انا عاوز ابطل سجاير ومش لاقي حل ياجماعه والله نفسي حد يقولي حل استفيد بيه علشان ابطل .
وانا كمان السنه ده عاوز اقدم في المعهد الفني للقوات المسلحه
مشاكل الادمان
نفسي ابطل سجاير بجد والله
اضيف بتاريخ: Friday, January 13th, 2012 في 17:25
كلمات مشاكل وحلول: التدخين, الدخان, السجاير
هقولك حاجه بس بجد تعمل بيها اشرب لبن كتير لان بيساعد علي تقليل ماده النكيوتين الاي في جسمك الاي سببتها السجاير ودي الماده الاي بتخليك تشربها بجد كيس لبن في اليوم او 2 صدقيني هيساعدك
انا حاولت كتير مش عرف انا من ١٠سنين بشرب سجاير ونفسى ابطل بجد انا تعبان نفيى السنة كلة رمضان علشان نصوم
الكلام بتعكو جميل جدا شكرا يا حبايبي
انا بحاول ابطل من شهر ومش قادر -كل يوم اشرب سيجارتين او ثلاثه واكرهها واسبلها واكسر علبه السجاير وارمي الولاعه واجي تاني يوم اشتري علبه ونفس الموضوع ليا اسبوع لغايه ما حسيت اني عبد ليها ومش هقدر ابطلها طول عمري ارادتي وعزيمتي ضعيفه جدا بس هفضل احاول مهما حصل ويارب يجي يوم اقدر ابطل
انا كنت بشرب بس الحمد لله بطلت ومع زالك انا عمرى16سنة مفيش حاجة اسمها مش عارف ابطلت انتا لو عاوز تبطل هتبطل اتوكل على اللله ومتخفهاش وحدة وحدة لاء اقطعها خالص
انا كان نفسي ابطل من زمان قوي بس انا اما بتنرفز اول حاجه بروحلها السيجاره حتتي لو مبطل بس ان شاء الله اول ماقريت كلامكو قررت ان شاء الله اني ابطل وادعولي ان ربنا يعني
انشاء الله بعد النصائح الجميلة دي انا ناوي لو صحيت بكرة علي خير هارمي الولاعات اللي عندي والطفايه المعفنة دي وهولع في علبة السجاير اللي معيا وربنا يقدرني علي ترك هذه العاده الخبيثة ..
عافكم وعافاني الله
وانشاء الله انا واثق ان الحل ساهل جدا
مين ناوي يبطل معايا ونبداء ايام احلي من غير سجاير
7/9/2013 الساعة 1:46 ص
انا بقالي يوم واحد مبطل التدخين بس
يا رب ثبتني وكل من عنده النيه للاقلاع عن هذا الداء اللعين او ان شئت قل الموت البطيء
بجد انا نفسي ابطال سجاير من زمان ومش قادر بس جهة اليوم اني لازم ابطال في علشان انا حياتي وقفة خلاص انا بقالي 4سنين بشرب سجاير بس ملهش لازمة خلاص
انتو بتقولو اي كلام والسلام التدخين عادة مكروه وهي ليست حكرعلى اصدقاءالسوءيوجد رجال دين وعلماءيدخنون وماحدش يدري عنهم اضف لاساتذةكبارفي الجامعات ورجال اعمال وغيرهم وسيدات محترمات وبنات عوايل مشهورة وكل واحد ومزاجه
الصحة غاليه اووووووووووى ومش ممكن تتعوض بكنوز الدنيا كلها وخلي بالك ان ربنا هيسألك عن صحتك ضيعتها في ايه؟ وفلوسك جبتها منين وصرفتها علي ايه؟ ساعتها هترد عليه تقوله ايه فكر في كلامى وانت هتبطلها لواحدك ونصيحة منى تتقرب من ربنا وتصلي لان الصلاة تنهى عن الفحشاء والمنكر , والسجاير دى محرمة شرعا لانها مضرة بالصحة وبتسبب امراض كتير ربنا يعافيك منها
