مشاكل الازواج

زوجي بيزعلني ويرفض يراضيني

السلام عليكم ورحمة الله وبركاتة ياجماعة دي اول مرة اكتب واشارككم بس اتمني من كل السادة الافاضل انهم يسعدوني برد علي مشكلتي لاني فعلا محتاجاه انا متزوجة والحمد لله من رجل فاضل ولدينا طفلتين احبه بجنون ويبادلني والحمد لله نفس الشعور ولكنه يري اني لايجب ان اغضب منه واترك فراشه حتي وان اغضبني يعني ازعل وبرده انا اللي ابدا معه بالكلام وبيستند لحديث النبي عليه الصلاة والسلام من باتت وزوجها غاضب عنها باتت تلعنها الملائكة وانا ياجماعة نفسى لما ازعل ييجي ورايا وييصالحني او علي الاقل يشوف في ايه ولو انا غلط يقنعني بغلطي مع العلم انه لما بيزعل هو بروحلو حتى لو مكنتش مقتنعة ان ليه حق يزعل  وعلي فكرة اتكلمت معاه بصراحة وطلبت منه انه ييجى ورايا لو زعلت ويصالحنى او يقنعني بغلطى مش مقتنع ان الزوج يعمل كده وبيقول مفيش نص صريح من الاحاديث او السنة بيدل علي كدة ايه رايكم مين فينا صح اروحلو حتي لو زعلانة منه ولا من حقي استناه افيدوني جزاكم الله خيرا

مشاكل وحلول ذات صلة

اضيف بتاريخ: Saturday, December 18th, 2010 في 22:18

كلمات مشاكل وحلول: , , , , ,

11 رد to “زوجي بيزعلني ويرفض يراضيني”

  1. فارس
    27/12/2010 at 16:10

    اسمعي وانا لك ناصح امين روحي صالحي جوزك حتى لو كان غلطان وذلك لأن الشيطان هو اللي بيكبر العملية في راس الواحدة ويقول لها لأ هو اللي بدأ وهو الغلطان لازم يعتذر ويفضل يكبر في دماغ الراجل وينفخ في دماغ الست لحد ما يحصل بينهم الزعل الكبير وبعدين الطلاق المرير ساعتها يكون انتصر الشيطان بسبب كلمة واحدة وهي كلمة ( أنا آسفة متزعلش )
    والله انا متزوج والحمد لله عمري ما زعلت زوجتي ولا رفعت صوتي عليها ولا شتمتها ولاأي شيء بل أساعدها في كل أعمال البيت بلا استثناء وبكل محبة والله على ما أقول شهيد فلا تجعلي زوجك يغضب منك بسبب امور تافهة وكوني دائما ذكية في تعاملك معه الله يسعدك يارب .

  2. يار
    21/12/2010 at 20:32

    كل من السيدات بحسها فيها نوع من التوارث والاستكانه والاعتراف ان ده امر واقع بطريقة انهم حافظيين من فاهمين يعنى حافظيين ان الراجل هو الامر الناهى والست هى اللى لازم تعمل وتسوى وتطبطب وتراضى وهو يطنطط عليها …الزعل ده نوع من الدلال يعنى انو يصلحك ده يحسسك انو بيموت فيكى وميقدرش على زعلك غير كده احساسك هيبقا انك مش فارقه معاه ولصحبة المشكله ياريت تعمليه زى مابيعملك يعنى انتهزى اول زعل ليه منك وقوليلو تصبح على خير ونامى من غير متصلحيه وكرريها هو نفسه هيجى وقت ويزهق من الطريقه دى ويسالك انتى اتغيرتى ليه ساعتها قوليلو دى طرقتك ومن عاشر قوم اربعين يوما صار منهم وانا بقالى معاك سنين يعنى بقا دا العادى انتا اللى خلقت الجفا بينا من خصامك وانك مش بترضينى حتا من باب انك متقدرش على زعلى ومهما طالت مدة خصامكو متبدأيش الكلام وحطى فى دماغك ان البعد ده تأديب ليه هو كمان لانو من الواضح من تراضيكى ليه بصفه مستمره بقا بيتلذذ لانو عارف انك بتتعبى من خصامو ابعدى انتى كمان مهما طالت المده لان ده علاج الشخص ده.

