انا شاب عندي 25 سنة متزوج منذ 5 اشهر فقط وزوجتي 23 سنة (وزوجتي حامل) اعاني عدة مشاكل مع زوجتي، زوجتي لا تهتم بنظافتها الشخصية منذ اول يوم ولاكن تم حل المشكلة حتي الان بعد معاتبات معها وفي الاخر شكوة للاهل، لا تلبس لي ملابس مثير بحجة برودة الجو حتي وضع المكياج لا تهتم به مع العلم انها عند خروجنا من المنزل تهتم بنفسها جدا.، تقول لي انها لا تشعر برغبة جنسية مطلقا ولاكنها تستمتع وقت العلاقة بشكل كبير مع العلم اني اعطيها اكثر من حقها من العاطفة و المداعبة ممكن ان تستمر لساعة حتي اتاكدة من اكتفائها ومع العلم اني احتاج للعلاقة يوميا، زوجتي لا تفكر في شئ الا في ماذا ستطبخ ومشاهدة التليفزيون لم اجدها يوما تداعبني او تفعل ما تفعله الزوجات من الدلع او محاولة اشعال رغبتي.
هذه هي مشاكلي باختصار شديد ولا اجد لها حلا افكر دائما ماذا سيكون الحال بعد سنوات وبعد انجاب الاطفال هل اطلقها لاختصر الطريق منذ البدايا ام ماذا افعل ارجوا الافادة مع جزيل الشكر.
مشاكل الازواج
هل اطلق زوجتي لاختصار الطريق
اضيف بتاريخ: Wednesday, February 15th, 2017 في 19:46
كلمات مشاكل وحلول: حامل, زوج, زوجة, مكياج, ملابس
بسم الله والصلاة والسلام على رسول الله صلى الله عليه وسلم:
المشكلة تنقسم لقسمين يا صديقى العزيز :
القسم الأول أنت : وده باين من طريقة تفكيرك فى الموضوع بصفة عامة يعنى فكرت فى نفسك أولاً قبل التفكير فى أولادك وأيه اللى هتقدر تقدمه لمولودك لما يجي من التخطيط والرعاية .. الخ وطبعا ده مرتبط بإهتمامك بالأمر أصلا وبالسعى فى ترقية نفسك بالتعلم عشان تبقى أب مُتعلم تستطيع تعليم زوجتك وابنك القادم بإذن الله , ونظرتك للأمر ده لازم تكون بجدية أكتر لكل وقت أذان صب تفكيرك واهتمامك اكتر فى المولود وفى ترقية معيارك العلمى واللى بيتوقف على 3 مستويات أقل مستوى ( الجهل ) وتانى مستوى ( السعى فى تعلم ما تجهله وما ينفعك سواء فى دينك أو دنياك وتطبيقه فى حياتك ) وتالت مستوى بقى ( تعليم زوجتك وأبنك ما كنت تجهله وتعلمته وطبقته فى حياتك ) , وبكده هتقدر تساعد زوجتك فى إنها تتغير للأفضل والأحسن لأنك لو بتحبها بجد مش هتاخد الحلو اللى فيها وتسيب العيوب معششة فيها وإلا هيبقى ده اسمه أنانية مش حب ( لازم تغير فيها العيوب وتناقشها وتصارحها وتعلمها دايما انها تصارحك وتسيب مجال وطريق مفتوح دايما للنقاش بدون تعصب لشخصك او لشيْ محدد بعينه ) , وأوعى تدخل حد لا من اهلك ولا من اهلها مهما كان , مهما كان , متستسهلش النتيجة بسرعه بأى طريقة تقابلك , وبعدين خلى بالك ان وقت البرودة فعلا صعب انها تلبس حاجة خفيفة أو تحط مكياج وترجع تغسل وشها قبل ما تنام وبرده متستناش فى وقت الحمل ان يحصل علاقة بشكل دورى ( كل ده لازم تكون واخد بالك منه كويس وتصبر شوية ) ميبقاش همك نفسك وبس , رفقاً بالقوارير كما قال رسول الله صلى الله عليه وسلم . ومش عشان فص بايظ فى البرتقانة هترمى البرتقانه كلها شيل الفص البايظ وكل البرتقانة .
