السلام عليكم ورحمه الله وبركاته انا فتاه ابلغ من العمر 25 سنه حاصله على بكالوريوس ومن اسره متعلمه اخى الاكبر دكتور صيدلى والاخ الاصغر طالب فى كليه تربيه رياضيه انا تزوجت منذ 6 اشهر فضيت منهم 4 شهور مع زوجى تم خطبتنا عن طريق والدته انها تعرفنا كويس وتعرف اهلى كانت صديقه لعماتى من سنين وهو كان مسافر خارج البلاد وكلمنى على النت وشوفته وضافنى ارتحت له كان هادىء فى كلامه وطول فتره الخطوبه كان كويس جدا ووالدته كانت عامله زى المرهم بقيت اقول الحمد لله ربنا عوضنى خير لحد ما بدأ يحصل مشاكل بينها وبين ابنها الكبير ففكرت وقلت لخطيبي ايه رأيك لما افرش الشقه ووالدتك واختك يقعدوا فيها قالى داه جميل عمرى ما انساه ليكى ونزل اخويه من السفر اجازة وروحنا المصيف واخدنا حماتى معايه وبنتها وبدأت اصرف انا طول فتره الخطوبه مكنتش بعرف حاجه اسمها مواسم وانا كنت بشتغل فى شركه وكان قبضى 1000ج ومكنتش ببص لكده كنت بقول طالما هى كويسه وابنها خلاص انا مش محتاجه لحاجه لحد ما وصلت المشاكل بينها وبين ابنها لحد جامد قام خطيبي مكلم والدتى فى التليفون وقال لها يا ماما ابعتى لى بنتك عروسه والى انتى عايزاه اكتب لك القايمه شوفى الى انتى عايزاه ماما قالت له يا ابنى انا مش طماعه انت هتدفع مهر لبنتى خلاص مفيش لزمه للقايمه وبص يا ابنى احنا عندنا شقه فاضيه فى البيت داه نصيبها وضبوها وافرشوها فى الاول رفض وبعد ما انا كلمته ووالدته كلمته وافق جه كتبنا الكتاب وبدأنا نحضر للفستان والكوافير والحاجات دى وبدأت من هنا المشاكل اشتريت فستان رخيص لفضل ربنا عليه ان مدير المحل عارف والدى ادانى فستان جديد بنفس سعر الفستان الى كانت حماتى مختاراه والكوافير كانت موديانى لواحد ومرتحتش ورفضت اروح زعلت وانا روحت عند واحد رخيص ب 400ج قبل الفرح باسبوع لقيته بيكلمنى وبيقول لى اعملى حسابك انك لما هتنزلى الاجازة لان انا كنت مسافره 3 شهور الاول وبعدين انزل اعمل ورق الاقامه هتنزلى على بيت امى قلت له ما انا هقعد هنا وهنا قالى لا اسمعى الى بقول عليه فعيط واخويه كان بيتصل يطمن عليه فكلمه وقاله يا ابنى سيبها براحتها متفرضش عليها مكان خليها تقعد فى المكان الى تحبه علشان متبقاش مضايقه قاله لا محدش هيمشى بيتى قاله خلاص انزل افرش شقتك واعمل فرح زى الناس يبقى تنزل على شقتها قاله ماشى اتصل بيه وماما كلمته وقال لها خلاص انا هبعت امى تلغى تذكره الطياره قالت له الى انت عايزة انت غلطان كنت اصبر لما مراتك تجيلك واتكلموا وعاشرها وتعاشرك وتفهموا بعض الاول لكن دلوقتى هى مرتبكه هى متعرفكش وانتوا داخلين على حياه جديده يا ابنى من هنا بقى والمشاكل بدات بدأت حماتى تعدى من الشارع وتشوفنى انا وامى تقوم ماشيه وتعدى من شارع تانى وانا كنت بكلمها واطمن عليها وفى يوم كنت فى الكوافير قبل الفرح بيوم اتصلت بيه وزعقت معايه وقالت لى اسالى على الطرحه متخليهاش تحطنى قدام امر واقع بس قلت لها حاضر يا ماما عدى يوم الفرح وسافرت وكنت لاول مره بشوفه على الطبيعه وجينا ليوم الصباحيه صحيت على