مشاكل الازواج

ارسلني لاهلي لكي لا يتحمل مصاريف الولاده

السلام عليكم
انا متجوزه من سنه ونص وحملت قبل كدا ومحصلش نصيب ودلوقتي انا حامل في ااشهر التاسع والحمد لله من يوم جوازي وانا ديما في مشاكل مع جوزي بسبب المصاريف مع اني نا بشتريش حاجه لنفسي خالص كله للبيت ومصروف بسيط ولو اتبقي منها حاجه كنت بشتريله بيها اي حاجه نقصاه وعمري مافكرت اجيب لنفسي حاجه وكذا مره يعيرني ويقولي انا بصرف عليكي وباكلك وبشربك محدش عايش زيك مش عارفه علي ايه وخنافات كتيره علي نفس المشكله كل يوم او يومين مع انه مبيخليش اهله محتاجين حاجه ولو امه تعبت بياخدها في احسن مكان يعلجها وانا مقولتش حاجه بس زهقت من المصاريف وخناقتها مع اني قبل الجواز كنت عايشه في مستوي احسن وكل حاجه بتجيلي عشان يجي يعني ويقولي انا باكلك ويزلني كل شويا بالعيشه مفيش مره طلبت منه علاج او حاجه للبيت الا وحصلت مشكله طول الخمل في نكد كل يوم والله تعبت واخدت منه فلوس عشان اجيب هدوم وحاجات للبيبي مخلصتش لممده اسبوعين وقال للدنيا بحلها وخلاني سيبت البيت والله ودلوفتي انا خلاق في اخر التاسع وكلها كام يوم وحولد وتعبانه وايدي وارمه جدا وزرقه مبعرفش احركها ومرضتش اح عند ماما عشان ما اسبهوش لوحده اتخنقنا النهارده عشان بقوله عايزه مصروف البيت مخلصتش وبعدين جاي يسبلي فلوس قولتله مش عايزه حاجه وانا منهاره راح اخد الفلوس ومشي وبعديها اتصل بماما يقولها انا مش قادر عالمصاريف بنتك مع اني مبصرفش غير عالاكل بس واخر كلامه معاها بنتك عندك اتصلي بيها خديها تولد عندكم وهو عارف اني تعبانه ماما اتصلت بيا وقالتلي تعالي حتولدي عندي ومن سعتها وانا منهاره يعني جوزي بدل مايكون جنبي ويشوف ابني ويكون معايا وانا بولد ذي كل المتجوزين ويفرح بابنه وداني عند اهلي مع ان شغله ومرتبه كويسين جدا صعبان عليا نفسي اوي هل بعد ماسبني يرجع ياخدني عادي انا خلاص مش قادره ارجعله بعد ماسبني في الوقت ده اعمل ايه فيدوني

مشاكل وحلول ذات صلة

اضيف بتاريخ: Wednesday, January 21st, 2015 في 15:59

كلمات مشاكل وحلول: , , , ,

7 رد to “ارسلني لاهلي لكي لا يتحمل مصاريف الولاده”

  1. البرنس
    23/08/2019 at 02:22

    ايه الكلام الهايف بتاعك يااستاد شادي مبالغة ايه اللي تتكلم عنها ياافندي عاوز تدافع عن جوزها حتى لو كان غلطان قمة الوقاحة والانانية فيكم يامن تدعون الرجولة وانتم للاسف اشباه الرجال ولارجولة ولاكرامة عند البعض منكم اما انتي يااختى صاحبة المشكلة ربنا عزوجل يمن عليك بالسلامة في ولادتك ويبارك لك فيه ان شاء الله و لازم تاخذي حقوقك الشرعية من البنى ادم ده حتى لو عن طريق المحكمة طالبية بسكن مستقل بعيد عن تدخلات اهله ويكون ملزوم بالنفقة والمصاريف لكي واللي في بطنك ويعطيك مصاريف شهرية بعد الولادة ويتحمل اعباء الحياة الزوجية فان كان كذلك فارجعي معه وان رفض فبيت اهلكي اولى بكي وطلبي الطلاق منه وربنا يعوضكي خير منه ان شاء الله

  2. مجنون نسوان
    08/12/2015 at 09:49

    شوفي يااختي الفاضلة الحياةالزوجيةتتطلب التعاون والتكاتف من الطرفين في جويسوده الحب والالفةوالاحترام وحل المشاكل بالهدوءبعيداعن تدخلات الاهل دي هي الحياةالزوجية الحقيقية وانت لازم تقدري ظروف زوجك وماتحسسيه بالفوراق الاجتماعية بينكم اوالعيشة اللي كنت عليها مع اهلك قبل الزواج تقربي منه وتساعديه بدون مايطلب قدرالاستطاعة انا معاك انو هوالراجل وله القوامة في كل شي بمايرضي الله عزوجل وملزوم يصرف عليك وعلى البيت والبيبي حسب الشرع لكن مش بالطريقة دي ارجعي لبيتك بعدالولادة نشاءالله وانسي كل الماضي وابتدوا صفحةجديدة في حياتكم وفكروا في المولود اللي جاكم ربنا يجعل قدومه عليكم قدوم الخير والبركةوحلوا مشاكلكم في اجواءهادئةوعقلانية بعيدا عن الشتائم والاهانات اوالتجريح ومافي مشكلة الا ولهاحل وربي يسعدكم ويصلح حالكم

