ياريت الاقى حل مثالى لمشكلتى ..مبدئيا انا عارفة ان مافيش حل هيريحنى مية فى الماية بس انا نفسى الاقى اريح حل ليا يناسبنى ويناسب المجتمع اللى احنا عايشين فيه … انا بنت وحيدة مامتى الله يرحمها عندى 26 سنة . ووالدى كان منفصل عنها من قبل منا مااتولد هو متجوز وعايش فى محافظة تبعد عن المحافظة اللى كنت عايشة فيها انا وماما ب ثلات ساعات يعنى بعيدة الى حد ما . المهم انى كنت عايشة مع ماما فى شقة ايجار وكان لينا شقة فى بيت جدى مأجرينها لاننا مكناش مرتاحين فى بيت العيلة وبعد ماتوفت ماما انا مقدرش اعيش فى شقة لوحدى وفى نفس الوقت انا مش قادرة اعيش فى البلد اللى والدى عايش فيها لانه عايش فى منطقة نائية عاملة زى الصحراء وهو ميقدرش على ايجار الشقة هنا فى محافظتنا وانا مش قادرة اعيش فى بيت العيلة . فكرت انى اجر شقة واجيب والدى ومراته وعياله يعيشوا معايا اهو منها هاتبقة شقتى ومنها مش هكون عايشة لوحدى قدام الناس انا لسة معرفش رايه هايبقة ايه لكن ده الحل اللى فكرت فيه بس خايفة مرتاحش معاهم ومش عارفة اعمل ايه. ياريت الاقى عندكم الحل اجر شقة واجيب والدى وعيلته معايا ولا افضل عايشة فى شقتى فى بيت جدى لوحدى ولا اعمل ايه
مشاكل اجتماعية
مش عارفة اعيش فين بعد وفاة والدتي
اضيف بتاريخ: Thursday, January 12th, 2012 في 00:30
كلمات مشاكل وحلول: اعيش لوحدي, مشاكل اجتماعية
أولا البقاء لله
رحم الله الوالدة فإن الإنسان لا يملك أغلى منها في تلك الحياة..
ثانيا الخيار ليس في أيدينا إنما هو لك
فطالما أنك غير متأكدة من أنك ستكونين سعيدة مع أبيك فلا مشكلة من التجربة..
بسم الله الرحمن الرحيم ارى انك اكثر من اى شخص يستطيع ان يرجح مدى ارتياحك لزوجة ابيك فان كنت ترين انها من الممكن العيش معها فاحضرى ابيك واخوتك لتعيشو سويا وهذا ثواب اتمنى من العلى القدير ان يرزقك بابن الحلال وتكونى كسبتى ود ابيك واخوتك منه ومرضاه زوجة ابيك والاجر من الله لانك بما تقومين به لم الشمل ولا اعتقد ان الله سيخزيك لو اقدمت على شىء يحث الدين عليه وهو الحب والترابط والتقارب والوحده وفقك الله اختى
السلام عليكم راى المتواضع تعيشى مع جدك فترهوربنا يرزقك ابن الحلال
ممكن تحولى الشقة لبيت للمغترات منها ما تكونيش لوحدك ومنها يساعدوكى فى ايجار الشقة طبعا بعد استأذان صاحب الملك حتى ولو بزييادة الايجار بشكل مناسب
المهم انك تنتقى بنات ذات خلق حتى لا تزيد المشكلة
لا طبعا متجيبيش ابوكي ومراته وممكن تخليكي عايشة في بيتك اللي انتي عايشة فيه حاليا وان شاء الله ربنا معاكى يرزقك بابن الحلال اللى يعوضك عن والدتك وترتاحى من المشكله دى اللهم امين وابقي طمنيني عليكي
السلام عليكم
اول حاجة عظم الله اجرك في وفاة امك اسال الله ان يرحمها ويتغدمها في فسيح جناته
اانا اشوف انه من الاحسن انك تبعدي عن فكرة تجيبي ابوك ومرت ابوكي واولاده يعيشوا معاكي يعني ممكن تحصل مشاكل بينكم وانتي في غنى عنها يعني لو حابة تشوفي ابوكي روحي شوفيه ده واجب.ولا افضل انك تعيشي لوحدك لانه انتي بنت وبيكون في خطر عليكي والناس عينها عليكي انتي عارفة لما يشوفوا بنت وعايشة لوحدها بتكون مستهدفة اكثر.افضل انك تروحي لشفتك في بيت جدك يعني وقتها بتكوني لحالك في البيت بس قدام عنين بيت جدك.وممكن تنخطبي وتتجوزي وقتها راح تستقري في بيت مع زوجك.ولو حتسي بالوحدة والفراغ في بيت جدك انا موجودة لو مافيها مانع اطلب من ادارة الموقع انها توصلك بريدي الالكتروني ونتواصل واكون زي صديقتك عن طريق النت انتي عارفة المسافة بينا بعيدة لو اقدر كنت ساعدتك اكثر.ولما اكون اتكلم معاك في الاميل ممكن وقتها متحسيش بفراغ قوي.واسفة على الاطالة.وتقبلي مني مروري.وشكرا.
صباح الخير انا افضل انك تعيشى لوحد ك فى شقتك الا انتى فيها حاليا لان لو جه والدك وعيلته مش هترتاحى من مشاكل زوجته والا هيحصل وخصوصا انك مش متعوده على كده دى حاجه الحاجه التانيه انا معاك وجودهم معاك هيحسسك انك مش لوحدك بس ممكن مش هتتحمليهم ومتعرفيش ان ممكن هيكون فى مشاكل من زوجه والدك او من حاجه بتعمليها ممكن متعجبهمش او هما بيعملو حاجه ممكن متعجبكيش لاكن لو هتقدرى تتحمليهم هاتيهم بس انا من راى بلاش خليك على كده وحافظى على نفسك ويمكنربنا ييسر ليك الامور ويجيلك ابن الحلال يتزوجكك وترتاحى من كل الوضع ده وربنا يهديلك الحال يارب / المحامى
هاتى باباكى ومراته وكده وعامليهم كويس وان شاء الله يحبوكى ولما يجيلك عريس يبقى ليكى اب قدامه وكده احسن ما تعيشى لوحدك