متزوجة منذ 8سنوات عندى 32 سنه وماعنديش اطفال و زوجي عصبى جدا جدا جدا اعلم انه يحبنى ولكن اسلوبه الجاف هو الذى دفعنى الى حب غيره انا لا التمس لنفسى العزر ولكن غصب عنى فاسمعت الكلمة الحلوة وما اريد ان اسمعه من زوجي للاسف سمعته من غيره فاحببت هذا الشخص وهو ايضا احبنى ونتكلم مع بعض على التليفون بالساعات ومع العلم لم افعل معه اى مكروه ولكن ضميرى يؤنبنى كل لحظه بس والله غصب عنى مش بايدى وحاولت كذا مره الفت انتباه جوزي لاسلوبه لدرجه انى بطلب منه الكلمة الحلوة لكن للاسف دايما بيغلب شخصيته العصبية معظم الوقت ساعدونى ربنا يخليكم
اطلب من جوزي الطلاق واتجوز اللى بحبه ولا اعمل ايه انا تعبانه اوى اوى وبجد ضميرى بيقنبنى انى بتكلم مع غير جوزى لكن غصب عنى
يارب تلاقولى حل
يااختي لاعذر لكي في مافعلت من خيانة زوجية لجوزكي فيكي ان تطلبي الطلاق منه اذا كنت غيرقادرة على تحمل عصبيته الزائدة وقلة مشاعره وخاصة انو مافي بينكم اطفال عايزكي تتقي الله عزوجل وتبعدي عن الخيانة وتتوب لربك وتقطعي علاقتكي المحرمة بالشاب اللي تتكلمين معو ومن حقكي تطلبي الطلاق منه وربنا يكرمكي بخير منه ان شاء الله
اختي الزوجة اذا كنت غير سعيدة مع هذا الزوج ويعاملك بالعصبية والخصام والتشاجر فمن الافضل انك تطلب الطلاق منه ولافي داعي للوقوع في الخيانة كما حصل منك مع هذا الشاب هذا حرام اتقي الله في نفسك وفي زوجك وشرفك وسمعتك وسمعة اهلك واقطع علاقتك به نهايا وللابد ولم تخبرينا عن عدم الانجاب اوالخلفة هل السبب منك ام من الزوج اذا كان السبب منه فمن حقكي ان تكوني ام ولك اطفال فيحق لك الطلاق منه والزواج باخر يحقق لك رغبتك في الامومة وان كان السبب منك فاحمدي الله على هذا الزوج اللي رضي بك رغم انك عقيم طوال 8سنوات ولااظن انه يستاهلك منك هذةالخيانة والله يسترعليك ويصلح حالك ويوفقكم ويسعدكم في حياتكم
حاولي تعملى اختبار للشخص اللي بتحبيه اكذبي عليه وقوليله تطلقت من زوجي شوفي ردة فعلة رح يسحب نفسه من علاقتك ومابتشوفي غير غباره
اختي الفاضلة الرسول الكريم قال- ايماامراةطلبت الطلاق من زوجهامن غير باس حرمت من الجنة – اتقي الله في نفسك وفي زوجك اصبري وتحملي لك الاجروالثواب من رب العالمين وحاولي تثيري زوجك وتغريه هناك عدةطرق منها1- توددي ليه واشعريه بالحب والحنان والجاذبية 2- تزينى له كل وقت وكوني انيقةوجميلة في ملبسك ومكياجك وتسريحةشعرك وفي كل شي 3- خلي بيتك رومنسي وعاطفي وكل شي فيه مرتب وجميل 4- تفنني في طبخ الذواشهى الاكلات اللي يحبها ويعشقها فالطريق للوصول لقلب الرجل عبر معدته 5- مارسي معه الجماع وقت ماتجديه مرتاح وسعيد واكثري من المداعبات اللطيفة معه وليس شرطا يكون فيه جماع اوفي غرفةالنوم وخصوصا وانتم لااطفال معكم 6- اشعريه بقيمته كرجل ولاتكثري من الالحاح عليه في الطلبات اوالمصاريف 7- اخرجي معه لتناول طعام العشاءفي احدالمطاعم وقضاءاوقات جميلة وحلوة 8- تذكري ايام الخطوبة وليلة الدخلة واستعيدي معه ذكريات الماضي الجميل وربي يسترعليك ويسعدك مع زوجك
السلام عليكم ورحمة الله وبركاته
اختي قبل كل شيء بعدنا عن ربنا سبحانه وتعالى وعن نصائح رسولنا الكريم التي اوصلتنا لما نحن فيه وعليه الان
