مشاكل الازواج

جوزى شاذ جنسيا ويريد مني الخلع

انا متجوزة من 7 شهور اتعرفت على جوزى وكان حد محترم جدا وصريح جدا معايا فى كل حاجة بوضوح هو اكبر منى ب13 سنة وانا صغيرة ومازلت ادرس بالسنة الاخيرة بكلية من كليات القمة وهو معاة ثانوية عامة وعلى قوة جامعة القاهرة تعليم مفتوح وكان شغال فى شركة كبيرة بتدخلوة دخل كبير ولدية سيارة وهو وسيم الشكل وكان طيب وحنين وجدع وشهم لاسف وكان متجوز قبل كدة ومخلف من مراتة الاولى بنت عندها عشر سنيين عندها السكر وعايشة مع والدتها خارج مصر مع العلم انة الزوج الاول لى حكى لى عن كل ظروفة وكان صريح معى اتعلقت بية وتزوجتة فى مدة قصيرة و كان مستعجل جدا على الزواج وكانت امى معارضة الزواج منة لان مكنتش ليا بيت زوجية خاص بي وكانت سوف اجلس مع والدتة وكانت سيدة غريبة الطباع جالسة طوال السنة بمفردها وجوزها مسافر واولادها فى شقة بعيدة عنها ومعاها عربية وبدخن وبشعرها وبتلبس لبس غير ملائم لسنها وعلى طول لسنها فالت منها بقلة الادب انا قولت لنفسى المهم هو وان كان على امة مش مشكلة استحملها عشانة لحد مايخلص جامعة وانا كمان ونسافر خارج البلد فى البلد اللى كان بيشتغل فيها المهم اتجوزنا من غير فرش ولا غرفة نوم جديدة ولا حتى ملاية جديدة ولا فرح ولا حتى العربية اتزوقت سافرنا لاسكندرية كاى عروسين عشان نتجوز حصل اللى مكنش على البال وعلى الخاطر انة ليست لة القدرة على الدخول عليا وبعد ما كان هايموت عليا واستحمل اهانات كتير من امى عشان يتجوزنى بدا يقولى انا مش حاسس من ناحيتك باى شعور وانا من راى وانتى لسة بنت ارجعى لاهللك ونسيب بعض كل اللى كان جاى فى باللى انة مربوط او محسودوقولتلوة مش هاينفع انا بحبك وغير كدة انا لو روحت بيتنا هايقولوا عليا انك ملقتنيش بنت وعشان كدة رجعتنى المهم اموة جت بعد الجواز ب3 ايام وجابتلوة معاها منشطات المهم دخل وفى نفس اليوم جات بنتة وطليقتة عشان يتفرجوا على العروسة الجديدة وانا استحملت وسكت وعملت بنتة كانها صاحبتى لان الفرق بنا 12سنة وهو معاملتوة معايا اتغيرت 360درجة وابتدا يمارس الجنس مع نفسة امام الافلام الاباحية على الكمبيوتر مع انى لسة عروسة جديدة وعلى قدر عالى من الجمال ومهتم بنفسى جدا وبالبيت وباكلوة وبلبسوة ومش هايفة زى بقية البنات المتجوزين جديد انهم بيطلبوا الخروج والفسح بالعكس بيتوتية جدا وانا اللى كنت بصرف على نفسى لا نة فى الوقت دة مكنش راضى يرجع الشغل ولا بيدور على شغل ولا بيذاكر عشان يمتحن ويخلص الجامعة ولا بيحترمنى وابتدا يمد ايدة عليا عشان عاوزة اروح اجيب رقم الجلوس بتاعى مع انة المفروض هو جاى معايا يعنى مش رايحة لوحدى وابتدا يطلب منى انة ينان معايا من الخلف ولما رفضت ابتدا بكرهى زيادة وقتها عرفت انى حامل منة انفعل هو وامة واصر انى الم ملابسى وانة مش محتاج للبيبى دة وانى مش هامشى من عندة الا لما اسقط اللى فى بطنى وامة قاعدت تقولى اوعى تكونى فاكرة انك كدة بتربطية مالوة بنت وعندها السكر ولا حتى بيهون علية انة يتصل بيها وملوش مستقبل ولا لية بيت خاص بيا فكرت انة حرام انى اتعلق براجل بالمنظر دة اكتر من كدة وابنى او بنتى هاتطلع يتيمة الاب وهو عايش وتخيلت اللى بتاعنية بنتوة ومحبتش ان ابنى او بنتى يعانوة تانى فعلا نزلت البيبى وودانى عند ووالدتى وكان عندى امتحانات الترم الاول وانا لسة مسقطة مهنش علية يسال عليا ورمينى من ساعتها بقالى اربع شهور ولا بيسال ولا راضى يطلق وعاوزنى انا اللى اخلعة زى مراتة الاولى عشان محخدش حقوقى منة مع العلم انى ملييش اخوة اكبر منى ووالدى متوفى واخوالى واعمامى مسافرين و محدش بيسال على التانى ومن بعد ماحدث فى الثورة مهنش عليا حتى انة يطمن عليا رفعت علية قضية نفقة وتبديد منقولات وهو سلبى بردوة ولا فارقة معاة وادينى متعلقة ومش عارفة اعمل اية مع العلم انى ممكن كنت اعيش معاة على هذا الوضع انى اصرف على نفسى وانوة ميعاشرنيش معاشرة الازواج واتحمل قلة ادب امة عشان اعيش ومخدش لقب مطلقة وهو ولا فارق معاة اى حاجة فى الدنيا ومش عارفة اللى يوجعة او يحرق دموة بعد ماضيعنى وضيعلى حياتى ودمرنى نفسيا لانة كان بيعملنى معاملة سيئة جدا ارجوكوا تساعدونى وتقولولى اعمل اية

مشاكل وحلول ذات صلة

اضيف بتاريخ: Saturday, April 16th, 2011 في 17:28

كلمات مشاكل وحلول: , , , , , , , , , , , , ,

70 رد to “جوزى شاذ جنسيا ويريد مني الخلع”

