بسم الله الرحمن الرحيم
انا اسمي *** شاب مصري وعايش بدبي بقالي حوالي 6 سنين خطبت من 3 سنوات وكنت بحب خطبتي اوي ونفسي اتجوزها المهم محصلش نصيب بسب مشاكل الاهل امي وامها ( ابوها متوفي وابويه متوفي ) الله يرحم اموات المسلمين جميعا. وسبنا بعض والاجازه اللي بعديها بدات المشوار بتاع اني الاقي وحده تكون زوجه ليه خطبت و اختي بتلي وحده اخلاق وكويسه ومن كتر وسوستي واني بفكر في خطبتي الاولي شوفتها 3 مرات وقرينا فاتحه وتاني يوم فشكلت الخطوبه مكنتش مقتنع وسافرت ومخطبتش وبعديها نزلت الاجازه التانيه السنه اللي فاتت امي جبتلي وحده من بلدنا شوفتها وعجبتي بس مش اوي والزن بقي بتاع اهلي خلاني اتجوزها وهي حامل دلوقتي وانا مش مبسوط معاها خالص مع انها بتحبني وبتعزني وبتصلي واخلاق واهلها ناس كويسه بس انا مش سعيد في حياتي معاها هي مش جميله اوي بس مقبوله بس الموضوع مش موضوع شكل الموضوع اني مش بحس باي مشاعر نحيتها غير انها مراتي وبس لو بعدت عادي ولو مبعدتش بردو عادي مش ده اللي كنت بتمناه وعارف اني مش بحبها بس طبعا صاينها وبعاملها كويس عشان هي مش زنبها حاجه.
انا تعبت اوي بفكر في الجواز تاني وساعات بفكر اني اعيش كدا وخلاص بقي اهي العيال هتيجي ان شاء الله واعيش بقي وخلاص بلا مشاعر بلا احاسيس .
يا جماعه بجد عايز اخد رئيكم انا تعبان اتجوز ولا اسكت ولا اعمل ايه مع العلم اني عملت كل حاجه تخليني احبها معرفتش والله . معلش يا جماعه اني طولت عليكم
مشاكل الازواج
متزوج وغير راضي ولا بحب مراتي
اضيف بتاريخ: Wednesday, January 31st, 2018 في 15:31
كلمات مشاكل وحلول: الخطوبة, حامل, حب, دبي, شاب, متزوج, مصر
انت بترفص النعمة باديك وممكن تندم علي مراتك دي وتعرف قيمتها بعدين وتقول يارتني حافظت عليها بلاش وسوسة الشيطان دي واحمد ربنا والله يهديك
يااخي دام ان مراتك بنت حلال كويسة وعلى دين وخلاق واهلها ناس طيبون فقول الحمدلله على دي النعمة اللي وهبك الله اياها وحافظ عليها جيدا وعامل مراتك المعاملة الحسنة واتقي ربنا فيها وارضى بالنصيب والقدر ومسالة الحب ياتي بعد الزواج سوف تحبها اكثر لما تكون معاك وبالقرب منك خليها تجي تعيش معاك وربنا بيكرمكم بالذرية الصالحة ويحببكم لبعض حرام تظلمها ولاذنب لها اياك ان تفكر في الزواج عليها مع مرور العشرة بينكما سوف تحبها صدقني وتكونا اسعد زوجين في هذة الحياة وربي يؤفقكم ويصلح لكم الحال ويسعدكم طوال حياتكم الزوجية