انا متزوج من 10 سنوات زوجتى كل اهتمامها بالبيت والاولاد وانا مغترب وهى معى اشعر بفراغ عاطفى ولا اشعر منها باى اهتمام الا وقت ما اطلبها احاول ان اعوض الفراع العاطفى عن طريق النت عندى القدره على الزواج بس اخاف على فراق اولادى الصغار هل استمر بالدردشة على النت ولا اتزوج ومش عاوز حد يقولى خليك قريب من ربنا وحافظ على بيتك كلنا عارفين فين الصح وفين الخطاء والانسان بطبعه ضعيف
مشاكل الازواج
متزوج وعندى فراغ عاطفى
اضيف بتاريخ: Friday, December 24th, 2010 في 12:17
كلمات مشاكل وحلول: النت, دردشة, فراغ عاطفي, متزوج, مشاكل الازواج
بصراحه داه موضوع كبير جدا وبقى من اكبر المشاكل الزوجيه فى البيت العربى والزواج فى العموم بيمر بمراحل وطبيعى ان قلب الست يتوزع بين الزوج والاولاد والبيت وخصوصا لو ست بنت ناس واصل زاى زوجتك لانها ضحت بحيتها للاسره حاول تفهم ان الزواج بيمر بمراحل مختلفه ومنهم مشكلتك دى وصدقنى برضو لو اتجوزت هتلاقى برضو مشاكل حتى لو عن حب وياريت تفهم ان مافيش حاجه اسمها سعاده كامله كلنا بندور عليها وانت تقريبا من كلامك سعيد مش اقل من 80فى المئه يعنى احمد ربنا واوعى تتخيل ان الحياه نعيم ودلع وسبب المشكله ان الراجل الشرقى الايام دى بيفكر بنصه الى تحت بس عايز ياكل وجنس وبس وبرضو هسئلك سؤال تقبل ان زوجتك وام اولادك تبقى زاى الى بتكلمهم على النت ؟؟؟؟؟ وبصراحه عجبنى تعليق الاخت ..عاشقة القراءن وفعلا السعاده الحقيقه فى القرب من الله وهقولك ليه مع انى مقصر فى حق الله فؤائد القرب من الله ..هتحس برضا وهتحس برسالتك كارب اسره وهتتقى ربنا ومش هتعمل علاقات نت وحتى قلب زوجتك بيدالله يعنى حبها ليك او كرهها بيد الله وواضح انك فاهم كويس بس ضعيف زاى حلاتى ربنا يسعد قلبك انت واسرتك …….
انا رايى يتجوز وده لا عيب ولا حرام وعلى فكرة لو حد فكر بس ايه سبب العنوسة اللى فى الوطن العربى هيلاقى السبب محاربة التعدد , عدد النساء يفوق عدد الرجال بكثير مفيش اى توازن, يتجوز عليها افضل مايخونها بس طبعا بالشروط اللى ربنا وضعها مش عشان بيميل للتانية يظلم الاولى و حياته اكيد هتفرق عشان هيقدر يملى الفراغ ده فى الحلال , اظن عشان فات كتير على جوازهم هم الاثنين بيعانوا من الفتور بالجواز هتقدر تنشغل اكثر وتحس بشوق للزوجة الاولى عند بعدك عنها يومين او ثلاتة ,استخير ربنا وانتقى زوجة مناسبة تحب اولادك وتحب زوجتك وتكون صديقة لها ده الحل الوحيد فى نظرى
اسألك سؤال هي زوجتك منشغلة بأولادك ولا أولاد الجيران يا أخي اتق الله وفكر بزوجتك مثل ما تفكر بنفسك وابعد عن الدردشة فتلك عمل الصغار المراهقين الذين يبحثون عن الشهوة الرخيصة والمتعة الحرام مع أمثالهم من الصبيان البعيدين عن الله ، وهل لو تحدثت زوجتك مع أحد الشباب على الشات تكون انت سعيد بذلك ؟؟؟ يا أخي الحل في أن تحل الموضوع مع زوجتك وتصلوا إلى حل وسط لا تتزوج ولا تتكلم على الشات لأن كلاهما مر وأمر من الصبر في فم الالرضيع فاتق الله وعيش مع زوجتك التي تخدم أولادك .