  1. البرنس
    23/08/2019 at 23:18

    اعوذ بالله في ناس بالشكل دا ياعزيزتي مش عاوز اجرح مشاعركي وعارف قد ايه انت متالمة لكل ماحصل لكي من هذا الحيوان السافل الواطي هو وامه الحرباء بس مستغرب انك قلت ان بنته وطليقته جو في ليلة زواجك منه وعاوزين يشوفكم بتعملوا ايه قمة الوقاحة والحقارة منه ومن امه وطليقته ولااظنه مطلقها كما قال لك فهي على ذمته دي الحقيقة ثاني حاجة ازاي تطاوعيهم وتجهضي الجنين مش عارفه انو دا حرام مستغرب جدا من موقف الست امك وهي تشوفك بالحالة دي والوضع المشين دا ولاقادرة تدافع عنكي على الاقل تطالب بحقوقكي الشرعية من هذا الحيوان وامه ولاجل يعرفوا ان لك اهل ومش مقطوعة من شجرة ولاجايتهم من الشارع الان ارفعي عليه دعوة في محكمة الاسرة وطالبي بالطلاق منه وحقوق ابنتكي الصغيرة وتبديد منقولات والافضل انك تشوفي محامي كبير لاجل ينهي لك القضية ويجيب لكي حقوقكي من هذا الحقير وامه وتستردي كرامتكي وربنا يرزقكي بالزوج الصالح اللي يستاهلكي ويسعدكي ويعوضكي طوال حياتكي

  2. مجنون نسوان
    06/02/2016 at 01:03

    الطلاق اكرم لك من عيشة الذل والمهانة مع شخص سافل وحقير وعديم الاخلاق والتربية والله عزوجل يريد لك الخير ان كشفه لك هواهله على الحقيقة ومسالة اجهاض الجنين فنشاءالله ربنا يغفرلك ويسامحك اكثري من التوبةوالاستغفار فالله رحيم بعباده من امهاتهم اللتي ولدنهم وافضل لك تطلب الخلع من هالحيوان السافل الواطي وتصري عليه وتطالب به من خلال المحكمة وهوحسابه على ربه في كل مافعله بك هوامه تلك الحرباء الخبيثة اكثري من الدعاءعليهم وربك ينصر المظلوم ولوبعدحين ويقتص من كل ظالم مهماطال الزمن وتاكدي ان الله عزوجل يمهل ولايهمل ابدا وانت والحمدلله شابة وعلى دين وخلق وتربية حميدة الف من يتشرف بالزواج بك ويتمنى الارتباط هتلاقي ابن الحلال الصالح الرجل الشهم الكريم فعلا اللي يستاهلك ويراعي ظروفك ويقدريسعدك ويعوضك خير ممافاتك في الحياة ولا تايسء ابدا افضل تكوني مطلقة ولاتكوني زوجة لشخص هكذا كوني فخورة بنفسك ومعتزة بدينك واخلاقك وبتربيتك الحسنة دي هي الجوهروالاساس في هذي الحياة وربي يسترعليك ويوفقك ويكرمك بكل الخيرفي حياتك

  3. kemale rachidi
    29/04/2015 at 22:10

    ان ابغض الحلال عند الله هو الطلاق

  4. ashraf
    25/02/2015 at 16:41

    انا من رائيى انك تخلصى من الحيوان دا

  5. nassim
    17/12/2014 at 09:33

    اولاد الحرام ما خلوا الى اولاد الحلال مطرح منة لله

  6. عبدو
    31/10/2014 at 02:47

    اولا السلام عليكم اخوكم من الجزائر انا إتأثرت كثير لقصتك واتمني لكي مستقبل جديد مع زوج يخاف الله
    ثانيا نحمد الله علي كل حال وادعي الله للتوفيق والدنيا كلها امتحان والله يجازي كل انسان علي صبروا

  7. معشوق البنات
    29/10/2014 at 15:09

    احمدي الله وشكريه انك ارتحت من هالحيوان السافل المنحط ده مش راجل ولايشرفك يكن زوج لك وابو لاولادك اخلعيه فورا واشتري راحتك وسعادتك وربنا بيكرمك بابن الحلال الصالح المحترم اللي يخاف الله فيك ويقدريصونك ويسعدك في حياتك

  8. مصري صعيدي حر واصيل احب واعشق مصر
    04/09/2014 at 18:08

    استحمدي الله بكرا وعشيا .. وقولي الحمد لله بعدد قطرات ماء المطر وبعدد حبات الرمال .. انكي قمتي بعمليه اسقاط الجنين مع العلم اسقاط الجنين اكبر حرام .. وباذن الله وبعونه سوف ربي يرحمك ويستغفر لكي علي ما فعلتيه من اسقاط الجنين لانه من الحرام ان يولد هذا الجنين وهو يتيم الاب في وجود اب ليس بهو اب ولااااااااااا يحزنون .. لان نشأه الطفل السوي في وجود والديه وليس بغياب طرف من الطرفين .. وانتي في بدايه طريقك واعتبري هذه التجربه مقياس لاختيارك لعريس المستقبل .. وفقكي الله الي ما يحبه ويرضاه ويسعدك ويهنيكي بعريس المستقبل .

  9. مجهول
    12/01/2014 at 19:38

    اعتبريه مات يا اختى
    اعتبريه مات
    اعتبريه مات وشبع موت

  10. احمد المحامى
    02/05/2013 at 16:01

    احمدى ربنا انك طلعتى من بيت الافاعى وليس بيت الزوجية ..اتعجب على حنينك للماضى وانتى بكلية مرموقة وينتظرك مستقبل مشرق بعد ماتدخلى الحياة العملية..الافضل ان تخلعى هذا الشخص من حياتك نهائيا وتبنى حياتك من جديد وتفتحى صفحة نظيفة وجديدة..اما موضوع التبديد فاطمئنى مهما كانت اجراءات التقاضى طويلة الا انها ستكون قوية وعنيفة على شخص مستهتر مثل طليقك..يحق لكى قانونا استرداد منقولات الزوجية كاملة ويحق لكى ايضا نفقة شهرية حتى تاريخ الحكم بالطلاق للضرر..كما يحق لكى اخيرا المطالبة بمؤخر الصداق المسمى بالعقد

  11. EHاحب زوجي
    23/02/2013 at 01:49

    يااختى اولا اقدم لكى كل الاسف لما عيشتية مع هزا الزي لا اجد صفة اطلقها علية ما انصحك بية هو ان لاتياسي من طلب الطلاق وان لم تحصلي علية فالخلع ولا تنتظري شئ منة فانة ليس اهل للمسؤليةالمؤمن مصاب واللة ابتلاكي بلاء وانتي صثرتى واللة سيجازيكى خيرا بازن اللة

