انا فعلا حيرانه وتعبانه جدا نفسيا حاسه ان مافيش حل لمشكلتي بس ياريت لو في حد عنده حل او نصيحه ليا يقولهالي احنا هنا اكيد عشان نساعد بعض
المهم انا متزوجة من 8 سنيين وعندي ولديين بس زوجي مهمل جدا معايا فوق الوصف مش موجوده اصلا في حياته رغم اني الحمد لله جميله وكل الناس بتحسده عليا وكمان معملتي معاه كويسه وحاولت كتيير اني اغير من طبعه لكن دون جدوي وكمان كل حياتي بقت عذاب مع عائلته بسبب اني اعده معاهم في نفس المنزل وفي يوم ظهر في حياتي رجل اخر رجل بمعني الكلمه حسيت باختلاف في كل شيء وعرض عليا الزواج بس انا خايفه علي اولادي خايف اخدهم معايا وابعدهم عن بباهم وفي نفس الوقت خايفه اسيبهم معاه وهما محتاجنلي وهما كمان سنهم صغير مش عارفه اعمل ايه هل استحمل حياه تعيسه وامل جنب اولادي ولا اختار نفسي وسعادتي مع رجل بيحبني ارجو من اللي حيسيب لي الرد ان يلتمس لي العذر عشان انا متزوجة وبجد باتعذب جدا
مشاكل الازواج
حياتي تعيسة هل اطلب الطلاق واتزوج من يحبني
اضيف بتاريخ: Thursday, January 20th, 2011 في 07:46
كلمات مشاكل وحلول: الزواج, الطلاق, حل, رجل, متزوجة, مشاكل الازواج, مشاكل زوجية, مشاكل زوجية
تزوجي اولادك يتربو روحي شوفي حياتك وانشالله بتتوفقي بس امني نفسك قبل يكتبلك بيت ويامنك زوجك الجديد حتى تكوني بامان
انا شايف الطلاق احسن ولو زوجك الجديد بيحبك اكيد هيحب اولادك لانهم جز منك انا متزوج من امرة ومعه طفل وانا معى طفلين واعيش احسن ايام حياتى
اختي الفاضلة لم تخبريناتفاصيل حياتك مع زوجك هل تزوجتم عن حب في البداية ام الاهل ارغموك عل الزواج منه ايضا هل زوجك كبير في السن عنك وهل هوعاجز عن امتاعك جنسيافي الجماع وهل توجدمشاكل اسريةمع اهله دايما اذاكانت هذةالعوامل موجودةفعلا وصعب حلهااواصلاحهافعنداذامن حقك طلب الطلاق منه وفورا كي تحفظ شرفك وكرامتك وكرامةاهلك وكي لاتقعي في المعاصي والمحرمات وربك يعوضك بخيرمنه بالزوج الصالح اللي يستاهلك ويقدريسعدك وابعدي عن الشاب اللي تعرف عليك لانك لازلتي على ذمةزوجك ودي خيانة حرام ماتجوز ربي يسترعليك ويهديك
اختي هل زوجك لايعطيك حقك في المعاشرة الجماع والامايهتم فيك ومقصرمعك في طلباتك انت واولادك اوانه رجل بخيل لايصرف عليك اوتوجدمشاكل مع اهله بماانكم عايشين في بيت واحد 1- من حقك كزوجةوام ان يكون لك بيت مستقل عن اهله 2-لازم يصرف عليك انت واولادك في الماكل والمشرب والملبس وكل طلابات البيت والمدرسه والخاصة3-ايضااذاكان عاجزعن ممارسةالجماع معك لمرض لايرجى شفاه اوكبرسن اواهمال متعمد منه دون ايةاسباب اوتقصيرمنك تجاهه من حقك طلب الطلاق لاجل تحفظ كرامتك وعزةنفسك وتحفظ حقوقك وحقوق ولادك من الضياع والاهمال وربي يسعدك
شوفي حبيبتي انا زيك ونفس تجربتك عايشه وداخله اقرا لقيت ردود بس الي حسيتووو ﻻزم اضحي علشان عيالي يعني الناس دي كلوهم متفقين علي راي واحد خدي بنصيحتهم احسن لك
اختي المعذبة اذاكنت استنفذت كافة الحلول مع زوجك من اجل يتغير في معاملته لكي ولم يحصل شي من اللي ترجيه وتتامليه فالطلاق عندذلك يكون افضل الحلول لكلاالطرفين وخيارلابدمنه لحالتك هذة ونشاءالله ربنابيكرمك بزوج صالح قادر على اسعادك
لا شيء يؤلم اكثر من سقوط قناع تظنين يوما انه وجها حقيقيا المهم انا ايضا متزوجة من 4 شهور واعيش حياة تعيسة لكنني ساضع مولودي وارحل من حياته لآنني لا ارغب بو جوده معي فانا اكرهه وهو عصبي ويكسر الأثاث عند الغضب ويضربني لن أضحي من أجل أحد فأنا أيضا اريد ان اعيش اما مسالة الولد فنا ارغب في ان اتركه لأبيه لمن امي تقول لا انا اربيه.
