مشاكل الازواج

بسبب قسوة زوجي تورطت بعلاقة مع شاب

انا سيدة متزوجة من فترة وطوال هذه الفترة كنت مستحملة جوزي الي كان بيهين فيا قدام كل الناس وبيضربني  وبيشتمني  ويطردني من البيت  كل ما خطر ببالو واقسم بالله اني كنت  ست محترمة زواجنا وبتحملو  لاني يتيمة اصلن ومافيش حد اروحلو غير زوجي مشكلتي اني افتقرت العاطفة واحساس الامان واتعرفت على شب  وغلط باني عطيتو صور ليا ومرة خرجنا فسحة وصورني وهو بيهددني بالصور انو هيديها لزوجي انا  عارفة اني غلطت بس ارجوكم ساعدوني  الشب ده بيهددني بالصور وبيطلب فلوس

مشاكل وحلول ذات صلة

اضيف بتاريخ: Wednesday, December 22nd, 2010 في 17:51

كلمات مشاكل وحلول: , , , , ,

28 رد to “بسبب قسوة زوجي تورطت بعلاقة مع شاب”

  1. الفهدالاسود
    15/03/2016 at 20:23

    لوكل واحدة زوجها يضربها او يعاملها معاملة مش كويسة تروح وتلجا للخيانة الزوجية هل انت بلاشعور وبلاعقل لاعذر لك في كل ماقلتيه من تصرفات زوجك معك واصبحت خاينة وزانية ولو حتى ماحصلش بينك وبين الشاب من علاقة جنسية كاملة فقط مجرد كلام وصور مقدمات للوقوع في الفاحشة عليك بالاسراع بالتوبة لله عزوجل والاستغفار اليه وقطع العلاقة المحرمة مع هذالشاب نهاية وللابدوابلاغ الشرطة عن هذالشاب وانه يهددك بالصور الخاصة لك ويريد ابتزازك ماديا وفضحك امام زوجك وتاكدي ان الشرطة بتقوم بواجبها الكامل لحمايتك والبحث والتقصي عنه حتى يتم القبض عليه واسترجاع صورك منه وانزال اقصى العقوبة بحقه هووكل من يشهر اويستغل الناس ويحاول ابتزازهم ونشر فضائحهم وخذي العبرةوالدرس مماحصلك علشان تقدري تحافظي على شرفك واخلاقك وتربيتك وتصوني بيتك وزوجك من المحرمات والمعاصي والله يهدي الجميع ويسترعلى الجميع

  2. صاحبة المشكلة
    06/01/2011 at 23:47

    شكرا لكم اخواني tamer و muslima و التائب الى الله ومدمنة نت والاخ خالد والمرأة القط وفهد والتحدي وكل شخص حس بيا وكل اخ واخت حاولو يخففو عني ولو بكلمة وتجرببتي دي برغم انها تجربة مريرة الا اني تعلمت درس مش هنساه طول عمري انا مش طالبة المستحيل من جوزي انا كنت طالبة الامان ولانو كان بيطردني من البيت دايما كان سبب اني ضعت وتهت بس ربنا ردني لطريقي الصحيح كل الش ردو علة مشكلتي بشكركم منن كل قلبي وبتمنى ربنا يصفح عني وعنكم ويديكم الصحة على طول انا توبت وطالبة من ربنا يستر عليا انشالله الله مش هضعف تاني اكيد بشكركم جميعا بجد ريحتوني لو ان الموضوع مش قادرة احلو واجييب الصور بس انتو هديتو نفسي ويارب زي ما قلتو ما يتعرضش ليا ميرسي ليكو