  3. جمال
    19/12/2010 at 23:51

    حرام عليكى خليتى ناس اغراب يشتموا جوزك
    اتقى الله فيه
    واقرو سوا قصص الانبياء ازاى كانت معامله الزوجات

  4. حبيبة الرحمن
    19/12/2010 at 16:30

    انا زوجي بقوله شيل معايا السجاده راح زعل وشتمني وضربني وجاب اخواتي الاولاد ازاي اختكم تقولي اترفع معايا السجاده علما باني كنت بموت من الم المراره ودخلت اصلحه راح كسر زجاج التسريحه عور ايدي والله الجرح كان قريب من الشريان وفي الاخر روحت وبصلحه وببوس علي ايده راح زعق فيا هو ده الراجل هما فاكرين الرجوله ضرب وزعيق وصوت عالي وبس واستنيه انه يصلحني مافيش فايده لاننا اللي عودناهم علي اكده من الاول اني الست هي اللي تتداي وطبطب والراجل سي السيد ربي يعينك ولو لقيتي حل ارجوكي قوليلي

  5. فارس
    19/12/2010 at 14:03

    عارفه إطبعي الآيات دي أو الحوار كامل 100 نسخه ولزقيهوله في كل حته في الغرفه وروحي إستخبي يمكن يقتنع طالما هو عاوز نص صريح ولو خير وفهم ونادى عليكي بكلمات الحب والحنان اخرجيله لقيته طلع متخلف وعمل نفسه عبيط ومش عاوز يطلع غلطان يبقى دوري على علم النفس والشخصية السيكوباتية

  6. فارس
    19/12/2010 at 14:00

    والله راجل غبي
    بس اكيد ضغط العمل خلاه يفوت ويفر عالفاضي
    انتي ادلعي عليه بس مش قوي إنتي تقدري تقدري والمفروض تتنازلي شويه من عندك وخليكي انتي الكبيره علشان المركب تمشي ممكن هو فيه عنده شوية افكار تعبانه مثلا ياخد نص الآيه أو الحديدث اللي يخصه ويسيب النص التاني لو قالك الحديث تاني ردي عليه بـــ
    حُسْنُ معاملة الزوجات”
    وضعت الشريعة الإسلامية أسس ءاداب المعاشرة الزوجية بين الزوجين،بهدف حماية بيت الزوجية من الإنهيار،وليبقى هذا البيت سعيدًا،ثابت الدعائم قوي البنيان غير مهدد بالسقوط والضياع.

    الحمد لله العليم الحكيم والصلاة والسلام على سيدنا محمد سيد الأنبياء والمرسلين وحبيب رب العالمين.
    إنَّ العلاقة الزوجية في الشريعة الإسلامية جعلها الله عز وجل قائمة على المودة والعطف والسكينة والرحمة بين كلا الزوجين ليسكن كل منهما للآخر ولتتوطد أواصر المحبة والرحمة والعطف بينهما،وليتعاون الزوجان في الحياة الزوجية فيما يُرضي الله تعالى ورسوله،يقول الله سبحانه وتعالى(ومن ءاياته أنْ خَلَق لكم من أنفسكم أزواجًا لتسكنوا إليها وجعل بينكم مودةً ورحمة إنَّ في ذلك لآياتٍ لقوم يتفكرون)(سورة الروم ءاية 21).
    وهناك ءاداب وأخلاق حضَّتْ عليها الشريعة الإسلامية في معاملة الأزواج حتى تدوم حسن المعاشرة بين الزوجين،ويبقى بيت الزوجة سعيدًا،ثابت الدعائم قوي البنيان،غير مهدد بالسقوط والانهيار،والفشل والضياع وما يترتب على ذلك من نتائج وخيمة على كل من الزوجين والأولاد.
    حُسْنُ الخُلُق والتواضعُ في معاشرة الزوجات
    ومن هذه الآداب والأخلاق التي يطلب من الزوج أن يراعيها في معاملة زوجته ومعاشرتها:حُسن الخُلُق والتواضع في معاشرة الزوجة،فعلى الأزواج أن يراعوا حسن الخُلُق مع زوجاتهم واحتمال الأذى منهن.
    وكما أمر الله بالمعروف في معاملة الوالدين وحسن صحبتهما فقال(وصاحبهما في الدنيا معروفًا)(سورة لقمان ءاية 15)أمر الله تعالى بالمعروف في معاملة الزوجات فقال سبحانه(وعاشروهنَّ بالمعروف).
    وقال الله سبحانه وتعالى في تعظيم حقَّهن(وأخذنَ منكم ميثاقًا غليظًا)أي عهدًا مؤكدًا شديدًا،وقد قيل في تفسير هذا العهد إنه كلمة النكاح التي تُستحلُ به الفروج،ولقد ثبتَ أن الرسول صلى الله عليه وسلم وصّى في حجة الوداع بالنساء وصية بالغة،وحضّ حضًّا شديدًا على حُسْن معاشرتهن ومعاملتهن،فقال عليه الصلاة والسلام: “فاتقوا الله في النساء فإنكم أخذتموهن بأمانة الله”رواه مسلم،وقال صلوات الله وسلامه عليه: “استوصوا بالنساء خيرًا”.
    ومن أعظم ما ورد عن الرسول الأعظم صلى الله عليه وسلم في الوصية وحسن المعاشرة مع الزوجات قوله عليه الصلاة والسلام “خيركم خيركم للنساء”،وقوله صلى الله عليه وسلم: “أكمل المؤمنين إيمانًا أحسنُهًُم خُلُقًا،وخيارهم خيارهم لنسائهم”رواه أحمد.
    يمكن يقتنع