انا الحمدلله مبطل سجاير بقالى اكتر من شهر والحياة حلوة جدا من غير سجاير . اكتر حاجه جعلتنى اتمسك بالفكرة انى لما قولت لامى وابويا انى مبطل سجاير فرحتهم بالخبر ده زود عزيمتى على الاقلاع عن التدخين الحكايه سهله جدا وبسيطه . انا دخنت خمس سنين بدأت التدخين وانا فى ثانويه عامه وكمان ليا ابن عمى بيدخن من 4 سنين تقريبا هو صاحبى لان سنى قريب من سنه زهقت من السجاير وقرفت منهاااا جدا لغايه لما جه فترة انا وابن عمى كل لما نقعد مع بعض نفضل نسأل نفسنا احنا ليه بنشرب سجاير وليه قرفنا منها وفى نفس الوقت من عاوزين نبطل لغايه لما اتعاهدنا انا وهو انهارده هيكون اخر يوم نشرب فيه سجاير وبدال ما نشترى سجاير وخصوصا ان السجاير غاليه .وان النوع اللى كنا بنشربه تمن العلبه منه 10 جنيه وكمان العلبه مكانتش بتكفى وخصوصا ان طبعا طلاعات الشباب رش بقى والكلام ده فكان معظم الايام اشترى ما لا يقل عن علبتين فى اليوم .المهم اتفقنا هنبطل وهنشترى اكل وتسالى بالفلوس اللى كنا بنشرب بيها سجاير والحمدلله فعلا مبطلين بقالنا اكتر من شهر . وكمان بنخرج مع اصحابنا اللى بيدخنوا وبنحاول معاهم انهم يبطلوا هما كمان وبنشوفهم وهما بيدخنوا وعادى جدا طالما ان فى عزيمه واراده صادقه لو حصل ايه عمرى ما هرجع ادخن تانى . على الاقل امى او ابويا مش هيرجعوا يقولولى ريحتك وحشه اللى هى ريحت السجاير . عارفين كمان اول لما اشتاق لشرب السجاير بروح اشم الطفايه بتاعتى اعوذ بالله ريحتها لوحدهااا بتقوى عزيمتى زياده
عمي كان مدخن بشع يدخن 4 علب في اليوم و بطل ببرشام اسمه champix هايل والله جرب ودعيلي هتبان النتيجة من الاسبوع الثاني بس الازم تكمل العلاج
بسم الله الرحمن الرحيم :
* التدخين لأي نوع من التبغ ( سجاير ، شيشة ) أو غيرها بيكون مادة النيكوتين المخدرة اللي الجسم بيتعود عليها و ما يقدرش يستحمل بعدها ، لأنها مسكن قوي ، رغم إنها موجودة بشكل طبيعي في مخنا علشان نتحمل الألم الشديد . لما ندمن التبغيبقى إحنا بنفضل المخدر الصناعي الخارجي على المخدر الطبيعي في أجسامنا ، و يوم ورا يوم ما نلاقيش نفسنا بتحمل أي ألم من غير تدخين .
* السيجارة ممكن تكون دليل ألفة و تعود لأن الشخص بيتعود عليها في إيده دايما ، و بيعتبرها صاحبه ؛ و ده نوع من أنواع الهروب النفسي .( لاحظ أي اظطراب أو انفعال أو أي مشكلة ، و شوف المدخن بيشرب كام سيجارة ، و ليه ).
* أصحاب السوء و القدوة الخبيثة بيرسخوا فكرة الرجولة و القوة عند المدخن لما تكون في إيده السيجارة أو الشيشة ( لاحظ أبطال الأفلام ، و راقب أصحاب المدخن كده ، و شوف تأثيرهم فيه ) .