  12. ابواميرة
    22/01/2013 at 11:03

    ابنتي للاسف انت مخدوعةفي هذاالزوج المنحط السافل ولم تفكربعقل قبل الارتباط به خلاص انامش بلومك ماعادينفع الملامة الان اطلبي منه الطلاق فورا وارفعي عليه قضية السب والضرب والاهانة وانويطلب منك فعل الحرام وتاكدي ان القانون بصفك وينصفك واشتري راحتك وحريتك من هذالسافل وربك بيعوضك انت لسه العمرقدامك وبتتزوج من الرجل اللي يستاهلك ويسعدك

  13. جانى مجنى عاليه
    08/12/2012 at 13:14

    ربنا يساعدك انتى ملاك وقع فى مشكله بس انتى يتيمه وانا بزعل اوى على اليتمه يعنى عشان مش فى راجل الدنيا يبقى حالها كدة ربنا يبعدة عنك ويرزقك بناديك يا الله دة حال اليتيم بنا ارزقه وارحمه وارعاه يارب امتك وعبدة من عبيدك يارب الستر ليها والزواج ليها من راجل يحطها فى قلبه وعيونه وابعد عنها الحرام والرجس زاهدلها نفسها يارب سترك ورضاك يارب يارب تكونى فىخير حال ويقدرك على حالك

  14. كبير الاباطره
    05/11/2012 at 01:10

    نصيحه من اخ اكبر اخلعية و انفدي بجلدك بدل ما تندمي

  15. البدوي
    14/09/2012 at 12:11

    سبيه الحمار داء وبسرعه بسرعه اخلعيه لانو مو راجل وافضحيه

  16. احلي كلام
    12/07/2012 at 14:31

    افلتي بجلدك وانتي الكسبانة وتنازلي عن كل شيء فتنازلك مكسب ليك هو ليس بانسان او رل يعتمد علية لقب مطلقة اشرف ليك من زوجة مع ايقاف التنفيذ ربنا معاكي وفكري كثيرا قبل الارتباط باحد وايضا لا يتقدم احد وتوافقي لانك مطلقة تحسسي افكارك

  17. الهوارى
    30/06/2012 at 02:26

    السائل المحترمة الشريفة الطاهرة العفيفة اعانك الله على هذه التجربة اولا الخلع فى صف الزوجة لانه يعطيها الحرية فى انهاء الزواج للضرر واستحالة العشرة اخلعى لانك لن تخسرى شئ بل بالعكس انتى الرابحة لحريتك وكرامتك وراحتك النفسية كما انه صفعة للرجل لانه غير مرغوب فيه وانايسعدنى بل يشرفنى الزواج منكى وهذه بياناتى انا 50سنة موظف قطاع خاص +معاش ومستعد تحمل مصاريف القضية وتكون لكى مملكتك الخاصة لايشاركك فيها احدومع الايام والراحةالنفسية سوف تنسى مافات واتمنى من الله ان يوفقك لما فيه الخير والصلاح

  18. morning
    14/06/2012 at 01:51

    انا بقة تكملة قصتك لو كملتى معاه يعنى انا عرفت جوزى على الحقيقةمن اول شهر جواز وبفيت حامل وعلى بال ما فقت من اللى انا حطيت نفسى فية كان عندى ولد وبنت ودلوقتى بندم اشد الندم انى ما اخدتش القرار من زمان بس مشكلتى انى عاملت زى ماانتى بتقولى وخفت من الطلاق وكلام الناس اوعى يهمك كلام الناس فاكرى فى نفسك زى ما هو فكر فى نفسةواوعى تكملى المشوار وتغلطى غلطتى وتفضلى طول عمرك فى عذاب لدرجة انك ممكن تفكري انك تخونية ولو بينك وبين نفسك لانك ملقتيش الحب اللى كنتى بتدورى علية طول عمرك

  19. زهرة اللوتس
    21/04/2012 at 20:19

    عزيزتى صاحبة المشكله :
    انتى تخشين من لقب مطلقه ولا تعيرى اهتماما لماساه عشتيها ويجب ان تحمدى ربك بانك على وشك التخلص من هذا الزوج الغير سوى لا نفسيا ولا جسديا فارى خسارتك بلقب مطلقه اهون بكثير من حياه باسه وتعسه كالتى كنتى تعشينها فهى ليست بالحياه الطبيعية بالمره ولا هو زواج اصلا لان الزواج يجب ان يكون فيه حب وموده ورحمه
    فكيف تريدين او مجرد تفكرين فى الرجوع اليه مرة اخرى فهو سوف يتركك ان اجلا او عاجلا بدليل رفضه ان ينجب منك فالماذا تنتظرين ان تاتى منه هذه اللحظه فبدلا من التفكير فى الرجوع اليه فكرى كيف تتخلصي نهائيا من هذا الزوج المريض نفسيا ولا تخشين المستقبل فكثير من المطلقات يتزوجن بعد ذلك زيجات سعيده ومناسبه ولا يجب ان نجعل مجرد افكار متخلفه او عادات سقيمه تقضى على حياتنا باكملها مجرد خوف من المجتمع او شبح الطلاق ولتعلمى جيدا ان الشخص الوحيد الذى سيدفع الثمن من حياته هو انتى ولن يفيدك المجتمع فى اى شىء بل سنزيد المجتمع نحن تخلف كلما سايرنا المجتمع بعادات ومفاهيم خاطئه فهذه حياتك انتى وليست حياة اى انسان اخر
    واؤكد لك انكى سوف تقابلين الشخص الذى يستحقك وتسعدين معه باذن الله

  20. jody
    27/02/2012 at 12:11

    الحمدلله انها جات علي قد كدا انتي لسه صغيره وفي شبابك متزعليش علي اللي راح منك بصي لقدام هي كانت تجربه صعبه بس دا نصيبك كمل دراستك ومتسأليش فيه واخلعيه وفوئي لنفسك

  21. نزار
    23/12/2011 at 10:20

    اخلعيه مثل الي برجلك
    اصلاا مكانه مو عندك
    مكانه عند امه او عند الي مثله
    وانا مستعد اتزوجك واقسم اني صادق واتمنى ان اعوضك على ما فاتك

  22. ابو الفتوح
    06/11/2011 at 09:18

    حدعك بمظهره الحادع وانت السبب

  23. hamid
    30/10/2011 at 19:13

    الاخت الفاضلة
    هذا انسان سفية وللاسف هل طلبك فى البداية من احد اقاربك الرجال ام لا لاننى على يقين انكى ووالدتك لم تقيموا هاذ السفية جيدا عندما تقدم لكى لانكم لاحيلة لكم لطيبتكم انتى ووالدتك ويا ليتها كانت قد اصرت على رفضها فى البداية لعدم وجود مسكن خاص لكى ومهر وشبكة ككل البنات عموما ابتعدى عنة لانة وامة سيظلوا فى جذبك لاسفل طالما كنتى بحياتهم ابتعدى لتصعدى بتعليمك واخلاقك