  3. التحدى
    03/01/2011 at 09:07

    السلام عليكم ورحمه الله وبركاته
    انا من رأى لا تلتفتى الى الوراء واتركى ذلك الشخص المستغل والمسئ والتفتى الى زوجك مره اخرى وحاولى ان ترجعى زوجك مره اخرى اليكى لا تقولى انه يهيننى ويضربنى هكذا من تلاقاء نفسه فأنتن يا معشر النساء تكفرون بالعشير هذه هى الحقيقه انتن تقومون باختلاق المشاكل واجبار الزوج على المعامله السيئه لكن .
    كل ما عليكى ان تسترجعى زوجك مره اخرى وتجعليه يشعر بالسعاده فأن شعر بالسعاده فسوف يقوم بأرضائك حتى ولم يحبك سوف يرضيكى لان الله قال فيما معناه ان الله جعل بين الازواج موده ورحمه فقومى باسترجاع زوجك لكى بكل الوسائل وحافظى على بيتك وان لم تستطيعى ان تسترجعيه وحدث بينكم فجوه كبيره فعليكى ان تقررى هل تستطيعين العيش معه ام لا وانتى صاحبه القرار فاذا انفصلتى عنه وارتبطى بشخص اخر فهذا حلال افضل من انك ترتبطى بانسان تانى فى الحرام أو انكى تستمرى مع زوجك وتحاولى استرجاعه مدى حياتك فسوف يعود اليكى ان شاء الله ولا تايأسى ابداً فهذا هو الافضل لكى ولاولادك ان شاء الله.
    يبقى الحل انك تسترجعى زوجك مره اخرى.

  4. فهد
    01/01/2011 at 18:31

    طالما انتى توبتى وعرفتى طريق ربنا فخليه يخبط راسه فى الحيط وربنا هو المنقذ من المهالك…وخليكى بنت ذكيه كداااا ومش تخليه يعرف عنك حاجه زى ما الاخوه قالوا ليكى… او لو اتصل بيكى قولى له انى قولت لاخواتى انك بتتعرض ليااا وصورنى وانا ماشيه فى الشارع او سرق الصور من صاحبتى هايخاف ويستخبى زى القطه فى البرد ويكش فى هدومه ………… اتوكلى على الله ومش تخافى

  5. طارق
    30/12/2010 at 11:42

    لا تستجيبى له ولو استجبتى لن يسكت وسيطلب اكثر واكثر اما ازا كانت الصور عادية فقولى بانه صوركى وانتى فى الشارع دون ان تدرى واما ازا كانت هزه الصور طبيعتها ينفع ان تقولى بانها كانت مع صحباتك ولا تعرفى عنه شىء … بمعنى ان تفكرى تنكرى هزه الصور بطريقة تتلائم مع طبيعتها واما ازا كانت الصور خارجة وتدل فعلا على انكى بعلاقة معه فهزه مشكلة ولاكن ليس حلها بانكى توافقى على طلباته ابدا لان طلباته لن تنتهى وستزداد ….ولما يحصلك مشكلة دلوأتى احسن ماتتمادى لطلباته وتزداد ادلته عليكى ثم المشكلة تصبح كارثة وفضيحة …

  6. المراة القط
    29/12/2010 at 03:38

    يا بنتى الواد ده معقد وعاوز يربيكى بعد ما اتسلى بيكى شوية لو قطعتى علاقتك بيه تماما لا تليفون ولا اى حاجة اراهنك انه هيعمل حاجة طول مانتى بعيد ومش مدياله فرصة يعرف عنك حاجة هينساكى خالص بلا صور بلا فلوس اتعلمى بقى ولمى نفسك الواحدة ملهاش الا بيتها وجوزها وانتى قلتى كدا يبقى دى كانت خيابة منك وقلة عقل اعقلى وسيبك منه ومتعمليش كدا تانى ابدا انتى اللى بتدى فرصة للاندال انهم يلعبوا بيكى