* المدخن – مهما حاول يبطل تدخين – مش هيقدر ،إلا إذا :
1 كانت عنده العزيمة القوية و الصادقة في ترك التدخين : عزيمة دينية؛ لما يعرف إنها حرام شرعا لأنه بيهلك نفسه ” ولا تُلقوا بأيديكم إلى التهلُكة ” ، و بيضيع فلوسه في حرام ، و هوه هيتحاسب على كل مليم بيصرفه ” لا تزول قدما عبدٍ حتى يُسألَ عن أربع :…..،…، …، و عن ماله من أين اكتسبه و فيم أنفقه ” .و عزيمة صحية؛ لما يزور أي مستشفي و يشوف المرضى اللي بيكوا بدل الدموع دم نتيجة الأمراض اللي عاشت جواهم ( سرطان،تصلب شرايين ، ارتفاع ضغط الدم،التهاب رئوي،…..) ، و ساعتها هيعرف إنه بيقتل نفسه و بيدمر كل اللي حواليه ” ولا تقتلوا أنفسكم إن الله كان بكم رحيما ” .
2 بعد عن أصدقاء السوء وقرّب من أهل الفضيلة و الدين ، لأنه هيقرأ معاهم القرآن الكريم و هيتدبر أخلاق الدين كويس أوي و هيقلد الصالحين بجد ، زي الصحابة و التابعين ، و حتى الصالحين اللي قدامه : مش يقلد الممثلين و الفاشلين .ولازم يبعد عن أماكن اللهو و يتعطر دايما زي ما كان الرسول بيعمل .
* أسأل الله لك السلامة و أن يثبت أقدامك في الخير .
*** و الله أعلم ***
انا كمان ده تاني يوم ليه من غير سجاير و نفسي اوي ابطلها يا رب ادعولي يا شسباب انا بشرب من حوالي 18 سنه و بطلت مره واحده من غير تقليل و الحاجات ديه انا حاسس اني هنجح المره ديه ان شاء الله مش عارف ليه بس حاسس اني هنجح و انا مع فارس الاحلام هي اصرار
والله قدر ما تجرب ما رح توقف تدخين وحتى لو وقفت ممكن ترجع تدخن من جديد..اذا بدك نصيحة مني انا مش مجربة بس عن تجارب الناس لاني لا ادخن..
في اذاعة علتلفزيون اسمها citrusstv عندهم طريقة طبيعية للاقلاع عن التدخين هي مثل السوار توضع في اليد اسمها acuone anti smoke تخليك تصير تكره التدخين.انا برايي تجربها.انا انصحك لاني على ثقة كبيرة في منتوجاتهم وسعرها 81$
بس ياصاحبى .انا احييى فيك روحك واصرارك انك تبطل .اللى يقولك ان السيجارة مش ممكن تقدر تبطلها كداب .انا مبطل من سنتين مفيش سيجارة دخلت فمى. فدا يرجع ليك انت عايز تبطل استعين باللة واطلبها من ربنا بس بالنيةوان تكون نيتك بجد تبطل وحاول تقول لا وكن واثق من نفسك والصحاب خليهم يساعدوك لانهم عامل رئيسى اللى ممكن ترجع تانى حاول ترفض وباصرار لانهم اهم عامل ممكن يرجعك تانى وحاول تقرب من ربنا وربنا يساعدك ان شاء اللة واللة يعينك واذا عزمت فتوكل
شوف انا كنت بدخن بقالي 12 سنة وحاولت كتير ابطل ومقدرتش حاوبت اقلل حتى وكنت برجع اشرب بشراهه لدرجة اني قبل مابطل كنت بدخن علبة ونص يوميا فقررت بجد وبدون رجعة واستعنت بالله اني ابطل ودعيت عشان ربنا يعني وبدات استخدم لبان النيكوتين اسمة Nicotinell استخدمتة بدل السجائر وكنت باخد منة كميات كبيرة وبدات اقلل منة لحد مابدات اتخلص منة نهائيا بعد 4 شهور وحاليا الحمد لله لا سجاير ولا لبان نيكوتين انا على فكرة شايلة معايا لان احيانا ممكن احس بعصبية فباخد حباية بس يمكن مرة اسبوعيا او كل اسبوعين كمان فجرب وحاول وتوكل على الله