مشكله ازاى ان والدتك تودى لامى الكحك وحماتى رجعته تانى لماما ازاى بقى ان امى متتصلش وتقول انتى رجعتيه ليه كان لازم امك تتصل بامى الى يقدر اهلى هقدره والى ميقدرش اهلى مش هقدره ونزل الشغل ثالث يوم الفرح وبعدين مكنش بيرضا يسيب لى فلاشه النت ويقول كلمى اهلك وانا موجود ولما كان بيجى من الشغل كان يقعد ينفخ ياله علشان انام وكلام من داه كنت اقول له حاضر وكنت افضل اعيط لحد ما اتعب وانام فضلنا على الوضع داه شهرين واخوه جه من مصر بدأت انى اخدمه من غسيل لاكل كان اخويه انه يقدر داه ابدا وبعدها عرفت انى حامل وكانت والدتى تعبت وعملت اسطره استكشافيه بينت انها لازم تعمل قلب مفتوح تغيير اربع شرايين وارتجاع فى الصمام نزلت اجازه وفى نفس اليوم اخويه كان نازل فيه وروحت عند حماتى وصممت ان لازم الفستان يفضل عندها وفعلا وهى الى تدينى مصروفى لما احتاج فلوس اطلب منها وبعدين كانت بتراعينى لانى روحت قعدت عندها ووالدتى فى المستشفى لانى كنت حامل كنت حامل فى توأم ومن شده السخونيه ادى الى واحد يموت وطفل ينزل فيه الروح وفضلت قاعده شهر عند حماتى بدأت تبقى كويسه قلت الحمد لله ربنا يهديكى يارب وسافرت لجوزى اجازه شهرين وبعدين قضيت معاه شهر كان احلى شهر فى حياتى كان خايف عليه وهو بطبعه حنين وطيب وغلبان جدا كلمه بتجيبه وبتوديه بس عيبه بيصدق امه فى كل حاجه حتى لو كذب وبعدين حماتى جات لينا شهر الشهر داه كان اسود شهر كان كله مشاكل مراتك نايمه مراتك مش بتتكلم لحد ما فى يوم خدوها قرايب جوزى عندهم تقضى يويمن وفى اليوم داه صحيت اعمل الغداء قعد يقولى كلام لدرجه انى انهارت من العياط لحد ما حصل لى طلق وانا معرفش فضلت يويمن اطلق واستحمل الطلق للحد ما تانى يوم هى جات والدم غرق الدنيا ولقيت رجل البيبي فى ايدى روحت المستشفى وعملت عمليه طبعا فى الاول كان على الحى لحد ما اخدت بنج وروحت فى البنج وبعد العمليه العامل النفسي والجسمانى ونزلت مصر مع حماتى وجييت هنا البيبت عند اهلى اخدم امى وابويه مش عاجب حماتى بقيت اروح انام عندها واجى لاهلى الظهر وامشى العصر واتحجج لماما باى حاجه لحد ما حصلت مشكله كبيره جوزى صمم ان مهرى يتحط فى البنك باسمى وفى الاول قالى هاتى الفلوس وبيعى شبكتك علشان نبنى الارض ليه ولاخواته قلت له لما نكتب قايمه خد الفلوس الى انت عايزها صمم بقى احط الفلوس والدى كلمه وقاله الفلوس عندى فى بيت صمم برده روحت عند حماتى زى ما بروح كان خالى الكبير هنا قالى انا هاجى معاكى وجه معايه هوه واخويه وكلمناها فى الطريق وقولنا لها احنا جايين قامت قالت لى بيت امك اولى بيكى وعادت الكلام مرتين ومش هخلى جوزك يكلمك الا لما يشوف هيعمل ايه كلمنى تانى يوم فى التليفون وقالى حسبى الله ونعم الوكيل فيكى وفى امك وانا هبعت لك ورقتك وخلى الفلوس تنفعك رميت السماعه وقمت بابا قالى متتكلميش معاه تانى وحاولت اصالحه وحطيت الفلوس فى البنك بدأ يقولى الى انا عايزة بيتنفذ ليه المشاكل دى محدش هيمشى لى حياتى ولا تفكرى ان امك هتمشينى قالى ياله روحى لامى قلت له ازاى امك