الأختلاف الأجتماعي : زوجي يعاملني كخادمة

انا كنت بحب واحد اوي كان حب خيالي وجه اتقدملي واهلي رفضوه عشان مكنش مكمل تعليم عالي كان معاه ثانويه عامه وانا كنت شهاده عاليه المهم مع اول فرصه ظهرت لأهلي ظهر واحد عايز يتجوزني هو مختلف عني اوي اجتماعيا هو من منطقه شعبيه وانا من حي راقي لكن كان معاه فلوس وإمكانياته كويسه وانا كنت مش فارق معايا ده او غيره كله زي بعض بعد لما سيبت اول واخر حب في حياتي وكمان العريس ده شكله كده اتبهدل واتمرمط وهو صغير واتذل عشان يعمل الفلوس دي بعد ازلجوا شوفت اقذر معامله بيعاملني كأني خدامه ممنوع استخدم اي حاجه في البيت هو مابيحبهاش او مش عجباه كان بيهزئني علطول في وسط الناس بصوت عالي وكنت بنهار من العياط والزعل من كتر مازهق مره اتخانقنا بسبب تافه قام راح خطب واحده وكل عيلته راحو معاه وانا قاعده في بيتي ولا دريانه غير مواقف كتير وحشه اوي ملهاش علاقه بالرجوله المهم كل ده استحملته وفوته وبقيت مش مبسوطه خالص في حياتي لكن مطره استمر في العيشه دي عشان معايا بنتين هو بصراحه اتعدل شويه بس بردوا بيهزئني قدام بناتي عادي ممكن قدام الشغاله ممكن يتعصب عليا من غير سبب من غير ما اعمل حاجه بس لمجرد عنده مشاكل في شغله انا سؤالي هي الواحده فين آدميتها ليه الواحد انه لازم يكون عديم الكرامه اوي كده والغريبه إن اهلي بيقولولي لازم تستحملي كلهم كده كل الرجاله كده والستات بتفوت وتستحمل عشان ولادها طبعا انا كلمته كتير في المواضيع دي لكن ده طبع وكده اتعدل ومش حيتعدل اكتر من كده وطبعا لو اطلقت محدش حايسندني واولهم اهلي خصوصا إني مابشتغلش اعمل إيه لإني بجد تعبانه اوي

مشاكل وحلول ذات صلة

• عريس متقدملي اهلي مقتنعين بيه وانا رافضه
• بحب اخو خطيبى
• أهل خطيبتي بيسألوني عن مرتبي
• زوجي بيسألني عن الزواج مرة ثانية في السر
• انا مش لاقى البنت اللى احبها
• اشك في ان زوجي خدعني
• استخرت الله بحبيبتي وحصلت بعض العقبات