مشاكل الازواج

زوجي يعاقبني وعايزة انفصل عنه

انا عندي 24 سنه متزوجه من سنه و زوجي اكبر مني ب 6 سنوات المشكله انه بيعاقبني علي ان شئ غلط حتي لو كان بسيط بيعاملني معامله الاطفال لدرجة انه مره زنبني و لما مرضتش اتخانق معايا و ضربني زي الاطفال علي الؤخره و وقفني غصب عني و انا مش قدره استحمل اسلوبه ده و كلمته كتير اوي اني بكره كده يقولي انا بعملك اكنك بنتي لما تغلطي حعاقبك… هو في الطبيعي حنين اوي و طيب و في العلاقه طيبعيي ساعات بيكون عنيف بس لما شكيت انه سادي و قرأت عن الموضوع ده هو مش كده… و انا مش عايزه انفصل عنه علشان بحبه بس مش عايزه الوضع ده… ممكن تقولي اعمل ايه علشان اغيره

مشاكل وحلول ذات صلة

اضيف بتاريخ: Wednesday, March 21st, 2018 في 17:59

كلمات مشاكل وحلول: , , ,

4 رد to “زوجي يعاقبني وعايزة انفصل عنه”

  1. Salma
    21/06/2021 at 21:20

    الأستاذ ابو البتول
    انت مريض نفسيا ولا حاجه؟ انت بتقول ايه هو يا اما يهزأها و يعاملها زي العيال أو بضربها بالقلم الراجل المفروض مايرفعش صوته ولا حتي صباعه علي واحده ست و خصوصي مراته ولا انت امك و اخواتك البنات كانوا بيتهانوا و انت بتقولهم ده حب؟
    الأخت بأه اللي باعته الكلام ده لو عملها مره تانيه روحي الاوضه من غير كلام و خدي حاجتك في شنطه و عند الباب قولي له انا هروح اخلعك انت موش طبيعي و هتشوفي هيوطي يبوس رجليك علشان الفضايح جوزك ده واطي و موش طبيعي و قاصد يهزأك

  2. كريم نور
    25/03/2018 at 11:39

    هي حاجة غريبة شوية بس ممكن كان بيتعاقب كدا وهو صغير بس افتكر افضل من اهانته ليكي بالغلط والشتيمة او الضرب والتعنيف يعني احمدي ربنا انها وصلت لكدا بس عقاب دمه خفيف المفروض تضحكي وانتي بتتعاقبي حاولي تهزي معاه وهو مع الوقت هينسي الكلام دا

  3. nahd
    24/03/2018 at 20:09

    ده مش حب دي اهاانه مش من حقه يعاقبني بالشكل ده وانا مش طفله انا مراته. ممكن نتناقش مع بعض يقولي اللي بيضيقه لكن ميضربنيش بالشكل ده

  4. ابوالبتول
    22/03/2018 at 08:12

    ياعبيطة زوجك يحبك جدا واما طريقته في التعامل معك فدي كويسة احسن مايضربك الم على وجهك او يكسر لك ضلع من ضلوعك حافظي على زوجك ولاتزعليه منك ابدا واحمدي الله انو حنين معك وطيب وتقدري تغيري من معاملته لك بشئ من الدلع والاغراء له والمشاعر الجميلة والاحترام والتفاهم والمصارحة بينكما وربنا يسترعليكم ويسعدكم طوال حياتكم الزوجية

اترك رداً أو حلاً لهذه المشكلة