  7. zizooo
    27/12/2010 at 18:09

    انصحك بعدم اخبار زوجك او احد من اقاربة من الممكن ان تستعيني باصدقاء في حل المشكل

  8. أحمد
    26/12/2010 at 04:26

    ا أولآ/ كل إنسان بيغلط إحنا مش ملايكه المهم نتعلم من الغلط ده. ثانيآ/ فى أى لحظه قولى لجوزك إن فى حاجات ضاعت منك مثلآ كتاب أو أجنده وكان فيها صور ليكى وتكون طريقتك على سبيل الدردشه وبشكل فيه دهشه أما الحقير الثانى افضل شىء إنك تغيرى رقم تليفونك وتضعى فى قرارة نفسك إن مفيش حاجه حصلت وتنسى الموضوع ويفضل كادرس ليكى وتعلميه لغيرك.

  9. أحمد
    26/12/2010 at 04:08

    H أوللآ مفيش حد مش بيغلط إحنا مش ملايكة بس المهم نتعلم من الغلط ده

  10. hany
    26/12/2010 at 00:06

    الاخت او الابنة انا لن الومك او افكرك بما مررتى بة من تجربه اوقعتك فى مشكلة
    الله وحدة هوا القادر عل تخليصك منها فمهما اتينا من حلول الحل الاساسى بيدك انتى
    فقط واليكى مختصر بعض الحلول
    1_ ان تتوجهى الى زوجك وتتحدسى معة بكل صراحة وتتحملى عواقب الامر وانتى تعلمين
    انهوا لن يغفر ولن يسامح واكيد على شخص مثلة انهوا ثوف يلقى بكى الى الشارع
    واكيد لن يقف معكى ضد هزا الشخص والله واعلم انت ادرى بتصرف زوجك
    2_ان تزهبى الى هزا الشخص وتقولى لهوا انكى على استعداد ان تتركى منزل الزوجية
    واريد الحياة معاك وان نتزوج وان لم تصطتيع الزواج بى فاتركنى لحالى والا ثوف الجأء الى الشرطة
    ابلغ عنى وعنك لانى ارفت من هزة الحياة التى ابعدتنى عن الله
    3_ان تزهبى الى احد المشايخ فى محيط دائرتة وتحكى لهوا على هزة المشكلة ويرسل هوا فى طلبة
    ويتحدث معة ويطلب منة عدم هدم حياتك يمكن وهوا فى الجامع يهدية الله ؟
    هزه هى ارائى لكى واتمنى من الله ان يرشدك الى الحل الامثل
    ولا تيئسى من رحمة الله واهدئى بالا لان الجميع خطاة ولا احد خالى من الخطية فقد ولد ادم بلخطية
    ولاكن الله دائما ما يمسح زنوب كل تائب عن خطاياه

  11. حمو
    25/12/2010 at 18:13

    لو هتسمعي الكلام
    قولي لزوجك واحكيله كل اللي حصل وروحي بلغي الشرطة بعدها
    زوجك لو بيحبك بس قاسي هيسمعلك حتي لو غضب
    بس ياريت متكونيش غلطي اكتر من الخروج
    وربنا يتوب عليكي وعلينا

  12. أبو عبد الله
    25/12/2010 at 10:11

    أختي الفاضلة عليكي بالاستغفار والتوبة والتوجه إلى الله بالدعاء بصدق وإخلاص أن ينجيك ويكشف كربك وأن يحفظك من هذا المجرم وإن شاء الله سوف يصرفه عنك إنه ولي ذلك والقادر عليه.
    ولا تستمعي له وقولي له افعل ما يحلو لك وأنك ستبلغين عنه الشرطة.