طردتنى قالى محدش هيجى ياخدك كلمتها علشان منظرى يكون حلو قدام اهلى رفضت واهانتنى فى التليفون حلف بالطلاق ان محدش هيجى ياخدنى وحلف انى اكون محرمه عليه لو مخلصتش ورق الاقامه وانا فى بيت امه قلت له والعمل قالى وصلنا لحاره سد هبعت لك ورقتك ومؤخرك اخويه يكلمه يقول له اختك متلزمنيش مش بيتسمع كلامى ولا بتقدر اهلى انا قلت له ولا اهلى ولا اهلك ونعيش مع بعض والايام كفيله تنسي قالى لا اهلى قبل منى قلت له وانا كمان بدأت منه تروح لجارتنا وتقول لها هو مش عايزها اعمل له ايه بتحايل عليه لكنه رافض وبعدين جارتى كلمته قال لها انا كرهتها ومش عايزها وبدات امه توصل له كلام بالغلط انى روحت لخطيبته الاولانيه وانى قلت لها زى ما ظلمك ظلمنى وانى بدور على عريس وكلام فاضى وطبعا كان بيصدقها وراح له زميله ومراته بعد ما كلمونى وعرفوا بالى حصل معايه وكده قالت لى مفيش امه مأثره عليه جامد جدا ابن امه لو هو عايزك هيدور عليكى فعلا سكت لما امه عرفت انه هيطلق ويدينى حقوقى قالت له ولا تبقى انت ابنى ولا اعرفك قامت قالت له اتصلوا بيه وهددونى انهم هيرموا على وش اختك مايه نار قام اخوه متصلس بيه على الموبيل وشتم اقذر الالفاظ وواحده صاحبه امه اتصلت وقالت انها خالته قالت لها زى ما دخلنا بالمعروف نخرج بالمعروف قالت لها عايزة هدوم بنتى الى عنده والمؤخر قالت لها حاضؤر تانى يوم لقيناها بتتصل وبتقول ان ابغض الحلال عند الله الطلاق هو عايز يرجع وبيقول تفرش شقتها وهينزل على شقته قلت لها معلشى انا خلاص تعبت انا حاولت معاه ووالدى وهو قال لوالدى عايز ينهى خلاص قالت لى متستعجليش صى استخاره قلت لها حاضر صليت وكلمت بنت عمه قالت لى اوعى ترجعى الناس قالوا له خليها تشترى العفش وابقى سيبها تبقى تشوف هتعمل ايه بيه وكمان انا شكييت قلت ايه خلاه يرجع فى يوم وليله ما بقالنا شهرين ونصف ورافض يتصالح وامه كمان معدتش طيقانى ازاى هنبص فى وش بعض فرفضت فحس ان بنت عمه بتكلمنى فبدأ يسحب ناعم معاها ويقول لها انا معررفش اعيش مع واحده تانيه هظلمها فكلمته فقالى لو نزلت مش عايز امك تشوفنى ووالدك زى ابويه وانا بعزه وكلام كده قلت له معلشى خلينا نبعد يمكن نعرف نفكر قالى ماشى طلقى نفسك وابقى قولى للقاضى السبب ايه وكمان لو عايزه تطلقى هاتى السلسله الى كنت مشتريها لك هديه بعد الجواز والحلق الى غيرته ليكى قلت له لا مش من حقك قالى لا من حقى قلت له هو انت بتصرف عليه قالى مش انتى اختارتى بيت اهلك قلت له على العموم الى انت شايفه صح اعمله قالى هنزل اتجوز قلت له مبروك بس يا ترى انا ظالمته فى حاجه انا حاولت معاه كتير وبقيت اكلم قريبته ومرات زميله ولا حياه لمن تنادى وفجأه كده عايز ترجع بعد ما والدته غلطت فى اهلى واخوه ياريت تفيدونى بالرد