  24. m
    30/10/2011 at 18:20

    علشان تخلصي منه سيبك من المحاكم وكل حاجه تنازلي على حقوقك وخليه يطلقك وقوليلو مش عايزه منك حاجه وخليه يطلقك واصبري وداومي على الصلاه والاستغفار وان شاء الله ربنا يعوضك خير

  25. الوحشين كتير
    23/10/2011 at 23:45

    اخلعيه واحمدى ربك انك ماعندك اطفال منه وربنا يعوضك انتى لسه برونقك وان شاء الله هتلاقى احسن منه

  26. النورس
    23/10/2011 at 20:46

    انا معرفش بصراحه القوانين بتاعكو عامله ازاي عشان احنا ف تونس معندناش الخلع بس انا لو مكانك ارفع عليه قضيه في الطلاق للضرر و تقولي انو غير قادر جنسيا او شاذ و بيطلب منك المحرم و كمان كان ممكن تروحي تعميليلو محضر اما كان يضربك و كده هتضمني كل حقوقك و كمان هتطلقيه و هتضمني كرامتك و اهو يتفضح و على فكره مفيش حاجه ضاعت منك و ربنا معاكي و يوفقك و ينصرك عليه

  27. HanyMoh
    22/10/2011 at 05:25

    اعلمي أولا أن الخلع إهانة للزوج وكرامة للزوجة..

    أعلم أنك ظُلمت أشد الظلم ولكن لله الأمر

    سيكون الخير في القدام بإذن الله..

    ارفعي دعوى الخلع وتوكلي على رب العالمين

    ولا تقلقي ولا تقبلي بأي شاب إلا أن يكون خلوقا ومتدين ومثقفا وفقيها بأمور الدين

    أي يملك من العلم الشرعي ما يكفيه ويجعله يتق الله..

  28. المعذب
    12/10/2011 at 16:04

    ببصراحه انت انسانه محترمه وخلوقه ولكن ظروفك وضعتك في موقف لا تحسدي عليه ولكن ربنا سبحانه خرجك منه باقل الخسائ ولكن الان عليكي اولا ان ترضي ربنا باقترافك خطأ كبير وهو قتل نفس ( ابنك ) ثانياً بالنسه لزوجك والطلاق هل انت بحاجه لشئ منه ؟ اعتقد مافيش حاجه اهم من الحب والابن وراحة البال اللى انت فقدتيهم ، يعني خليه يغور واخلعيه وربنا ان شاء الله يعوض عليكي

  29. محمد
    03/09/2011 at 03:03

    االخساره القريبه أحسن من المكسب البعيد ده لو كان فيه مكسب أصلا
    للكن الخساره محققه ومركبه ده حيوان بل اقل من حيوان فوضى الأمر لمن لايغفل ولا ينام وقولى بحرارة حسبى الله ونعم الوكيل وسينتقم اللله لك منه

  30. ساسو
    18/07/2011 at 23:20

    حسبى الله ونعم الوكيل ده خنزير اوعى ترجعيله انا مش عارفه كان عقلك فين المهم متبصيش ورا بصى ادلم انتى جميله ولسه صغيرة اخلعيه واشترى نفسك وهتلاقى اللى احسن منه وربنا هيعوضك لانك مرضتيش بالمعاصى اللى كان عايزها منك ربنا يعوضك خير ويسترها علينا يارب احنا البنات غلابة مشاعرنا موديانا فى داهيه

  31. احمد
    12/07/2011 at 21:12

    سلام عليكم اولا :سيبك من المحاكم ووجع الدماغ ده
    ثانيا :اتفقي معاه علي طلاق رجعي واتنزلي عن حقوقك وطز في الماديات
    ثالثا :دي تجربة وانتهت ممكن تشدك لتحت لو وقفتي فيها جامد
    رابعا :بصي لقدام وربنا هو المعطي المخلف
    خامسا :يوجد الكثير من الرجال الصالحين الراغبين في الزواج من حضرتك وسوف يعاملوها بما يرضي الله

  32. بيستو
    08/07/2011 at 16:54

    اختى العزيزة الحمد لله انك رجعتى لامك على خير رغم التعب النفسى والبدنى الى عانيتيه
    لكن هذا الانسان ولا اقول رجل .هذا الانسشان وامه غير مصدر ثقة وماداموا بهذا الانحلال ممكن يجبرك على ممارسه الجنس مع غيره والعياذ بالله
    احمدى ربنا انك خرجت بكرامتك وشرفك من البيت القذر دة وربنا يعوضك خيرا منه ان شاء الله

  33. ياسر
    05/07/2011 at 10:55

    رايى لا ترجعى لهذ الخنزير الادمى وربنا يعوض عليكى

  34. ميثم
    24/06/2011 at 20:28

    بنظری اترکی هدا الرجل السخبف وعیشی حیاتک الباقیه مع اهلک واذا خدمت اهلک بصوره جیده فسیعوضک الله باحسن من هذا النموذج الشاذ والعقبه علی خیر وشکرا

  35. مصري بالخارج
    24/06/2011 at 13:45

    اختي العزيزه كل شئ قسمه ونصيب لا تزعلي مما حصل هذا انسان لا يستحقق وربنا يعوضك بالزوج الصالح اللي يعرف قيمه المرأه ويحترمها في المقام الاول وانشاء الله يعوضك خير يا اختي الفاضله

  36. الفيلسوف
    23/06/2011 at 23:27

    انتى لست مطلقة بل ملكة رربنا يحفظك ويوفقك هذا الرجل لا يمكن ان تعيشى معاه عفوا ان اطلق عليه رجلا لانه لم يخف عليكى
    لا تغضبى فهذه رحمة من الله وسيعوضك خير لكن الومك فى تنزيلك للبيبي لانه رزق من الله مهما كان والده
    اختى نصيحة منه اخلعيه صحيح هذا سيفقدك حقك المادى لكن هذا سيريحك نفسيا وربنا سيكرمك ثقىى فى الله وتذكرى كلامى انك ستبداى حياتك من جديد وربنا هيوفقك
    واعلمى اننا جميعا بجانبك لا تخشى الا الله

  37. نرمين
    13/06/2011 at 11:44

    رأى التخلص منه = مليون جنيه
    هو تركك معلقة لأن ليس عنده النيه لدفع أى شىء وسيظل كذلك
    والذهاب للمحاكم و التعامل مع المحامى كل هذا مكلف بالأعصاب و المادة فريحى دماغك وربنا هيعوضك مادياً و معنوياً.
    و هى محطة و عدت متقوفيش عندها كتير وأرمى ورا ظهرك.وكملى حياتك.