السلام عليكم ورحمة الله وبركاته
بارك الله فيكم اخواني وجزاكم الله خير
انا لسه طافي السجاره دلوقتي
ولاكن بعد النصايح الغليه
دى انا فعلن هبطلها مش هبطلها انا بطلتها فعلن من
تاريخ 28/1/2012
وبشكركم وطبعن ليكم اجر وسواب عند الله اخوكم
ونبي يا جدعان محدش يعقد يفتي ويعمل نفسه أبو العريف ويكلم ويرغي كتير لو كان الموضوع ده سهل كده لو كنتوا مخنين فعلا مكنتوش قولتوا الكلام ده أنا مدخن وبطلت سنتين ونص وأتنيلت على عيني ورجعت تاني للدخين غظب عني ودلوقتي مش قادر أبطلها خالص وفي ناس كده خلاص مبتدقرش تبطلها خالص لان بقت مدمنه على نسبة النيكتين اللي بتخده من السجاير أنا مبقلوش إنه ميبطلهاش بس أنا بكره الناس اللي بتتعامل مع الموضوع بأستخفاف لانه موضوع كبير جدا واللي إيده في المايه مش ذي اللي إيده في النار
اخي الفاضل ان هاقولك على تجربتي الشخصية انا كنت مدخن لفترة طويلة من اولى ثانوي لحد سن 31 سنة واصبت بجلطة في القلب وكنت هاعمل عملية قلب مفتوح وركبت دعامات في القلب ومن يومها وانا بطلت السجاير نهائيا منذ اكثر من 3 سنوات فأنت اسأل نفسك تحب تبطل السجاير برغبتك ولا تبطلها غصب عنك مثلي انت اختار
شوف يااخي اللي بيقولك السجائر دي مزاج وصعب تبطيلها ده مش مظبوط لاني هضرب ليك مثال بسيط خالص … لما انت بتصوم في رمضان وبتفضل طول النهار مش بتشرب سجائر في حاجه بتحصل .. اكيد مفيش بل بالعكس بتستريح .. انا دخنت فتره كبيره اوي لاني كنت بدخن وانا في الصف الثاني الثانوي … ومره واحده بدون اي مقدمات قررت اني اوقفها مره واحده في عزيمه واصرار وقرار .. وانت لو عندك عزيمه هتبطلها ..ز بس اسمه تتجنب جلسات اصحاب السؤ والقهوه مع اصحابك وتحاول تقوي علاقتك مع الناس اللي مش بتدخن … وتجلس معاهم وتنسي موضوع السجاير وتعوضها باي شئ تاني زي لب او نعناع لفتره مؤقته لانها عاده سيئه ليس الا .. ولكن لاتمت للمزاج بصله نهائيا .. وربنا يقويك وتبطلها
على فكرة فعلاً أنا مع رأي فارس الأحلام الأقلاع عن التدخين سهل جداً أهم حاجة يكون عندك عزيمة وأصرار وأرادة أنك فعلاً من جواك عايز ومقتنع انك تبطلها أنا كمان فضلت سنين أشرب علبتين سجاير وكمان مارليبور أحمر أمريكي وجيت في يوم قولت أنا مش عايز أدخن تاني المهم انك متفكرش فيها وتفكر انك محتاجها أنساها نهائي واشغل نفسك بأي حاجة مفيدة وصدقني هتنساها نهائي أنا بقالي سنة أهو نسيتها نهائي ومش هرجعلها تاني نهائي أن شاء الله المهم العزيمة والأصرار وأنك تنساها تقبل تحياتي.
شوف يا ابنى انا دخنت 25 سنه وكنت بدخن من علبتين الى ثلاث علب فى اليوم وفى يوم كانت فى اخر سيجاره فى العلبه قولت مش حدخنك يعنى مش حدخنك وبطلت على كده وبقالى سنتين ونص ولا انا موت ولا تعبت انى بطلتها ولا حاجه بالعكس بقيت بنام مرتاح والتنفس بقى كويس وريحتى بقت احسن ودلوقتى لما بشم ريحه واحد بيدخن بقيت بقرف منه ومن ريحته ايه رايك اسهل من كده مفيش صح وهى دى الحقيقه والله