شوف يا اخى اولا محدش قدر يقرا افكارك انت اصلا مظلمتش مراتك لما قلت عنها مبشعرش باى اهتمام غير لما اطلبها وده دليل قاطع على انها بتلبى رغباتك الجنسيه على اكمل وجه ثانيا انت ثلت انو انت مغترب انت وزوجتك واكيد زوجتك حبيسه الجدران وانت بتخرج للعمل وبتشوف الناس لاكن هيه مبتشوفش غير اولادهعا اليوم بطولو وكمان انت بس لما بترجع من الشغل وده بحد ذاتو عذاب للزوجه لانها بعيده عن اهلها وعن صديقاتها وكمان متعرفش تخرج وتدخل على راحتها زي متكون فى بلدك * طيب ثالثا انت قلت بتعوض الفراغ ده عن طريق النت لازم تعرف بقى انو انت الى حطيت نفسك فى الفراغ ده لانو النت بالنسبالك اصبح ادمان مش وسيله تعارف على شتى امور النت انت قلتها بنفسك بتحاول ترضى رغباتك على النت الى مش قادر تتعامل معها مع زوجتك تعرف ليه لانو حتى لو زوجتك محتجالك انت مبتكونش فاضى ومنتظر البنت الى تدخل وتبحث عن بنت تانيه وتالته مش دى المشكله انت لو اتجوزت على مراتك كمان 3 مش واحده بردو هتروح للنت لانو اصبح بالنسبالك ادمان مش حكايه عاطفه وهروب من مراتك الى مبتعرفش ترضى رغباتك لا هو اصبح بالنسبالك ادمان وتتاكد من كده اكتر لو النت قطع او الجهاز خرب هتعرف ان العيب فيك انت مش فى مراتك لانك اكيد بتجلس على النت اكتر مبتجلس مع مراتك لاكن فى النهايه احمد ربنا ان مراتك شايفاك على كده وساكته دى اكيد بنت حلال وعايزه تعيش ارجوك انت والى زيك ياريت تحافظو على اسرار البيوت وعيب عليك تقول على مراتك كده واهتمامها بالاولاد ده لانو شايفه انك بتتعب وعايزه عيالك يطلعو احسن عيال وتجعل منهم اطفال يكون فى المستقبل رجال ولهم شان عظيم حد يكره كده والنبى ان اولادك يطلعو دكاتره او مهندسين فى المستقبل الحمد لله انك مقلتش بتهتم بنفسها ومبتهتمش بيك كان تبقى كارثه انا مش هقولك خليك قريب من ربنا لاكن خليك قريب من مراتك وابعد عن النت هتلاقى كل طلباتك مجابه وشكرا
وانصحك ان تتزوج ثانية وثالثة وان تعدل
عليك بالصراحة يا اخي
وعليك ان تنال حب الاولاد لتنال حب ام الاولاد
الزواج ثم الزواج
يااخى مشكلتك مشكلةبس المهم انو تعرف كيف تصلحهاوالطريقة الصحيحةانك تحاول تنسيها مشاكل البيت والاولادوتحاولوكل فترةتخرجو مع بعضكم بمشوارخاص بعيدوتسترجعوايام العروسيةوالخطوبةلان الزوجة بطبعهاتحب ان الزوج ماينسى تلك الايام وكمان دائماتغمرها بعطفك وتحسسهاانهاحتبقى فى نظرك اجمل زوجة ولو بعد تلك المدةمع تمنياتي لكم بالتوفيق
أعتقد أخي الكريم انك تعاني من روتين قاتل …حاول أن تجدد حياتك وتغير نظام حياتك بما تراه مناسبا وأن تتقرب من قلب زوجتك أكثر وعليك أن تشعرها بمشكلتك..الزواج الثاني قد يزيد حياتك تعقيدا ومشاكل
السلام عليكم