  38. the h
    15/05/2011 at 21:56

    الحمد لله على كل شى بصى يابنت الناس حتى لو هو رجع تانى ليكى وقال انو هيكون احسن انسان فى الدنيا دى كله خلاص كفاية كدة اهانة ليكى لان التنازل بيبدء من خطوة وانتى اتنزلتى كتير اوى اول تنازل لم اتجوزتى بدون اى حاجة كل حاجة قديمة كفاية كدة اهانة وربنا يارب يورزئك برجل بجد واوعى تقلقى من لقب مطلقة انا كنت هتجوز من انسانة مطلقة عاشة نفس ظروفك وكنت بحبها اوى كمان بس ربنا ماقدرشى رغم انى كنت نفس سنها ومش متزوج فى الختام اسئل الله ان يرزوئك برجل يحافظ عليكى

  39. Osama Tawheed
    15/05/2011 at 16:52

    سيدتي لن الومك كثيرا حيث لن ينفع الندم الان او يفيدك في شئ …ولكن لابد ان تعرفي ان الشئ الذي يأتي رخيصا يباع رخيصا ايضا …وانتي قد تنازلتي في البدايه عن اشياء كثيره من حقوقك ..زوماالذي كان يجبرك علي ذلك …ولماذا تتزوجين بأكبر منكي هل ليس من حقك بشاب في مثل سنك او قريب منكي لتحسي معه بانوثتك وتعرفي معه معني الزواج …. وانا شخصيا اري ان هذا الشخص الذي تحكين عنه لن بفرق معه اي شئ لانه فاقد للطموح وانتي كنتي مجرد نزوه له وانتهت …والطلاق ليس نهاية العالم ..بل علي العكس ان شاء الله يكون بدايه جديده لحياه جديده مع انسان يفهمك ويفهم شعورك واحاسيسك …فسوف تكسبين احترامك لنفسك اولا ..وسوف تكونيين اكثر قوه واكثر صلابه علي مواجهه الحياه بعد ذلك …وصدقيني سوف تقابلي من يحبك ويشعر بكي لان الشرفاء كثيرين وانتي قد تنازلتي عن حقوقك كثيرا … فكفي الي هذا الحد ….وانقذي البقيه البقيه من حياتك …والحمد لله انك لايوجد لكي اي طفل من هذا الانسان الكئيب الفاقد للاهليه …ربنا يوفقك تقربي من الله فهو خير معين …وان شاء الله سوف تجدينه معه في كل شئ …

  40. المحروم
    15/05/2011 at 02:45

    ده جزاة الأختيار الخاطئ وربنا يخلصك منه على خير يارب ويكرمك بأبن الحلال اللى يكرمك ويحسن معاشرتك ويحبكويخاف عليكى يارب

  41. سندريلا
    08/05/2011 at 20:02

    انا عمري ماشاركت دي اول مره بس موضوعك ضايقني جدا مش من الزوج او امه انا فعلا اتضايقت منك ليه تقبلي علي نفسك كل ده ومن الاول تتجوزي من غير شقه ولا فرش وواحد مراته خلعاه قبل منك وحتعيشي مع امه الغريبه دي واضح انهم اسره من غير دين انت بنت ناس وربنا حيعوضك ولسه صغيره اعتبريها صفحه واتقلبت في حياتك انسي تماما واخلعيه فورا لان مهما تعملي ده مش حيديكي حاجه فاشتري عمرك واخعيه وربنا حيجزيكي خير ويبقي اللي حصل مجرد زكري بس احسني الاختيار المره الجايه وبلاش التسرع

  42. الأفوكاتو
    07/05/2011 at 03:30

    اختى الفاضله: كان الله فى عونك بداية المثل يقول ” العيب لو خرج من أهل العيب فموش عيب ” وأقصد بذلك أن زوجك هذا وأمه هم من أهل العيب فصدقينى لن تفلح معهم أيه محاولات للأنتقام لأنهم ببساطه من أهل العيب فسارعى بإقامة دعوى خلع وإتركيه وشأنه وسيعوضك الله خيراً جزيلاً بإذنه ولتطوى صفحة الماضى وإبدأى صفحة جديدة مع نفسك أولاً ثم مع المجتمع ثم وكلى الله فى الإنتقام منه فهو نعم المولى ونعم الوكيل .. ثبتك الله على ما انتى فيه…

  43. كيمو
    06/05/2011 at 15:20

    طبعا احمدى ربنا على اى حال كمان انه انشاء الله هيخلصك من واحد زى ده وده كان اكيد اختبار من ربنا لحكمه بعلمها سبحانه وتعالى واوعى تطلبى الخلع عشان حقوقك متضعشى وحاولى تشوفى حياتك بشكل تانى

  44. همسه
    04/05/2011 at 02:29

    عارفه الخلع احسن ليكى عشان لما ربنا يكرمك براجل تانى تقولى انك انتى الى رمتيه بحاله وماله لانه شاذ مش يبقى هو اللى طلقك ورماكى وانتى لسه متمتيش سنه حتى يعنى الخلع فى مصلحتك ومصلحه كرامتك والافيد ليكى لما تتجوزى حد تانى والفلوس نصيب مش حتاخدى غير اللى ربنا قسمه ليكى وكفايه انك نفدتى بجلدك احسن من اى حاجه

  45. حامل الخير
    02/05/2011 at 23:20

    السلام عليكم ورحمه الله وبركاته
    اختى الحبيبه انقذى نفسك من الناس دى سبيلوا كل حاجه اشترى نفسك وراحتك واخلعيه الناس دى مش كويسه ولا دين ولا اخلاق
    ربنا ان شاء الله هيعوضك خير اصبرى

  46. ملكه الانوثه
    02/05/2011 at 21:44

    حبيبتى والله انا حاسه بيكى بس هقولك حاجه متزعليش منى انتى غلطانه لانك مسمعتيش كلام اممك حاولى تطلقى منو باسرع وقت وانتى لسه صغيره والحياه قدااامك كبيره وهتلاقى ابن الحلال الى يسعدك ويااااااارب يخرجك من همك امين

