين مجربين
تروحى على شجرة تين خضراء وتخبطى الشجرة حتنزل سائل أبيض زى اللبن تشيليه بسرعة وتحطيه على أماكن البهاق لان لونه بيتغير للون الاحمر بعد شوية نتيجة للتأكسد
دا لو البهاق فى اماكن صغيرة وفى شجر تين برشومى جنبك
أو حل تانى فى واحد بيعالج فى الصحرا بدوى حيديكى حبوب وحيؤلك على ممنوعات فى الاكل زى البيبسى مثلا وحيطلب منك تتعرضى للشمس لمدد معينة يعنى تعليمات بسيطة متألئيش وخلال كام اسبوع كل اللون حيكون موحد دى عن تجربة لصديق وشفت بعينى محدش ألى
اولا انا من المحله الكبرى والعطار موجود بالمحله الكبرى لو هتقدر توصله اجيبلك العنوان واسمه بامر الله
كنت مرة سمعت طبيب بيقول ان افضل علاج للبهاق هو نبات الرجله بصراحه مش فاكرة قوى بس متهيالى هو قال نبات الرجله ممكن تسال وتجرب لو منفعش مش حيضرك وهو انك تستخدم عصيرة كدهان والله اعلم بصراحه مش فاكرة هو قال الرجله ولا انا ناسيه
ان شاء الله يشفيك ويعافيك فلا تهني ولا تحزني لان الله هو الشافي المعافي
الاخ حسين ممكن تفيدنا باسم العطار او عنوانه بالظبط وربنا يجزيك كل خير
ممكن تتعالجى من عند العطار لان اختى كانت زيك بالظبط ودلوقتى والحمد لله باقى حاجه بسيطه جدا لا تدكر واتمنى من الله بالشفاء العاجل
ربنا معاكى يشفيكى ويعافيكى وان شاء الله الفرج قريب