مشاكل الازواج

اهل زوجي اللي بيصرفو علينا وبيعايروني

انا متزوجة من 8 سنين ومعيا بنتين متزوجة سني صغير كا وقتها 19 سنة وكنت مخطوبة لزوجي وانا عندي 17 سنة المهم كان جواز صالونات وانا كنت مطيعة لاهلي جدا وكنت انطوائية بعض الشيء واهلي فضلو يشكرو في النسب ده ووافقو واتخطبنا سنتين وكنت حاسة بعض عدم التفاهم الفكري ورفضو فسخ الخطبة واقنعوني ان الامور بتتغير بعد الزواج وكان وقتها اهله جايبنلو شقة وكان بيشتغل مع والده في شركته وتزوجنا ولكني فوجئت ان اهله اللي بيصرفو علينا وبيعايروني بالشقة وحصلت مشاكل كتيرة سين اكل حقوق الناس بياكل فلوس المدريفجاه طلبو مننا نبيع الشقة بسبب ضيق مادي عندهم ووافقت لان الاصول اني اقف جنب جوزي في الظروف الصعبة ونقلت في شقة ايجار مؤقت بس مسلمتش من تدخلهم المبالغ فيه جدا في التدخل بحياتي ووقتها حصلت مشكلو فوجئت بانها كبرت وجابولي الشرطة تخرجني من البيت انا واهلي وقتها كنت خلفت بنت وانتهينا بالطلاق وبعد سنة رجعت له تاني لاني اقنعني انه اتغير وهيمشي حياته بايده دون تدخل حد لانه بيحبني جدا وانا معترفة انه طيب جدا بس سلبي لابعد درجات السلبية ووقتها فتح محل مستلزمات طبية واخوه كان معاه شريك والمحل مكملش سنة وفشل لانهم كانو واخدينه اصلا من واحد بيصفيه وخلفت منه بنتي التانية بس لوقتنا هزا عندي امل ان الحال ينصلح مفيش فايدة هو معندوش ارادة وسلبي واتعود انه ميفكرش واهله اللي ممشينه وبيدولو المصروف اللي هو بعد ايجار الشقةوالالتزامات الاساسية مبيكفيش ياكلنا عيش حاف فكرت وبعت دهبي وفتحت مشروع تاجير فساتين صغير وكبر بس للاسف مبيدخليش دخل لان مصاريفه كتيرة اوي ولما كان بيطلع اي فلوس من نفسي كنت بحطها بالبيت كنوع من المشاركة بس هو كزاب جداافي كل كبيرة وصغيرة وبيكل فلوس المدرسين واي حد بيتعامل معاه ماديا بيقطع علاقته بيه لانه معاملته المادية زفت يحب ياخد وميديش ويستلف وميسدش وفاضحني وسط الخلق وكل ده ومستحملة ولما بقول له اشتغل علشان البيت يعمر لان المصروف اللي والده بيديهولنا بسيط يقولي برستيجي ولما بجبله عقد سفر امه تقولي ابني ميتغربش علطول حاسة اني مش مستورة وخايفة من بكرة لان لو ابوه مات انا وعيالي هنبقي في الشارع وهو ولا هنا ده غير الاهانات المستمرة من اهلة ومش عاملين اعتبار اني بعت دهبي علشان اقف جنبه واتنازلت عن شقتي علشنهم خايفة اوي لاني علطول مش مسطورة مبيسبليش اي فلوس في البيت وحتي لو خرجت بمشي خايفة احتاج اي حاجة للعيال معرفش اتصرف لاني ممعاييش فلوس بس ده طبع فيه حتي لو هو معاه انا خايفة من مستقبلي انا وعيالي اوي وخايفة من الطلاق لانهم اول مرة جرجروني في المحاكم علشان النفقة بعد ما كنت اتنازلت عن سكن الحضانة مقابل ورقة كتبوها بالنفقة وقالو هيسجلوها وبعد الطلاق واما طلعت من الشقة رفضو التسجيل ورفضو يصرفو علي البنت يئست منه ومنهم وخايفة جدا مع اني واللهي متقية ربنا فيه وعمري ما كدبت عليه ولا فكرت احط ايدي في جيبه بالرغم من انه دايما يفتش شنطتي ويا خد اللي فيهاتعبت من عدم تحمل المسئولية وكل يوم المسئولية بتتقل وعيالي بيكبرو ومحتاجين استقرار كل سنة ولا اتنين بتنقل من شقة لشقة وكل مرة اغلي من التانية وهو حاطط ايده في المية الباردة ومش عاوز يتحركدلوني يا جماعة اعمل ايه انا صبرت معاه ومش لاقيه اي ايجابيات منه وتعبت من كدبه وسلبيته تعبت منمصروف من اهله اعمل ايه وشكرا واسفة علي الاطالة كتر التفكير وشايفة الناس بتكافح وتقاسي علشان لقمة العيش وعشان عياله يتسترو وده مستني ال

مشاكل وحلول ذات صلة

اضيف بتاريخ: Monday, February 26th, 2018 في 22:21

كلمات مشاكل وحلول: , , , , ,

2 رد to “اهل زوجي اللي بيصرفو علينا وبيعايروني”

  1. كريم نور
    01/03/2018 at 11:50

    انتي غلطتي انك رجعتي له تاني وبعدين ف حاليا بنتين حرام يتربوا ف مشاكل وانقسام ..انا حاسس بكل كلامك بس صدقيني جوزك لم يتعرض لصدمة بعدين هيعرف انه ضيع وقت كتير وظلمكم … انتي حاليا قدامك حلين ملهمش ثالث….اول حل انك تطلقي وتعيشي حياتك مع شخص اخر ……..والتاني انك تتحملي علشان بناتك ومتشغليش بالك باي حاجة ارمكي الحمل ع جوزك وزي ماتيجي حتي لو الحال ضرب وبقيتوا فالشارع بعها هتطلقي مثلا يبقي احسن وسبيله البنات يربيهم وهتتجوزي وخلصت .. وربنا يهدي الجميع يارب

  2. ابوالبتول
    27/02/2018 at 22:00

    شوفي يااخي الظاهر انك واهلك تسرعتم في القبول بالجوازه من البداية فزوجك ده شخص سلبي جدا ولايتحمل المسوولية ولاهو براجل بمعنى الكلمة ولاعمره هيتغير ابدا فاقد الشي لايعطي ابدا متواكل على اهله في كل شوون حياتكم ولاعاوز يتحمل مسوولياته كزوج واب ولايريد ان يسافر ويبحث له عن عمل شريف يعيشكم منه مثل بقية الناس مابتعمل وتتغرب عن اهلها وبلدها لا انصحك ياعزيزتي من البقاء والعيش مع شخص كهذا اطلب الطلاق منه فورا دون تردد او تفكير والزميه بالنفقة لبناتك فهو ملزوم بهم ولاتستاهل في حقوقهم هذة او تفرطي فيها وانت عيشي حياتك في بيت اهلك معززة ومكرمة حتى يجيك نصيبك مع ابن الحلال اللي يستاهلك ويقدرمشاعرك ويعرف قيمة الحياة الزوجية ويصونها ويسعدك طوال العمر ربنا كريم ورحمته واسعة وفقك الله ويسر امورك وسترعليك في هذة الدنيا

اترك رداً أو حلاً لهذه المشكلة