انتو كلم بقيتو مشين بلشرع والدين والينفع والمينفعش محدش حاسس بلناررالهى فيها ياريت قبل ما يترد على المشكله بكلام جارح تحطو نفسكم مكان صاحب المشكله ويريت بلاش الرد العقلانى اوى البيدبح صحبه اول لما يسمعه مدام المشكله متعلقه بلمشاعر خلينا حساسين اكتر من كده
كل الاراء السبقة لها احترامها لن لماذا لايقدر النس حاجة اى امراة الى رجل راجل بجد وتعالو نشوف العس لو راجل فى مكانها طبعا يروح يتجوز لكن الست لاة مش عارفة لية واللة العيال بتكبر ولاتقدر اى تضحيات
بسم الله الرحمن الرحيم
السلام عليكم ورحمة الله
انا لا اريد ان اؤذي مشاعرك بأن اقول لك كما قال الاخوة والاخوات في نصائحهم ان ماتقومين به خيانة لزوجك وزنى شرعا وحرام عليكي اولادك ولازم تربيهم وتهمتمي بيهم وانسي نفسك فإن لنفسك عليك حق كما لزوجك واولادك عليك حق لكن بشرط مراعاة حدود الله في نفسك وقول الله تعالى في كتابه الكريم (واذا اردتم استبدال زوج مكان زوج) فهو حلل للرجال كما للنساء ان يتزوجن غير ازواجهن اذا لم يستطعن الاستمرار بحياتهم ولهم الحق في الطلاق والزواج من اخر ولكن بشروط اوضحها الشرع لكن لكي مني نصيحة اخت في الله لا اعرفك ولا تعرفيني سوى دخولي الى الموقع لاستشارة ايضا في قضية خاصة بي انا تركت زوجي ولي منه ولدان ولكن تركت اولادي معي قمت بتربيتهم واشرفت على تعليمهم على الوجه الاكمل واتممت مهمتي التي خلقني الله لها ولم اتزوج بعد طلاقي مباشرة لان الزواج من اخر ضمن الاضطرابات النفسية التي تعاني منها المرأة لن تسمح لها بالاختيار الصحيح فإذا انت قادرة على العناية باولادك والاحتفاظ بهم للوصول بهم على بر الامان تأكدي ان الحب سيأتي يوما ولست مضطرة لخيانة زوجك اوالعيش معه بعذاب والله الموفق
اضيف الى ماسبق ان مرحلة مابعد الطلاق ليست بالسهولة التي تتصورينها فهي اشد عذابا من الواقع التي تعيشين به ففكري الف مرة بمرحلة مابعد الطلاق
وطريقة ادارة حياتك وحياة اولادك اذا رغبتي بالاحتفاظ بهم ولا تفكري انت او زوجك اتخاذ الاولاد ذريعة لتعذيب بعضكم بهم سواء بحرمان ابوهم منهم اذا احتفظت بهم او حرمانك منهم اذا احتفظ الاب بهم فكري قبل اتخاذ اي قرار وانسي من احببته الان وحاولي ان تركزي في وضعك وكيفية الوصول الى طريقة سليمة لادارة حياتك وحياة اولادك
انت من حقك ان تنفصلي وتتزوجي لان الله شرع هذا وهو ليس بحرام الحرام هو عيشتك معاه ولكن لابد ان يكون الاختيار التاني سليم اختبريه جيدا لابد هنا تحكمي العقل وتفهمي هذا الرجل التاني جيدا لان الاختيار سوف يكون علي مسئوليتك اما خطوة الطلاق وتربية الاطفال مع الزواج التاني مش مشكلة بالعكس في البيت التاني وانت حيانك مستقرة ومتظبطة هتربي عيالك احلي واحسن تربية احسن من بيت فاضي من الحب والمشاعر وصلة الرحم ولاكن هذا يتوقف علي اختيار الرجل المناسب سواء هذا الرجل او غيره لكن استخدمي الرخصة التي منحها الله لكي ولا تظلمي نفسك لانك لو استمريتي في حياتك لا هتعرفي تربي اولادك ولا هتعيشي سعيدة وراضية وهتكوتي خسرانة احسبييهامن حيث المادة الحب مدي التكافؤ وضع الاطفال لولاقيتيها كسبانة توكلي علي الله لو بند منهم وقع سيكون اختيارك ليس بصحيح لو انت مرتاحة ماديا ومش محتاجة لزوجك انفصلي عنه فورا واعطي لنفسك الفرصة والحرية في اختيار جديد وموفق سواء هذا الرجل او غيره كم من الرجال يتمنون يقضوا يقية حياتهم مع ستات حلوة ومثيرة وعاوزة تعيش صح وربنا يوفقك في الي يسعدك ويهنيكي ويراعي اطفالك ويراعي ربنا وابئي اعزميني علي الفرح
احب اقول لحضرتك معني كلمة الحب وكيفية ممارسة الحب الحب الحقيقي هو الزواج والتي انت تنعمين به الان واسأل حضرتك سؤال مالشئ الذي يريد الحبيب من محبوبته ان يفعله معها ( هو ممارسة الحب )
لعلمك الخاص ان كل زوجين لايمكن لهما ان يلتقيا الا بالحب وينتج عن هذا الحب الاولاد التي تنعمين انت الان بهما والذي عند زوجك مثله عند حبيب القلب الذي زينه لكي الشيطان
ياأيتها المرأه اتقي في زوجك وأطفالك ومارسي معه الحب وأنت راضيه
وارضي بما قسمه الله لكي تكوني اغني الناس
وانسي هذا الشيطان الذي جائك تحت عنوان الحب الزائف
ان ممارسة زوجك العلاقة الطبيعية بين أي زوجين فهو يمارس معك الحب الحلال الحلال الحلال
فاستعيني بالله لزين لك الحب الحلال
حاولى مع جوزك وقربى منه واوعى تنغمرى فى الخيانة عشان اخرتها وحشة وحافظى عاى بيتك وحطى اولادك فى المقام الاول فى حياتك حبى نفسك جدا هتلاقيه هو بيهتم بيكى ومتخلهوش محور اهتمامك اهتمى باولادك جدا وحافظى على بيتك
بصي بقي ؟ مبدئياً اللي تفكر تعرف واحد علي جوزها تبقي متستهلش تعيش لو لو جوزها ده زبالة . والراجل اللى انتى عرفتيه ده بكرة يذلك . لسبب واحد ؟ لو اجوزتيه بكرة يقولك مانتي بعتي جوزك واللي تبع واحد بكرة تبيع غيرة .
