انا تعبانه اوى نفسى اعرف ليه بيحصلى كده اولا انا تزوجت وانا عندى 19 سنه برغبه اهلى المهم عشت مع زوجى وحبيته وانجبت ثلاث بنات انا بشتغل من قبل الزواج موظفه كانت حياتى مع زوجى عباره عن شقا فى شقا زوجى كان دائما مورطنى فى الديون يجيب حاجات بالقسط ويحرقها من غير علمى وافجئا بحماتى تبعتلى علشان ادفع لا اما يتسجن المهم دون ان اخبر احد اتصرف وادفع ا لفلوس واتكلم معه علشان ما يعملش كده تانى ونتفق وبعد كام شهر يعمل كده تانى واتكررت على مدار عشر سنوات سدد فيها 17 الف جنيه وبعدين اتفئنا على انه يتقى ربنا فيا انا والبنات المهم اخطئه كانت كتير على سبيل المثال مشى مع ستات ووصل بيه الامر انه جاب وحده وصاحبه واقلى دى اخته جين من المنصوره وخدمتنى فى الشغل هو ساعات كان بخد اجازه من الوظيفه ويسافر شرم يشتغل المهم اقلى اعملى اكل وهم هيبتو عندنا المهم عملت واجب الضيافه وصحيت اصلى الفجر علشان الاقى مصيبه فى بيتى زوجى وصحبه والست فى وضع زفت فصرت الطم على وجهى وصممت انهم ينزلو من بيتى وفعلا نزله واقعد يتاسف وسمحته وعشنا وبعدين جبتله عربيه تاكس علشان يشتغل عليها كنت كل ما اقله انزل اشتغل يضربنى وفى الاخر قال انا هبيع العربيه واسافر هولتله ماشى باع العربيه بنص تمنها وخد الفلوس واختف بالفلوس ست شهور معرفش عنه حاجه وبعدين جيه علشان اعرف من كان فين معرفتش فجئت بعد كده بورقه زواج عرفى فقلت له طلقنى قال ادفعى المادون وانا اطلق ودفعت واطلقت ووجهت مصيرى انا وثلاث فى الدنيا كان عمرى 29 سنه اقعد مع بناتى ست سنين من غير زوج وعندما قررت الزوج لالاسف اسئت الاختيارتزوجت من شهر يناير الا فات عندم تعرفت على زوجى عن طريق اعلان على النت هو من مصر وانا من طنطا قال وعود كتير هو متزوج قالى ان متدين وعارف ربنا ومراته مزهقه والعيش ومش عارف ايه المهم انا وفقت لانه قالى ليا انى مش هشتغل وهيدنى الا كنت بقبضه واصرف على البنات واعرف ارعيهم بصراحه وفقت علشان كان نفسى ارتاح بعد شهر مراته ولدت كان كويس معايا من اول يوم حط شروط كلها انا مشيت عليها بعمله بما يرضى الله لكن هو حبسنى فى البيت مش من حقى انزل اشوف مصالح بناتى ولا اودى بنتى المدرسه ماشى انا مشيت كل كلمه واى حاجه محتاجها بخلى بناتى يعمله بعد شهرين بتصل بيه شتمنى شتمنى وبهدلنى وقال لى مترنيش عليا ولا تبعتلى رسايل والا هطلق سمعت كلمه كنت عايز اكشف وتعبانه ومش من حقى اتصل هو فى بلد وانا فى بلد ومع دلك بمشى كلمته لما جالى نزيف نزلت اكشف وانا الا قلت له ضربنى ضرب مبرح لما ياتى لى كل هده الفتره غير 10 ايام مره كل شهرين يوم او سعتين فى اخر شهرين مش عارفه اصبر على الاهانه والمرار ده ولا اطلق انا مش عايزه ابقى مطلقه تانى بس هو ما بيرعيش ربنا ولا اتصل ولا كلمه حلوة وحياتى بقيت جحيم مش عيشه حتى فى العيد مبيفكرش يكلمنى مش عارفه ده اصلا اجوزنى ليه اعمل ايه لما بيجى بعمله احسن معامله وهو منتهى الغباء فى مره قلت له انت اجوزتنى ليه قال علشان بحبك بس ده مش بين حد يقولى اعمل ايه
