مشاكل الازواج

غضبانه وزوجي وحشني وكرامتي وجعاني

انا متزوجه من سنه وزوجي عنده ولد من زوجته المتوفيه وانا حامل بالشهر التاسع حصل خلاف بيني وبين ام زوجي وتطور الخلاف حتي بيني وبين زوجي لدرجه اننا بقينا نتخانق كتير وطبعا كان في خلافات بين زوجي ووالدي وطلبت من زوجي يجيبني عند الدكتور وطبعا جابني بعد خلافات بينا وسابني عند اهلي ومرضاش يجي ياخدني وطبعا ولدت عند اهلي ودفعوا اهلي تكاليف الولادة ورفض يجي ياخدني انا والبنت ورفض يدفع مصاريف الولادة وطبعا في ناس تدخلت ووالدي رفض يخليني امشي الالما يجي ياخدني بنفسه وانا بقالي 3شهور وعايزه اروح بيتي وزوجي وحشني وكرامتي وجعاني اوي انه ميجيش ياخدني وكل الناس ال تدخلت من اهله واهلي مش عارفين يحلوا المشكله لان زوجي بيرفض يسمع لاحد ما بيسمع الا نفسه وللاسف اني بحبه جدا وما اقدر اتخيل حياتي من غيره وزهقت من وجودي ببيت اهلي ونفسي اروح بيتي وطبعا حاولت اكلمه في التليفون رد عليا وقالي معرفش حد بالاسم دا وقفل التليفون في وشي وكلمت والده وزوج اخته طبعا قالهم دي حياتي ومحدش يتدخل فيها وانا خايفه موت يطلقني او يتزوج عليا وانا ببيت اهلي ومش عارفه اعمل ايه ومش عايزه اخرب بيتي وعايزة زوجي بس مش عارفه اتصرف واهلي بينصحوني بالطلاق وانا رافضه عشان عايزه زوجي بس خايفه ما يعبرني وما يجي ياخدني وبنفس الوقت كل ما افكر ارجع البيت لوحدي افتكر انه ممكن يذلني ويهنيني مش عارفه اعمل انا انا بتعذب وبموت يكفي اني ما لاقيته جمبي بالولاده ولاشاف بنته لحد دلوقت ساعدوني اعمل ايه نفسي اروح شقتي وهو وحشني ونفسي اربي بنتي في حضنه وجمب اخوها وخايفه يجرحني اكتر

مشاكل وحلول ذات صلة

اضيف بتاريخ: Friday, August 18th, 2017 في 18:33

كلمات مشاكل وحلول: , , ,

6 رد to “غضبانه وزوجي وحشني وكرامتي وجعاني”

  1. محبة الله مكسب
    17/01/2023 at 00:16

    بصي انا زييك كدا اقسم باالله انا وجوزي علطول مشاكل ومبحبش ادخل اهلي مابينا عشان الموضوع ميكبرش بس اللي يدايق انك تكوني صابره ومستحمله وهو يجي عليكي بذياده تحسي كدا انه بيقولك اتحملي لو تقدري انا متجوزه من سنه وتسع شهور وحملت من فتره وجبت ابني حاليا عنده خمس شهور جوزي مد ايده عليا اكترمن مره كنت بعديها عشان اهلي ميسمعوش بس مره مد ايده عليا وقعني وكنت حامل في شهري التاني وكان الحمل ده اللي استنيتوا تسع شهور ادويه وعلاج عشان يحصل وحصل بفضل ربنا المهم حصل نزيف وروحت بيت اهلي بعد شهرين الامور هديت ورجعت كنت حامل في الرابع هما اربعين يوم ورجعت بيت اهلي تاني اخدت هناك 4شهور لحد يوم الولاده ماسالش عليا ولا اطمن جالي بعد ماطلعت من المستشفي عشان يطمن علي ابنه وساعتها رجع يكلمني ويقنعني اني ارجع بيتي المهم اقتنعت بعد عشرين يوم رجعت اخدت معاه شهرين ورجعت علي بيت اهلي باابني بعد ماضربني وبهدلني والمره دي اخدت قراري اني مش هرجعلوا تاني وهطلق وهو ده اللي هيحصل عشان الافراط في التسامح والتضحيه مش هينفعوني ولا يخلوني مبسوطه فنصيحتي ليكي لو بيحبك هيسأل عليكي غير كده اوعي تغلطي غلطي وتعملي زييا وتضحي لاانه معلش مفيش غيرك اللي هيتأذي

