مشكلتى هى جارة اشترت من خالى قطعة ارض وبنت عليها بيت واحنا علشان صعايدة من واجبنا اكرام الجار الجديد وبعد كدة بدات معانا هى برد الجميل وبدات تشتكينا من غير ما نعمل معاها اى حاجة طبعا هتقولوا ازاى ده السؤال الى محدش بيصدقه لما نقول ماعملناش لها اى حاجة واحنا فى المشاكل لينا 4 سنين وهى كل فترة تقدم شكوى ضدنا واحنا نرفع محامى ونكسب القضية وهى ترجع تعمل شكوى جديدة وبصراحة انا حالتى المدية متوسطة يعنى من يوم مابدات تقدم فينا شكاوى بدانا نستلف فلوس والازمة كل مالها وبتصعب علينا والناس بتقول انتوا كمان قدمه فيها شكاوى زيها لكن ازاى واحنا مش قادرين ابوايا راجل بسيط وامى ست بيت وانا اكبر اخواتى البنات والاولاد والشكاوى بتعاتها والله العظيم كلها كدب وماحصلتش لكن النظام اللى ماشى معاك فلوس تعيش ملك حتى لو على حساب الغيروانا مش قادرة اعمل حاجة لوحدى ارجوكم ساعدونى ارجوكم وانا من الاقصر
اختي انت لم توضح لنا ماهي الشكاوى التي تشتكيكم فيها هذة الجارة وايه هي الاسباب التي جعلتها تفكر في ايذاكم الموضوع مش بالساهل انكم تسكتوا عليها وتخلوها تجرجركم لاقسام الشرطةوالمخالكم في الطلعة والنزلة اكيد احد مسلطها عليكم وعايز ينكد عليكم عيشتكم وحياتكم وانتم ناس صعايدة ولكم عاداتكم وتقاليدكم والمثل يقول= العيار اللي مايصيبش يدويش = ومن وجهة نظري ارى انها طمعانة في البيت اللي انتم عايشين فيه عايزة تطفشكم باي طريقة عشان تسيبوه لها ولاينبغى انكم توقفوا متفرجين عليها وعلى ماتفعله بكم البلد فيها قانون ومش فوضى روحواواشتكوها للمحافظة حتى وقدموا الادلة على ادانتها ومعكم شهود على ذلك واولهم خالك اللي باع لها الارض لازم يكون معكم مش هو اللي باع لها الارض ومايعرفش عنها حاجة ده كلام وتاكدي ان القانون بيحميكم من الست دي البلطجية اللي ماتعرفش حق الجار على جاره ولاتقدرش الناس اللي اكرموها واحسنوا اليها ولاتخافوامنها او عشان انتم ناس علابة وعلى قد حالكم وهي معها فلوس والله لوتكون بنت بشوات لادفنها تحت التراب وطزفيها وفي اهلها اهم حاجة اعيش بكرامتى وراسي مرفوعة في بلدي وسط اهلى وناسي وحتتي ده هوالمفروض تعملوه والا ايه اللي جرى لكم يااهلنا في الصعيد ماناقص الامرة تتحكم فيكم وتزلكم
ايه سبب الشكاوى اكيد فيه حاجه علشان كده بتشتكيكوا وانت ليه ما حولتوش تسالوها هى بتعمل كده ليه وعاوزة ايه اصل مفيش دخان من غير نار اكيد فيه سبب خلاها تعمل كده او هدف هى تسعى اليه اتكلموا معا وشفوها هى عاوزة ايه من ده كله ممكن تذكرى ايه نوعيه الشكاوى اللى بتشتكيكم بيها يعنى بتشتكى منكم فى ايه ما هى اكيد حتى لو مليارديرة مش معقوله هتصرف فلوسها على القواضى من غير سبب او هدف فيه شىء مجهول فى المشكله