لو وصفت مهما وصفت لما فعلت لزوجتى وماذا تحاول هية ان تفعل بيا وبااولادي لصعقتي ولكن اطلب منك ومن اي اخت مسلمة ان تخافو الله قبل كل شيء ولا تكونو دائما انتو الضحية والرجل هوة الجاني راجعو انفسكم ارجعو الي دينكم الي رسولنا الكريم وكلامه الدنيا اصبحت جحيم لكل من يضرب الدين عرض الحائط صدقيني انا مغترب وزوجتى ولنا طفلين وزوجتى من اسرة فقيرة وليس بعيب ولكن العيب انها وبشهادة اهلها واهلي عاشت افضل ماتتخيل اي امراءة والان هية لوحدها بسبب حب الدنيا وكلام امها مع الاسف والصحية اولادي ولا حول ولا قوة الا باله وحسبي الله ونعم الوكيل
والله إنتي يا أختي غلطانة
في وسائل كثير تخلي زوجك يحبك
وفي وسائل تخلي زوجك يعشقك ويموت فيك وما يستغني عنك
وأتحداك
إذا اللي بتحبيه يتزوجك
تعرفي ليش
ﻷنو اول شي راح يقوله
زي ماخانت زوجها وحكت معي وحبتني
راح تخوني أنا كمان
وطبعا ماراح يقبل يورط حاله
والله يهديكي ويهونها عليكي
والحق في النهايه راجع عليكي مش عزوجك
لانو في مية طريقة تقدري توصلي فيها لقلب زوجك
وسامحيني إذا أزعجتك
اختى الغاليه اسمعينى بحرص
اولاً انت المخطئة لانك فتحتى باب ودانك لغير زوجك
ثانياً : انت المخطئة لانك لم تندمى ولم تحاسبى نفسك على مافعلتيه
ثالثاً : انت المخطئة لانك لم تحاولى حل مشكلتك مع زوجك بان تقنعيه
باللجوء الى ” اصحاب المشورة الزوجية ” لتعرفا ولتتعلما كيف
تعيشان بالحب والتفاهم 0
الجأى انتى وهو الى من يقدم ” اعمال مشورة زوجية ” لكى ” يصحح مفاهيمه ” عن الزواج الصحيح 0رابعاً : لاتطلبى الطلاق لان الطلاق ” غدر ” بمن يقدمون لنا التضحيات 0
خامساً : كفى عن ” التواصل ” مع الحبيب ” النصّاب ” ” الوهمى ” 0
سادساً : اطلبى من الرب الاله الحقيقى ان يعطيكى ” نعمة وقوة ” للانتصار
والتغلب على ” شهوتك هذه “0
سابعاً : اطلبى من الرب ” توبة ” عما وقعتى فيه 0
ثامناً : السيد المسيح ” مستعد الآن ” ان يعطيكى ” نعمة وقوة ”
كى تتغلبى على رغبتك المدمرة فى الطلاق . وللحفاظ على سلامك وسلام زوجك 0
فوقى فوقى اصحى من اوهامك 0 واعقلى وتحكمى وسيطرى على رغباتك 0
سلام 0
اللي بتعمليه ده اسمه خيانة وربنا هيحاسبك عليها .وصدقيني اللي بتحبيه ده لو اتجوزتيه هيكون زي جوزك ويمكن اسوأ وكفاية انه انسان ندل وخسيس وسافل علشان بيخون راجل مع مراته
أنا أؤيد راضية فى رأيها
إتقى الله فيما تفعلين تصورى نفسك مكان زوجك أتحبين أن يفكر فى غيرك وتأكدى أن الشخص الذى توهمين نفسك بأنه يحبك ما هو إلا شيطان وإن تركت زوجك سوف يتركك ولن يتزوجك كما تتخيلين إتقى الله وحاولى التقرب من زوجك واعرفى سبب عصبيته فقد يكون موضوع الخلفه أو غيره توددى إلى زوجك واتركى تلك الأفعال التى تلتمسينها لنفسك بأنه بسبب عدم سماع كلمه حلوه حاولى أن تبدئى أنتى وانظرى أيستجيب هو أم لا الخيانه ليست فى الفراش فقط الخيانه بالنظرة والكلمة
واضح انك معجبه بالكلام المعسول اللى الشخص التانى مالى دماغك بيه خلى بالك ده مش معناه ان ده طبعه الحقيقى ممكن اوى يكون فيه صفات وحشه كتير انتى مش حاساها وبالعقل كده ايه اللى يخليه يرتبط بواحده متجوزة مع ان البنات زى الرز هو له غرض منك مش اكتر خليكى مع اللى كرمك فى بيته وبيصرف عليكى واشتراكى شريكه لعمره ومحدش خالى من الاخطاء اتعاملى مع جوزك بحب وحنيه عمره ما يتعصب الا بسبب حاولى تمتصى غضبه وتشاركيه حياته بجد صدقينى حترتاحى وكمان حتحسى براحه الضمير وربنا يسعدك مع جوزك يارب