السلام عليكم
الاخت صاحبة المشكله
يكفي انك قضيتي 8 سنوات مره
ابدي حيات جديده وتوكلي على الله
لا تبقي بنفس الدوامه اولادك يكبرو ويتربو بوجودك ومعاك محدش مات علشان امو سابتو
يكفي ظلم للمشاعر الانسانيه
توكلي على ربنا واتركي زوجك الغير مسؤول
وعيشي حياتك لان بعد كم سنه اولادك حيكبرو وعمرهم محيقدرو تضحيتك
عيشي حياتك وتوكلي على ربن
ماينفعش خالص الكلام اللى انت بتقولية دة بس لازم تتكلمى مع زوجك وتحاولى تتفاهمى معاة مايمكن فى حاجة مزعلاة ومضيقاة ومش قادر ينسى المشكلة اللى هوة فيها وربنا معاكى ويوفقك
والله حرام عليك ياام سيف – مصر.. وربي مووو شيطان ,, ملااك وانسان في منتهى الروعه
والانسانية والحنان . الله يحفظة ويديم علية الصحة والعافية… وشكرا لكل من سهام
بالرد , وللامانة انه مخلق وراجل بالف راجل فديته….
انا نفسى اعرف هو خلاص العقل انتهى هو مفيش عقل انا نفسى اعرف يعنى ايه ست متجوزه تفكر فى حد او حتى تحاول انا نفسى انك تسيبى اولادك وزوجك وتشوفى الحياه الجديده ال انتى شيفاها ورديه وبيحبك وانا واثق انها هاتكون جحيم لان حبك لاولادك هايفوق حب الوهم ال انتى عيشاه انتى حتى عديتى سن المراهقه او على الاقل اتجوزتى يعنى باى حال حبك هو زوجك حياتك بقيت اولادك ممنوع انك تفكرى فى زوج تانى
كما ذكر الأخوة وملخصة 1- مش ضامنة انة يتزوجك اصلا 2- ولا ضامنة تكونى سعيدة 3- وهو غير امين عشان يحرضك على الطلاق 4- ومسئولية ولادك فوق كل اعتبار 5- اتفق الجميع على انة تحبى وانتى متجوزة غلط وعييييييب ..اخيرا دايما اللى فى مشكلة بيكون متلهف ومتوهم الحل باى وسيلة اخرى وبيفكر انة فى جحيم واى حاجة تانة جنة , ببساطة هو ماجرب الأسوأ وقد يكون رغم معاناتة فى نعمة وهو لايشعر , وبناء على انة غلط قد يعاقبكى الله بالأسوء , اخر حاجة حاوللى لو تسكنوا بسكن آخر .. استشيرى مرشدة بالعلاقات الزوجية (مثل الدكتورة حنان زين) لتساعدك على اسبل تغيير حياتكم الزوجية واين الخلل ويا حبذا لو تصارحتى مع زوجك انك تريدى السعادة والتغير ويقبل استشارة مرشد العلاقات الزوجية , اسعى والله يجيب التوفيق
.. يارب اصلح حالهم قولى آمين .
ربنا سبحانه وتعالى أرحم من الأم بإبنها طب ليه ماقالش ربنا أرحم من الأب بإبنه ؟لان الأم هى مصدر الإهتمام والحنان والحب والرعاية-ليه مش حاسه فكلامك إنك ندمانة على خيانتك لزوجك (الخيامة مش إنك تعملى حاجه حرام لاسامح الله)لكن الخيانه أيضا بإنك فكرتى فى حد تانى توهما منكى إنه الملاك الطاهر وهو الشيطان الرجيم فى هيئة إنسان وهذا أيضا يعتبر زنا لأن برضه الزنا مش هو العلاقة الفعليه وإنما قال رسول الله صلى الله عليه وسلمفى الحديث الشريف فيما معناه أن العينان تزنى وزناهما النظر واليدان تزنى وزناهما اللمس والأذنان تزنى وزناهما السمع يعنى حضرتك وإنتى سرحانه فى رجولته إللى بجد زى مابتقولى تبقى بتزنى ولما بتتكلمى معاه وبيقولك الكلام إللى إنتى اه محرومة منه ولكن لايحل لكى أن تسمعيه فى الحرام بتبقى برضه بتزنى إتقى الله فى نفسك وزوجك وأولادك ( اللهم بلغت اللهم فأشهد )
لاتشكو للناس جرحا انت صاحبه لايؤلم الجرح الا من به الم
كل الاشخاص الي قاموا بالرد مشكورين لايعلمون مدى المأساة التي تعيشينهااو مرارة الوقت التي تمر عليك او السنين التي تمر واحلى ايام الشباب التي تذهب بلا عودة وكلها خسارة لانك تعيشين مع شخص لايهتم بك ولا بمشاعرك كانسانه تشاركه هموم الحياة ومسؤوليه الاولاد والبيت والتربيه لكن مع كل هذا لقد كسبت شيئا عظيما الا وهو جزاء الصابرين لانك ضحيتي بسعادتك لاجل الحفاظ على سعادة اولادك وقررتي ان تكوني الام المضحيه صحيح اننا من النادران نجد الحب الصادق في حياتنا وقد يكون هذا الشخص الذي وعدك بالزواج صادق ويحبك ويريد ان يعوضك عن حب افتقدتيه مع زوجك لكن شاءت الاقدار بان تلتقون بالوقت الضائع للاسف لكن يااختي العزيزه من ترك شيئا لمرضاة الله عوضه الله باحسن مماترك
وسيجزيك جزاء الصبرين وسيفتح لك ابواب الجنه وتدخلين دون حساب لانك تعذبتي في حياتك وضحيتي بحقوقك كانسانه فكري بشئ لايمكنك ضمانه من يقول بعد ان تحصلي على الطلاق سيعيش احد الطرفين منكم وستنعمون بالسعاده؟؟ اعمل لدنياك كانك تعيش ابدا واعمل لااخرتك كانك تموت غدا
صدقيني سعادتك الكبرى عندما تجعلين من اولادك اسعد الناس واحسنهم
وبارك الله في عمرك وعافيتك وجزاك الله على تضحيتك…..
