حبيبى بيشرب سجاير وقولتله انت لازم تبطلها لانى مستحيل اتجوز واحد بيشرب سجاير وزعلت معاه كتير وقالى انه خلاص بطلها
وفى يوم صاحبتى شافته بيشرب سجاير . وانا واجهته وقولتله ان صاحبتى شافته قالى بصراحه انا لسه بشرب ومش عارف ابطلها واحده واحده عليا
قولتله اوكى بطلها كل يوم خفف سيجاره قالى ماشى
دلوقتى هو مش عارف يخفف نص سيجارة اصلا بيشرب زى الاول بالظبط
انا مش عارفه اعمل ايه معاه
وفى يوم قالى انا هنزل اشرب سيجاره قولتله لو نزلت مش هكلمك تانى وهو اصر انه ينزل قولتله باين عليك بتفضل السيجاره عنى قالى متحطيش نفسك فى مقارنه مع السجاير وبردو اصر انه ينزل قولتله اوكى انزل ومش هتكلمنى تانى وسلام !
ولا زعل نافع ولا بالاقناع نافع ولا بالسياسه نافع
اعمل ايه ؟
مشاكل الادمان
حبيبى بيشرب سجاير
اضيف بتاريخ: Monday, September 4th, 2017 في 01:56
كلمات مشاكل وحلول: الحب, بنت, حب, شاب
اولا- طريقتك معاه تخليه يعاند ومش هيبطل شرب سجائر ثانيا- بالراحة عليه ولوكنت فعلا تحبية انصحيه بالتدريج واذكري له مساوي واضرار التدخين على صحة الانسان ثالثا- لو استمر ومش عاوز يبطلها ابقا خذي موقف صارم معه ماترديش على اتصاله بك او اعملي انك مشغولة بدراسةو او بامورفي البيت حتى يعرف انك زعلانة منو ومخاصمه ويجي يصالحك ويراضيك وبعدها قولي الحقيقة انك عاوزه منه يترك السجائر فان رفض ساعتها اتركيها واقطع علاقتك به نهاية وللابد