بصبصى يامدام اعملى اللى انت عايزاة انت ليست بجارية ملك احد انت حرة
أوعى تتخيلى ان الشخص التانى ده حيتجوزك بجد.. تب جربى كده وأوليله أنك خلاص أطلقتى وخلاص ياحبيبى مش فاضل ألا انك تتقدملى .. حيبدأ يهرب بالتدريج حتى يختفى …أعألى وفكرى ليه جوزك بيعاملك بعصبية ممكن تلائى المشكلة عندك وانتى مأصرة فى حقوقه .. ( انا بقول ممكن )وحاولى تتحملى شوية .. طارق
ايوا انا معاكى انتى لازم تطلبى الطلاق فورا من جوزك وتتنازلى كمان عن كامل حقوقك وتتجوزى الحبيب ده وتعملى تنازلات كتير لاجل الوصول للحبيب الى انتى حابه تتطلقى علشان تتجوزيه اسمعى كلامى انا متسمعيش كلام حد تانى تعرفى ليه لان مش ذنب زوجك انو يعيش مع واحده خاينه زيك بتنام باحضان زوجها وعقلها مع الحبيب مش ذنب الرجل الى بتعيشى معاه تحت سقف الطماتنينه انك تخونيه حتى لو بالتفكير فى شخص تانى انتى طاملا فكرتى فى الموضوع ده يبقى صعب نسيانك اياه انتى لازم تخوضى التجربه وتطلبى الطلاق من زوجك وتروحى للحبيب وشوفى بعد الطلاق ايه الى هيتم اتحداكى واتحدا امثالك انو يتم الزواج من الحبيب الى عايزه تطلقى لاجلو لاكن نقول ايه ربنا عايز كده الانسان مننا بيعيش فى النعمه الى ربنا بيوهبهالو ومع ذالك بعترض على نعمه ربنا وعايز يعيش فى القرف وانتى انسانه خاينه بكل السبل حتى لمجرد التفكير بشخص تانى وانتى على ذمه راجل تبقى خاينه انتى لازم تطلبى الطلاق فورا ومتسمعيش نصيحه حد يدلك على الخير لا اسمعينى انا وبس اطلبى الطلاق بس وانتى بتطلبى الطلاق لازم تتنازلى عن كل حقوقك وخلى الحبيب يعوضك على كل حقوقك الى راحت وشكرا
اتقى اللة اللى بيكلمك دة شيطان عاوز يخرب بيتك الجواز مش بس الكلمة الحلوة فى حاجات كتير اكيد حلوة فيةممكن يكون حنين بس مش بيعرف يعبر بالكلام انتى كدة بتخونى جوزك حتى لو مش بتعملى حاجة غلط الغلط انك تكلمى واحد على جوزك وبعدين اللى بيقولوا الكلام الحلو كتير لاكن المحترمين قليلين اتقى ربنا فى جوزك وحافظى على بيتك بلاش شغل عيال
الاخت الفاضلة صاحبة هذه المشكلة سأوافقك فى مثل حالتك . اى شخص يتحدث مع امراءة على النت يبقى بتاع تسلية اولا لانها تعامل مع شخص خفى لايعرفها هو كل اللى بيعملة بيعتبر ان الكلام المعسول الذى القاه عليكى الإ موهبة فى الكلام المعسول وده عن تجربة واكثر شيئى يؤثر فى الست هى اللى دخلت منها اليك هى الاستماع وده مش من فراغ لانك انتى عندك استعداد لذلك مش هو السبب كما زكرتى ………. للعلم انتى تحملى لقب هذا المتعصب لمده 8 سنوات مش يوم ولا يومين العصبية ما بتجيش الا من الست المتفرغة مثلك اللى ما بتبطلش قعاد من الادنى والاعلى .. حافظى على نفسك اولا ثم بيتك ثم زوجك ثم اهلك واضح انك السبب فى العصبية اللى هو فيها وده باين من كلامك لانه لو كان وحش او عصبى ما صبرتى هذه الفترة اللوم عليكى ولو عايزة تجربى انك تسيبى الاصل وتدورى على الوهم جربى واعرضى …… الرجل السليم ولو كان زى صديقك ما كنش قبل ان يميل دماغك لحد ما ضمن ان ممكن ياخد منك كل حاجة وبمزاجكك مش غصب اللى بيعمل كدا بيبقى مش بتاع جواز بس خدى بالك من العصبى اللى انتى بتقولى علية اللى مسترك فى بيتة ……. النظيف نظيف حتى لو ….. خديها قاعدة من شاب متجرب الحياة من قبلك اللى يتلسع فى الشوربة ينفخ فى الزبادى ربنا معاكى …….. رسالة من صاحب تجارب عديدة