متامنيش لرجل يعمل علاقه مع واحده متجوزة حتى لو لقيتى ليه جناحين مستحيل وبعدين هو فى حد بيستجمل دلوقتى عيال يعنى اللى ذى ده معندوش طبعا اخلاق اكيد انتى هتقولى فى نفسك لا ده كويس وبيحبنى صدقينى تبقى واهمه لو كنتى ملكه جمال بردوا لو عنده ذرة دين واخلاق مكنشى بصلك تخيلى لو اتجوزتيه وفى يوم ضرب ابنك علقه سخنه ساعتها هتكرهى اليوم اللى شفتيه فيه وهو هيحب ابنك ليه يعنى هيربى عيال غيرة ودائما هيفتكر زوجك لما يشوف ابنائك ولو اخدهم زوجك منك وربتهم زوجه ابوهم وتبقى نايمه ومش عارفه ولادك حالهم ايه مع زوجه ابوهم كل ده لو الرجل ده اتجوزك اصلا بعد طلاقك وتبقى مصيبه لو اتجوزك واخد غرضه ونزوته منك وسابك وساعتها تبقى لا طولتى سما ولا ارض تبقى خسرتى زوجك وولادك وكل شىء
الحقيقة اني معجب بكل تلك الردود خاصة تلك التي تحمل قيم دينية واخلاقية
وتدعوا صاحبة المشكلة للتعقل والابتعاد عن من تحب… لكن المؤسف حقا
اني لم ارى اي رد يناقش ماذا تعمل هالحرمه اذا لم يتغير زوجها
ويحس بمسؤاليته … هل يرى المشاركون انها تسلم امرها لله
نتيجة لانها عندها اطفال,, ام تظل تحاول مع زوجها من اجل
ان تغير فيه السلبيات مالم يتغير تتخذ طريق اخر,, رائع
اننا ندعوا للفضيلة , والاروع اننا نكتب عنها , لكن الحقيقة
اللي يده بالنار مو زي اللي يده بالميه, ههههههه , عموما
انا مع راي بحر الود , تعطيه فرصة اذا لم يتغير فان الزواج
حقها الشرعي والديني والعقلي ,,,, وللجميع حبي
واحترامي
ازاى تهون عليكى ولادك عشان راجل تانى انتى بتفكرى بانانية بتفكرى فى نفسك وبس الناس كلها عندها هموم ومشاكل ومستحملين المر عشان ولادهم انتى ام يا شيخة ادعى ربنا يخليلك ولادك اللى كتير نفسهم فيهم وانة يصلح حال جوزك ويهدية اتقربى من ربنا وابعدى عن الشيطان دة لانة مش امين وخراب بيوت وبعد ما تتجوزية هتكتبى هنا مشكلتك وتقولى انة اتغير معاكى وانك ندمانة انك سبتى ولادك اتقى اللة عشان ربنا يكرمك ويخليلك ولادك بلا حب بلا هم حبى ولادك وبيتك وحاولى تحبى جوزك بدل ما تخونية
هل تمتلكي سيارة ؟!
انا امتلك سيارة ومهما ان اوصف لحضرتك فرحتي عندما استلمت تلك السيارة الجديدة كد اطير فرحاً وكان نفسي انام بداخلها في اول ايام املاكي للسيارة وكنت انظر اليها من البلكونة بحب وشغف .
ومع الاختلاف الكبير في المشاعر ولكن أأكد لكي سيدتي ان هذا الاحساس سيتغير ويختلف بمرور الوقت هناك مثل رائع هل عرفت هذا الانسان قال اعرفه فال عاشرته قال لا .. اذن انك لم تعرفه .
والله والله مع الايام ستندمي اذا اقدمتي على هذه الخطوة .. النظر في وجه اطفالك هي السمة الوحيدة التي لن تتغير طوال عمرك .
ربنا يهديكي معلش في حاجة اخيرة الرجال تتغير بتغير الاحساس وهو لن ينسى لكي انك عرفتيه على زوجك وسيقول لنفسه لقد عرفتني وهي متزوجة فما المانع في ان تعرف غيري وانا زوجها .