سؤالك دة معناه في حد ذاته عدم الرضا عن ما تقوم به ..وهذه ظاهرة صحية .لكن اخي تيقظ !!لا تكن اناني اليست زوجتك بشر ايضا ؟ واكيد هي الاخري تقول في نفسها انك تغيرت من ناحيتها وهذا سببه انشغالك انت ايضا بالانترنت واشباع عواطفك بطرق غريبة !! اليست هذه مخلوقة تحتاج منك الرعاية والعطف ايضا ام الزوجة دورها تنتهي بمجرد الانجاب ؟وليس اهتمامها باولادها بالشيء الغريب بل هذا طبيعة الزوجة هكذا خلقها الله وان لم تكن كذلك فهي شاذة ..اجزائها انها تهتم باولادها وتبعد عنك هموم تربية الاولاد كي تهتم وتركز بعملك كأب و توفر المال لبيتك ..ولكنك للاسف تخون الامانة ..نعم الامانة .فهي تبني اسرتك وانت تحاول هدم هذه الاسرة من اجل نفسك
اخي فكر ..جربت يوما تهاديها هدية ؟ ان تنظم لها مفاجئة ؟ او حتي اطلب منها ذلك بان تستعد للخروج معك كي تعيد ذكرياتكم ..لابد ان تبدا انت !! انت الرجل اذا كنت فعلا رومنسيا فستعلمها الرومانسية .
تقبل مروري
بص يا اخي اولا انت هتخرب بيتك بايدك وبعدين ما كل الستات لازم تكون متفرغه لبيتها واولادها مش احسن ماتكون مش في دماغها اولادك وبعدين هوه انت ايه عرفك انك لما تتجوز مره تانيهماتطللع مش كويسه ومش تحافظ عليك وهتضمر اولادك بايدك انت وبعد كده هيفضلوا امهم عليك ومش هيعرفوك غير وقت المصلحه وبعدين انت ممكن تصاحبها يمكن مش واخده بالها ولو نبهتهاها اكيد هتستجاب بس اهم حاجه خاف علي ولادك وشكرا
يا جماعه ليه تظلمو الراجل مش جايز العيب منها هى ولا كل الحريم ملائكه فى بردو حريم برده معا ازوجها علشان كدة بيتجه على اى شى اخر يحط فيه همومو ومعلش دى وجهت نظر لزم علشان نحل موضوع لحد مش نسد نفسو كدة
السلام عليكمو رحمة الله
اخي في الحقيقة انا لا اظن ان الزواج من امراة اخرى ستكون حل لمشكلتك
بالعكس ستزيد سوءا
لي نصيحة لك اظنها تنفع و الله اعلم
اخي حاول ان تتقرب منها انت و قل لها كلمات عاطفية
امدحها و اشكرها على اي شيء تفعله على الطبخ مثلا , فكما انت تبحث عن الكلمة الجميلة فهي ايضا تبحث عن الكلمة الجميلة من شريك حياتها
فيجب عليك ان تجذبها بكلامك الرقيق لكي تتفاعل هي معك و تبادلك نفس الكلام و الشعور
و اكيد هذا ما تبحث عنه انت
و ان فعلت هذا و لم تستجب لك فمن المستحسن هنا ان تصارحها و تقول لها انا احتاج لكلماتك الحنونة انا احتاج لرعاية منك مثل اطفالك بالظبط و هكذا….. و لكن ليس باسلوب حاد
بكل حنان و رومانسية
فعندها ان شاءالله ستغير حياتها معك و تنسيك في كل البنات الواتي يلهثن وراء الرجال لسماع كلمات رومانسية و لا حول و لا قوة الا بالله
ارجو ان تكون نصيحتي بها الفائدة اخي و ارجو ان لا تفكر بتغيير شريكة حياتك لاجل اطفالك
و اعلمك بشيء ثميين
بان اكثر شيء يأثر في المراة هي الكلمة الرومانسية مهما كانت قوة المراة
وفقك الله
السلام عليكم ^_^
ولا انت مش داخل تدور على حل زى ما بتدعى انت بتدور على مبرر
لانك قلت محدش يقولى قرب من ربنا وانك عارف الصح من الغلط طيب لية دخلت