  13. مصطفى دويدار
    24/12/2010 at 22:39

    نختى العزيزة كل واحد فىالدنيا بيغلط المهم لما يكتشف الغط لا يتمادى فيه كونى شجاعه وهدديه انت بانك سوف تبلغى الشرطه ومهما حصل لا تتضعفى مثل هذا الشخص الخسيس لا يؤتمن ويصلح ان يكون صديق وياريت تكون هذة التجربه عبرة لكى ولما تختارى اى حد لازم يكون من اهل الثقه اتمنى لكى ان تجتازى هذة المحنه على خير ويهدى لكى زوجك

  14. خالد
    24/12/2010 at 11:37

    كونى واثقه من نفسك
    الراجل اللى يهدد امراه امنت على نفسها معاه
    لايمكن يكون راجل ومش هايعرف يعمل حاجه وواوعى تتمادى معاه اكتر من كده لانه غير لمين على نفسه

  15. تعبت كتير
    24/12/2010 at 07:48

    اولا لا تقولى بسبب قسوة زوجى قولى بسبب ضعفى الدينى وو سوسة الشيطان لى انحرفت وعملت كذا لا تعلقى اخطائك على شماعة قسوة زوجك لو كل انسانه قابلت القسوه بشى من الانحراف مكنش فيه بيت خالى من الانحراف انتى لا تفكرى الان فى حل المشكله فكرى فى كيفية التوبه وارضاء ربك ووقتها هو مدبر الاحوال وهيقف جانبك ويسا عدك

  16. صاحبة المشكلة
    24/12/2010 at 02:08

    لكل الي حاولو ينصحوني ويساعدوني بجد بشكركم من كل قلبي والله اني استريحت لان مشكلتي دي كانت قاعددة على قلبي زي الصخرة لاني والله مش متعودة على الغلط وطول عمري ملتزمة وكل انسان يغلط انا الحمد لله حسيت بغلطي وتبت ومستحيل اكرر الغلط ده لان كان درس قاسي ليا عشاني وعشان بنتي لما تكبر اعرف اخد بالي منها واعلمها تكون ثابتة وقوية وحذرة بشكر كل انسان من الاخوة الي حسو بيا وحاولو يساعدوني لانب كنت محتاجة احس حد جنبي

  17. حقيقة
    23/12/2010 at 23:46

    خليكي واثقة من نفسك وقولي له سوا اللي انت عاوزه اصلا زوجي انا بخبرة عنك عشان يقطعك ويبهدلك انت مش انا
    وقولي له زوجي بيحبني ويخاف علي فلوا عملت فيني حاجه انا ببهدلك
    خوفيه ولا يعرف ان زوجك قاسي معاك عشان ما يهددك فية
    الله يهديك ويستر عليك

  18. nana
    23/12/2010 at 17:29

    ربنا معاكى ب على فكره انا رأى بأحترامى لرأيهم ان مفيش احلى من الصراحه وانا جربتها فى مشكال ليا انتى قولى لزوجك ولو كان كويس ممكن يسمحك بس المهم انك تريحى ضميرك وتقوليلو لانوا لو عرف من حد تانى موقفك هيبقى وحش جدا وممكن يتصرف معاكى بطرسقه مش كويسه جمدى قلبك وقوليلو هو اكيد هيضايق بس اكيد بعديها هيهدى ويفكر كويس ويسمحك

  19. yasser
    23/12/2010 at 09:49

    النصيحة لله ؟
    اولا انتي اخطاتي خطاء كبير وهذا جزء من الله اولا اعزمي النية علي ان تكونى صالحة ووزوجه محترمة تحافظ علي زوجها في حضوره وغيابه ؟ ثانيا لا تتضعفي امام الشاب مهما قال ولا تعطيه اي مال وشوفي راجل كبير له احترامه وتثقي فيه واحكليها ان ياخذ حقك وياخذ صور من الشاب وكانهاقريبك وابن عمك ؟

  20. صلوا على نبيكم محمد (مسلمه
    23/12/2010 at 06:35

    يا اختى مهما كان تصرف زوجك معك هذا لا يعطيكى الحق للخيانه ابدا مش كل واحده جوزها يضربها او حتى عامل مصائب فيها تخونه على العموم اقطعى صلتك بيه نهائيا ولا تكلميه ابدا لا تعطيه الفرصه انه يهددك مهما كانت النتائج