ربنا معاكي وحاولي التقرب الى زوجك وتاكدي ان كان اكلام من فضة فالسكوت في بعض الاحيان مع زوجك من ذهب وربنا معاكي . وتقبلي حياتي
اختي الكريمه
انا اشعر بما تقولين لاني أمرأه وعندي اولاد
ارجو منك الا تصدقي هذه الافه التي تتسلق علي خراب بيوت الاخرين ولا تصدقي انه يحبك كما يقول لانه يريد شيْ وعندما يأخذه سوف يبحث عن بيت آخر لكي يتسلق علي خرابه
ولا تصدقي انه سوف يظل يحبك لانه اذا تزوج بك سوف يقول لكي انه يشك بك وانك ستفعلين ما فعلته من اجله مع شخص اخر فتقي الله في نفسك وفي اولادك والله يوفقك للخير
يعنى الرسول عليه الصلاة والسلام قال ملعون من يخطب على خطبة اخيه امال الى عايز يجوز امراة اخيه يبقى ايه اتقى الله فى اولادك ومفيش حاجه بتفضل على حالها ربنا قادر يغير جوزك وبعدين اهله دول مش هيعيشو معاكم على طول دوام الحال محال وبعدين الراجل دا ايه ضمنك انه ميتغيرش بعد ماتخربى بيتك وبعدين هوالو حد كويس عمرو مايفكر يخرب بيت حد حتى لو كانت سعاته فى كده اتقى الله فى اولادك وادعى ربنا يغيرهولك للاصل الاحوال سبحانه كل يوم هوا فى شانان الله مجيب الدعاء ومغير
انا ارى انك تتجوزيه , كفانا معشر الرجال اهمال . النساء لهن مشاعر
واحاسيس وحق شرعي … من يهمل زوجته عليه في نظري ان يتحمل النتيجة
ومن حق اي حرمه ان تبحث عن سعادتها لانها في الخير بشر مو ملاااك.
ما شاء الله موضوعك مهم لذلك كان الرد عليها كبير وكل من رد عليك فى نطاق هذا الموضوع نصحك ان لا تخربى حياتك وحيات اولادك وهذا هو الصح جوابى لك فى هذا الموضوع ان تدعى الله سبحانه وتعاله ان يفك عنك هذا الغم وان يقرب زوجك لك ولولادك والبند الثانى من هذا الموضع وهوا الرجل الاخر هذا فيلم ام مسلسل تلفزيونى اختى الغاليه الرجل هذا ليس امين اذا كان امين لا بد ان ينصحك ولا يفكر ان يخر بيتك ابعدى عنه ابعدى عنه بشكل كلى وليس جزى هوا انك ترفضى الزواج منه وان تستمر علقتكم اذا كانت هناك علاقه ويا ستى بالفلاحى كلنا عندنا مشاكل فى بيوتنا اذا كنتى بتتعملى معامله وحشه مع اهلهو غير نفسك الصبررررر جميل دى اغنيه احسن من المسلسل اولادك اولادك اولادك لا تفكرى ان تبعدى نهائيا وشكرا
هو انت اتطلقتى لسة علشان تغكرى فى الجواز
انت لسة على زمة راجل
وبعدين انت بتقولى خايفة اسيبهم معاة وهما صغيريم
وانت بتفولى ان هو مهمل
يبفى مين اللى مايهتم بيهم
بطلى انانية وعيشى لولادك
وكلمى جوزك وحاولى تصلحى منة
وبعدين دوام الحال من الحال
يمكن ربنا يهدية وينصلح حالة
خليكى مع عيالك
استعيذى بااللة وسيبك من الرجل دة هو مش امين هو اخد واحدة من جوزها ومن عيالها يعنى بيخرب بيت.وانتى ازاى تفكرى فى حد تانى وانتى متزوجة.؟ عسى ان تكرهز شىء وهو خير لكم وعسى ان تحبو شىء وهو شر لكم .استعينى باللة والصبر ان اللة يحب الصابرين وادعى ربنا يهديكى ويهدى جوزك ليكى ولعيالة.وبعدين حالوى تبدأى مع جوزك من الاول هزرى واضحكى وادلعى وصلو انتو الاتنين سوا واربطى جوزك بعيالة اوى .وربنا يهدهولك وكلو عند ربنا . ارجوكى مش تضيعى عيالك غيرك مش لقيهم
صدقينى
بسم الله الرحمن الرحيم اختى العزيزه ليس كل ما يتمناه المرء يدركه انا احاسس بيكى جدا ولكن ما فى شىء الا وله حل باذن الله اختى العزيزه لكى يحس بيكى زوجك وتقدرى على شد انتباهه اليكى لا ينفع وانتم ببيت العائله فنحن فى مجتمع شرقى والبعض منا بفضل الله لسه عنده خجل فكيف وانتى ببيت العائله هتقدرى تلبسى وتدللى وتدلعى جوزك لكى يبطل اهماله لكى بالتاكيد انتم لو فى مكان خاص بكم اكيد الوضع هيختلف تمام فانتى هتقدرى تظهرى مفاتنك وبالتاكيد هو لو حجر مع وصفك بالجميله اكيد هيتحرك وهيزول خجله ولكن كيف بالله عليكى يهتم بكى وكل النظرات من حولكم تنظركم وحتى لو نظر لكى سيجدكى مهتمه بمصالح البيت ومش اى بيت ده بيت عائله يعنى ما تقدرى تاجلى فيه طلب اختى العزيزه اتمنى من الله ان تاخذى القرار الصحيح ولا تتجنى على زوجك ولا على اولادك فالرجال كلهم واحد بكلامهم المعسول الى ان ينال ما يطلبه وبعد كده هتلاقيه لا يفرق الكثير عن الاول الحل الان بيدك ان تحاولى مع زوجك ان يكون لكى حياتك الخاص بيكى ومكانك الخاص بيكى هتقولى هيرفض يسيب اهله من الممكن ان تزعلى فى بيت اهلك لفتره قصيره بس مش بتشدد حتى لا تخصرى زوجك واولادك ولكن لكى تنولى طلبك وباذن الله ربنا يوفقك الى مافيه الخير لكى ولاولادك يا اختى هل تتخيلى اولادك مع زوجة اب اخرى غيرك او مع زوج ام غير ابيهم ارجوكى ركزى بكلامى كويس وباذن الله هيكون الحل