  47. شوشو طبعا
    01/05/2011 at 00:54

    سبيه بأسرع وقت فورا واشتري كرامتك واوعي تسمعي كلامه او تضعفي لانه من كلامك مش راجل محترم خالصصصص سبيه وانتي الي كسبانة صدقيني وهتلاقي ربنا عوض عليكي بالي يستهلك صح وسعتها هتعرفي انك كنتي ظالمة نفسك انصحك اخلعيه ومضيعيش صحتك ومالك واخلعيه ده مش راجل تعتمدي عليه ربنا يصلح حالك

  48. محمد الوزير
    28/04/2011 at 16:39

    أنتي ما تخلعيهوش زي ما هو عايز واللي يقولك عليه أعمليه أعملي عكسه
    وأرفعي عليه قضيه بحقوقك ودوري علي مصلحتك إن جالك عريس قبل ما تطلقي منه أخلعيه فورآ
    وإن لم يأتي العريس أستمري في معاقبته وأخذ كل حقوقك منه

  49. احمد
    27/04/2011 at 23:49

    يابنتى دة اطلقى منة باقصى سرعة دة ميستهلش المعاشرة وانتى الكسبانة وسيبك من الامور المادية ياما دمرت ناس اللى بيفكر فيها انجى بنفسك وربنا يعوضك احسن منة وسيبك من كلام الناس وتقولى مطلقة الناس مش هتنفعك واكيد ربنا هيعوضك على ابتلاءة ليكى بس الصبر

  50. فايد المصري
    25/04/2011 at 20:45

    اخلعيه بسرعه ويغور هو مستحقاتك عند ربنا ومتزعليش ده قداء الله وقدره ونصيبك من الدنياءكده وتذكري دائما(لاتحزني إذامنع الله عنك شيئاتحبيه لوعلمتي كيف يدبرالله أمورك لذاب قلبك ف محبته) واستعيني بالصبر وبالصلاة على ما انت فيه واتقي الله في نفسك ان الله غفور رحيم واصبر ان الله مع الصابرين وانشاء الله نصيبك خير وربنا كبير

  51. توتا
    23/04/2011 at 23:30

    لازم ترفعى خلع وتبعدى عن المقرف دة دة مش راجل محترم دة راجل ناقص وزبالة مينفعش نقول علية راجل ولا نقول علية ست لان الست ارجل من ابوة ابعدى عنة انتى غلطى من الاول لانك رخصتى نفسك فى جوازة مكنتش تنفع من الاول بلاش ترخصى نفسك اكتر من كدة ارفعىة خلع باقصى سرعة

  52. ابو على ابو على
    23/04/2011 at 13:41

    احسن حاجة ليكى انك تسيبيه وتحمدى ربنا انك اتخلصت من البى ادم او الحيوان ده والفلوس يا صديقتى مش كل حاجة

  53. احمد ايطاليا
    22/04/2011 at 19:24

    اولا انا موش هلاموك كتير بس لازم تجوبي علي سؤالي بكل صراحة انتي اتزوجيتية علشان بتحبية ولا علشان فلوسة الاطلعت وهم وكدب قولتي انة كان عندة سيارة وشقة وحاجات تانسية مع العلم انة اكبر منك وثقافتة اقل منك وتعليمة اقل منكوتربيتة اقل منك وحاجات كتير مفيش وجة مقارنة يبقي انتي اتزوجتية لية من الاساس مع رفض والدتك وان هو كان متزوج يعني متزوج بنت اد بنتة او اكبر منها شوية ورماها انتي اخطئتي في حق نفسك يبقي لاتتمادي في الخطاء واتركية وان شاء الله ربنا هيعوضك افضل منة لان دا سهل يعمل اي حاجة تانية وربنا موش هيتركة وشكرا

  54. محمد
    21/04/2011 at 15:24

    انتى تتنازلى لة عن كل شى وتنسى خالص الفترة دى ودورى على حياة جديدة وهو اكيد مش يستاهلك بجد انتى جزء من حياتك راح لة خلاص بقى ويش راح تبقى على شوية فلوس او فرش تبقى غلطانة لو فكرتى فى كدة وياستى بجد انى بدور على وحدة واللة ياريت تقبلى بى يمكن اقدر اعوضك عن الى راح منك لو انتى مش عندك مانع وربنا مع الجميع

  55. حبيبة الرحمن
    21/04/2011 at 11:24

    وانتي ايه اللي غصبك علي الارف ده ده انسان حيوان صح وبصراحه ده نتيجة انك ماسمعتيش كلام والدتك اني كنتي فكره اني السعاده بالحب مافيش شي اسمه حب وهاترجعي ليه ليه لو علي القايمه والموخر والعفش في 60 الف داهيه اهم شي نفسك وكرامتك دي عالم مجانين صح وكمان عارفه انه بيعاشر من الخلف وعاوزه ترجعي ياختي من ترك شيئا لله عوضه الله خيرا منه تذكري ربك وكيف هاتنامي في حضنه ده انسان سوري بايظ من كله اطلعي بصحتك وفكري في مستقبلك ودراستك وشغلك وبكره ربنا هايعوضك بالحسن منه لالانك ماقبلتيش مايغضب الله وتذكري ربنا قبل اي شي

  56. المصرى
    19/04/2011 at 15:41

    بجد تعليقات من سبقونى انا باقبل معظمها وانا لى وجهة نظر انك تخلعى نفسك وتمشى باقصى سرعه من هذا الوكر الضال دى عيلة واطية كلها بيت ما فيهوش راجل
    يابنتى حاولى تمشى وتتصرفى وتجيبى اى واحد كبير من عيلتك يتصرف مع هذا الجبان الملعون
    مش هقولك انتى غلطى لا اسوء حاجة فى الدنيا يا جماعه ان الانسان يسلم قلبة لاى حد دى اكبر مصيبة وانا شايف مفيش اى توافق بينكم خالص
    وفقكى الله