مشاكل الازواج
مش عايزة ابقى مطلقة للمرة التانية اعمل ايه
اضيف بتاريخ: Sunday, December 5th, 2010 في 08:18
كلمات مشاكل وحلول: الزواج, الطلاق, اولاد, زوج, مشاكل الازواج, مشاكل الزوجة الثانية, مطلقة
الاخت من طنطا صاحبة المشكلة السلام عليكم ورحمة الله وبركاته عزيزتي مستغرب من تخلي اهلك عنك وعن كل اللي حصل معك في الزواج الاوله والثانية هل في مشاكل بينك وبينهم اوقطيعة لاسمح الله ام انك لاتحبي اشراكهم في حل مشاكلك الزوجية وعايزة تحل مشاكلك بنفسك دون تدخلات منهم وده غلط كبير وقعت فيه وتدفعي ثمنه الغالي من كرامتك وكرامة اهلك المثل يقول اللي ماله عزوة اوظهر يحس بالظلم والضعف ويكون صيداسهلا للاعداء ولظلم الاخرين له -ماحصل لك من الزوج الاول هو بسببك انت كيف رضيت بالعيش مع شخص خاين وسافل وحقير يتكلم مع النسوان وياتي بهن الى البيت ويعاشرهن امامك مثل الست اللي جابها هوصاحبه وادعى انها اخت صاحبه وهي بنت ليل جابوها لاجل يقضوا حاجتهم منها دون خوف من الله اورادع من دين اوحتى مراعاة لمشاعرك انت زوجته وصاحبة البيت وتسامحت معه على كلهذا وتراضيت بالبقاء معه حرصا على بناتك ال3 وعلى امل انه ينصلح حاله فكيف تامني لواحد فاسق وخاين وعاطل عن العمل وحملك الديون 17الف جنيه بسبب تصرفاته الغير اخلاقية ونصبه واحتياله على الاخرين اين عقلك من كلهذا لماذا لم تضع حدا لكل تصرفاته الفاشقة والحقيرة وتطلب الطلاق منه فورا وتفضحه امام اهلك واهله وكل الناس عشان يكون عبرة للاخرين ويعرفوا انك مظلومة وانك على حق وهواللي مايستاهل الحياة الزوجية ولاعنده ذرة من الرجولة والنخوةوالشهامة اما الزواج الثاني تسرعت في القبول به ولم تسال عن الراجل وتتاكدي من دينه واخلاقه ومعاملته ومقدرته على تحمل اعباء الحياة الزوجية وخصوصا انه متزوج بامراة اخرى وعنده بيت واولاد مسوولين منه لكنك لم تفعلي كلهذا قبلت بالزواج منه ولماتحسنت احواله وانحلت مشاكله مع زوجته الاولى رجع لها وصار يعاملك بالقسوة والجفا واللا مبالة وكانك لست زوجةله ولك حقوق وواجبات مثل زوجته الاولى وصار يمنعك من الخروج من البيت ويهددك بالطلاق كل مرة لو تكلمت معه اوطالبت بحقوقك الزوجية عليه ولايجي الا كل 10ايام في شهرين هذا شخص لايستحق البقاء والعيشة معه وعمره مايصونك اويقدرالحياة الزوجية اطلبي الطلاق منه قبل ان يفاجئك هو بالطلاق واخلعيه فورا واشتري كرامتك وسعادتك وخيرلك تربية بناتك 3 وتعويضهم كل مافاتهم من الحرمان والعذاب اللي شافوه في حياتهم ولاتفكري في الزواج حتى تطمني عليهن البنات محتاجين منك المزيد من الرعاية والاهتمام في هاذي السن والله عزوجل سائلك عنهن يوم القيامة حرام تتركي بناتك وتجري وراء اشباع رغباتك مع اناس لاتقدر الحياة الزوجية ولايصونوها كفاية اللي حصل لك من فشل في حياتك الزوجية مرتين واصبري وتحمل عشان بناتك وربنا يبارك لك فيهن ويرزقك برزقهن وتلاقي الخيروالسعادة معهن وتفرحي بهن نشاء الله ويكن عونا لك وسندا في هذي الحياة بعدالله ويدخلوكي الجنة قال الرسول الكريم من كانت بنات فاحسن تربيتهن وادبهن وعلمهن كانواسبب في دخوله الجنة – والله هذي نعمة كبرى غيرك محروم منها فاحمدي الله واشكري فضله على وجود بناتك معك خير لك من الدنيا ومافيها
