خايف اطلقها اظلم نفسي وابني اللي جاي

السلام عليكم ورحمه الله وبركاته “””

سوف احكي قصتى المريره لكل الاعضاء الكرام لعل احد يقدر يريحنى من اللى انا فيه ( انا حاليا فى السعوديه )

انا شخص كان نفسه من ايام وهو صغير يحب ويتحب واللى تحبه تخلصله فى حياته بس الحمد لله كان عندي اقتناع ان ربنا هيرزقنى بالانسانه اللى هتقدر تسعدنى وتحبني وتحافظ عليا ودايما كنت نفسيي احب انسانه صغيره فى السن عشان متكونش لفت وعرفت شباب قبليه لحد ما جه اليوم اللى هسافر فيه السعوديه رحله كفاح عشان اقدر احقق حلمى واتجوز انسانه تحبني وتقدر تحافظ عليا فى غربتي . كانت اول اجازه ليا فى مصر دورت على حلمى والحمد لله لقتها بعد مقابله تعارف 3 مرات وكانت هي الرابعه اللى شدني للبيت عندهم ان باباها سئلنى بتصلى ولا لآ بتشرب سجاير ولا لآ ده اللى شجعنى اكتر انى اتقدملها من غير ما اشوفها والحمد لله بعد ما شوفتها استريحتلها وقولت هى دي اللى بدور عليها وفعلا خطبتها وجبتلها شبكه جميله والحمد لله تمت الخطوبه ومكنش فاضل فى اجازتى غير شهر تقريبا فى الشهر ده قدرت اشتري شقه جديده عشانها مع انى عندي شقتى فى بيت ابويا بس عملت كدا عشان ابعد عن المشاكل والاختلاط مع مرات اخويا . وسافرت واعدنا نتكلم فى التليفون بالساعات كل يوم انا حبتها اوي وهي كمان كانت بتحبنى لحد ما الشيطان خلاني اتكلم معاها فى كل حاجه بس بأمانه هى مكنتش حابه انها تسمع الكلام ده وتزعل منى واقولها خلاص مش هتكلم تانى فى المواضيع دي وبعد مكلمتين تانى الاقي نفسي بكلمها نفس الكلام . جه فى يوم لقتها داخله على الفيس بوك وبعتالى طلب صداقه بصراحه انا زعلت اوى انها دخلت على الفيس لانى عارف عواقب الفيس ايه اكيد هتكلم شباب انا قولتلها انا مش عايزك تدخلى الفيس ده تانى لان هو ده اللى هينهى حياتنا مع بعض هى مسمعتش الكلام وقلتلى متخفش عليا ومش هضيف شبابا عندي خالص وعشان واثق فيها قولتلها خلاص بس خلى بالك عشان مش هتلاقى كله باسم بنت هتبقى بنت المهم انا وافقت بس كنت مدايق وكنت خايف طبعا فاضلنا على حال المكالمات ده لحد شهر رمضان عمري ماحسيت منها انها عملت اميل تانى وبتكلم فيه شباب وجه معاد نزولى لمصر عشان الجواز وخلاص هحقق حلمنا اللى كنا بنرسمه لبعض بس بعد الجواز ملقتهاش متحمسه لاي حلم كنا نفسنها فيه المهم انا لقتها بتكلم فى التليفون اوقات كتير وكل ما اقولها بتكلمى مين تقولى بكلم واحده صحبتى وانا كنت بصدق لان عمري ما هصدق انها تكلم شاب وهى متجوزه وعشان تربيتها اللى طلعه منها لحد ما شكيت فيها وبعد ما خلصت مكالمه سبتها لما دخلت نامت واخدت التليفون واتصلت بالرقم من تليفونى اللى كانت بتكلمه والمفاجأه انى لقيت صوت واحد رحت متصل بتليفونها لقيته بيرد عليا وبيقولى ازيك ياحبيبي قفلت فى وشه السكه رحت مصحيها من النوم وقولتلها على اللى حصل مرضيتش تصارحنى روحت متصل بمامتها مامتها اعدت معاها وصارحت مامتها انها بتكلم واحد من الفيس بوك ويومها كنت فعلا ناوى انى اطلقها بس باباها جه وقالى ده لعب عيال وبعد ما هى اتحايلت عليا وقالتلى انا مقدرش ابعد عنك بصراحه انا قلبى حنلها لانى بحبها اووووى وجيت على نفسي وقولت اكيد هى مش هتعمل كدا تانى ومشيت الايام لحد ما سافرت بس انا ماشي وحاسس انها ممكن تعمل حاجه تانى وترجع تكلم الواد ده تانى بس انا عشان اعرف هي هتعمل ايه فى غيابى حطتلها برنامج يخليني اشوف هى بتكلم مين وبتعمل ايه على الكمبيوتر وبعد يومين من سفري لقتها بتكلمه من اميل تانى على الفيس بوك دي بقى كانت الصدمه الكبرى ليا وصممت على الطلاق لانى مقدرش اعيش مع واحده مش قادره تحافظ عليا فى غيابى . حكيت لبابا ولامي هما مرضيوش ابدا على الطلاق وهى حامل كمان وقالولى مينفعش تطلقها عشان اللى فى بطنها هو ملهوش ذنب يجى للحياه ميلقيش ابوه معاه استحملت وجيت على نفسي وقولت اللى ربنا كاتبهولى هشوفه وتوكلت على الله وقولت احاول انسى بس كل ما اجي انسي الاقى الكلام اللى كانت بتقولهولو بيجي فى خيالى وارجع اعيد الموضوع تانى مع اهلى واهلها لانى فعلا ببقى تعبان قوى لانى مش متخيل اللى حبتها ووثقت فيها تعمل معايا كدا حتى لو حبها ليا قل زى ما كانت بتقول المهم انا دلوقتى تعبان اوى ومش عارف اخد قرار يريحني خايف اطلقها اظلم نفسي واظلم المولود اللى جاى هى دايما بتقول انه كان تسالى ومحبتش حد غير وكانت دخلت موضوع كانت عايزه تعرف نهايته ايه ( حد يرد عليا ويقولى هل هى بتحبنى بجد ولا لآ وهل كانت بتتسله ولا فعلا حبت الواد ده ) ؟

مشاكل وحلول ذات صلة

• افكر بالإرتباط بشخص لديه اعاقة بسيطة
• وجدت توأم روحي لكني في مصر وهو بالسعودية
• لا اخ ولا اهل ولا اصحاب انا عايش ليه
• بحب خطيبي لكن الماضي شاغلني
• متزوج وغير راضي ولا بحب مراتي
• احساس بالذنب والنقص والكبت ها يقتلني
• حاسة اني بخون خطيبي وظلمت الانسان اللي حبيته