  2. نسمة
    17/02/2021 at 14:11

    من واقع تجربة شخصية مريت بنفس المشكلة دى بس الاختلاف انه بعد حملى باربع شهور زوجى ةصلنى عند اهلى علشان اشوف ماما لانها كانت تعبانة وافضل معاها يومين تلاتة لما اطنن عليها وبعدين هو يجر ياخدنى وهو اصلا كان متفق مع امه انه انا غضبانة وانا مكتاش اعرف الاتفاق دا
    مر يوم واتنين وتلاتة وانا بانتظاره يجى ياخدنى لقيته اتاهر وانا كنت قلقانة عليه استاذنت من اهلى وروحت انا لوحدى لبيتى وفى البيت حماتى قالتى ايه لى جابك من عند اهلك كنتى خليكى هناك طالما غضبانة وانا باستغراب وتعجب بقول مين غضبانة دى
    وهى مردتش ودخلت شقتها وانا رحت شقتى وهو جه وسالنى جيتى ليه يا عديمة الكرامة انا مس عاوزك
    شفتى الكلمة عديمة الكرامة واحنا كنا سمن على عسل ولا مشاكل ولا اى حاجة بس علشان يرضي والدته على حسابى انا لانها اقنعته انى هاخلف بنات مش صبيات وهى شكلها كانت قريبة ابو لهب مبتحبش البنات
    وكانت عاوزة تخلص منى
    الزوج لى زى دا الطلاق منه شرف عظيم
    لان من اللحظة دى المفروض كنت اخد موقف يعزز مرامتى ويحفظها انما انا محبتش اكبر المشكلة وسبتها تعدى بسلام علشان المركب تمشي وللاسف بدات سلسلة التنازلات ولا شفت بخياتى كلها بوم خلو فى البيت دا
    المفروض طنت طلقته من اول يوم جواز
    بلاش تشترى على واحد بايعك وحافظى على كرامتك
    رايي قاسي انا عارفة بس هاتعرفى قيمة كلامى دا بعدين مش الوقتى

  3. كريم نور
    21/08/2017 at 10:37

    بصراحة جوزك مثالي … واتجوزك بعد ماتطلقتي وعاملك احسن معاملة وخلفتي منه …. انا رئي انك تسمعي كلامه تبطلي عند وغيري طباعك خلي طباعك من طباع زوجك حتي لو شايفه حاجة صح بعد ماتسمعي رايه قليله انا بقترح عليك مثبلا كذا واللي انت شايفه صح حتي لو رايك اكيد صح ياحبيبي اي كلمتين وبعدين حالتك دي بتقول انك عصبيه شوية عاوزك تسيبي نفسك وتفكري بهدوء وكلمي جوزك واعتزريله وانا مش هتكرري دا تاني ومتدخليش اي حد مهما كان بينكم حتي لو والدك لان زي مافي ناس بتحبل ناس بتعقد وكلمة واحدة ممكن تبهدل الدنيا وتغير النفوس خلي مشاكلك مع زوجك ف الظلام وربنا يسعدك

  4. زوجه مخلصه
    20/08/2017 at 00:45

    انا عارفه ان ممكن الحل يكون في الطلاق بس للاسف انا مش قويه لدرجه اني اطلب الطلاق اخاف اني اطلبه يصدق ويطلقني بجد عارفه وقتها انه هيكون انسان ما يستهلني وانه الخسران وهيكون ظالمني بس في تفاصيل انا ما تكلمت عنها انا وزوجي اوقات كتير بنكونوا كويسين واوقات كتير بنتخانق زي اي زوجين وغالبا خلافاتنا بتكون بسبب اهلي او اهله وزوجي عارف اني بعشقه بجنون وكل الناس واهلي واهله عارفين كدا ولاكن انا فيني عيوب وهي اني ما بسمع كلامه وبقف قدامه اوقات كتير صحيح بيكون عندي حق بس انا غبيه معنديش حرفه اني اخد حقي بشطاره بالعكس بقلب الطربيزه عليه وهوطلب مني اني اتغير كتير وانا ما كنت بشوف نفسي غلط تقريبا كدا اخدت الدرس لما قعدت في بيت اهلي الفتره دي وطبعا انا قبل ما اجي بيت اهلي كنا متخانقين وهو ال جبني وقالي روحي غيري جو واهدي كدا وابقي تعالي طبعا كنت داخله علي ولاده وقولتله تعال خدني رفض قالي تعالي انتبي انا مش جاي وطبعا كنا زعلانين وما تصالحنا وقالي عايزه تولدي وعايزه اي حاجه تعالي هنا بيتك وانا اعملك ال انتي عوزاه لاكن عايزه تفضلي ببيت اهلك خليهم هما يصرفوا عليكي متطلبيش مني حاجه وانتي ببيت اهلك وانا ما رضيت اروح وفضلت ببيت اهلي مع العلم ان كان في خلافات بين زوجي ووالدي ووالدي غلط في زوجي قدام اهله وزجي عرف ان والدي غلط فيه ودا كان قبل ما اولد وبعد ما ولدت ببيت اهلي والدي غلط في زوجي تاني ووصل الكلام لزوجي وطبعا والدي غلط فيه عشان زعلان عشاني ومضايق من جفاء قلبه وطبعا زوجي لما عرف ان والدي غلط فيه رفض وصمم يجي ياخدني ولاكن بعت اهلخ يجوا ياخدوني في العيد واهلي انا رفضوا واكتر من مره يبعت اهله واهله يجوا من نفسهم عشان يحلوا الموضوع وياخدوني واهلي انا يرفضوا عشان المشكله تطورت واصبحت عناد ما بين زوجي ووالدي وكل ال تدخل بيسالوه انت عاوز مراتك وبنتك ولا لا كا بيقول انا ما استغني عن مراتي ولا بنتي وعاوزهم بس انا مش هروح البيت عندهم هي تيجي انا مش مغضبها انا قولتلها روحي اهدي نفسيتك عند اهلك وهي ال راحت عند اهلي ووالدت هناك وما سمعت الكلام عشان كدا انا مش هدفع مصاريف ولاده وعلي فكره اناكنت مطلقه قبل ما اتزوج ابو بنتي يعني دي تاني زواجه لي وحبيت زوجي وغلطت بس مش عارفه اعمل ايه طبعا من كتر ما الناس من اهله تدخلوا ووالدي يرفض يروحني الا لما هو يجي بنفسه قال لاهله محدش يتدخل دي حياتي وانا حر فيها وطبعا اقنعنا والدي انه يتنازل عن المصروفات الولاده ويسبني اروح ويقاطع زوجي وما يتعامل معه لانه اصلا زوجي رافض التعامل مع والدي طبعا عمي تدخل وقال خلاص طالما زوجها عوزها ووهي عاوزاه خلاص يجي حماها وياخدها وطبعا حاليا زوجي سافر برا مصر واهله هما ال هيجوا وانا مش عارفه اعمل ايه وخايفه اندم بس هو ليه معايا مواقف كويسه ومواقف زي الزفت