اختي الفاضلة والله لقد تالمت جدا لماحدث لك من هالزوج السافل الحقير ابن امه فعلا وليس براجل يستحق ان يكون زوجا لك او لغيرك كل الصفات الخبيثة من الكذب والمكروالخداع والاحتيال والانانية فيه وعمره ماكان راجل ولايعرف الرجولة ولاهي منه ابدا اياك ثم اياك والرجوع اليه حتى لو جاكي خاضعا وباس الايادي والاقدام هو وامه تلك الولية القرشانة خرابة البيوت الكذابة اصري على طلب الطلاق منه وفورا دون تاخير او تردد ومن حقكي المهر والعفش ولايحق له مطالبتك بشي ابدا لاجل تحافظي على كرامتك وكرامةاهلك حرام اللي يحصل لهم بسببك من هذالوقح السافل واحمدي الله انك عرفتي حقيقتهم ومافيش اطفال بينكم تربطك بهذالسافل الحقير ولوتطلب الامر الخلع اخلعيه فورا من حياتكي واعتبريه غلطة في حياتك وبصي للامام وارفعي راسك فوق اوي لانك مظلومة وتاكدي انو ربنا معك وسوف ينتصف لك منه ومن اهله الظلمة دول والله ينصر المظلوم ولو بعدحين ولاهيتوفق في حياته ابدا انتي خسارة فيه والف من يتمناكي زوجة له ربنا قادر يكرمك ويعوضكي بسيد سيده هذالواطي الحقير اتمنى انك تحسنى الاختيار في المرة الجاية للزوج ولاتتسرعي في الارتباط حتى تتاكدي من دينه واخلاقه وتربيته وقدرته على تحمل الحياة الزوجية واعباءها وكمان الاهل يكونوا اهله ناس طيبين ومحترمين ويخافون الله تحياتي لك بدوام التوفيق والنجاح والسعادة في هذة الحياة
شوفي يابنتي العزيزةانت امراةمافيش زيك صبرت واستحملتي الحقير الواطي هذا من اجل تستمر الحياة لكن مافيش فايدةمنو ابداعمرديل الكلب مايتعدل افضل لك ولكرامتك هوطلب الطلاق من الحشرة ابن امه ده وتاكدي ان الله بيكرمك بابن الحلال اللي يستاهلك ويقدرك
قولى له فى دهيه انت و ماما و احب ان اذكرك يااختي ان الله ينصر المظلوم
والله لو رجعتيليه تبقى واحده ماعندكيش كرامه حرام عليكي يابنتى ايه ده انا راجل زيي زيه ومافيش راجل عنده دم ونخوه يمرمط بنات الناس بالشكل ده
وماحدش يقولك ابنك ومش ابنك لا ابنك يتبرى معاكى وانتى بكرامتك احسن ما يكبر ويستحقركم انتو الاتنين ويطلع معقد
ارحمى نفسك والله ما يستاهلك وانتى تبيعي دهبك علشان تبنى ارض لاخواته ليه
ده مش راجل خالص والله كان لازم ماتستعجليش
الله يكون في عونك انتى صلي استخارة واللي فيه الخير يقدمة ربنا
اختي الحبيبة
ولا تسالي عنه ولا تعبريه
هو ابن امه
انا مجربه المواضيع والمشاكل دي كتير وتعبت فيها يمكن لاربع سنين وكنت جاية عروسة برده وطلعت روحي معاه ومع اهله في الاجازات اللي كنت بنزلها وكانوا دايما يحرقوا دمي
لو ماكانش وانا موجوده في الاجازات يبقى في التليفوانات لما نتصل عليهم
والحمد لله برده ربنا ما رزفنيش بطفل منه
المهم صبرت وربنا كرمني بواحد احسن منه بمراحل من حيث التدين والشكل وحتى السن والاهل كل شيئ وكمان ربنا رزقني منه بثلاث اطفال ورا بعض زي العسل في ثلاث سنين
قصدي اقولك انتي مش هتنفعي تعيشي مع الناس دول وواضح اوي انه ودني
اطلبي الطلاق واصبري وربنا هيعوضك باحسن منه بس اصبري ومش اي حد يجيلك توافقي
اصبري وربنا يوفقك يا عسل
الأخت العزيزة…. اشعر يإحساسك و حجم المشكلة… نصيحتي ان تطلبي الطلاق او تقومي بالخلع لأنه كما ذكرتي من الواضح انهم أشخاص غير سويين…و طالما لا يوجد اطفال بينكم و تشعري استحالة العشرة بينكم فيفضل الإنفصال و سيوعضك الله أحسن منه ان شاء الله