القسم التانى وهو زوجتك : فى اهتمامتها اللى ممكن تكون اتعودت عليها دايماً فى الحياة السابقة للزواج , وده يتوقف برده عليك انت فى طريقتك لابداء ما تلاحظه عليها ومصارحتك لك بها لوضع حد لها وعشان تحط حد لعيب ما فى زوجتك لازم يكون فى بديل ده لو العيب كان متعلق بعادة سيئة زى الفرجة ع التلفزيون كتير مثلا , لو عاوزها تبطل اي عادة سيئة لازم تكون مجهز البديل الصحيح للعادة السيئة زى بالظبط الطفل اللى ماسك كوباية ماية وعمال يكبها ع الارض ويلعب بيها وتيجي تاخدها منه يقعدد يعيط , فلازم تكون مجهز لعبة تدهاله وانت بتاخد منه الكوباية عشان يبعد عن اللى هيضره ويصحح طريقة لعبه وبكده انت تسد الناقص بعد ما شلته , يعنى لو جينا مثلا لموضوع الطبخ مثلا وبتسأل دايما هنطبخ ايه ومش عارف ايه وده بيبقى همها مثلا اكتر من انها تدلعك وتهتم بيك , يبقى انا المفروض لما اعوز اغير ده فيها مثلا أقولها مش مهم الاكل يا روحى اى حاجة تعجبك ان شاء الله عيش حاف طالما هاكله معاكى كانى باكل لحمة وبعدين احلى اكل باكله هو انتى , وهكذا ومره فى مره بالطريقة دى هتحس بتقصيرها وانك دايما عامل اللى عليك وهى مقصرة وهتاخد خطوة للتغير بإذن الله .
اخي انت قليل الخيرة في التعامل مع زوجتك ولابد ان تعرف ان المراة تحتاج المزيد من الحب والحنان والعاطفة من الرجل في كل الاوقات وليس فقط عند العلاقة الجنسية مثلما تطلب منها ان تتزين وتتجمل لك انت ايضا مطالب بالنظافة والاعتناء بشكلك وهندامك امامها احرص على ان تراك زوجتك باحسن صورة من حيث النظافة الشخصية لجسمك ولشكلك وملابسك وكلامك معها صدقني مررت بمثل تجربتك هذي وكنت اعاني من اهمال زوجتى لي وعدم اهتمامها بي حتى غيرت من نفسي للاحسن وصرت اتغزل فيها وكانني شاعر رومنسي واصفها باحسن الكلمات الرومنسية الجميلة ولا ازعل اواغضب من تصرفاتها معي بل احتويها بكل معاني الحب والغرام والعشق حتى وجدتها امراة اخرى غير التي عرفتها سابقا صارت هي من تاتي الي وترغب في العلاقة الجنسية وتثيرني بانوثتها واغرائها ولايمر يوم الا وترسل لي رسائل عبر الموبايل كلها حب وغرام واشتياق هذا كل مايتناه الرجل من زوجته اتمنى انك تعمل بكل ماقلت لك وسوف ترى من زوجتك مالم تكن تتوقع منها والله يديم عليكم السعادة والهناء والاستقرار في حياتكم الزوجية ويرزقكم الذرية الصالحة نشاء الله
علمها كل حاجه المصريات عفيفات شريفات بس بيكسفو شويه وطبعا جايه من بيت والدها بعادات مختلفه فاصبر عليها وعلمو بعض عادي اكنك فاتح مشروع لازم تتعب وتستحمل لحد ما تاخد خبره بعدين تبتدي تكسب وبعدين الست كل ماتكبر خبرتها تزيد جدا فمتقلقش