انا متزوجة من سبع سنوات جميلة والحمد لله واعمل في احدى الدول العربية مع زوجي واولادي وكنت اعيش حياة عادية روتينية مع زوجي لا يهمني سوى التفكير في المستقبل وجمع المال لاسرتي وابنائي من اجل تأمين مستقبلهم ولكن فجأة بدون مقدمات تعرفت على زميل جديد في العمل شعرت باحساس غريب تجاهه وهو ايضا انجذب لي احببته كثيرا وصارحنا بعضنا لا اعرف كيف ولكن بعدنا عن بعضنا بسرعة جدا لانني متزوجة وهو متزوج وزوجته بمصر وبرر حبه لي بان نزوة نتيجة بعده عن زوجته بعدت عنه وقلبي يتمزق ولكني في نفس الوقت كنت غير مقتنعة تماما بما انا فيه واعرف تماما انني اخطئ ولكن مشكلتي انني كل ما أراه اتخبط لا اعلم ماذا يحدث لي ارتبك تراودني احاسيس واشتياق له ولكنني الحمد لله امنع نفسي لان زوجي يحبني حب غير عادي على انا لا اميل لهذا الشخص ميلا جنسيا بالعكس تماما كل الحكاية كده احاسيس كأني بنت مراهقة كيف انساه ،اليوم عند التوقيع للانصراف رأيته امامي شعرت بالارتباك حتى ان الجميع لاحظوا ارتباكي المفاجئ كيف انساه ؟ كيف انساه؟
مشاكل الازواج
متزوجة ولا اعرف كيف انسى شعور الحب نحو زميلي
اضيف بتاريخ: Wednesday, January 19th, 2011 في 09:00
كلمات مشاكل وحلول: الدول العربية, بنت, حب, زميل, متزوج, متزوجة, مشاكل الازواج, مشاكل زوجية, مشاكل زوجية, نتيجة
اختي الزوجة التي تخاف الله في نفسها وفي زوجهاوشرفها وتحافظ عليهم هي الزوجةالصالحة فلاتجعلي لهذالسافل الواطي عليك طريقا ابتعدي عنه فورا وكلمارايته استعيذي بالله من الشيطان الرجيم ولا تهتمي به اطلاقا واياك والتمادي في الكلام معه اوكثرة النظرات بينكما والله يسترعليكي ويصلح حالكي ويكفيك شر كل الانس والجن
اناافول انك تنسيه فهو ليس مكتوب لك
اختي انت زوجة وام اولاد وحرام اللي تفكري فيه دا هذامن عمل الشيطان الرجيم استعيذي منه واقلعي عن الافكارالسوداء اللي بتخرب بيتك وتضيع اسرتك ولوتطلب الامر اترك العمل مع الشخص هذاحتى لاتفكري فيه وتوقعي في المحظور هداك الله واصلح حالك
انا لا اكذب ولكنى اتجمل هكذا يكون الرجال بالغربه وعند حرمانهم وخاصه فى وسط الجنس الناعم تراه يعوض نقصه وعند اشباع غريزته يفوق ويكون شخص اخر فلا تغرك هذه النزوه وتدمر حياتك اما عنه فله عزره وهو تحت تاثير الحرمان وانتى ايش عزرك وزوجك فى احضانك قررى وتحملى النتيجه وبالتوفيق
كيف تنسيه
اتقى الله دائما فى زوجك اللى بيحبك وأتقى الله فى أولادك اللى ممكن فى يوم يكونوا مثلك قربى من زوجك حبيه واطلبى من ربنا يبعد عنك الشيطان علشان تقدرى تنسى زميلك انتى كده بتلعبى بالنار وهتخسرى زوجك وولادك ونفسك والدنيا وما فيها من أجل أعجاب وليس حب وعندك الحب كيف تبحثين عن حب وعندك من يحبك فكيف لا تحبيه وتعطيه كما يعطيكى سيدتى اتمنى أن تستعيذى من الشيطان اللى واقف أمامك باستمرار علشان يضيع حياتك أتقى الله يجعل لكى مخرجا تحياتى وربنا يوفقك