كل العذاب والمعاناةاللي انت فيها دي امتحان من الله عزوجل لعباده المومنين وانشاءالله انك منهم لكن لازم تطالبي منه حقوقك كزوجة من المعاملة الحسنة والعيشةالكريمة والا فالطلاق خير لك من البقاءمع انسان بهذةالصفات ولك رب كريم انت وبناتك لن يضيعكم ابدا اشركي اهلك في الموضوع عشان يعرف انك بنت ناس ولك عزوة يحموك منه ويجيبو لك حقك امساك بمعروف اوتسريح باحسانا ولست باول ولااخرمطلقة في هالدنيا اذا تطلقت منه ربنا بيكرمك بخيرمنه والا فاجلسي على تربية بناتك وربنا بيبارك لك فيهن وبيعوضك كل الخير وتشوفي طعم السعادة والبركة معهم انشاءالله
اطلقى منه او اخلعيه ان رفض
هذا الانسان متزوجك لمتعة الفراش فقط واعتقادى انه انسان شكاك بدليل حبسهلك الدائم
تفرغى لتربيت بنتك واحسنى الاختيار ان انتويت الزواج ثانية
اختي صاحبه المشكله انا نفس قصتك وانا اعيش في دوله وهو في دوله لم يشهر وحرمني من الخلفه ولا يسئل عني كل وقته لزوجته وبنته ةبعدها طلقني منذ 13 يوم بعد زواج دام 7 اشهر لم اعش معه لا 15 يةم حسبي لببه ونعم الوكيل ع الظالم
سيبيه حبيبتي قبل الأشد من كده انتي ماشاء الله معاكي بنات محتاجين رعايه
ثانيآ صدقيني معظم الأزواج اللي بيجوزوا زوجه تانيه بعد فتره من الزمن بيندموا وبيبقوا عايزين يصلحوه غلطتهم ومن كلامك واضح انوا بيزهقق علشان انتي اللي تسيبيه
سيبيه وعوضك عند ربنا سبحانه وتعالي
انا اقلك شي انت يبنتي عندك بنات مشاء الله والله يحفظهم اليكي اتزوجتي وكنتي صغيرة يعني معشتيش حياتك زي كل كل البنات في سنك يعني بي سرعة الي بيت زوج نصيبك كيد والحمد الله على كل شي زواحك اول كان فاشل من حاجة ةاحد هو زوج الي اسف معرفش اقدرك اما من جانب تاني انتي طلعتي من زواج ده كسبانةانك عندك بنات وحمدي ربنا الف مرة على نعمة اولاد الي اسفة انت غلتي غلطت عمرك انك ادخلت على حياتك رجل تاني كان ممكن تيتجنبي الغلط ده انك انتي مش محتاجة راجل في حياتك مدام انتي بي تشتغلي وتصرفي على اولادك امدام انتي جربي يعني زواج وعرف يعني راجل راجل مفيش حاجة زايدة او ناقصة عن اي راجل كلهم زي بعض الي في اخلاق ودين وده يعني قليل في رجال اكمان في نساء انتي بتقلي انك متزوج بقالك سنة امشفتيش زوجك الي ابام قليل في سنة دي يعني كيد انتي مش متزوجة انو زوجك بزورك بس عشان قظاء الحوائجة انتي بتفولي انتي تزوجتي عشان انتي حزينة في حياتك اعشان تعشي انا الي اسفة معرفتش افهمك انا الو كان عندي الاود اخاصة البنات هم دول هي حباتي ودنيتي اذهاب همي وحزني الي اسف ادنيا لاتعطينا كل ماتريد انا انصحكي بي صبر على زوجك وطاعة اله انكي انتي اخترتي انتكوني في هذا الموقف ولا احد اجبركي على هذا سمحتي على كلامي اكن انت زرعتي هذا الحزن وانتي الان تحصدينة والي اسفة كل هذا على حساب بنات كما قلت الكي كوني طائعة الي زوجك ودعي الايام هي التي تداوي احزاني وكني مع الله وان الله معكي