  3. ♣ شادى المصرى ♣
    29/01/2015 at 02:36

    اولا :- واضح كويس جدا ان فيه مبالغه فى الشكوى لان كلامك كلو مفيهوش مره قالك انمتى مبزره فى المصاريف مثلا او قالك احنا عاوزين نوفر فده محصلش من خلال كلامك
    ثانيا :- مصاريف البيت ممكن تكون الف جنيه وممكن تكون خمسة الالاف بردو وانتى بنفسك قلتى ان مستواكى قبل متتجوزى كان افضل وده دليل انك بتحاولى فى مصروفاتك انك تقربى من حياتك قبل الجواز وده عاده بيكون تقليد والتقليد فى الحياه العمليه ممل جدا ومكشوف للزوجين بالاخص جدا جدا
    ثالثا :- انتى مقلتيش فى الشكوى ان زوجك بيتعاطى مخدرات او بيشرب كحولات ودى الحاجه الوحيده الى بتخلى الراجل دايما متعصب وده مستبعد تماما لانو لو بيتعاطى كنتى هتقولى انو مستخسر المصاريف فى البيت وبيشرب بيها مخدرات وبكده بردو هو ملوش فى الطريق ده
    رابعا بئى وده المهم :— ان اول مولود بالنسبه للزوجين الاب او الام بيكون حاجه كده زى الحلم كل واحد منهم بيكون متلهف على رؤية البيبى وبالذات لما يبئى اول مولود وجاى بعد شوف لانك قلتى حملتى قبل كده ومحصلش نصيب يعنى من الاخر كده هو كان بيستنى البيبى ده بفارغ الصبر ؟ وايضا لم تذكرى فى الشكوى انو متضرر من الحمل ومكانش عاوزك تحملى —- انا بكل صراحه شايف ان الشكوى دى فيها مبالغه كتير جدا
    خامسا :– اذا انتى محتاجه نصيحه فانتى لو عاوزه تكملى مع زوجك والاب للبيبى الجديد فلازم تعيشى بنفس مستواه المادى ومتحطيش معاملتو الحسنه لوالدتو على انها عقبه هو لو ملوش خير فى والدتو مش هيكونلو خير فيكى — حسسيه انك بتخافى عليه وعلى فلوسو لازم يحس بكده من خلال تصرفاتك —- اما لو مش عاوزه تكملى معاه لو قادلك صوابعو العشره شمع بردو مش هتقتنعى —- انتى الوحيده الى ممكن تختارى طريقك لانك ادرى مننا بمستوى المعيشه و الحل عندك انتى —

  4. rabet007
    26/01/2015 at 13:18

    والله يا فندن الله اعلم بظروفه ممكن يكون خايف من مسئولية الاب والولادة والمصاريف وكده معلش اتكلمي معاه وضحي ليه ان ربنا هيقف جنبكم

    الدنيا غلاء يا فندم

    صدقيني كان الله في عون كل زوج

    ده اختبار ليكي منه اقفي جنبه معلش

    وربنا يقومك بالسلامة

  5. mohamed
    25/01/2015 at 11:58

    انا فى العادة مش بحب اكون عدائى فى محاولة حل اى مشكلة .. لكن بصراحة الشخص دا منرفزنى .. اصلا فكرة انه يتصل بوالدتك ويقولها مش عارف اصرف على بنتك دى فى حد ذاتها اعتراف منو انو مش قد رجولته انا اسف يعنى .. مهو الزوجة من وهيا طفلة لحد قبل متتجوز مماتتش من الجوع يعنى عشان يجى الزوج ويعاير انه بيصرف .. ماشى كويس انه يصرف بس الراجل عامة مينفعش يقول لمراته انا بصرف عليكى .. وعلى العموم واضح انه شخص غير مبالى ومشاعره جافة انا مش عايز اخرب بيت بكلامى دا وصلى صلاة استخارة بس انت ليكى الحق فى انك تقررى ترجعيله ولا لا

  6. العاشق
    22/01/2015 at 15:01

    الشرع يلزمه بالنفقةوالمصاريف لك كزوجة وللذي في بطنك منه ماتتخليش عن حقك الشرعي نهايا اوتتساهلي معه في الموضوع ده ربنا يقومك بالسلامةنشاءالله ويكرمك بالخلفةالصالحة بس ماترجعي له بعدالولادة وماتخرج من بيتك اهلك الا لما يعرف حقوقك وواجباتك عليه كزوجةوام لاولاده ويكون فيه شروط يلتزم بها امام اهلك والا فلاتعودي له وبيت اهلك اولى بك من عيشةالبهدلةوالذل معاه وربنا يصلحه ويهديه

  7. Soooo
    22/01/2015 at 02:17

    سبحان الله بيمن عليكي بحاجه واجبه عليه ايه الزمن ده يارب
    أختي العزيزه زي ربنا مابيقول حكم من أهله وحكم من أهلها وهما اللي يقرروا المصروف الشخصي ليكي ولو أخلف يبقى مسؤل قدامهم

اترك رداً أو حلاً لهذه المشكلة