أنا منزوجة من 10 سنوات و لكن علاقتى مع زوجى على حافة الهاوية و عندى منه طفلين 9& 8 سنوات و كل مرة أطلب منه الأنفصال و لكنى إستمر علشان الأولاد و أنا المسئوله عنى الأولاد ماديا و هو غير مؤهل لتحمل المسئولية المادية مش لعجزه المالى و هو موظف بمرتب كويس، المشكلة أنا أعمل فى وظيفة بمرتب كويس جدا منذ 6 سنوات و منذ إلتحاقى بالعمل و أنا مرتبطه نفسيا برئيسى الغير مباشر بالرغم من أن التعامل بينا مجرد عمل قفط دايما بشعر أن شئ يربطنى به شى مش ملموس الإحساس ده بيخنقنى حاولت أنقل نفسى إلى إدارة أخرى بس هو كان يرفض النقل و ما ينفعش أن أترك الشغل لأن بصرف على الأولاد و زوجى سوف أحكى لكم عن زوجى هو شوفنى فى عند زيارة صديق له فى العمل و فوجدنى شخصية حادة فأعجب بى و طلب يدى لإرتباط و لكنى رفضت لعدم الأرتياح و لمعرفتى أنه كان مرتبط فتاه أخرى و كان بيحبها و هو من عائلة كويسة إجتماعيا و ماديا و تعرف على أهلى فى الأول كانوا أهلى موافقين بس بعد كده غيروا رأيهم لأنهم وجدوه بيكذب فى حاجات كتير مش ع أنكر أن فى شئ واحد عجبنى فيه هو الأصرار على الأرتباط بى برغم رفض أهلى ، أنا كنت بساعده ماديا من راتبى فى تجهيز شقة الزوجيه من وراء أهلى و على الرغم من مساعدتى له كنت لما أطلب منه مساعده علشان أفصل فستان الفرح مجرد منظر أمام أهلى كان يتعصب المهم كان حاد الطباع جداً مع أهلى و من كتر ضيقى من طلبت منه الأنفصال قيل الزواج بيوم و لكن طبعاً أستمرت علشان المنظر الإجتماعى و أول حاجه عملها أن قدم إستقالته من العمل و طبعا ما قولتش لحد فضل من غير شغل لمدة 4 أشهر و بعدها إشتغل بوظيفة بسيطة بمرتب ضعبف و طبعا أنا منت بصرف على البيت و كنت بأعطيله مصروف ، ولدت أول طفل و كنت متحمله كل المصاريف من الولادة إلى الأن بجانب كل ده كان مهين و كلامه جارح طبعا أن سعقت من الألفاظه البذيئه و كلامه الجارح و ردوده العنيفه مع أهلى كنت فى الأول مصدومه و كانت ردى عليه بأدب و لكن بعد كده أصبح ردى عنيف و ولدت الطفل الثانى و الشغل نقلنى من الأسكندرية إلى الأسماعلية طبعا هو وافق علشان مرتبى و رفض أن يترك شغله إللى بمرتب ضعبف و يجى معى علشان خاطر الأولاد قولت مش مشكلة و المهم بعد 3 أشهر وجدت وظيفة أحسن بمرتب مجزى فى الأسكندرية و رجعت تانى المهم هو وجد وظيفة بمرتب مجزى فى الساحل الشمالى بيشتغل 3 أسابيع و أسبوع أجازة و لكن بعد سنه إدارة الشغل إتغيرت فقدم إستقالته علشان مش راضى عن هذه الإدارة أتعودت على كده أنى أتحمل المسئولية كل حاجة و حتى مصاريف المدراس و لما طلبت منه أن يساعدنى فى المصاريف و كل إللى طلبته مصروف الأولاد فقط مش لى عمل كده لمدة شهرين فى خلال حياتى الزوجية قلت مش عايز مصروف طلبت من السنه دية أن يساعدنى فى قسط واحد من 8 أقساط المدرسة و لكن بعد ما وعدنى و ساعة الجد قال لى معيش فلوس حتى المصيف السنوى كنت بتحمل مصاريفة كعادة و المشكله أنى عمرى ما نسيت أى مناسبه له و لما بيجى عيد ميلادى طبعا يبقى ناسى و لما أفكره يكون رده جارح و مهين أنا حاسه كانى ثور قى ساقيه عمال أمشى فى طريق ملوش نهايه و علاوة على ذللك بأعانى من تاكل فى فقرات الظهر و طبعا أصبحت موضع سخرية من ناحيته صدقونى أنا مش عارفه أعمل أيه
مشاكل الازواج
اعاني من حياتي الزوجية ومرتبطة نفسيا بمديري
اضيف بتاريخ: Thursday, March 24th, 2011 في 12:07
كلمات مشاكل وحلول: الاسكندرية, الزواج, زواج, فتاة, متزوجة, مشاكل الازواج, مشاكل زوجية, مشاكل زوجية