الامر سهل لو عايزة تنسيه و تتوبي الى الله كلما جاءك شيطانك لكي يغويك و يشجعك قول لنفسك يا نفس انت نسيتي انه ممكن ياتي ملك الموت الان و انت تعرفي انه يمكن يقبض روحك في كل وقت و زمان اذن ما يكون ردة فعلك يا نفسي لو مت الان و كيف تقابلي ربك و انت مجرمة بحق ربك و بحق نفسك اكيد مصيرك جهنم لانه الموت ادركك و انت في الجرم المشهود ما سبق الاصرار و الترصد لو فكرت يا امراة بهذه الحقيقة لما فكرت بزميلك و افضل انك تستقيلي من العمل و تشوف عمل ثاني كما في قصة الرجل التائب الذي قتل 99 نفس و اكملها ب100 لما قتل الرجل الاول و لما راح الى العالم قال له لازم تغادر قريتك ده لانها فيها فواحش الخ و تروح قرية ثانية لانها فيها ناس صالحين فاعبد ربك الخ و كان النتيجة انه مات و دخل الجنة يعني انت كمان لازم تبعدي عن المكان الي يفكرك بالمعاصي الخ و حتى لو قلت انك يمكن تعملي في المكان ده و تنسي زميلك كون متاكدة انه صورته راح تكون في ذهنك و اكيد لما تلتقي به في العمل تفكري فيه اذن الافضل تغيري العمل نهائيا و السلام على من اتبع الهدى
فقط تخيليه فى مواقف مهينة وكلما خطر ببالك ضعيه فى صورة مشينة. مثلا كأنه بيعمل حاجة مقرفة او غلط وبعدين حاولى تبعدى عنه لانه انسان بيسبب لك احساس بالقرف. وبعدين باى باى.
انا كنت بعمل كدا لما احب انسى بنت بحبهاقبل ما اتنيل على عينى واتجوز وابقى مستحيل اعرف انساها
ربنا يوفقك العلاقات لحظات ممكن ان نقضيها ونكره حياتنا طول العمر .. ربنا يوفقك يارب
اختى فى الله اول ما رايت حكايتك مممكن اكون زعلت منك بس بعد كده حسيت بيكى اوى لان حكايتنا متشابه الى حد ما واقدر اقولها ليكى ودى اول مره احكيها لحد فعلا عشان انا ربنا سترها معايه وماحدش عرفها خصوصا زوجى
انا عندى دلوقتى 24 سنه والحمدلله بيقولو انى جميله وايام الجامعه كنت مدمنه دخول على النت ومواقع التعارف بس عمرى ماعملت علاقه على النت من اى نوع ولكننى كنت اتعرف على شباب كتير ومنهم من كان يعجب باسلوبى فى الكلام وايضا حس الدعابه عندى ولكن والله شاهد ان هذا كان فى اطار الادب ولما احس انى فى شاب يحاول التطاول كنت بعمل اجنور على طوول… المهم عندما تزوجت بعد تخرجى من الجامعه زوجى طلب منى انى ماكلمش اى شاب على النت لانى كنت قد صارحته انى لى اصدقاء شباب على الايميل فرفض لانه بيغير عليه وانا قدرت ده وبالفعل مسحت كل اللى على الايميل وسبت اصدقائى البنات بس ومارضتش الغى الايميل خالص لان كان عندى اصدقاء بنات كتير ومش عايزه اخسرهم المهم كان كل فتره والتانيه الاقى شاب يدخل يكلمنى ويقولى انتى مش فاكرانى انا فلان وكنت بكلمك زمان المهم كنت بعتذر ليه وابلغه انه مش يكلمنى تانى لانى تزوجت وده طلب زوجى منى اقطع علاقتى باى شاب وكانو بصراحه بيحترمو طلبى هذا وفى نفس الوقت كنت ابلغ زوجى بما حدث حتى لا اخبى عليه شىء وفى فتره كان زوجى مشغول عنى بطبيعة شغله فوجئت بشاب يدخل يكلمنى على الاميل وهو غير مصدق نفسه انه شافنى تانى اونلاين فى البدايه ماعرفتوش بعد كده عرفنى بنفسه انى كنت بكلمه زمان كاصدقاء وانه مره شاف صورتى لانى كنت حاطها على الميل ومش