مشاكل الزواج الثاني

مشفتش مع جوزي يوم حلو فى حياتى

السلام عليكم ورحمة الله وبركاته

انا ست متجوزه من حوالى عشر سنين عمرى 31 سنه عندى ولد وبنت اتجوزت جوزى بعد قصة حب كبيره ناس كتير حاربونى عشان جوازتى تبوظ لكنى اتمسكت بيه لاخر لحظه_حتى اهلى كانو رافضين جوازى منه لانه كان اكبر منى بكتير اولا_ ثانيا لانه كان متجوز وحده تانيه ومخلف منها تلات بنات_رسم عليا الحب وكنت فى سن مقدرش افرق فيه بين الكدب والخداع وبين الصدق والضمير_مكنتش عارفه حاجه غير انى مش هقدر اسيبو_ضحيت عشانو بحاجات كتير اوى_من قلبى بقولكم دلوقتى انا مشفتش معاه يوم حلو فى حياتى_من ساعة ما اتجوزته وانا عايشه معاه فمشاكله مع الست التانيه_لحد ما طلقها_ولما بدات احس بانى زوجه اخيرا وانا لوحدى فحيات جوزى_بدات اعرف حاجات عنه تشيب راس اى وحده بتحب من قلبها اخرها انه فعلا بيخونى مش عاوزه ادخل فتفاصيل اكتر من كده لانى مش عاوزه اجرح نفسي بذياده_لكنى بطرح مشكلتى دلوقتى عشان اسئلكم بالله عليكم_ينفع افضل احب البنى ادم ده؟؟؟؟ انا فعلا مبقتش احبو اكيد حد هيرد يقولى عيشي وخلاص عشان ولادك_هقول طب وانا؟؟
انا خايفه احب غيرو وانا على زمته_لانى مش كده ومينفعش اكون كده_بس انا قلبى دلوقتى اصبح فاضى تماما يعنى معرضه فى اى وقت انى الاقى اللى يدخل حياتى ويعوضنى ال فات من عمرى_اعمل ايه؟؟؟؟ اتوكل على الله واصمم عالطلاق_اما ولادى ربنا معاهم

ولا استنا لحد ما الاقى نفسي فعلا بخونو

اتمنى الرد اللى يريح قلبى بالله عليكم انا تعبانه جدا من التفكير

مشاكل وحلول ذات صلة

اضيف بتاريخ: Friday, April 27th, 2018 في 16:49

كلمات مشاكل وحلول: , , , , , , ,

4 رد to “مشفتش مع جوزي يوم حلو فى حياتى”

  1. ابواميرة
    26/04/2020 at 22:33

    عاوزه الرد الصحيح لازم تطلقي منه فورا قبل فوات الأوان كيف ترضي بالعيشة مع واحد خاين ولايقدرالحياة الزوجية ومسالة الأولاد تلزميه بالنفقة شرعا لهم ودي حقوقهم اياك ان تفرطي فيها او تتساهل معه فيها وانت ربنا بيكرمك بالزواج من ابن الحلال الصالح اللي يراعي الله فيك ويصون كرامتك ويقدرمشاعرك ويسعدك العمر كله

  2. البرنس
    24/07/2019 at 18:08

    طالما انك عرفت انه خاين ولايقدر الحياة الزوجية فتطلق منه ولاترددي في هذا وربنا بيكرمك ويعوضك انت واولادك خير منه ان شاء الله

  3. 1003
    09/05/2018 at 09:15

    الحب والصداقة لايحتجان إلى عهود وشروط وأسباب وإنما تحتاج فقط إلى شخصين رائعين شخص يثق وأخر يفي . • الصداقة الحقيقية هي تلاحم شخصين في شخصية واحده تحمل فكراً واحداً هي طاقة لا يمكن للإنسان العيش بدونها هي متنفس حيث يجد المرئ منا كل راحته في التعبير عن راية يقول رأيه بكل طلاقة و من دون أن يشعر بأنه مقيد فالصداقة كلمة تحمل معان عدة أجملها التضحية من اجل الأخر

  4. ابوالبتول
    27/04/2018 at 22:53

    الاخت العزيزة صاحبة المشكلة السلام عليكم ورحمة الله وبركاته قرات مشكلتك كاملة مع هذا الزوج وتالمت جدا لما يحدث لك لاشك ان الخيانة اذا وجدت في الحياة الزوجية سوا كانت من الرجل او المراة قلبت موازين الحياة وصارت جحيم لايطاق ولافي عاقل يرضى بها مهما كانت الظروف ومقدر كل مشاعرك وماتعانين منه من جراء تلك الخيانة من زوجك لك واصراره على الاستمرار فيها دون خوف من رب العالمين ولاراع من دين ولاتانيب من ضمير ولاتفكير في عواقبها على حياتكم الزوجية لاجل ذلك لاارى جدوى من الكلام معو ولا النصائح له لانه لن يقلع عن الخيانة ومستمر فيها وهذا فيه اهانة لك ولكرامتك وتقليل من قدرك كزوجة له وام لاولاده والقرار بيدك انت وهذة حياتك ولاحد يجبرك على العيش مع شخص كهذا خاين ولايقدر الحياة الزوجية ولايحترمها ولافي قلبك مشاعرله صار الطلاق لابد منه لصون كرامتك وعزة نفسك ولاجل تخافظي على نفسك من الوقوع في الخيانة مثله لست باول ولااخر مطلقة في هذا الكون واولادك سوف يتقبلوا الامر ولن يحصل لهم شي المهم انك تطالب بحقوقهم الشرعية من النفقة والمصاريف واياك والتنازل له عن تلك الحقوق او التفريط فيها وعيش حياتك حتى يكرمك الله عزوجل ويعوضك بالزوج الصالح اللي يستاهلك ويقدر الحياة الزوجية ويصون مشاعرك ويسعدك في هذة الحياة والله المؤفق

اترك رداً أو حلاً لهذه المشكلة