  21. اختك بالله
    23/12/2010 at 01:17

    الله يسامحك على غلطك بحق زوجك ونفسك مهما كانت الاسباب المهم اوعي تخافي كما قالو لك الكل كلما اتخافي يريد اكتر ومش حيشبع اذن خوفيه بالشرطه وسجلي تهديده وابتزازه ليكي وقوليله اني مسجله كل حاجه وزوجي اذا عرف حيسامحني وانت الي تاكلها لاني حقولو عليك ومش حيسيبك ابدا والشرطه كمان وصدقيني سيخاف

  22. مدمنه نت
    23/12/2010 at 01:05

    والله يا بنتى كل اتهنا وانضربنا وكل حاجه انا برضه ما عندى غير امى بس بس جوزى وخداه عن حب بصى زى ما ئالو كده هدديه وما تخافى بس الاهم ما يتكرر الموضوع ده تانى لان مش كل واحده جوزها زعلها تعرف واحد بس عوزه اعرف هو عارف بيتك وعنوانه انتى عارفه اكتر حاجه ماما كاننت تئولها ليه اياك تدى صورك لحد اذا كان ولد او بنت حتى لو صاحبتك وبعيد عنك احنا بئينا فى عصر النت كله تركيب ربنا معاكى

  23. كلمها صح MUSlima
    23/12/2010 at 00:45

    انا شاب وعارف ازاى تفكير الشباب الوسخ دة ياريت تهدديه لو اتصل بيك هتكلمى الشرطة ولازم تعرفيه انك مش خايفة ولازم ايضا تغيرى رقمك (دة ضرورى جدا)واعتقد فيه اكتر من طريقة تخلى جوزك قريب منك والاهم من دة كله خليك قريبه من ربنا وان شاء الله خير بس مستحيل تكلمة الشاب القذر دة تانى ابدا (اوعى الشيطان يضحك عليك ممكن يسجل المكالمة ودة سهل جدا… خلى بالك من نفسك)

  24. التائب الى الله
    22/12/2010 at 23:04

    معلش انا متاكد انك ست محترمه بس اللى ماكنتيش لاقياه مع زوجك لقتيه مع الشاب ده وده غصب عنك
    اولا هو منه لله زوجك لانه هو اللى وصلك انك تعملى كده
    ومنه لله الشاب ده لانه من المفروض كان ياخد بايدك ويحاول ان يصلح بينك وبين زوجك وكام دلك على الطريق الصحيح يمكن كنتى قبلتى منه الكلام
    وهى غلطتط بردو انك خلتيه يصورك لان ده مش بنى ادم ابدا ده شيطان وبيستغل ضعفك
    حتتعدل ان شاء الله بس انتى ارجعى لله وتوبى ليه وحاولى انك تعيشى مع زوجك ولو ما قدرتيش اطلبى الطلاق ولا انتى اول ولا اخر واحده تتطلق

  25. صاحبة المشكلة
    22/12/2010 at 22:45

    الاخت مسلمة اشكرك جزيل الشكر لان حسيت في حد زيي اتعرض لمشكلة من النوع ده بجد بشكرك ووالله اني لما تزوجت كنت صغيرة ومافيش حد جنبي يساعدني لا عندي اخت ولا اب ولا ام وزوجي حتى استغل الوضع ده بانو يهيني ديمن وماحدش يوقفلو كنت محتجة شخص يسمعني شخص يحبني ويحسسني بالامان بس للاسف اخترت غلطط وكل انسان بيغلط وانا توبت ورجعت لربنا ولبيتي واقتنعت بان جوزي مهما يكن فيه خير ليا اكتر من غيرو بعد الدرس الي خدتو من الشب الي بيبتزني بالصور هو الموضوع بقالو فترة والشب بطل يتعرض ليا بس انا برضو خايفة يظهر بحياتي باي لحظة وبشكركم