  5. كريم نور
    19/08/2017 at 09:24

    اي راجل ف الدنيا بيحب مراته تسمع كلامه .. ف حالتك دي بتقولي ف خلافات بين اهلك وجوزك انتي غلطتي لم كلمتيه ف التليفون وكلمتي اخواته حس انك مش راسية مدلوقة عليه هو استغل دا وقفل ف وشك اعتقد ان حالتك دي هو عمره ماهيفكر يرجعك هيستني لحد مانتي ترحيله البيت وتعتزيرله كمان وممكن يبقي كويس معاكي وممكن يذلك وتبقي حياتك تعيسة انتي متسرعة .. حل االموضوع دا انك تطلبي الطلاق منه ساعتها هيعرف غلطته ويطلقك او يرجعك مفيش حاجة اسمها حب ووحشك انتي بتقللي من نفسك ليه من الاول قبلتي تدخلي اهلك ف الموضوع متصغريش والدك وتهيني كرامته لان لو هو ضربك او شتمك والدك مش هيدخل لانك صغرتيه قبل كدا … حالة جوزك نفس حالتي لان لو مراتي غضبت وسابت البيت انتهت من حياتي مش بحب ادخل حد ف مشاكلي ولا حد يعرف حاجة عن حياتي مش فرح هيا وربنا يسعدك

  6. ابوالبتول
    18/08/2017 at 22:31

    اختي العزيزة السلام عليكم ورحمة الله وبركاته- الظاهر ان الخلاف كبير بينك وبين زوجك لدرجة انه لم يسال عنك اثناء الولادة ولاكانك زوجته وام لابنته التي خرجت لهذة الدنيا ولم يراها اوحتى يتكفل بمصاريف ولادتها ورافض كل المساعي لاجل التصالح بينه وبين اهلك والادهى انك مع الاسف الشديد عاوزه ترجعي له ولاهامك شي لاكرامتك ولاكرامة اهلك وتقولي واحشنى وماقدره استغنى عنه خلاص بقى ارجعيله وخليه يذلك اكثر ويجرحك دام هانت عليك كرامتك وكرامة اهلك ولاعامله اعتبار لااهلك وعمره ماهيجي لك ويعتذرمنك او يتسامح منك اومن اهلك ارى ان اهلك معهم الحق في انك ماترجعيش له وعاوزينك تطلق منه وده هو الراي الصحيح والصايب لانو ده شخص مش محترم ولايقدرش الحياة الزوجية او يتسامح لاجل الحياة تسير دون منغصات او مشاكل وقد تواجهكم صعاب ومشاكل كثيرة في حياتكم وكل مرة تروحي عند اهلك غضبانة منه ولايسالش فيك اويعبرك اويهتم بك هل ترين ان دي تبقى عيشة اوحياة مستقرة وسعيدة لا والف كلا وانما تبقى حياتكم على كف عفريت كليوم خناقات ومشاكل لاتنتهي وانت تكوني الخاسرة والتعيسة في دي الحياة هو الرجل ممكن يتزوج عليك باخرى عاوزك تعرفي كيف تصون كرامتك امام هذالزوج اللي لايستاهل ان يكون زوج مخلصا ووفي لك وقادر على تحمل اعباء ومسووليات الحياة ولاتفرطي في كرامة اهلك لانو كرامتهم من كرامتك انصحك بسرعة طلب الطلاق منه فورا وتطالب بحقوقك كونك ام لابنته الرضيعة وتلزميه بكل النفقة والمصاريف لها وتعيش حياتك وكرامتك محفوظة في بيت اهلك معززة ومكرمة حتى يكرمك الله بابن الحلال الصالح اللي يقدر الحياة الزوجية ويصونها ويحافظ عليك وعلى كرامتك ويسعدك في حياتك وفقك الله وسترعليك واصلح حالك

اترك رداً أو حلاً لهذه المشكلة