عارفه انه اونلاين وهوه شافها ولما عرفت انه موجود اونلاين شلتها على طول المهم يومها فكرنى باد ايه ان الصوره كانت لفتاه جميله اوى بصراحه كان عندى شغف افتكر مين الشاب ده وفعلا افتكرته وقالى ان احنا بقالنا تلات سنين مكلمناش بعض بس اد ايه مش قادر ينسانى وانه معجب بشخصيتى وانه مادخلش على النت نتيجه لظروف صعبه جدا وهوه بحاجه انه يحكيها ليه بصراحه كان عندى فضول انى اعرف وخصوصا انى حاسه بالملل عرفت منه انه اخواته الاتنين توفوا فى وقت متقارب وكانو شباب واد ايه هوه تعبان بصراحه حسيت بالحزن وفضلنا نتكلم كتير عن الدنيا والاخره والجنه وعرفته انى اتجوزت ولازم مكلموش تانى لكن كان رد فعله غريب لاقيته بيتحايل عليه وبشده انى ماممسحوش واضيفه و وقالى انه هايتعب فعلا لو خسرنى بس انا كنت بحاول اكون قويه وفضلنا نكلم بعض فتره مش كبيره كان فيها بيسالنى هوه انتى سعيده مع زوجك كنت بقوله ايوه طبعا وخصوصا انى عندى طفل وكان دايما بيحاول يقولى ان زوجك اكيد اسعد زوج لان عنده زوجه زيك المهم ممكن اوكون ضعفت فى لحظه واحببت انى اسمع الكلام ده لحد ماقولت ليه انى لازم اعمل دليت وفعلا عملت دليت ولكم ان تتخيلو مدى صدمته انه هايخسرنى ومش هايكلمنى تانى وفهمته ان ده الشيطان اللى بيعمل كده وفعلا عملت دليت عليه لكنى فوجئت بنفسى بعد يومين مشتاقه اكلمه ومش عارفه السبب فاضعفت وعملت ايميل تانى وضفته عليه بس فضلت حوالى شهر ماشفهوش اونلاين وفى يوم لاقيته اونلاين دخلت كلمته وعرفته بنفسى بصراحه ماكنش مصدق من فرحته وفضل يسالنى انا ليه قررت اكلمه تانى فاقولت ليه عشان اطمن عليك وده فعلا كان السبب مع سبب تانى مارضتش اقوله ليه طبعا انى احس ان فى حد مهتم انه يسمعنى ويعرف اخبارى وخصوصا ان زوجى دايما مشغول وبيجى ينام فكان تقريبا الكلام بينا قليل اوى وفعلا رجعنا نتكلم وكنت بستنى ان زوجى ينزل الشغل وكنت بفتح الايميل واكلمه ومع العلم انى طبعا ماقولتش لزوجى على كلامى معاه وانا مش هاكدب واقول انى ماكنتش احيانا بفكر فيه وبحس بلهفه عشان شوفه اونلاين لكن عمرى مافكرت فيه بطريقه غير لائقه بس دايما كنت حاسه بالذنب وان ربنا مش راضى عنى وكان دايما بيسالنى هوه احنا اللى بنعمله ده حرام ماكنتش بعرف اجاوب لحد جه اليوم اللى زوجى دخل عليه وانا بتكلم معاه بس ربنا ستر وما اخدش باله ساعتها حسيت ان ممكن بيتى يتخرب واخسر زوجى اللى بيحبنى الى الابد وكل ذنبه انه بشتغل 24 ساعه عشان يوفر ليه طلباتى اللى عمره مارفضه ليه او لطفلى اد ايه حسيت انى انانيه ومش كويسه فاقفلت الايميل وروحت حضنت زوجى جامد اوى وساعتها قررت انه لو فاضى دقيقه واحده وهايكون معايه هاسعده فيها وفعلا اخدت قرار انى ماكلمش الشخص ده تانى وابدأ احيى حب زوجى تانى فى قلبى وفى حياتى وفعلا بدات انا اللى ابدا اقوله اد ايه انى بحبه ودايما اقبل إديه واقوله انه نعمه من عند ربنا وكان بيقابل ده بكل حب وفعلا حاسه انى زى ما اكون مخطوبه ليه مش مراته اد ايه بكون ملهوفه انى اشوفه لما يرجع من الشغل واد ايه بكون مبسوطه وانا فى حضنه واد ايه بكون فى سعاده وانا خارجه معاه ومعانا طفلنا انا بجد حاسه ان ربنا بدا يكون معايه تانى واشكر الله لان الشيطان لم يدخل بينى وبين زوجى … وعشان كده انصحك انك تقربى انتى من زوجك وابدائى انتى بإخباره كم تحبيه وكم انتى سعيده معاه صدقينى هتلاقيه بيبادلك نفس الكلامات بصدق
