انا طالبة فى مدرسة مشتركة و عندى صديق مقرب جدا منى من سته ابتدائى و احنا دلوقتى فى اولى ثانوى انا و هو علاقتنا كانت مجرد اصدقاء قريبين جدا من بعض و انا كنت بعتبره و بحبه زى اخويا و اكتر عشان بيفهمنى و بلاقيه وقت ما احتاجه من فترة قريبه جدا فى اواخر الاجازة حسيت ان زاد كلامنا و ابتديت اعجب بيه و من طريقته حسيت ان ممكن يكون معجب بي بس محطتش املى فى حاجة عشان مكنتش عايزة اتعدى حدودى و ان اخسر صداقته دى … دلوقتى انا بقيت بالفعل بحبه زى اى حد بيحب و ولا حاولت اصارحه بكده ولا هعمل كده .. المشكلة ان اكتشفت ان هو متصاحب على اولاد ودوه فسكه غلط ابتدت بشيشه و بعدها سجاير و هو كان بيجى يحكى مش بيخبى و يقولى انا عارف ان ده غلط و مبخفش اما باجى احيلك حاجة عشان محدش لي حاجه عندى انتى بس اللى ليكى تسألى و تعرفى اى حد من اصحابنا تانى لا وانا ديما كنت بنصحه ان كدة مينفعش و هو بيستجيب لكلامى ده بس مش اوى و مش دايما من كام يوم اطور الموضوع و عرفت ان كمان بقى حشيش و للاسف معرفتش منه عرفت من حد من اصحابه و بقى فى الفترة دى بيتصرف معايا بطريقه غريبه و كلامنا قل جدا لدرجه كبيرة بس اللى متأكدة منه ان موضوع الحشيش دة لسه ف اوله انا مش قادرة انى اكون عارفه حاجة زى دى و منصحهوش ولا اساعدة من ناحيه انى صديقته المقربه و هو ولد شاطر فى الدراسه و مؤدب و عائلته محترمه بجد …… بقاله اسبوع تصرفاته غريبه بيبقى مهيس كدة كأنه شارب حاجه و بيضحك على اى حاجه كانه مسطول ده اللى اكدلى ان كلام صاحبه صح و من ناحيه تانيه انى بحبه و مش مقتنعه ولا هقدر ابعد عنه بعد ما عرفت كدة انا مصممه انى اساعده بس مش عارفه ازاى و مش عايزة اورط صاحبه اللى قالى لو صارحته و قلتله انا عرفت منين هو اصلا زكى جدا و بيعرف اما ببقى بلف و ادور ان ببقى عايزة اعرف حاجة بجد انا محتاجه حد يساعدنى