  57. طيب القلب
    19/04/2011 at 04:06

    تعمل لة تسجيل بدون ما يعرف بكل الاعمال الى بيعملها لانة ممكن ينكر تكون مرتبة تكتب فى ورقة وتحفظ تماما وتبد الحوار معة وتسالة كل الاسئلة لماذا تحب ان تفعل بى من الخلف اى انةشاذ وتفعل كما امر ربنا سوال تانى لما انت ضعيف جنسيا لماذا لم تقولى وهكذا وهو طبعا حيرد بسخرية وثم ترفع علية قضية وتعمل عدة نسخ وتحنفظ بحاولى اتنين بعيد عن البيت تم تبدا تدريجيا فى طلب الطلاق تم تقول لامة او احد كبير من العائلة بدون ما تقول للاسرة وممكن تاخد تسريح من النيابة بالتساجيل علشان تاخد كل حقوقها وتاخد علية تعهد بعدم التعرض لها ومش من حقة اخد الملود لانة شاذ وغير امين كل دة تحت اشرف محامى علشان الخطوات تكون صحيحة وهى عارفة لو هو بيخاف الفيضحة ممكن تدخل معة مساواة بالشريط وايضا تضمن انة لم يفعل بها شى لو غير كدة تجعل كل شى سر تحت اشرف محامى والشرطة

  58. MODY
    18/04/2011 at 13:41

    اولا لن نتحدث او نلومك على تصرفك..فانتى اخطأتى جدا فى الاختيار .. ولاكن الحل الان هو الطلاق منه باى طريقة حتى لو تتنازلى على جميع مستحقاتك ولا تخوضى طريق المحاكم ابد فهو طريق طويل دون فائدة… ليه بتأولى مش عاوزة اخد لقب مطلقة ..هو المطلقة عيب طبعا هزا تفكير غير صحيح على الاطلاق وطلقى منه فى اقرب وقت وان شاء الله ربنا حيعوضك ولا تعالجى الخطأ بخطأ…. طارق بورسعيد

  59. ابن سبو المغربي
    18/04/2011 at 01:09

    لا يجوز العيش مع هاد الزوج العاصي الدي لايخاف الله عز وجل فهو لايبالي بمولوده القادم ويريد ان يأتيك فيماحرم الله اتركيه وسوف يعينك الله انت وابنك

  60. حزينة
    18/04/2011 at 00:37

    اختى الفاضلة انتى الاى غلاطنةمن الاول فى حق نفسك اتنزاتتى على ابسط حقوقك والاى بيجى زخيص بيروح ازخص ازجوكى احمدى الله ان ما خلفتيش منة وان علاقتك ها تنقطع منة واخلعية وابداى من جديد وشتغلى وربنا ها يعوضك بدل ما تخصرى اكتر ربنا يوفقك

  61. المحلله
    17/04/2011 at 21:42

    كنتى مستعده تعيشى معاه انتى ليه ترخصى نفسك كده انتى اساسا غلطتك انك صممتى يدخل عليكى من الاول وخلاص دخل وحملتى واجهضتى نفسك قتلتى ابنك بايدك عشان ميلاقيش ابوه كده عملتى جريمه فى حق نفسك وفى حق ابنك كمان عايزه ترجعى وباقيه على ايه وشاذ جنسيا ايه الارف ده ليه تعملى فى نفسك كده ربناكرم المراه انتى بتهينى نفسك ازاى كده اقلبى الصفحه دى من حياتك نهائى كفايه عارضتى امك فى اللى هى كانت حسه بيه انتى ملاحظتيش امه قالتلك ايه رامى بنته مش بيسال عليها بتليفون تفتكرى ده ممكن يبقى على اى حد فى الدنيا انتى اتنازلتى على كل حقوقك من زمان لدرجه حتى ماعملتيش لفرح ولااوضه جديده زى اى عروسه مستنيه ايه مؤخر ونفقه واحد عاطل ولا هيدفع حاجه ويماطل والموضوع يفضل متعلق وتجدد احزانك تانى ارميه حالا من حياتك اللى زى ده مايستاهلش الواحده تبص فى وشه طيقاه ازاى حياتك قدامك كلها لسه بتدرسى خلصى واشتغلى وابدئى من جديد وامسحى الصفحه المنيله دى نهائى واعرفى ان الدنيا كلها مفيش حد حيحبك اد امك انك تكونى احسن منها يعنى اوعى تستهونى باحساسها ونصيحتها تانى يابنتى لماتحبى حد بصى لمعاملته مع اقرب الناس ليه شوفى التقارب اللى بين العيله والالفه بينهم عشان ده اللى ولادك يتربوا فيه ربنايعوضك بالاحسن اكيد ان شاء الله اى حد هيبقى انضف من البنى ادم ده ربنامعاكى

  62. ammar
    17/04/2011 at 17:11

    إتيان الزوجة من دبرها بدون رضاها يعاقب عليه القانون الوضعي وهو من الكبائر في الشريعة الإسلامية سوى كان بالرضى وبدونه ، ومن أتى زوجته من دبرها عن جهل ثم تاب فلا إثم عليه ومن تعمد ذلك فيحق للزوجة طلب الطلاق للضرر . إلا أنه هناك من النساء من يرغبن في يأتيها زوجها من دبرها فإن طاوعها فهو آثم وإن رفض وأصرت فيمكن له أن يطلقها من أجل الشذوذ والحجة على من إدعى .و لك انت اختي الكريمة الاختيار في التسامح او الفراق ، اما اذا كان لا يصرف عليك فالفراق احسن لك ، لا تشغلي نفسك بالطلاق انه تجربة الحياة و المكتوب سياتي باذن الله ، حاولي ان تكفري عن الذنب في اسقاط الجنين و هذا هو المهم استفسري عند الدعاة لاصلاح هذه الغلطة . و شكرا

  63. nadia
    17/04/2011 at 14:58

    الحقيقة يا اخت انك مازلت شابة المهم الان ان تطلب حريتك والله معك ولاتهتم باناس لان كلامهم لاينفع فادك الرجل الله لنا يسمحه انت اطلب من الله ان يسمحك علي الاجهاض والله يكون في عونك

  64. etqan54
    17/04/2011 at 09:30

    ابنتى العزيزة هذا نصيبك وقدرك واحمدى ربك وتقربى منه بالصلاة والدعاء واصبرى وان شاء الله سوف يعوضك الله بمن هو افضل منه امضى فى القضية بتاعة التبديد واطلبى حقوقك كاملة ولا تتنازلى وحاولى تشغلى نفسك بالدراسة وحتى لو انهيتى البكالوريوس ادخلى فى دراسات عليا حتى لا تشعرى بالوحدة ووكلى محامى شاطر وتكون علاقتك به عن طريق الوالدة وان شاء الله سوف تنالى حقك من عائلة الشواذ وادعو الله سبحانه وتعالى ان يمن عليك بالسعادة