السلام عليكم ورحمة الله وبركاته انا أشكر الجميع على تلك النصائح الغالية وأعرفكم أنني أخذتها بعين الاعتبار واحترمتها كثيرا حتى الرودود القاسية فلقد أقاقتني كثيرا وعرفت ماذا علي أن أفعل بالظبط نعم لست أنا من تخون زوجها أو أولادها وأعاهدكم وأعاهد نفسي أن أعود إلى نفسي وإلى حياتي السابقة و سأحاول عدم الالتقاء به وإن حدث فسيكون مثل أي شخص زميل عادي جداوجزاكم الله خيرا وبارك فيكم وأ‘جبتني كل الردود وخاصة همسة وجبل هم وأحمد وأبو هاجروفارس وواحد وخلاص
فكرى بزوجك هذا ليس حب هذا شيطان ابعدى وانسى وادعى ربنا وخليه يبعد عنك ربنا يوفقك
يا جماعه معلش انا شايف ان كله بقى بيهاجم ويحاكم كله بلاش الحتة العنطزه اللي ف الشعب ده كل واحد عمال يحاكم غيره لو عاوزين تحاكموا اعملوا موقع اسمه الحكم ع شكاوي المصريين مثلا ده الرسول صلى الله عليه وسلم كان بيقول الكلمه الحسنة والموعظة باللين انا شايف ان الست محترمه جدا ومش خاينه ولا حاجه ولا الراجل كمان الشيطان عمى الاتنين او ظروف معينه قابلتهم والحمد لله عارفه انها غلطانه وبتقول كمان مش بافكر فيه جنسيا يعني من الاخر محدش يفهمني غلط يقوم كل واحد كما تدين تدان وحرام عليكي ووو محدش يزعل من كلامي يا جماعه بس فعلا بقى اي مشكله بتردوا ع الناس ردود قاسية ومش بتحلوا مشكله ف ناس تستحق الرد ده وناس لأ واحنا مش ملايكه عشان نقعد نحكم ف الناس عارف ان ناس هتزعل مني بس ياريت بجد نرد ع الست اللي عاوزه مساعده مش حد يقولها انتي وانتي انا شايف انك تقربي من ربنا وكل اما تشوفيه اقرى قرأن ف سرك او خلي صور ولادك معاكي ف الشنطه اول ما تحسي بكده طلعي شنطتك وصور ولادك وشوفي هل مستعده تخسري ولادك عشانه هتلاقي الاجابه طبعا لأ وابدأي تجنبيه ف الشغل وقرب من جوزك وحاولي تسعديه هتحسي بحبه اكتر ونصيحتي ابدأي تعرفي ع جوزك اكنك اول مره تعرفيه بس من غير ما تقارنيه بحد واكنك ف فترة تعارف ممكن تكون هي ده المرحلة اللي ناقصاكي اللي معيشتهاش وحاسه بنقص فيها وربنا يوفقك وفكري ف ولادك وبيتك وده شيطان اللي طلع الافكار ده ف دماغك وقربي من ربنا اكتر وحاولي تحفظي القرأن هيفيدك اوي وبنا معاكي ومحدش ياريت يزعل مني انا زي اخوكم الصغير وياريت محدش يزعل مني