احترمى نفسك وعيشى لعيالك انت ست محترمه وربنا يعوض صبرك خير فى اولادك وتشفيهم فى مناصب محترمه
كده هضيعى بيتك واولادك وممكن والله اعلم الراجل اللى انتى شيفاه ملاك تتغير معاملته معاكى بعد الجواز بصى لولادك هيتظلموا فى النص وحاولى مع جوزك وادعيله بالهدايه ودخلى ناس تكونى واثقه فيهم ينصحوا زوجك
اولا مفيش انسان فى الدنيا كلها راضى عن حياتو الا الانسان الى عندو قناعه باراده الله عز وجل وراضى بقدر الله عز وجل لاكن مشكلتك محصوره فى ايجاد طريق السعاده لنفسك لاكن هقولك انتى منين ضمنتى السعاده لنفسك نروح بقى للاهم اولا من رابع المستحيل يكون الاولاد فى حضانتك لا بالشرع ولا بالقانون لانك هتتزوجى من شخص تانى تبقى بكده افتقدتى اجمل شي فى الوجود وهو نظره الابناء الى بثلج صدر الانسان وتجعلو اسعد مخلوق بالكون وهنفترض جدلا ان زوجك تخلى عن ابنائو الك منين جالك الايحاء ان زوجك القادم هيعال اولادك معامله حسنه وقتها هتلعنى اليوم الى عرفتيه فيه لان اكيد ابنائك هيهدر كرامتهم وهيتشتتو وغصب عنك هتكونى راضيه بالامر الواقع لانك انتى الى اخترتى ووقتها مينفعش الندم نروح لامر اشد قسوه على قلبك تخيلى لو انتى اتجوزتى الانسان الى تحبيه ده وتركتى ابنائك وبلحظه احد ابنائك عمل حادث لاقدر الله قليلى كده طعم السعاده الى انتى بتبحثى عنها هتبقى ايه تعرفى كمان ان ربنا يمهل ولا يهمل لان الانسان الى بتخونيه دلوقتى بحبيب اخر اكيد ربنا هياخد بحقو لانك بتخونيه فى اعز ما يملك وهو شرفو تعرفى انتى لو طلبتى الطلاق لاجل عدم استقرار حياتك وبس كان يبقى اهون لطلب الطلاق لاجل العشيق وقتها ربنا مش هيسيبك اكيد هيخلص منك انتى بكده بتلعبى بالنار ارجعى لعقلك 8 سنين زواج وجايه بتعترفى انك غير مرتاحه لانك مع الاسره ومين يعرف الحقيقه الله اعلم يمكن اهل زوجك همت الى مش طايقينك من معاملتك ليهم لو كل انسان يدرى بالنصيب والله الحياه تبقى جحميله وسعاده لا تنتهى اعملى الى يريحك بكره تندمى على اى تصرف خاطئ لاكن لو بتبحثى صح عن السعاده فهى فعلا موجوده بين ايدك وانتى مش شايفاها صح ربى ابنائك تربيه حسنه هتنفقعهم فى المستقبل عاملى زوجك معامله حسنه هتنفعك انتى فى المستقبل مفيش حال بيستمر انهارده مع اسره زوجك بكره هتكونى انتى وزوجك فى مكان تانى خالص لوحدكو سبحان مغير الاحوال ربنا يوفقك وشكرا
نسيت اقولك حاجة اللى يفتن واحدة متجوزة ويبوظ حياتها ويخليها تكره جوزها وبيتها وتنفصل عنهم (خاااااااااااين) ولا يمكن يؤتمن
فكرى بعقلك مش بقلبك
وسيبك من الشيطان وقربى من ربك لانك اكيد نسياها
وما تكونيش من (الذين نسوا الله فأنساهم انفسهم)
يعنى هتبيعى اولادك علشان نزوه
على فكره حتى اللى بيحبك لو سبتى بيتك واتجوزتيه الحياه هتقلب معاكى
لان الكلام الحلو واحنا بعيد بس لكن مع العشره وهموم الحياه يمكن تلاقيه اسوأ من جوزك
وبعدين اقولك حاجه فى الاف دايخين علشان يشمو ريحة طفل مش يخلفو احمدى ربنا ان ليكى اولاد
ربنا يهدينا واياكى
ارى انك تبداي بالاصلااح ماستطعتي الى ذلك من سبيل. يعني اذا تعدل زوجك
وان توضحي لها بعض الاخطاء التي ترينها فيه فان تعدل فزوجك وابناؤك
احق فيك من نفسك وسعادتك , اما اذا النغييير غير موجدي فان الطلاق
حقك الانساني والشرعي, ولنفسك عليك حق , لكن نصيحتي اذا استطعتي ان
ان تصلحي بيتك يكون افضل ..
