السلام عليكم ورحمة الله وبركاته وكل عام وانتم بخير ورمضان كريم
انا اولا احب ان اعرض عليكم مشكلتى ومش عارف ان كانت مشكله ولا ايه انا فى يوم من الايام انا طبعا شغال محامى لسه متخرج وكان فى ناس ليهم قضيه عندنا المهم انا وقفت مع الناس دى وقفه عمر ماحد فى الدنيا يعملها المهم ان كان الناس دى هو ان فى واحد كان متهم فى قضية ومحكوم عليه وكانوا عاوزين يعملوا نقض المهم عملنا النقض وصارت بينا معرفة وكانت علاقتى كويسه مع ام البنت اللى انا هتكلم عليها دى , وكانت علاقتنا كويسه لدرجة ان انا كانت امها بتكلمنى علطول باستمرار والمهم فى يوم كانت الظروف شاءت ان انا وهى ومامتها نروح محكمة النقض والمهم كان اول تعارف بنا واحنا فى الطريق مش كلمتها واحنا رايحين واحنا راجعين فضلنا نتكلم ونهزر والمهم بعد لما رجعنا بقيت اكلم مامتها واتخلينى اكلمها واستمر الحالة على كده ولحد مانا خت رقم موبيلها وكان عن طريق مامتها لان لقيت جتلى رسالة بتحويل رصيد لموبايلى من رقم فاتصلت وعرفت انها ومن الوقت ده فضلنا نتكلم وكده بس انا مش صرحتها بحبى ليها وكنا علاقتنا كويسه مع بعض اووى ولحد فترة قريبة كل لما اتصل بيها مش ترد او لو ردت وقولتلها مش بتردى ليه بتقولى ان التليفون علطول مقفول او مش بتسمعه لحد من ان النقض اتقبل وابوها طلع ومن ساعتها مامتها وابوها بيكلمونى وهى لا وانا محرج اكلمها ويا ريت حد يقولى ان هى كانت امها زقتها عليا علشان انا هقدر اخلص الشغل بتاعهم وبعد كده يبقا مش تكلمنى وكان الموضوع عادى ولا ايه بس هى على فكرة كانت علاقتنا حلوة اوى مع بعض بس كان فى شوية حاجت كده انا كنت بضيقها بيها يا ريت تقولولى ايه الحل
يمكن لانك بضيقها فضلت تبعد عنك وممكن تكون فعلا مصلحه حاول تكلمها وتسالها ان كانت مضيقه منك فعلا اكيد هتقولك ولو مفيش امل يبئى هتتحجج باى حجه زى ما كانت بتقول (مش سمعه الموبايل كان مقفول)ولواتحججت يبئى الافضل تنساها لانها مش تستهلك ممكن تكون مجرد مصلحه
اطلب يدها ورسميا وبهذا سوف تجد الاجابة
اعتقد هذا
وفقك الله
يا أخي بصراحة معظم البنات بتوع مصلحة . واعتقد انها مدفوعة دفع عن طريق أمها أو البنت نفسها عاملة الفيلم ده لغاية ما القضية تخلص . بصراحة انا قابلت بنات كتير كلهم بتوع مصلحة حتى من دول عربية أخرى.
وليه ما تروح ليهم ياحلو وتصارحهم باللي بقلبك علشان تعرف الحقيقه بدون ماتتكلم او تكتب وتفضح نفسك – فالبداية كانت اتصالات مطوله مع الأم(؟؟)
ياعم انت مش عايز تفهم ليه انها بتاعت مصلحة انت عايز تسميه حب وخلاص بتوع المصلحة دول اصلا ممثلين جامدين اتوقغ منهم اى حاجة
واللله انا حاسس ان هى بتحبنى بس مش عارف هى مش بتكلمنى ليه بس والله مش يشترط ان يكون الشخص اللى انت بتحبه ان كان ولده اتحكم عليه والظروف شاءت بكده بس والله اهم حاجة يكون الصدق على راى
انتى ليه فرضت سوء النيه طيب لما انتى عايز تتزوجها روح اطلبها من ابوها بعد ما خرج من السجن و ادخل من الباب و شوف النتيجه هتكون ازاى سلام يا وحش
من وجهة نظرى على فكرة انا محامى ان انت الوحيد الى ممكن تعرف ان العلاقة دى كانت علاقة مصلحة والا استلطاف وفى حاجات كتير ممكن تبين ده زى مثلا طريقة العلاقة كانت ماشية ازاى انت متعرفش اذا كانت مرتبطة والا لا او بتحب حد بص لو انت عند احساس انها بتحبك اطلبها وقابلها برة وعبرها لها عن حبك ده ساعات البنت بتبقى منتظرة ن اللى قدامها يكلم مع انى منصحكش تكلم واحدة ابوها كان محكوم عليه انت لراجل محامى