السلام عليكم اختى \ اولا انا اضم صوتى الى صوت الاخ فارس وبجد اختى انا حزين جداا على ما حدث معاكى لكن اختى بجد انتى ممشاء الله عليكى بتقولى انك بتشتغلى ابعدى عن هذا الرجل لان ده مش زوج وهو لو انسان كويس كان تعامل معكى بشرع الله كان على الاقل اخدى حقق فى الوقت لكن من اجل انا اختصر اختى اتركى هذا الرجل ول مستمرش معاكى لان اى راجل يعمل كده على حد قولك يبقى مش راجل ابد لكن اهم حاجه معلش فى التعبير مش انتى بناتك با اختى بكره يكبرو يجدو زوج ام ليس عنده دين ولا رحمه وفى امر مهم كما قال الاخ فارس انتى ليه بتقعدى على النت ابعدى عنه والله النت خطر كبير جداا لانك امراءه
ابعدى عن الفتنه دى خالص وبعدين انتى عندك بنات اوعى يكونو بيقعدو على النت دى تبقى نصيبه اخر وانا مش بتهمك والله لكن انا حريص عليكى وكونى حذره على نفسك وبناتك
لكن اخر ما اقول لا تقنطى من رحمة الله انتى لكى رب اسمه الرحمن الرحيم وخلى بالك من اولادك فى رعاية الله وحفظه وربنا ييسر لكى كل امر عسير .
يا اختى العزيزة ما لهذا الحظ العاثر الذى استلمك من يوم ما كان عندك 19 سنة وما هذة الرجال ما هذة الاخلاق وانتى وحيدة لا سند لكى اين اهلك وذويكى مشكلتك فى عدم وجود اهل يقفون لمن يتجاوز حدودة معاكى منهم وما كل هذا العناء الذى تتحملية ومن اجل اية تتحملى هذا العذاب المتواصل اتركى هذا وذاك وحافظى على بناتك ففيهم العوض واعلمى اختى الفاضلة ان الاثنين لا يساوو ظفر اصبعك فهم يحملون اللقب فقط
اطلقي وعيشي لبناتك وحاولي ترجعي شغلك وعادي انتي مابتعملي شي غلط الزواج ده نصيب اي نعم كلام الناس صعب ومش بيسيبو حد في حاله بس اللي بيعمله زوجك التاني حرام ده مش عدل حاولي واعدي معاه وشوفي حل لو مالقيتي يبقه انفصله بالمعروف وده بصيبك احمدي ربك اني الابتلاء ده مجاش في صحتك ولا بنتك ده ابتلاء اصبري وربي يفك كربك يارب بس فكره في بناتك وحياتهم اهم شي ربي يسعدك ويكرمك ويفرحك قلبك ببناتك يارب
هذا ياختي كان يمارس نزوة معك وانتهت وهو جالس يمارس عليك الاهانة ويتعمد يتجاهلك عشان تطلبي الطلاق
بس اتركيه حتى لايكون بينكم اولاد وحاولي تعيشي انت وبناتك وتربيهم تربية كويسة واعتمد على نفسك لانك ماشاء الله قوية وتقدرين تعيشين من مالك لانك مع زوجك الاول كنت تتصرفين وتجيبين فلوس تسددين ديونه
حبيبتي ايضاً انت صغيرة ومحتاجة لرجل بحياتك فلا تهضمي حقك بدومة الحياة بس اختيارك المرة القادمة لشريك الحياة لازم يكون اختيار مناسب وياخذ وقت كافي ويخضع لاختبارات حتى تتأكدي انه الرجل المناسب
اضمني حقوقك ولا تلقين على كاهله مسؤلية بناتك هو ماهو مسؤل عنهن فقط يتكفل فيك ويراعي حقوقك كاملة هذا المطلوب حتى السكن يساهم فيه لكن لا يتكفل فيه كامل لانك تسكنين مع بناتك انت وليس بناته هوا
اتمنى لك التوفيق
