السلام عليكم…
انا عندي 25 سنه ومتزوجة من 8 شهور ..وابل ما احكي عن مشكلتي اتمني الاجابه برأي محترم واسلوب يليق بحل مشكلتي ..
علي كل حال انا حاليا مشكلتي بدأت اني حبيت حب فاشل من زمان واتعلقت بيه لدرجه الجنون واحزنتني قوي ايامي بعدم نسانه لحد الان
ولكنــ ..الي حد ما عدت سنين ونسيته بشكل كبير ..بس ايامها اتخطبت مرتين ومحصلش نصيب عشان انساه لحد ما لاقيت انسان شوفته انو كويس
بس كان اقل مني اجتماعيا وحاربت الكون عشانه للاسف الشديد وكانت منهم امي حصلت مشاكل كبيره جدا بين امي لانها كانت رافضاه وبين ابويا لانه كان متمسك بيه وزي اي اب عاوز يفرح بيا لكن هو رماني لجحيم لا ينتهي معاه وانا بدفع التمن .. وطبعا محدش عالم ولا حاسس بوجعي والكل حينظر للمشكله بشكل خارجي فقط ..المهم البني ادام ده شكاك جدا وشغله اسبوعين واسبوعين ..مكنش حتي بيخليني اروح الشقه بحجه انو خايف عليا وده طبعا حقي الزوجي والشرعي اني اعد في شقتي وما اروحش اعد عند اهلي اقامه جبرية .. المهم حصلت مشاكل كتير وعدم توافق امي معاه تماما ومنعته من دخوله بيتنا ..وصدقوني انا بحكي كل حاجه وانا في كامل الم وحسرة وكل ندم جوايا ..وبعدهااا عشت معاه المهم انو شكاك وناقص قواي ومغرور جدا برغم انو بيصلي الفروض الخمسه اساسا لكن مبيتعاملش معايا كويس خالص المهم ياجماعه اول موقف صدمني منه انو كان خاطب واحده ابلي وعرفني لكن متخيلتش انو كان متعلق بيها بالشكل البشع وعارف انها سابته واتجوزت غيره ع طول وطلع محتفظ بصورها في اوضه نومي وكل حاجه خاصه بيها كل حاجه والدبل والدهب وباص ورد باسمها وكل شئ انا اكتشفته صدفه
كانت صدمه لا اتخيلها المهم استحملت ورجعت عشان خاطر اهلي وحياتي الصدمه التانيه دلوقتي عدم مرواحي لشقتي وهو مسافر في شغله بره
المهم قولتله كذه مره عاوزه اروح الشفه كان يرفض ويقولي لا ويقفل في وشي السكه برغم ان والدي وامي واخويا قالوله لازم تقعد في شقتها وهو كل مره كان بيوافق ويرجع تاني وميوافقش …المهم كان والدي تعب وحيعمل عمليه ورحت من وراه اجيب هدومي وفي الاخر ادحل شقتي وبعدها الاقي اخواته داخلين وراياا الشقه وسايب المفتاح لاخواته مش لابوه زي ما كان مفهمني وهو لما تواجهه بيكدب كدب بشع بجد وانا تعبت ده انسان مريض فعلا ومبقتش عاوزه اعيش مع منافق زيه وفي نفس الوقت قرار الطلاق شئ مش سهل خالص دلوقتي …
مشاكل الازواج
مبقتش عاوزه اعيش مع منافق زيه
اضيف بتاريخ: Saturday, March 17th, 2018 في 11:55
كلمات مشاكل وحلول: الزواج, الطلاق, زواج, متزوجة
اختي ايه اللي رماكي الرمية السوده دي مع شخص كهذا شخص مريض وسافل ومنافق وبلاخلاق ولاعندو ذرة من الرجولة ولا الانسانية الظاهر انكم اتخدعتم فيه انت واهلك من البداية وماسالتوش عنه جيدا وهاانت تدفع الثمن غاليا من حياتك وشبابك معاه لعاديجدي اللؤم والعتاب ولاينفع البكاء على اللبن المسكوب اسرعي في خلاصك منه بطلب الطلاق فورا حتى لو تطلب الامر رفع دعوى عليه في المحكمة و القانون يجيبك لك حقوقك منه ويطلقك غصبا عنه ولاتتاثر بماحصل لك فلست اول ولاخر من تطلق من جوزها ده نصيبك وقدرك وربنا عزوجل بيكرمكي باحسن منو بابن الحلال الصالح اللي يراعي ربنا فيك ويقدرالحياة الزوجية ويصون مشاعرك ويسعدك طوال حياتك ومستغرب جدا انك ترفضي الطلاق منه وليه تقولي كدا هل انت عاجبك الوضع ده ام انك تحبيه فعلا ومش قادرة تبعدي عنو تبقي غلطانة جدا لو فكرت انه ممكن يتغير او يحسن معاملته لك كوني حريصة على صون كرامتك وكرامة اهلك ولاخير في شخص كهذا وتطلق منه ابرك لك يابنت الناس