مش عارف ابدء منين بس كل الى محتاجو انى انام وافضل نايم على طول مقومش تانى وانا على طول لوحدى
زمان لما كان حد يعيرنى انى وحيد امى وابويا ومليش اخوات كنت اقلة احسن منك على الاققل عايش برحتى ومحدش بيديقنى وكل حاجة بتجيلى
كبرت لقيت كل يوم واحد من صحابى يبعد الى يسافر برا يشتغل والى يتجوز وشهر ولا شهرين يتلهى بحياتة والى كان بيتصل بيا كل يوم مبقاش بتصل
قلت يمكن العيب فيا بقيت بتصل بكل الناس حتى الى معرفهومش اوى علشان اكون صدقات من جديد …اقفل المكالمة مع الناس ويفوت شهر شهرين تلاتة ولاحد من الى سئلت علية بيسئل بردو وكلة ملهى فى حياته حتى قرايبى كلهم فى البلد فى الشرقية وانا طول حياتى مقيم فى مصر ولاهما بيجوا ولا احنا بنروح ولا حتى الناس الى فى الشغل ليا علاقة بيهم كلها علاقات مصالح وبس
قولت مبدهاش بقا انا اخطب وتبقا هيا بنسبالى كل حاجة مدام ربنا مرزقنيش باخت ولا اخ يكون سند ليا
وفعلا خطبت وهى دى المصيبة نفس الموضوع ولا فية اهتمام من خطيبتى بيا لو سبتها اسبوع مسئلش فيها متسئلش فيا على الرخم انها حلفتلى كتير انها بتحبنى وانى فتى احلامها وا وا وا …بس بردة مفيش فايدة روحت مفركش الخطوبة
الصدمة بقا الى محدش يعرفها فيكو انى اجتماعى جداا لو حد قعد معاى خمس دقايق بيحبنى اوى واكتر من واحد قلى كدا
اية الى حصلى دلوقتى انا مش عارف كل الناس بتختقى من حياتى
انا زعلان من نفسى بس غصب عنى والله العظيم كل يوم اكلم ربنا اقلة لية يارب مدتنيش اخت افضفض معاها لما كنت زعلان من البنت الى بتحبنى وتروح جرى علشان تصلحنا على بعض
وارجع من الشغل القيها بتقلى عايزة مصاريف الكلية اقوم مديها تحضنى وتقلى ربنا يخليك ليا يا اخويا
لية مش ليا اخ يوم متحصلى مشكلة يقف جمبى ولما اتجوز يكون هو سندى
حاسس انى لو فكرت اتجوز هقف بطولى فى الفرح واروح اجر ناس تعمل انهم صحابى
لا اخ ولا اهل ولا اصحاب
لية حظى يا دنيا معاكى كدا لييييييييه
شوف يابن الناس المشكلة اللي انت تعاني منها السبب منك انت وليس من الاخرين لازم تعرف ازاي تتعامل مع الناس الاخرين واولهم خطيبتك تكون شخص مرح واجتماعي وتحب الفرفشة والهزار والضحك وتبطل التكشير والعبوس اللي انت فيه والناس تحب المجاملات والاطراء وانت ماتعرفش تكون كدا حاول تغير من سلوكك وطباعك مع الاخرين عشان تكسب محبتهم وصداقتهم الحياة تتطلب ذلك ولابد ان تتعامل مع الناس على هذا المبدا تشاركهم همومهم وافراحهم واحزانهم وتسال عليهم وتتواصل معهم سوا كانوا اصحابك في الجامعة او في الشغل وشئ كويس انك خطبت بنت الحلال وربي يؤفقك ويسعدك معها مش عاوزك تخسرها برضو زيما خسرت صحابك واصدقاءك دي هتكون مراتك وام لاولادك في القريب العاجل اكسر الحواجز وغير الروتين اللي انت عليه واهتم بها وبادلها الحب والمشاعر والتقرب منها علشان تحبك اكثر وتسعدك طوال حياتك بطل الخجل والكسوف والانطواء اللي انت فيه وخلك مرح وفرفوش وتحب الضحك والهزار ورومنسي جدا معها وربي يؤفقك ويسترعليك ويسعدك في حياتكم القادمة