  26. h-sudo
    22/12/2010 at 21:18

    يا اختي شو الواحد بدو يحكي في هيك موضوع لاني الموضوع اصلا طلع من ايدنا على كل حال الله يكون معك ويسترك في الدنيا والاخرة بس في شي لازم تعرفيه
    لازم تسايري هداك الكلب لحتى ما تحصلي على هدف معين منه اي نقطة ضعف ووقتها اضربي الحديد وهو حامي وربنا يكون معك اختي اخوكي ابو رشيد من حلب

  27. Muslima
    22/12/2010 at 20:17

    أختى الحبيبة ، حدث معكى مثل ما حدث معى تماما وهددنى بصور ايضا أخذها لى من الإنترنت وأنا بلبس البيت فاهمة قصدى طبعا ، المهم طلب أول حاجة فلوس وبعدين طلب أروحله بيته ولا خد منى فلوس ولا خدمنى شعرة وقولتله إعمل اللى تعمله وأنا مش هسكت وهبلغ الشرطة عنك إنك صورتنى وركبت صورى على ناس بدون ملابس وهوريك وهخلى حياتك تكرها إترعب جدا وحلف من يومها ما يتصل بيا ومن يومها مشوفتيش من الأخر هتبقى صلبة محدش هيعرف يعملك حاجة خايفة من الصور إيه يعنى ولا عايزه الموضوع يطور للبيوت وتبقى زانية غصبا عنك فوقى ،ده كلب والكلب عايز اللى يشوطه ومن الدقيقة دى غيرى رقمك وإقطعى أى صلة بيه بس لازم توصليله إنك مش فارق معاكى حاجة حتى لو إطلقتى وبيتك إتخرب صدقينى ساعتها خلاص هيعملك إيه وأأكدى على موضوع الشرطة إن شاء الله تروحى تشتكيه بجد إنه بيتحرش بيكى فى الشارع ومتابعك فى الرايحة والجاية كده بقه الصيادالكلب بقه فريسة بس لازم ترجعى لجوزك تبوسى رجله وتتلمى وتستغفرى ربك ونصيحة منى بوسى إيد جوزك وأشكريه وراضيه مهما كان وصدقينى هيتغير ودايما يشوفك كل ليلة عروسة طبعا فهمانى ودلعييييييييييييييييهإسمعى كلامى وهيبقى كويس معاكى ومتخليش فى نفسه من مراته حاجة طبعا الحلال بس والحرام لأهوجرررررربى هتخسرى إيه

  28. tamer
    22/12/2010 at 19:58

    واضح انك فعلا غلطتي مرتين . الاولي والاهم: هي عدم احترام زواجك أيا كان هذا الزوج. الثانية:سوء اختيار الشخص اللي غلطتي معه فهو انتهازي حقير يحاول استغلالك أسوأ استغلال.ونصيحتي لك بعد التوبة والعودة الي الله بصدق واخلاص هو مقابلة تهديد هذا السافل بتهديده أيضا بأنك ستفضحيه أيضا واياك والخوف منه أو الاستجابة لطلباته لانها لن تنتهي أبدا واذا أعطيته مرة فهو سيأخذ منك ألف مرة لذلك لاتضعفي أو تظهري الضعف أمامه أبدا بل كوني قوية مهددة له كما يهددك وتكلمي معه صراحة أنك لاتخافي منه واذا فعل شيئا بك فانك ستدفعيه الثمن غاليا . قولي له ذلك بقوة شديدة حتي ولو كلام فقط وهو سيخاف أن يفعل اذا وجدك بهذه القوة لان هذا النوع جبان بطبعه. ثم بينك وبين نفسك حاولي البحث عن انسان أمين ويخاف الله بحق وأشركيه في الامر معك واذا لم تجدي مثل هذا الشخص الامين فكوني قوية جدا معه واقتربي من رب العالمين أكثر وأكثر والله كفيل بهذا الحقير.

اترك رداً أو حلاً لهذه المشكلة