مفيش اي حاجه مخلياه محتاجها وهو نفسه بيقول كده من 7 شهور عملنا حادثه ورجلي حصلها كسر مضاعف ولسه لحد دلوقتي مش بعرف امشي عليها وهو كان سايق وطلع سليم الحمد لله المفروض ع الاقل يعمل حساب لل حصلي كله قدر بس يقدر ال انا فيه وف نفس الوقت كنت بدوس ع نفسي بدل المره 1000 علشان ميجيش انه ناقص حاجه وفعلا حصل كده..
المهم كلمته من ع الفيس بوك قولت اتاكد من حبه استجاب ع طول و ف نفس الوقت قالي ان ف حد بعتلي وانا عملت حذر وخلاص خلص الموضوع بالنسبالي المفروض عنده
اتفاجأ انه لسه مستجيب معايا لا وعمل واحد تاني علشان يعرف يكلم البنت من عليه ال هي انا
و استجاب ليها لكل حاجه لا و كان بيحكلها حياتنا واتعدوا حدود الحياء كل دا ف كام ساعه بس… !
بس نهي الموضوع لما لمحتله ان لو عرفت او مخبي حاجه البيت هتيخرب وفعلا قفل الموضوع
المشكله ان كل كلمه يقولها افتكر كلامه وطريقته وافعاله ومش قادره انسي حواره وطريقته معاها..
ساعدوني اعمل ايه.
وليه الاستدراج للخطأ نحن بشر ولسنا معصومين والرجل بطبيعته ضعيف أمام المراة انتي اخطأتي عندما استدرجتيه للخطأ واحمدي ربك انه لم يتمادي بعض النساء تبحث عن المشاكل والنكد بأبره كلنا ذو خطأ ومفيش حد معصوم حايا
والله غريب امركم
طب ما بدل ما كنتى تعملى واحده وتلعبى عليه وتخليه يفكر فيها وتشغل عقله
ماكنتى اعملى دا على طول بشخصيتك وبنفسك وبدل ما تلعبى عليه انتى تقدرى تحتويه وتاخديه فى ضنك ويبقى بتاعك وميفكرش فى حد غيرك
ليه نحب لما نعرف شخص نروح نمثل عليه بشخصيه تانيه خالص نخليه يتعلق بينا
ليه يعنى منعملش دا من نفسنا فى شخصيتنا
ايه العقليه والتفكير دا
شوفي يااختي العزيزة مسالة الحادثة اللي حصلت لكم قضاء وقدر ولاحدش يعترض على قضاءالله وقدره الحمدالله انها جات سليمة وقولي الحمدلله غيرك بتحصل لهما اعاقات دائمة والبعض يفقد الحركة او البصر وربما روحه في دي الحوادث قدرالله وماشاء فعل وحمدلله على سلامتك ياستي انت وجوزك وموضوع الخيانة اللي حصلت منه فدي اعتبريها نزوة شيطان وعدت لحالها وطالما انه اعترف لك وتاب ونادم على ماحصل منه فخلاص سامحيه من كل قلبك وانسي الموضوع ده نهايئا ولعاد تفكري فيه اهتمي بنفسك وبزوجك وجددي حياتكم الزوجية من ثاني وكانكم عرسان جدد بشي من التغيير في نمط حياتكم ولا سافروا قضوا لكم عدة ايام بعيدا عن اجواء البيت وهموم الحياة ومتاعبها واحرصي على التزين والتجمل لزوجك والاعتناء بنفسك من كل النواحي سوا في اللباس والمكياج وتسريحة الشعر والكلام الرومنسي الجميل والاجواء الحلوة وتلاقي السعادة تعم حياتكم الزوجية طوال العمر وربنا يؤفقكم ويسترعليكم ويسعدكم