انا بنت دلوقتي متقدملي عريس و عاوزاه بس شقتنا مش متبيضه ولا فيها نجف و الستاير وحشه و طبعا مش هجبهم كده فبقول ل امي انها تعمل جمعيه عشان نجيب فلوس و نبيض الشقه بتقولي لا لما ابوكي ينزل عشان انا بابا مسافر فا انا بجد تعبت و مش عاوزه اضيعوا من ايديا عشان بحبه .. اعمل ايه
انامش فاهماكى يعنى هو العريس هيتجوزك فى بيتكم ولا ايه ممكن توضحى كلامك شوية .. او انك قصدك ان هو مش راضى يتجوزك غير لما تعدلوا بيتكم ولا ايه .. لو سمحتى وضحى كلامك عشان نعرف نتعامل معاكى ونحل لكى مشكلتك
انا مش فاهمة العريس عاوز يتجوز فى شقتكم يعنى ايه وفين شقته هو معهوش ميلزمهوش الجوازة اللى بتيجى سهله بتروح سهلة مش وحش ان الواحدة واهلها يساعدوا العريس ولكن لم يكون هو رافض المبدا ان يسكن فى بيتك انتى اصبرى لم والدك يجى ويتفق معاه هو واهله على ايه
في وجهة نظري ان انت تستني لما والدك يي من السفر لانه غالبا التصؤيف الصح او علي اقل تقدير بيكون يعرف اكثر منك وكمان لازم تسمعي كلام والدتك
انا بصراحه شايف كده.
ممكن تكلمى بباكى يبعتلكم فلوس عبشان الشقه والستاير مش هيتكلف كتير ان شاء الله
وربنا يوفقك ويقدملك اللى فيه الخير يا رب