مشاكل الازواج

لا منى متجوزة ولا مطلقة

مش عارفة اللى انا فيه ده عادى و اللاه مش عادى معقولة كده حياتى طبيعية جوزى كده طبيعى وانا بظلمه و اللاه بظلم نفسى مليوون سؤال بيدور فعقلى بقالى سنتين تقريبا من ساعة ما اتجوزت حكايتى حقيقى غريبة وو عجيبة كمان
انا و جوزى اتجوزنا عن حب الحياه ابتدت بينا عاديه اه كان فى مشاكل بس كانت بتعدى لحد ا الست الوالدة (حماتى ) ادخلت من تحت لتحت هية انسانة عجيبة ممكن تكون بتحبنى اوى بس ملهاش صاحب مجرد ما تزعل منى لسبب بسيط تعرف نقطة الضعف و تشتغل عليها وللاسف عرفت نقطة ضعفى انى مبحبش ابات برة بيتى فمنعتنى ابات فبيتى يعنى نروح تعيط و تصوت و مرة تتعب و مرة بايتة لوحدى وكذا حجة وللاسف انا مكنتش فاهمة كدا سكت و سكوتى ده هو اللى وصلنى للى انا فيه اضافة ان جوزى كان عنده استعداد لده فضلت المسافة بنا توسع توسع لحد ما تقريبا كرهنى و كره ابنه بقى عادى عنده ميشوفتاش بالشهور ولا بيطلب يشوف ابنهى غير كل فين و فين وكان فى كلام بين الاهل لحد ما بقى فعلا بيروح بس اشتغلى فى التلاكيك ع اتفه سبب منقعدش فى البيت ع الرغم ان شغله بيحتم عليه انه يقضى معانا اسبوعين بس و بالرغم من ده كله انا كنت بحاول امشى المركب و اسايسه وبارضه هو افتكر ان اللى انا فيه ده ضعف بعت دهبى كله حتى الدبلة و قالى مزنوق وفى الاخر بيقولى انتى موقفتيش جمبى مبيصرفش علينا و عادى بابا هو الل بيصرف بيعاملنى معاملة وحشة ومرة اتهمنى انى عارفة واحد تانى و فوق ده كلو بيهنى علشان امو و اخواته و ضيف كمان عاوز ياخد اى حاجة من البيت لاهله للشغل براحة انا مش لاقية اسباب للى هو بيعملو ده و كتير اكلمه و كتير بيكلموه محدش عارف سبب
انا تعبت و زهقت لا منى متجوزة و لا منى مطلقة و مش عارفة راسى من رجلى نفسى حد ينصحنى و يقولى انا صح و اللاه غلط ادعولى ربنا يدلنى ع الصح عشان حقيقى انا اتخنقت و طالبة الطلاق انا عندى 21 سنة

مشاكل وحلول ذات صلة

اضيف بتاريخ: Tuesday, April 24th, 2018 في 14:45

كلمات مشاكل وحلول: , , , ,

3 رد to “لا منى متجوزة ولا مطلقة”

  1. فقير
    26/04/2018 at 17:06

    لو كل اللي قلتيه ده حقيقه اتطلقي بجد فالطلاق ارحم مليون مرة من حياة زي دي

  2. الحمد لله
    25/04/2018 at 00:52

    ربنا يحفظك و يكرمك بكل خير
    انتى صبورة و ربنا يهديك للخير

  3. ابوالبتول
    24/04/2018 at 17:10

    شوفي يااختي لو كانت هذة هي الحقيقة اللي انت قولتيها فانت مش غلطانة و انت صح وزوجك واهله هم الغلطانين والغلط راكبهم من راسهم الى ساسهم ومن حقكي طلب الطلاق منه فورا ودون تاخير او تردد لاجل تصون كرامتك وعزة نفسك وانت لسه شابة وبعز شبابك والف من يتمناكي ياست الستات هتلاقي نصيبك جايك مع ابن الحلال اللي يستاهلك ويقدرمشاعرك ويصونها ويسعدك طوال حياتك المهم انك تخلص منه وتلزميه بالنفقة لابنك الصغير اوعي تفرطي في حقوق ابنك وربنا بيكرمك ويعوضك بخير منه ان شاء الله

اترك رداً أو حلاً لهذه المشكلة