مشاكل الازواج

زوجى غبى فى التعامل معى

تزوجت زوجى منذ 5 سنوات وهو من الخطوبة وأنا مش شبه المخطوبين اللى خطبها يبقى ملهوف عليها لا كان بارد جدا فى التعامل معايا ولكنه محترم وطيب تزوجنا وسافر كنت بموت نفسيا من بعده اما هو لا بالعكس انا كنت ارسل له كلام حلو هو يشوف رسايلى ولا يرد المهم حصل مشاكل كتير بينا و وصلت للطلاق لاسباب اخرى وعندما حس انه هيخسرنى حسن معاملته معايا ثم سافر كان كويس نوعا ما ثم رجع تانى لغباءه فى التعامل معايا
بقيت بكره وفى نفس الوقت محتاجاه محتاجه لاشباع عواطفى محتاجاه حد اتكلم معاه واحس بالسكن اللى المفروض انى تزوجت عشان احسه مش بيراعى اى حاجه وعشان هو مسافر عايز يرمى كل حاجه على من المسئوليه ومش عايزنى اشتكى انامش طالبه منه مساعده لانه مسافراكيد بس حتى الكلمه اللى تهون على مش بيقولها وبيخنقونى اكتر انا كرهته اوى حساه غبى اوى هو فعلا غبى فى التعامل معايا او مع اى حد هو اصلا انطوائى جدا ومش بيعرف بيتعامل ولا يتكلم ومالوش اى شخصية اعمل ايه
ومش هينفع اطلق لان عندى بنتين وظروف اهلى متسمحش انهم يساعدونى

مشاكل وحلول ذات صلة

اضيف بتاريخ: Saturday, June 23rd, 2018 في 03:02

كلمات مشاكل وحلول: , , , , , , ,

4 رد to “زوجى غبى فى التعامل معى”

  1. ابواميرة
    21/03/2020 at 21:28

    انت عاوزه ايه دام الراجل طيب معاك ومحترم ومتغرب عشان يوفر لك انت وبناتك العيش الكريم الحياة تضحية ولازم تقدري ظروف جوزك جيدا ومافيش راجل بارد مشاعر ظروف العمل تخليه والغربة تخليه يعمل كدا انت كوني قريب منه وتواصلي معاه عبر النت والموبايل وجددي تلك المشاعر واشعريه برجولته واهميته في حياتك وصدقيني سوف يهتم فيك اكثر من الأول وعمرو مايسئ في معاملته لك وربنا يسعدكم ويبارك لكم في بناتك ويصلح حالكم

  2. البرنس
    07/08/2019 at 02:33

    مش عيب انك تعلمي جوزك طالما انك تقول انه غبي ولايحسن التعامل معاك الزوجة الذكية تعرف ازاي تسعد نفسها مع جوزها بشئ من الحب والرومانسية والمشاعر والعواطف والاغراء والاثارة والدلع والثناء عليه والمدح له ليه تبخلين على جوزك بهذا طالما انك رومانسية وعاطفية فكري في مصير بناتك 2 ربنا يبارك لكما فيهم ولاتفكري في الطلاق نهايا وربنا يسعدك مع جوزك ويصلح حالكم ان شاء الله

  3. ابوالبتول
    30/10/2018 at 21:50

    يااختي اصبري علشان بناتك 2 ربنا يحفظهم لك ويبارك لك فيهم لاشك ان جوزك غلطان في حقك وحرام عليه يعمل معاك كلده وعايزك تكون رقيقة معه وتحسني التعامل معاه ولاتقصري في واجباته وحقوقه عليك بشئ من الاهتمام والرعاية والمشاعر والتلطف والمودة والحنان تجعلين زوجك يتغير للافضل ويحسن معاملته لك ماتعرفيش حاجة اسمها الاغراء والدلع والتغنج اعملي ده مع جوزك وصدقيني لو كان مثل الصخر سوف يتحرك ربي يؤفقكم ويسعدكم ويسترعليكم

  4. ابوالبتول
    24/06/2018 at 17:22

    اختي العزيزة لانصحك بالطلاق منه علشان وجود بناتك 2 الصغيرتين الذان لاذنب لهما فيما يحصل بينكما من مشاكل وخلافات اصبري وتحمل لاجلهما وكمان عاوزك تبادري انت في الاتصال بزوجك والاعتذار منه واصلاح علاقتكما للافضل وعودة المياه لمجاريها بينكم والاهتمام به والمراة العاقلة والذكية تعرف ازاي تجذب زوجها وتحتويه وتسيطر عليه وما تخليه يفكر في غيرها ولااريدك ان تتطاول على زوجك وتصفيه بالغباء فلا رجل يقبل ان زوجته تقول عنها هكدا مهما كانت الظروف وربنا يصلح احوالكم ويهدي سركم ويبعد عنكم المشاكل والخلافات ويحببكم لبعض ويخليلكم بناتكم ويبارك لكم فيهما ان شاء الله

اترك رداً أو حلاً لهذه المشكلة