ويس اوى ان شكواكى محصوره فى شي واحد وهيه ازاى تقدرى تنسى الشخص ده عظيم جدا انتى متخيله ان النسيان بالامر الهين يستحيل يكون النسيان وليد لحظه وتنتهى لاكن النسيان قوه اراده وتحكيم للعقل وايجاد فرصه سانحه للتحلى بالعزيمه كل ده انتى بتفتقديه انتى ما زال نظرتك لهذا الشخص المحترم جدا ده على انها نظره اعجاب واصبح هو بينظرلك نظره شفقه من داخلو لاكن ميقدرش يعترف بيها لانو ميصحش يعترف الفارق بينك وبينو فارق مادى ومعنوى من جهة الفرق المعنوى فهو اعتمد على شخصيتو القويه وارادتو القويه واعترفلك انو ميقدرش يخون الزوجه الى ائتمنها والى كان بينا مجرد نزوه والشق الثانى هو الشق المادى والفرق فيه انو انتى لو جلستى عن العمل هتلاقى الى يصرف عليكى ويعيشك احلى عيشه اما هو لو جلس عن العمل هيلاقى الى يسخر منو و يشمتو فيه وبالذات اقرب المقربين عرفتى ليه اتحكم بعقلو لان الفارق بينك وبينو كبير وهقولك بقى تبعدى عنو ازاى طبعا مينفعش اقولك اتركى مكان عملك لانو مش من السهل ايجاد فرص عمل ولا هقولك اعتبريه اخ وصديق لانو مينفعش ولا هقولك حاولى تبعدى عنو انا هقولك لازم تكون عزيمتك قويه وايمانك بحيائك قوي ولازم تكونى حره مش عبده لاهوائك وتجعلي الى كان بينك وبينو مجرد نزوه انتى اكبر منها بعقيدتك وفكرك واحترامك لكرامتك ولزوجك ولابنائك كل انسان بالكون وله ماضى بس فيه الى بيعتبر الماضى درس للحاضر والمستقبل وفيه الى بيحلم بالماضى ويعيش على ذكراه الاول الى بيتخذ الماضى درس للاستفاده منو فى الحاضر والمستقبل بينجو وبيعرف كيف يستخدم كرامتو وعزة نفسو ضد اى صدمه لاكن الى يجسد الماضى بداخلو بيظل رهين للفشل ورهين للماضى وسهل جدا يهدر كرامتو لاجل الحصول على شي من الماضى طولت عليكى معلش بس من اسلوبك بحس انك مهذبه جدا وراقيه جدا بفكك انتى تعبتى كتير لما حصلتى للمركز الى انتى فيه دلوقتى بلحظه واحده ممكن كل ده ينتهى بس نهايت النجاح مش بالامر الهين ولا بالامر السهل نهايه النجاح بيعتبر انتحار تخيلى لو بلحظه اختل توازن حياتك مع زوجك وابتدى يضيع من يدك لحظه بلحظه مش هيكون الزوج وبس هيكون الزوج والابناء والمال وترجعى اسيره الذكرى والذكرى وقتها هتكون الم وسيف جارح لانو الذكرى هتبقى على الحبيب الى افتقديه والزوج الى انتهى من حياتك والابناء الى رسمتيلهم حياه كريمه وبائت بالفشل كل ده فى لحظه ممكن يروح فى سبيل نزوه لاكن فى النهايه هقولك المثل الى يقول عقلك فى راسك تعرفى خلاصك لانو لو الغريزه تملكت فى العقل بيبقى الانسان مسيرؤ وليس مخير اما لو العقل تملك فى الغريزه بيبقى الانسان مخير دايما للافضل داومى على عملك وانظرى لهذا الشخص على انو عامل مغترب زيك زيو دخلتو البلد دى وهترجعو منها اما رافعين الراس او كمثل النعام حين الخوف والفشل انظزرى اليه بنظره الحاضر الى يخليكى تقولى لنفسك معقول انا كنت هكون كده الحمد لله انى فقت فى الوقت المناسب معذره اذا كنت اطلت عليكى انتى تهمينى كتير لان شكواكى مصيريه لحياتك اسف للاطاله وشكرا
اقولك ايه بس انا كراجل دمي محروق يا شيخة الله يـ يهديكي
والله اتوقع ان جوزك يا راجل طيب يا مشغول لدرجة انه ميعرفش الكلام ده
وشغلانة ايه اللي فيها اختلاط دي بس الله يهدي الجميع
يا جماعة والله متزعليش مني انا بتكلم بصراحة
الراجل جوزك تمام معاك ومخلفة منه ومديكي حرية الخروج من البيت عايزة ايه تاني
عايزة زوج يشتم ويضرب ويزعق و و و و و