لاول مره على الموقع دة احس با انسانة ولاكن ماذا افعل معى غير الدعاء ربنا معاكى يارب ويهديلك زوجك انتى شكلم اسيتى فى دنيتك قووووووووى انا بحب اهل طنطا قوى لانها بلد والديى
واضح يا اختى ان زوجك لا يعلم زوجته الاولى بزواجه يعنى زواجك منه فى السر وهو خايف ان زوجته تعلم بذلك هو عامل ذى الحرامى اللى بيسرق وخايف حد يشوفه وعلشان كده حالف عليكى متمسكيش موبايله ولا ترنى عليه او تبعتيله رسايل كل ده من خوفه ان زوجته وولاده يعرفوا حاجه ويمكن كمان منعك من النزول خايف تروحى لزوجته من وراه وخايف ان اهلك يتدخلوا فى مشاكلكم علشان مينبهوكيش انك تبلغى زوجته او يغضبوا علشانك ويتصرفوا تصرف غلط لكن فعلا ممكن يكون بيحبك لكن خوفه من زوجته مدمرة وده طبعا مش عدل ربنا مسيرة هيجيلك لما ظروفه تسمح يعنى يسرق شويه وقت او يلاقى حجه لزوجته الاولى علشان يجيلك هو بس مش لاقى حجه خصوصا انه مش من نفس البلد ويمكن ظروف شغله مفيهاش صفر لو عاوزة تستمرى وتعيشى معاه اقترحى عليه انك تنتقلى معاه الى القاهرة علشان تكونى بجانبه واقلى مدارس ولادك هناك واقسميله انك هتكونى حريصه اكثر منه ان زوجته لا تعلم شىء عن زواجكم لو علمت يبقى يطلقك وانك برده مش هتكلميه على الموبايل صدقينى لو انتى عايشه فى نفس البلد هيبقى عندك طول الوقت اللى هو فاضى فيه وهيبقى من السهل يلاقى الحجج ده طبعا لو انتى عاوزة تستمرى
اولا انتى حظك كان عاثر فى الزوجين ولو انا مكانك اطلب الطلاق فورا لانو من شروط الزواج العدل والانصاف حتى لو متزوج من اربع مش اتنين اما لو تماديتى انتى كده بتدمرى فسك وبتدمرى بناتك والمعامله السئيه هيه الى خلتك تجلسى على النت وشويه ممكن تاخدك للرزيله احرصى على ثقتك بنفسك والحياه ما هى الا حقل تجارب والفشل مش معناه الخضوع بل معناه الاصرار على وجود الاغضل والحياه الكريمه لاكن مع كل ذالك احرصى على طاعه الله ولا تغضبي بمعصيك وان شاء الله ربنا هياتيكى بالزوج الصالح ان شاء الله او انو يباركلك فى بناتك الى المفروض مت شغلك الشاغل وشكرا
هو دائما يهددنى بالطلاق لو نزلت من البيت هطلق لو رنت عليه لو بعت رساله او دخلت حد من اهلى فى المشكله ما بنا مش عرف الانسان ده عايز ايه لما بكون ادمه يكلمنى حلو ولا يمشى من عندى بيبقى شخص تانى بيعرف لنى تعبانه مبيسالش عليا والله طول سنه جواز لم يحضر سوى 10 ايام وفى اخر شهرين بيجى يقعد سعتين ويمشى انا عارفه انه بيكلم ستات فى التليفون بس مبكلمهوش خالص فى الموضوع ده لانه حالف عليه ممسكش موبيله وفعلا ما بجيش نحيته خالص وايام ما كنت بتصل بيه كنت الاقى تليفون مشغول بساعات وانا لو كلمنى والله دقيقه ويقولى اصلا سايق وعلى الطريق انا مش عارفه اعمل ايه ولما اقوله انت مش عايزنى يقولى لا ء والله غصب عنى هو فيه كده انا قولتله كتير انا اجوزت علشان نفسى اعيش انا مفيش جديد فى حياتى معه بس زاد عليا القهر والغم بقول لنفسى كتير انا هصبر واحتسب وربنا يجزينى على صبرى بس الحزن من الا انا فيه هيموتنى