  65. سامح
    17/04/2011 at 05:30

    واللة فى رب اسمة الكريم ولاطاعة لمخلوق فى معصية الخالق وكلها امتحنات من ربنا

  66. مواطنة مصرية
    16/04/2011 at 23:52

    انا مش هقولك انك غلطانة من الاول لان طبعا والدتك كانت رافضة وقلبها مش مرتاح بس هكلمك من اخر المشكلة انك ليسا باقية على البني ادم البشع الفظيع ده اللي ساعدك انه يقتل ابنه بايدة والام اللي ماتعرفش ربنا دي يابنتي حرام عليكي نفسك وكفاية اهانات لروحك من ناس معندهمش ضمير ولا رحمة وبعدين ربنا قال ان الزوج لازم يكون مسئول عن مراتة ويخليلها بيت ويصرف عليها وحضرتك كمان خايفة من لقب مطلقة ليهمن زوج بشع زي ده دانتي ربنا بيحبك ورحمك منه يا حبيبتي ربنا حلل الطلاق لاستحالة العشرة وانا مش شايفة اي ميزة فيه الله يهديكي
    خليكي في قضية اللي انتي رفعتيهاوممكن تطلبي الطلاق بالمحامي كمان علشان حقوقك وهتكسبيها انشالله وبقولك هديديه انك هتفضحي امره انه مش سليم وهوهيتجنن واشرحي للمحامي انتي ووالدتك كل الظروف وربنا كريم وهيبعتلك الانسان اللي يراعي ربنا فيكي ارحمي نفسك وبلاش تهنيها مع بني ادم مؤرف زى ده واحمدي ربك انه موضوعه انتهى لكن انا طبعا بعتب عليكي على البيبي لكن معلش استغفري الله وابدائي حياة جديدة وبلاش كلامك انك هتعيشي في الظروف دي مع انسان لا يستحق اصلا تقدري تقوليلي تضحياتك بانك لا شقة ولافرح ولا ولا ولا ….الخ طبعا حبيبتي هو ماغرمش حاجة فيقولك مع السلامة اخلعيني دانا لومكانك مع اسفي للقراءعلى كلامي أتف في وشه لما انتي عروسة جديدة وعاوز يروحك ويطلق ومش همه سمعتك ولاهمه ابنه الله لا يسامحه
    الحمد لله انك انفصلتي والطلاق هو الحل لكن لازم تاخدي حقوقك منه لانه مش كويس ومايستهلش ابدا الخلع لان الخلع راحه ليه علشان مستخسر يدفع جنيه لكن معلش حبيبتي اصبري وربنا هيكرمك وخللي عندك بال وصبر لحد ماتخدي حقك واوعي ترجعيليه هيبهدلك والله دا لا يبت صلة بالرجولة ابدا ولا تنخدعي ممكن كلمتين حلوين ويضحك عليكي فلا تنخدعي دا مالوش خير في حد صدقيني هيضحك عليكي علشان تتنزلي ويوريكي الوجه القبيح الحقيقي وربنا ينصرك عليه

  67. اشرف الشاهد
    16/04/2011 at 23:45

    انا مت رائيي تقدمى بعض التنازلات وتنالى حريتك افضل وتطلقى

  68. Mno
    16/04/2011 at 23:30

    مش عارفه اقولك اتنازلي ولا اقولك دافعي
    بس انتي تقدري تقولي في المحكمه الحقيقه كلها
    انك كنتي بتصرفي عليه و انه شاذ و لا يعاشرك معاشرة الازواج وربنا يوفقك

  69. السوري
    16/04/2011 at 23:23

    السلام عليكم ورحمة الله
    اختي الكريمة
    الله يعينك على بلواكي كتير صعبة يلي انت فيه
    ولكن كما يقال يمحتن المرء بشدة بلواه
    ما حصل حصل ولكن يعود الزمن للوراء
    واحمدي الله على ان الموضوع ما تاخر اكتر من هيك وانكشف بسرعة
    لملمي جراحك ورتبي افكارك وفكري بالمستقبل ودراستك
    لكلمة مطلقة اهون الف مرة من تربطي مصيرك مع شخص متل هاد لانه مصير مجهول وهون الكارثة
    اتخذتي قرارك من بداية زواجك وتحملي نتيجته واستفيدي من الاخطاءك
    احيانا الطيبة والحنان والحب بتخدع اذا ما كانت بمحلها ومااظن انها كانت بمحلها
    جربتي الطيبة والحنان للحب انخدعتي فكرة بالمرة القادمة بالعقل للحب
    والعقل يحتاج لشخص ناضج وقاسي حتى لا يجره تيار الحنان والطيبة
    وهذا الدرس كفيل لاستعمال العقل
    عيدي ثقتك بنفسك
    ويلي راح راح خلص انسيه بكل محاسنة ومساوئه
    وتذكري بانك كنت في بيئة زوج لا تناسبك وليست من مستواكي
    وانك اتخذتي قرارك عن قناعة
    وان قرارك ناتج عن شجاعة
    ويجب ان تفخري فيه
    مو تقعدي تندبي حظك مثل الثكالى
    وتوكلي على الله وبدئي حياتك
    وان احتجتي لاي مساعدة
    ستجديني اخ بجانبك باذن الله تعالى

  70. زائر
    16/04/2011 at 21:36

    عزيزتى السائله انا شايف ان المشاكل بتبعد عنك وانتى مصره انك تعيشى فيها كل اللى قولتيه شىء غير طبيعى واحمدى ربنا ان ما حصلشى أكتر من كده وبعدين مين قال ان لقب مطلقه جريمه ومين قال ان واحده تستحمل زوج زى زوجك وأهله اللى مش طبيعيين وأهانوكى وخلوكى ترتكبى جريمه يعاقب عليها الله وهى الاجهاض بدون سبب شرعى مقبول حالا وفورا اطلبى أنتى الطلاق واشترى نفسك وسيبك من موضوع الحقوق . وبعدين أى حقوق اذا كنتى بتقولى لا فيه شقه ولا عفش ولا ملايه ولا أى شىء
    معلش تعالى على نفسك شويه واتحملى علشان تنقذى نفسك من هذه العائله الفاسده
    وربنا يوفقك لزوج طبيعى يعوضك ولا تستعجلى أبدا فى الزواج واختارى على أساس الدين والأخلاق.حافظى على الصلاه.

اترك رداً أو حلاً لهذه المشكلة