حرام عليكي اتقي الله وصلي وادعي ربنا يبعد عنك وساوس الشيطان واللي انت متوهمة انك بتحبيه قالك معرفش اخون مراتي وحس بغلطته وتاب ورجع لربنا وانت اللي مفروض تكوني حيية عنه مش عارفة ازاي فكري وربنا يهديكي
فكرى فى ربنا وفى جوزك اللى بيحبك وولادك وانتى هتفوقى لنفسك
اختى الفاضله احمدى ربنا على النعم التى انعم الله عليكى بها وهى الزوجاللى بيحبك ونعمه الاولاد ونعمه العمل والحال الميسور فلما تطمعين اكثر من زلكابعدى الشيطان وسواسه عنك وخدة بالك من بيتك واولادك وزوجك والا سترين من الله ماتستحقينه لو فعلتى خلاف زلك وساعتها لاينفع الندم بشئ واحمدى الله ان الاخ قال لكى الصراحه انه متزوج وهى مجرد زهوه فقط غيره كان اتخزكى فريسه له
اقولك ازاى تنسيه انك تتوقعي قريب اوى اوى اوى ان جوزك الى هو بيحبك اوى اوى ده هيخونك وفى وحده هتخده منك وممكن يقع فى حبها يعنى بمعنى اصح كمان تدين تدان زى ما بتخونيه وحبيتى على جوزك لازم لازم لازم ينحرق قلبك زى ما انتى بتعمليه من وراه
حرام عليكي ياشيخه ايه الى انتى بتعمليه ده مش خايفه من ربنا
عموما بكره تندمي ندم شديد
بصىيا حبيبتى زى مالراجل بيحس بازمه منتصف العمر الست كمان ممكن تحسهاانتى حسيتى انك مضيعه عمرك فى الشغل وتامين الولاد وحياتك روتينيه فجاءه ظهر انسان حسيتى نحيته انك بنت جميله ومرغوب فيكى الاحساس ده لوحده صعب انك تنسيه ولا تنسى الشخص اللى بيحسسسك بيه مع ان الشخص ده فاق بسرعه وقالك ان شعورة نحيتك نزوة بس عشان انتى مفتقده الاحساس ده اوى مش قادره تبعدى ولا تنسى انا عارفه انك ست محترمه بس عاوزة اقولك حاولى تغيرى مكان شغلك لو فيه فروع تانيه او حاولى تاخدى اجازة لمده طويله شويه وتقربى من جوزك اوى واحمدى ربنا ان العلاقه متطورتش بينكم وانه كان صريح معاكى بعدك عنه هو حل مشكلتك حاولى باى طريقه تبعدى عن المكان اللى بتتقابلو فيه او اى مكان يجمعك بيه حتقدرى تنسى بس باى طريقه حاولى تبعدى عن المكان اللى هو فيه واشغلى دماغك بجوزك وعيالك وادعى ربنا كتير انه يسترك ويساعدك ربنا معاكى ويهديكى للطريق القويم
قربى من جوزك وغيرى من حايتك اكسرى الروتين اخرجوا اتفسحوا داعبية وعاكسية عيشى معاة مما تتمنية, ثانيا ممكن يكون تفكيرك مع نفسك وتانبيك لضميرك يخليكى تفوقى يعنى لو قولتى انا ست محترمةومتربية مش ممكن اكون خاينة مش ممكن اكون الا محترمة يعنى لو هو الشيطان لعب بدماغة اكتر كان ممكن يغوينى لأكثر من كدة وانا بحالة تخبط وضعف ممكن لاقدر الله اازنى .. لا لا لا مش ممكن انا محترمة واحافظ على شرفى وزوجى واولادى استغفر الله العظيم ويارب عنى على نفسى والشيطان انا اية خلانى اعمل كدة واسيب لمشاعرى وتفكيرى انها تسرح
وفعلا هو كلامة صريح قالى نزوة يعنى مش ولا اى حاجة مجرد فراغ وظروف غربة انما انا الحمد مع جوزى ووولادى .. انا اقرر اتنقل لمكان تانى فورا فى الشغل عشان مااتقابل معاة.. يارب وفقنى وسهل لى استغفر الله العظيم ان النفس لأمارة بسوؤ .. يارب يحفظك ويسترك قولوا معى آمين .