جوزي عايز يطلقني او بيقول انه هيطلقني رغم ان المفروض اننا بنحب بعض بس اكتشفت ان كل اللي بينا كدب انا مشكلتي العصبيه لكن انا بحبه وزعلانه اوي علي نفسي من 10 ايام جوزي من غير سبب كده حاجه تافهه رعقلي وزقني وضربني بالقلم ادام اخته وبنت اخته انا طبعا بقوله في ايه انت بتعمل كده ليه فلما ضربني تلقائي ضربته علي دقنه كده براحه طبعا نزل فيه ضرب جامد وخبط راسي في الارض وبهدلني واخته بتتدخل زعقتلها قولتلها بت انتي ملكيش دعوه وده بسبب اني بنضرب ومش فيقالها واصلا هي بارده ومزهقاني جوزي بقي ضربني اكتر واتصل باخويا قاله تعالي خد اختك عشان هطلفها بالتلاته جه بابا واخويا خدوني ومشينا بعد 5 ايام قولت انا غلطانه وهروحله لقيته قالب وشه هو واخته دي ومش معبرني انا طبعا ادايقت روحت مشيت وبعدين كان عندنا عقيقه ابن اخويا واتصلنا بيه مجاش روحت انا واخويا ليه النهارده وللاسف مرضاش وقال عني كلام مش كويس وطلعت اخته قايله كلام مش كويس اني فتحت لجوز اخته التانيه ببادي وبنطلون وشعري وصدري باين يعني بقي انا قليله ادب والله الكلام ده ماحصل وهو مقتنع وبيقولي اختي غلبانه انتي حقوده وغيورة ووحشه ومش عايزك وهعلمك الاحترام ومش هجيبك غير بمزاجي انا تعبانه متدمره ان شوفته بالشكل ده وان اهله يطلعوا كده انا مبفتش ينفع اعيش معاه ولا اعاملهم والمشكله اني بحبه للاسف
ليه تنزلي كرامتك انت واهلكي بالشكل ده مش كفاية انه ضربك واهانك قدام اخته وبرضو تروح له انت واخوكي لترضوه انت غلطانة اوي في حق نفسك وفي حق اهلك وكرامتهم لو عاوزكي يجي لعند اهلكي ويعتذر لكي ومن اهلكي ولا فالافضل لك طلب الطلاق منه غير اسفة عليه ولايستاهل انكي تفكري فيه خالص
شوفي يا اختي اولا انتى غلطى في حق نفسك و اهلك غلطوا كمان لما الموضوع تطور للضرب المفروض اهلك ما يسكتوا . ثانيا ليه ترحيله او تعزمية . تجاهليه تماما لو فعلا بتحبية وعيزاه يرجع والحياه صعبه بتعلمنا لازم نقسى احيانا على الى بنحبهم سواء اين او زوج او اخ للمصلحة . وحتى لو طلقك دوري على غيره انسان يقدرك ويصونك (مفيش حب ديه حياه بالمعروف) .
صلي ع رسول الله جوزك بيحبك بردو بس مينفعش ترديله الاهانة باهانة وقدام ضيوف حتي لو كانت اخته انتي شكلك طيبة وبنت ناس وانك روحتيله وخايفة ع زعله هو اي حد ف الوقت دا لو زعلان مع مراته الزن ع الودان امر من السحر اصبري فبيت باباكي وبلاش تهيني نفسك كل شوية ابعتيلي رسالة ع تليفونه قليله انت اللي اختارتني واتجوزتني وبحبك قد مابتحبي 1000 مرة لو هتدخل الشيطان بينا وتسمع لاي حد حتي لو اقرب الناس ليك ف حقي كلمة مش حلوة يبقي بتهيني وبتهين كرامتك انا عرضي من عرضك ربنا يحفظك ساعتها هو هيحس بغلطه وهيجيلك بس اتقلي
اختي الظاهر انك انت واهلك ناس طيبين زيادة والا لاش تروحيلو انت واخوك لترضوه انت الي تضربتي واهلك لازم يحافظو على كرامة بنتهم لهذا هو ماراح يرجعك لانو شاف انك انت الملهوفة عليه
اختي الزوجة التي تتعرض للضرب والاهانات من زوجها من غير سبب تبقى فرطت في كرامتها وكرامةاهلها ولايمكن ان تستمر في العيشة مع رجل كهذا اقعدي في بيت اهلك وصوني كرامتك واذا هو مش عاوز يرجعك ويتعهد لك قدام اهلك بعدم الضرب والاهانات ويحرص على حياتكم الزوجية ولايسمح لاحد من اهله ابدا بتدخل فيها فمن حقك طلب الطلاق منه فورا وربنا بيكرمك باحسن منه ده شخص مايستاهل الحب اوتفكري فيه دام انه هوواهله بيعملوا فيك كدا ويقولوا عنك اشياء مخلة بالشرف والسمعة فاستحالة ترجعي له او ترضي بالعيش معه نهايا والف من يتمنى الزواج منك الطلاق ليس نهاية الكون ياعزيزتي اهم حاجة تصوني شرفك وسمعتك وكرامتك وكرامة اهلك والله يسترعليك ويصلح حالك