والله مشكلتك صعبة بجد انتي بين نارين بس انا رأيي انك تفكري باولادك الي جو للحياه دول كنزك ربيهم بشكل كويس هيعوضوكي انشالله لان الحبيب الي بتقولي عنو يمكن بعد الزواج يتغير ساعتها هتندمي حاولي ما تكونيش انانية بخياراتك ولادك بحاجة ليكي اصبري على جوزك بعد عشرة 8 سنوات واطلبي منو تستقرو ببيت خاص
انا بعزرك جدا بجد وربنا يتولاكى برحمته ظروفك فعلا صعبه ياريت تحاولى تقعدى مع جوزك وتحلى المشاكل وتخليه يهتم بيكى من اجل اولادك بس
اختى الفاضله اولا نصيحه من اخ لاخته وعندى تجربه فى حياتى كانت صعبه جدا ومن المنطلق ده انا بقولك رايى اولا انتى بتعانى مع زوجك لسبب مااى ان كان لكن هو ابو اولادك واولادك متربين بينك وبينه بسى المشكله هنا مش فيكى ولا فى زوجك المشكله فى الراجال اللى مش خايف من ربه وجاى يهدم بيت متكامل من اب وام واولاد لانه عنده قدره على اخراج من لسانه اللى عايز قطعه كلمات معسوله وطبعا انتى محرومه من الكلمات دى وهو لعبلك على الوتر ده لكن صدقينى الرجل ده بيلعب بيكى دلوقتى وحتى بعد ماتطلقى برضوا حيلعب بيكى فليه انتى تدمرى بيتك وتبهدلى الاطفال اللى مالهمشى زنب انتى لو مش مخلفه كان ممكن يكون لى رد اخر انصكى يا اختى بطرد الرجل ده من حياتك تمام وان تكثرى من الدعاء لزوجك ان ربنا يهديه لكى وان شاء الله ربنا حيكرمك فيه لانك تركتى هزا الئ من اجل الاطفال الابرياء وتاكدى ان كل انسان يوجد فيه عيوب ولكن لاتظهر الا بعد الزواج وامعاشره وساعتها مش حينفع الندم ارضى بما قسمه الله لكى وايكى والخطأ فى حق نفسك واولادك وزوجك ولا تنسينى من صالح الدعاء
والله انا من رائى ان انتى تستنى مع اولادك وربنا يكتبلك فيها السعاده واعتبرى ان عيالك هما جوزك والله نعمه الاطفال متتعوضش اومال ازى ربنا سبحانه وتعال قال ان الجنه تحت اقدام الامهات علشان هما اللى بيضحو من اجل عيالهم اصبرى ان الله مع الصبرين وربنا هيديكى السعاده فى الدنيا والاخره وربنا يعوضك بالخير ان شاء الله اختك فى الله (نهله طلعت ) وهستنا ردك عليه
هونا عليكى سيدتى فأنا احس بيكى لان العكس بالظبط عندى انا ولكن انا مستحمل علشان اولادى لان ثروتى فى الحياه اولادى فوق كل النزوات وبخلاف ذلك لايوجد رجل محترم يقبل ان يطلق انسان من زوجها لكى يتزوجها هو لان ده نهى عنة الرسول صلى الله علية وسلم
انا هقولك ايه اصبرى علشان خاطر اولادك وتأكدى ربنا هيكرمك بيهم لانك صبرتى
كل واحد عايش بوجعه ولازم نستحمل علشان غيرنا يعيش
فنصيحتى لكى اصبرى يمكن جوزى فية صفات انتى مش حاسة بيها هل بيهينك بيخونك بيجوعك بخيل مش بيصل اهلة اهلة بيكرهوة مش بيصلى مش مشبع رغباتك الجنسية كل حاجه ليها علاج مع رضا الانسان مع نفسة وقبل ذلك مع ربة
وفقكى الله لما فيه الخير
حبيبي اجلسي معاه مره واتنين و3 و10 لو ماتغيرش بعدها يبقه انفصلي لاني الست مش واحده هو جيبها وخلاص تاكله وتشربه وتشوف طلباته بس صدقيني ممكن اللي بيقول انه بيحبك وعاوزك يكون بيقول كلام وخلاص مافيش راجل بيبقه مضمون حبيبتي لو خربتي بيتك وسيبتي اولاد علي شانه ممكن مايطلعشي كويس معاكي بعد اكده وممكن يكون بتاع كلام استحملي شويه لانه في اطفال عيشي لااولاد واكنه متوفي وراعي ربك في حالك وبصي لااولادك وشوفي ايه مصيرهم في لو لقدر الله انفصلتي بصي لنظره من عنيك والدك بالف راجل ربي يسعدك ويكرمك بس مامكن زوجك يكون بيجي بالدلع والرقص والضحك والهزار انتي خليكي علي اكده علي طول الراجل بيحب الست اللي اكده والله قربي ليه وحاولي تعرفيه اللي جواكي انتي مراتهوام اولاده وبعدين والله والله كل البيوت اكده وانا واحده منهم اقسم بربي بس فكرت في بناتي لا زوج ام بيشيل العيال ولا مراة اب هاتربي ولاد راجل اعتبريه متوفي وريحي نفسك