اكيد بس علشبن تدور على حجة تعمل بيها اللى انت عايزة سواء
جواز او اباحية النت اوبمعنى اصح زنى النظر وهتك حرمات المسلمين بالدردشة
اللى بتقول عليها واكيد لازم اقولك ربنا قال
(قل للمؤمنين يغضوا ابصارهم ويحفظوا فروجهم ذلك ازكى لهم ان الله خبير بما يصنعون)
بس اكيد ممكن تحاول تغير من اسلوبك وطريقة ولا يغير الله ما بقوم حتى يغيروا من انفسهم
وربنا يهديك ويهديلك زوجتك واولادك
انت ممكن تحاول تتكلم معاهاوان كانت من تانوع اللى مبيسمعش لحدممكن توصلهااحساسك بطريقةغيرمباشرةولولقيت ان مفيش استجابةيبقى انت عملت اللى عليك والجوازمش عيب ولاحرام احسن من انك تقع فى الحرام ومش وحش ان يكون اهتمامهابالبيت والاولادبس انت زوجهاوليك عليهاحقوق وعلى فكرة اناسيدةمتزوجةوكلامى عن تجربةبل تجارب-اتمنى ان اكون قدافدتك وشكرا
انا شايف ان رد النساء متعاطف اوى مع زوجتى والرجال محايده دا دليل على ان هم النساء دا طبعهم ما ينظرون غير تحت اقدامهم طبعا مش كلهم فيه اختنا بالله بتقول التقصير منك واختنا سحر تقول انت ممل طبعا هى وجهات نظر وانا احترمها جميعا ولكن انا لو مقصر ما كنت دخلت وابحث عن حل للمشكله عموما اشكر الجميع على ردودكم
ابو بالين كداب وابو تلاتة منافق انت هتخرب بيتك يعنى كل واحدة هتتعب فيك مش الجواز التانى هو اللى يريحك انت تلاقيك راجل ممل عشان كدة مش بتلاقى جديد فى حياتك انت لو عاوز حياتك تسطتعم بيها كل يوم هيكون فى جديد بس انت الملل من عندك بص لبيتك وعيالك وابنى عيالك احسن من طريق النت والكلام اللى ملوش فايدة
القصص كثيرة على هذا النحو ولكن اخي في الله كما قالت لك اختنا بالله اكيد العذر منا نحنا الرجال وبعدين يا اخي النت مش بس مشان الدردشة النت مشان نتعلم امور في العالم ونتعرف على الكون من خلال بعض البرامج العلمية على كل حال لو ان تستمر في الدردشة مع شباب او بنات رح تخسر حياتك اكثر ما رح قلك ارجع لربنا بل اقل لك الله سبحانه وتعالى عطاك العقل وخيرك بين الصح والخط وانت ادرى الناس بحياتك اخوك ابو رشيد من حلب الشهباء
ليست هذه مشكلتك وحدك فكثيرا هكذا وايضا من النساء فازواجهم مشغولون بعملهم لتوفير حياه كريمه والزوجه تعانى من إهمال زوجها لها المعادله واحده والكفه متوازنه0اجلس معاها فهمها0بهدوؤ وإن لم يتغير شئ فلك الحق فى الزواج بثانيه احسن من دردشه النت واولادك مش هاتفارقهم اوى يعنى (اللى يلعب الدح مايقلش 000)يااستاذ
ليه تطلب حل وانت مش عاوز حل بتفكر بس بنفسك وما تفكر بزوجتك الي هي مثل الخدامه في بيتك الله يبارك فيها شايفه طلباتك ليه ميكون التقصير منك وهي الي بتعاني وساكته لانك بتخونها على النت ولعلمك مش كل انسان ضعيف صدقني في ناس اقوى من الجبل في صبرها وحكمتها بس انت تحب الدردشه الفارغه وهذا دليل على انك تقول مش عاوز حد يقولي خليك قريب من ربنا فما اقول الا الله يهديك