اتقى الله واعلمى يقينا ان هذا الشخص الذى يكلمك فى التليفون بالساعات عباره عن ذئب بشرى وعندماتطلوبينا الطلاق لايتزوجك وان تزوجك لن يسك فيكى وعندا حدوث مشكله بينكم يذكرك بخيانتك لزوجك ولا يسك فيكى ابدا فياامت الله اتقى الله ولا تتبعى خطوات الشيطان
الي بتحبية عارف نقطة ضعفك وبيشتغلك اتقي الله في نفسك وزوجك ياتسبيى بل المعروف لكملى حياتك بل المعروف حرام عليكى نفسك تشيلي ذنب كبير زى دة وذنب زوجك واهلك في رقبتك انا عارفةان انتي تعبانة بس متعلجيش نفسك بمشكلة اكبر كفاية انك حاسة انك خسرانة نفسك
حاولى تحبى جوزك واقطعى علاقتك بالشاب ده فورا انا كان عندى نفس مشكلتك وقطعت علاقتى بالشخص اللى بكلمه وربنا هدالى جوزى والله العظيم ورزقنى بالاطفال والحمد لله وخدى بالك ان اى كلام مع اى شخص وانتى على زمة راجل حراااااااااااااااااااااااااااااااااام شرعا
هل كل زوجه طبع زوجها مثل زوجك ترتبط بعلاقه مع آخر ؟؟؟ على مدى 8سنوات لم يسمعك زوجك كلمه جميله تسعدك ؟؟ هل هذا هو عيبه الوحيد ام إنه مقصر معكى فى امور اخرى؟؟ هل المرأه الحره العفيفه المسلمه يكون هذا تفكيرها؟؟ لسنا قضاه ولاحكام نقتص منكى ولكن نحاول ان نساعدك 00000 هل عدم وجود اطفال اى ان كان منكى او منه سبب ذلك ؟؟ الان ضميرك يؤنبك كثيرا لكلامك مع شخص غير جوزك ::ياريت يأنبك دايما وقتها هاتفوقى لنفسك وتخافى من ربك !!اوكما قال صلى الله وعليه وسلم لوكان السجود لغير الله لأمرت الزوجه ان تسجد لزوجها 00فما رأيك وانتى بتتكلمى مع واحد غير جوزك بالساعات !!!خليها فذكر الرحمن افضل وافيد ليكى ومتحاوليش ابدا تقارنى بين جوزك وبين الاستاذ التانى لانه ملعون فى حديث شريف بما معتاه بإنه يخبب عليكى حياتك( يعنى يفسدها)المرأه الحالمه الذكيه هى التى تكون لزوجها سكن وصديقه وحبيبه دفا ووفا اميره فى بيتهاتتهادى بإنوتتها على زوجها فلها السمع والطاعه والغزل الحلال من زوجهاستسمعى وقتها كل ما يسعدك وينشط انوثتك وانا متأكد انه هيعوضك عن ايام كتير عشتيها معاه وانتى بعيده عنه / تعرفى ::ان يوم القيامه فى ناس بتاكل من لحم جيفه قذز/وسايبين اللحم الحلال الطيب تعرفى ليه ؟؟لانهم كانوا فى مثل حالتك بالظبط والله تعالى اعلم ///كلامى جارح؟؟؟ ابدا صح !*0دايقتك شويه؟؟ ايه يعنى //عاوزك تفوقى لنفسك وبيتك وتتقى الله 00انا معرفكيش بس بحاول انصحك باى اسلوب 0وبتمنى يجيب نتيجه معاكى* وغير كدا غيور على دينى واحب اشوف واسمع النساء المؤمنات اصبحوا كتير وبيخافوا من عذاب الله اتمنى لك كل ماهو طيب صالح يهدى به الله قلبك ونفسك
علي فكره الشخص التاني ده لو اطلقتي من زوجك عمره مهايدخك انتي اتقربي من جوزك وقولي ليه عللي اللي بيتحبيه بس برومانسيه ودلع ويارب بحق جاه الحبيب يرزقك بالخلف الصالح والذريه الصالحه
اتقى الله فى نفسك وجوزك
واتركى هذا الشخص الاخر فورا
واعلمى
ان الله يمهل ولا يهمل
قربى من زوجك ودلعيه واغريه
وقوليله انتى كلام حلو والله هيلين معاكى
وعليكى بالاستغفار