  7. نورسين
    19/12/2010 at 13:40

    السلام عليكم ورحمه الله وبركاته
    حبيبتى الرجل طفل كبير وهو يعتقد ان المراه عليها ان تدلعه وتسمع كلامه ولكن قولى له ان الله جعلكم قوامين علينا ليست فضل لكم ولكن تكليف عليكم بان تراعونا وتقومون على مطالبنا وتفضلوننا على انفسكم واخر وصايا نبينا محمدعليه افضل الصلاه والسلام فى خطبه الوداع استوصوا بالنساء خيرا فانه عوان عندكم ومعنى عوان يعنى اسيره وليس الاسير يستطيع عمل شئ واخر كلماته (ص)وصى المسلمين بالصلاه والنساء ويستطيع زوجك شراء فقه الشعراوى من اى مكتبه ويقراه واقول له كنت لها خادم تكن لك جاريه والله الموفق

  8. أبو عبد الله
    19/12/2010 at 12:47

    اختي الكريمة للأسف زوجك لا يعلم شيئاً عن اخلاق الرسول صلى الله عليه وسلم وعن تعاملاته مع زوجاته وإلا ما قال هذا الكلام أبداً، وأنصحك بشراء كتاب يوضح معاملات الرسول صلى الله عليه وسلم مع زوجاته لأحد الشيوخ المحبوبين مثل الشيخ محمد حسان وستجدي الحل فيه إن شاء الله تعالى.

  9. النبيل شارل
    19/12/2010 at 12:02

    اختي هو يريد ان يشعر بأنه ملك في مملكته اختي يكفيكي انه يحبك عندما يزعل منك فمن المؤكد انه ينتظر تلك اللحظه التي تعودي فيها إليه فعودي اليه قد تظنين ان هاذا نقص فيكي لكن بالعكس هو رفعه عند زوجك وتأكدي انه يحبك كلما عدتي إليه

  10. رياض
    18/12/2010 at 23:51

    هذا هو الغباء العاطفى من الزوج, فعلا هو رجل لديه غباء عاطفى.
    الزوجة نفسها تسمع كلمة حلوة ترضيها نفسها زوجها يحضنها ويطبطب عليها.
    ليه الزوج يبخل على زوجته بكلمة حلوة ترضيها؟؟.
    ليه القسوة ؟؟ وربنا جعل بينكم مودة ورحمة.
    انا مش ايه الغباء ده
    صحيح فيه رجالة كتير ذى كدة لديهم غباء عاطفى.
    انا انصحك انك تعيشى معاه حسب طبيعته وتتعاملى معاه حسب فكره وعقله.
    وليكى الاجر فى الدنيا والجنة فى الاخرة ان شاء الله.

  11. مدمنه نت
    18/12/2010 at 23:43

    انا اول واحده هرد عليكى واااااااااااااالله وربى يشهد عليه حصل موقف مع جوزى كنت بكلم جارتى فى البلكونه وفضل ينادى عليه بس ما كنت سامعه عشان كنت ئافله البلكونهفضل ينادى المهم لئيته رزع باب البلكونه وئال مش بنادى عليكى ئلت ما سمعت المهم دخل ينام احايل فيه وارضيه برضه ما فيش خالص يرد عليه وابوس راسه وده منشف دماغه كان نفسى ساعتها اهبطه فى الارض من غيظى منه بس بعد شوى هدى وكلمنى دى حاجه تانى حاجه انا ئلت لجوزى مهما حصل بينا لو ئطعتنى كده اياك تسيب سريرك وتنام بره الا عوزه ائوله مش المهم مين يراضى مين المهم ان فيه بينكم حب واحترام ولازم نعيش عشان عيالنا انا زيك كده والله لما جوزى يبئى فى الشغل او مشغول فى حاجه ما يعرفنى خالص بس لما يروق كده بئى يكلمنى حلو وكده يعنى احنا لازم نستحمل يا اختى معلش احنا احسن من غيرنا اعرفى كده واعرفى انه بيتعب عشانك انتى وعيالك اتمنى ليكى حياه سعيده

اترك رداً أو حلاً لهذه المشكلة