السلام عليكم ورحمة الله وبركاته .. أنا متزوجه منذ ٧ سنوات ولدي ابنتان و ولد ولله الحمد والشكر .. أنا وزوجي متفاهمان و متفقان وحياتنا جميله معا … وهذا يثير غيظ اخته التي تقوم باختلاق المشاكل واستطاعت ان تغير والديه عليه …. مشكلتي ان زوجي امه وأبوه مخاصمينه وماراح يرضون عليه لحتي يطلقني … وانا والله مابحياتي غلطت عليهم بالعكس اذا زرناهم اعاملهم احسن معامله لانهم اهل زوجي ولأنهم كبار بالسن … زوجي يرفض يكلمهم يقول يسمعوني كلام زي السم … وانا كل يوم اترجاه مايقاطع أبوه وامه … بعد ماجبت الولد اتصلت علي امه وباركت لي واتصلت. اخته تهزئه وتقول انت قاعد تدلعها ليه روح ارمها عند اهلها فسكر الجوال في وجهها وراحت واتصلت علي امه وما ادري ايش حكت لها لكن امه قعدت تخانق وتسوي مشكله وتقول كله من تحت راس السوسه !!! … ايش اعمل مع هالادميه ذي علما ان مابيني وبين اهله اي مصادمات اذا جيتهم يعاملوني بادب مع بعض التجريح من تحت لتحت والتلميحات وانا ما ارد عليهم . ايش اسوي مع ها الحسوده مره مسويه قلق لزوجي تتفنن في التنكيد علينا حسبي الله فيها.
شوفي يااختي بارك الله فيك الحياة تتطلب منا الصبر اصبري ومسالة اخته لاتعييرها اي اهتمام ولاتخليها تخرب عليكم حياتكم الزوجية طالما ان زوجك يحبك وسعيد في حياته معك كل تصرفاتها توكد انها غيرانه منك وحسوده وهذا طبع في كثيرا من الناس المهم انك لاتهتم لكل ماتقوله عنك وطنشيها وتعامل معها بحذر شديد لاتطمني لها لعل الله يهديها ويكفيك شرها مااخبرتينا هل اخت زوجك هذة متزوجة ام مطلقة وخير طريقة تسويها علشان تخلص من تدخلها في حياتكم الزوجية ان لاتهتم بها ولاتشغل بالك بما تقوله عنك اهتم بزوجك واولادك وتقربي من ابوه وامه وعامليهم جيدا واعتبريهم زي اهلك تماما ولاتزعل منهم ابدا والله يصلح لكم الاحوال ويسترعليكم ويبارك لك في زوجك وابناءك ويرفقكم ويسعدكم في هذة الحياة