مشاكل البنات قبل الزواج

خطيبي مدمن هل ظلمته

انا انسه جامعية عندى 24 سنة من 5شهور اتقدملى شاب عنده 29 سنة عن طريق صاحبة ماما أهله ناس طيبين ومتدين وهو مظهره كان يدل على أخلاقه الطيبه واهله شكلهم ناس طيبه وبعد فترة تم الاتفاق مع الأهل على موعدالفرح بعد 7شهور واتخطبنابعد ذلك بدأت أحس بالبخل الشديد منه عليا واتكلم معاه فى بعض الاحيان طريقةكلامه غريبه دون شك بدأت اتعلق بيه أخلاقه كانت كويسه ولكن كان بيخس جامد اوى دون شك منى المهم وانا على إستعداد لتحضير الفرح وبشتري حاجاتى لاقيت حماتى بتكلمنى بتقولى انه تعبان جدا وأنه دخل مصحة بيتعالج من الإدمان اتصدمت وكسرت فرحتى طلع مدمن هيروين وبتطلب منى اقف جنبه واساعده واتجوزه رفضت واتصدمت من الغش ده من يوم وليلة طلع مدمن وامى عرفت اتصدمت فيه وفى أهله وأمه
امى مش عايزة ترجع الشبكة بسبب الغش وبسبب القهرة وانا مش طايقاه ومش هقدر اقف فى شيء زى ده لو كان ايه كان ممكن اقف جنبه لكن إدمان وهيروين لا ..انا كده ظلمته.؟؟؟؟

مشاكل وحلول ذات صلة

اضيف بتاريخ: Monday, April 4th, 2016 في 20:23

كلمات مشاكل وحلول: , , ,

2 رد to “خطيبي مدمن هل ظلمته”

  1. أمجد عبد الوهاب مستشار إجتماعي
    12/04/2016 at 18:59

    خطيبي مدمن هل ظلمته
    (ليس أقدر من الشخص نفسه على حل مشكلتة فأنا لا أحل المشكلة جذريا ولكني أضيء له الأنوار ليرى فيها جوانب لن يراها من نفسه )
    بسم الله الرحمن الرحيم –
    لا إله إلا أنت سبحانك إني كنت من الظالمين – يعني كمان أمه مش عايزة تعطيكي شبكتك وانتي ليس لكي ذنب وهي اعترفت لكم بأنه خرج من المصحة بعد علاج من الإدمان وانتم بردو وافقتم ليه ؟ ليه ليه ليه ؟ خلاص دامدمن على كدا مش هيشفى من الإدمان ولا حتي بالطبل البلدي لا مصحة ولا غيرها هتستعيد له عافيته العقلية التي دمرها بالإدمان وأكيد أثرت على صحته العامة
    خير ما عملتي أنك لفظتيه بدري بدري – وفهمي أمك بلاش توافقوا على حد له ماضي
    ايه الهبل دا ؟ قال مدمن وشفي / حرامي وتاب / نصاب وتراجع / نسونجي وتاب ؟ !
    لا لا لا داجواز وعيشه أبدية ومسئولية وحياة وأولاد ودنيا جديدة كيف ابنيها على حطام ؟
    كويس جدا انك اكتشفتي الأمر قبل اتمام الفرح والرزق بأولاد وربنا نجدك من مستنقع لايعلم خطورته غيره سبحانه وتعالى – بيكفيكي كسرتك يبأه لا لاتقضي على ما تبقى منك –
    دعيه لغيرك
    الخلاصة : بما أن الشبكة كانت رسمي بحضور لفيف من الأهل والأصدقاء والجيران والحبايب وظهرت عندهم العيوب التي حاولتم علاجها ولا جدوى فمن حقك شبكتك كامله واللي مش مصدق نحلل الدم ونوضح الادمان عنده – لكن فضل الله عليكي كان عظيما وكشف لك الغمه واضاء لك الظلمة – فمن حقك شبكتك كامله وايضا لك ان تشتري دماغك وتلفظيه بسبب الإدمان
    اهم من كل شيء ان الله نجدك – بس هذا اهم شيء
    استعوضى الله وسوف يأتيك من تطمئني لحياتك معه ويسعدك ويتق الله فيكي ويحفظ عليكي وعلى نفسه كرامته وصحته –

  2. الفهدالاسود
    04/04/2016 at 23:03

    اختي الفاضلة دام ان الشاب طلع مدمن هيروين فمن حقكي رفض الزواج منه وفسخ الخطوبة على الفور دون تردد اوتاخير منك وليس من حق امك الامتناع عن ارجاع الشبكة له فالله الغاني عنه وعن شبكته حتى لوكانت بالملايين جنيهات احمدي الله انكم عرفتم حقيقته قبل فوات الاوان وقبل التورط في الزواج منه وتاكدي ان الله بيكرمك ويعوضك بخيرمنه واحسن منه الف مرة ياقمر البنات هتلاقي ابن الحلال الصالح اللي يستاهلك ويقدرك ويصونك ويسعدك في حياتك القادمة

اترك رداً أو حلاً لهذه المشكلة