زوجي بخيل ونفسيتي في النازل

ازيكم يا جماعة عايزة احكيلكم مشكلتي وانصحوني في الله :
انا متجوزة من 9 شهور زواج تقليدي انا جوزي بخيل معرفش اذا كان بخيل ولا حريص هما ما شاء الله شركاء في محل قطع غيار سيارات غير شغلة جوزي في الورشة
هو مبيسبش فلوس في البيت خالص بيديها لابوه كل قبض يقبضة وابوه يدية فلوس ع اد الاكل بس مفيش فائض خالص حتى بتبقى في حاجات ناقصة في البيت ساعات بقعد بالايام والاسبوع مش بيجيبها معتمد ع اهله في كل حاجة مش عاملي شخصية باني اشتري متطلباتي بنفسي ومتطلبات ابني انا لسة حامل ولحد الشهر السابع مجبش حاجة لية من لبس وكدة بيخلي امة هي اللي تجيب وانا بحب اجيب لابني اللبس ع ذوقي وبفرح لما بشتري الحاجات دي واي طلب بطلبة يقولي طيب ويريحني وفي الاخر الاقية عمل اللي في دماغهم ويحكيلهم كل كل مشكلة كبيرة او صغيرة لحد ما بقيت بحس بكره نحيتهم ومعاملة مبقتش زي الاول وابوه لما بيشوفني بيكون قاعد بظهرة اقوم اسلم علية يسلم علية بظهرة من غير حتى ما يلف هما بيعزمونا كل اسبوع بس انا كرهت اني اكل او اروح عندهم بس لازم طبعا اروح واقعد واتكلم ولا كان حاجة حصلت المشكلة ف جوزي للاسف حاسة اني مليش لازمة كل رأي في بيتنا لازم اول ياخد رأي اهله ومش مهم انا مع اننا ف فترة الخطوبة قالي غير كدة واحنا واحد وسوا في كل حاجة ومحدش يتدخل في حياتنا كل دة طلع فنكوش 🙁 دلوقتي انا اي حاجة بتحصل لازم هما اللي يعملوها انا تعبت حتى ولا بيخرجني ولا بيجبلي هدايا بيستخسر يصرف حتى لما ييجي موسم مش بيجيب للبيت مواسم دا حتى الوحم كنت بتوحم ع حاجات مكنش بيجيبها حجتة انة بينسى او مبيحبش الحاجة دي انا كنت بنزل معاه السوق بالعافية عشان اجيب الحاجات دي غير دة مش بيجيب .. انصحوني وقولولي حد حصل معاه كدة واتعامل مع الموضوع دة وحكاية البخل دي بتتحل وموضوع الاهل ازاي ابعدهم عننا ميدخلوش بالطريقة دي من غير ما اعمل مشاكل او اخلي حد يزعل مني سوا جوزي او اهله .

مشاكل وحلول ذات صلة

• خايف اطلق مراتي يكون مصيري الضرب او السجن
• خطيبتي حملت من اغتصاب
• انجبت من علاقة غير شرعية واريد الزواج
• اهانات زوجي الدائمة لي حتى امام اطفالنا
• زوجي لا يعمل وتعبت من استهتاره
• كرهت زوجي كثيرا وانصدمت منه
• غربه و دراسه و زواج و حمل