السلام عليكم )يابنتى النظره فى عين عيالك بالدنيا والجواز قسمه ونصيب والراجل ده مدام فكر فيكى وانتى على زمه غيره يبقى بعد ما يتجوزك حيفكر فى غيرك صدقينى انا فاهمه بقولك ايه عيالك مش حيرتاحو فى مكان من غيرك ولا انتى حتقدرى ترتاحى من غيرهم بلاش تخسرى كل حاجه ممكن اوى الانسان البرىء اللى عاوز يرحمك من غدر الدنيا يكون هو نفسه اساس الغدر يبقى خليكى مع اللى عاشرتيه وفاهماه بقالك سنين وحاولى تكسرى روتين الحياه البسى واتدلعى وخليكى زكيه ورجعى جوزك لحضنك عشان كلكم ترتاحو الحياه صعبه اوى وخنيقه حاولى تدخلى شويه سعاده على بيتك صدقينى محدش حينفعك لو اتجوزتى التانى وشبع منك ورماكى وفكر فى غيرك متتغريش بالمظاهر وربنا يوفقك للخير بس كلامى ليكى عن تجربه انا شوفتها بعينى مش مجرد كلام يعنى
عزيزتى اتقى الله فى نفسك واولاد وابعدى عن هذا الذئب البشرى وان تركتى اولادك للحياة مع هذا الرجل عمره ما ح يثق فيكى وحيتك وعن تجربة سوف تكون جحيما مع هذا الرجل حاولى تتعاملى مع زوجك وتقربى منه اكثر واذا لم يتغير اصبرى وتقربى من ربك وادعى كثيرا فى صلاتك وان شاء الله سوف يصلح الله حاله انه على كل شئ قدير سبحانه
طب ما يروح يجوز واحدة فاضية هو عاوز يطلقك و يخرب البيت و بعدين يجوزك …. انا لا اوافق على تركك لزوجك و اولادك …. وبعدين من يضمنلك ان بعد لما تطلقى انه يجوزك …. يا سيدتى فيه امور كتير بتلعب دور فى اختيار الزوج خصوصا بعد الطلاق …. الراجل ده ليه ما يروحش يجوز واحدة فاضية مش مرتبطة واذا كنت جميلة فى الاجمل منك… هذا النوع من الجال لا تأمنى له وهو شافك زهقانة من جوزك فشاف انك ارض خصبة للتسلية… واولادك حيعملوا ايه حيعيشوا معاكى ولا مع ابوهم …. راعى بيتك و اولادك ما فيش بيت لا يخلو من المشاكل وكلها امتحانات بيختبرنا بيها ربنا سبحانه و تعالى فلتصبرى و تحتسبى عند الله … مره واحده طلبت من الرسول عليه الصلاة و السلام انه يدعو لها لانها مصابة بداء الصرع فماذا قال لها ادعوا لك ام يكون اجرك فى الجنة فقالت له اجرى فى الجنة و لكن ادعوا لى الا اتكشف فكانت تيجى حالة الصرع و هى ماسكة فى استار الكعبة…
حرام عليكى اولادك لانهم اهم حاجة فى الدنيا صدقينى وحاولى تحبى جوزك وابو اولادك لان مفيس مخلوق حيحافظ عليهم زيكم انت الاثنين مع بعض وحرام عليكى تعرفى رجل وانتى متجوزة صدقينى حدمرى نفسك واولادك
اختي الغاليه تحملي بقدر المستطاع علشان خاطر اولادك
وحاولي تهددي زوجك يا تعاملني معامله كويسه يا تطلبي الطلاق وشوفي رد فعله ايه بس ما تتسرعيش مع عشيقك التاني الا لما تشوفي رد ابو عيالك
هكذا هو الشيطان يفرق بين المرء وزوجه وهذا الرجل الذي دخل حياتك شيطان لأنه يعلم انك متزوجة ويطلب منك الزواج وانت تتلمسي العذر لنفسك وتحاولي ان تقنعي نفسك وترضي ضميرك بأوهام واكاذيب لاوجود لها , مجرد كلام عن انك غير سعيدة مع زوجك دون دليل واضح , احمدي الله على النعمة انت متزوجة وعندك اولاد غيرك محروم من كل هذه النعم , لكن غرورك وانانيتك واعجابك بجمالك لاتريدي ان تقصريه على رجل واحد ودائما تستجيبي لنظرات الإعجاب وكلام الإطراء من الذئاب غير زوجك وهذا يرضي انوثتك لكن مع زوجك لا
ثقي انك لو تركتي زوجك وأولادك لن تعيشي في سعادة وهذا الرجل حتى لو تزوجك لن يحترم إمراة ضحت ببيتها وأولاده من أجل نزوة , عودي الى رشدك واهتمي ببيتك وأولادك ونتمنى لك ولنا الهداية والصواب
اختى الكريمه اناهقولك حاجه جوزك انتى عاشرتيه 8سنين ومش مرتاحه معاه تفتكرى ان اللى لسه عارفاه هيكون مالهوش زى لاطبعا ايش ضمنك ومعلش هو مش راجل بمعنى الكلمه ولاحاجه عشان اقبل يعرف واحده متجوزه وممكن يكون كله كلام واوهام وبس ماتضيعيش حياتك وتشتتى ولادك حرام بالله عليكى هيجيلك قلب تسيبيهم مع ابوهم وتروحى تشوفى حياتك لانى متاكده ان ابوهم لوعرف انك هتتطلقى عشان تجةوزى غيره مش هيسيب الولاد وهتبقى انتى اللى جنيتى عليهم حرام عليكى هما محتاجينك اكتر من اى حد وبعدين الوحده مننا لازم تضحى عشان ولادها عشان كده ربنارفع قدر الام فكرى فى قدام مش دالوقت وبعدين حاولى تغيرى جوزك يمكن زهق من كتر الشكوى والمشاكل مع اهله اتجنبيهم وخلاص وهو حاولى تغيرى انتى كمان من روتين حياتك معاه مفيش حاجه بتفضل على حالها علطول وياريت تبعدى عن الشخص التانى ده لانه طول مابتكلميه هتكرهى زوجك وحياتك طبعا لانه بيرسملك حياه ورديه ربنايوفقك للصالح