انت جايه تسوق علينا اعذار عشان تغطي علاقتك المحرمة بمديرك في العمل وعايز تضع العيوب واللائمة على جوزك ابو ولادك ده مش مبرر للخيانة ياست هانم يامافي زوجات مخلصات لازواجهن ويتحملن الويل والعذاب والجوع والحرمان وماعملوا زيك كدا قوليها بصراحة انك عايزة تطلق من جوزك ويخلي لك الجو مع عشيقك البيه مديرك يبقى قابلينى اذا كان هيتزوجك او يرضي بك اللي تفرط في سمعتهاوسمعة اهلها وزوجهاواولادها ماحدش يبص فيها او يقبل بها
اختي الفاضلةوالله العظيم انت صعبانة علي وزوجك هذاعاملك كالفرخةاللي تبيض له ذهب كل يوم ولاعمره حيبقى راجل يقدرالحياةالزوجيةاطلاقا ولاغيرةفي قلبه عليك ابدا مايفكرش الافي نفسه وبس وانت الغلطانة من الاول سكتي عليه وتساهلت معه وفي النهاية كده كان المفروض عليك تخليه يبقى راجل يعرف يتحمل المسوولية كزوج ومسول عن بيت واولاد ويشتغل زيه زي كل الازواج ومجالات العمل كثيرة حتى لوسافر بره مصر المهم يكد ويعمل ويوفرلكم العيش الكريم والان لابدمن تدخل اهلك في الموضوع ماينفعش السكوت على الوضع البايس مع هالزوج لازم يعرف انك بنت ناس محترمين مش ماخذك من الشارع لك عليه حقوق وواجبات زوجية حتى لوكنت من عيلة غنية اوبنت بشاوات مايتكلش عليك اوعلى مرتبك من الوظيفة ابدا الانفاق والصرف على البيت والزوجةوالاولاد من شروط القوامةللرجل وواجبة عليه شرعاوقانونا وانت من حقك ترفضي ان تعطيه مليم واحد من مالك الابطيب نفس منك مش غصب عنك وارجوك ان تحافظي على شرفك وكرامتك وتبتعدي عن هالمدير السافل اللي يستغلك في العمل كي لاتقعي في الحرام والخيانة ولوتطلب الامرترك العمل عنده والارزاق على الله من ترك شئيالله عزوجل عوضه بخير منهافي الدنياوالاخرة واذالم يستجب زوجك لكل النصايح منك ومن اهلك ويصير زوج يعرف قدرالحياةالزوجية واعباءالحياة فمن حقك طلب الطلاق منه وفورا وربي بيكرمك بالزوج الصالح اللي يستاهلك ويقدريسعدك في الحياة
اختي الفاضلة اولا اطلب منك قطع علاقتك مع المدير وعيب ست محترمةتقول انهامرتبطةنفسيابمديريها ثانياهذالزوج النكره العديم الاحساس بالمسولية على عاتقه لايشرفك ان يكون زوج لك ولايستحق العيش معه بعدكل ماحصل منه من اهمال وتقصير في واجباته كزوج واب لاسرة ثالثا انصحك بان تطلب الطلاق رافةورحمةبحالك وكفاك تضيحةمع زوج كهذا غيرمبالي الى متى وانت تعمل وتكدي وترهق نفسك وصحتك وهوكاابوالهول محلك سر تاكدي انك بطلاقك منه ترحم نفسك وتحفظي كرامتك وعزةنفسك وتحمي اولادك من شخص اناني وانتهازي غير مقدرللحياةومطالبها وربك بيعوضك خير في حياتك الف من يتمنى الزواج منك لانك امراةوافيةمخلصة في زمن قل فيه الاخلاص عندالناس
شوفي ياختي البيت والاولاد ومصاريفهم والانفاق عليك وعل اولادك مسوول عنها الزوج شرعاحتى لوكنت غنية وثرية ملزوم يصرف زوجك عليك وبماانك عودتيه مايصرف شي عل البيت والاولاد وكل شي عليك انتي لاينبغي الاستمرار على هذا والامن حقك طلب الطلاق منه لانه اخل بشروط القوامة في البيت والاتفاق عليكم
نصيحة منى اطلقى من الخنزير دة
ومدام كدة كدة انتى الى بتصرفى على البيت واولادك ملهوش لزمة عندك
دة منهوش الخير هتفضلى تضغطى على نفسك لحدامتى لحد متمرضى ويرميكى ويجيب غيرك
طاب ولية تحرقى دمك اقطعى عرق وريحى منو ـــــت فعلا شرالباليةيضحك
على فكرة انتو الاتنين غلط فى غلط العلاقه البنكوم علاقه ماديه فقط
فلووووووووووس وبس
حرام عليكو الاولاد
مش عارف إيه إللي مصبرك عليه؟!! ده إختيار خاطئ من الأساس والمفروض الراجل يتحمل المسئولية المصاريف مش العكس لكن تكون إنتي اللي بتصرفي وكمان يعاملك كده!!! والله العالم ياما فيه غرائب
أنا بقللك الحل الوحيد هو الطلاق فزوجك لا يقوم بواجبات الزوجية الشرعية (أقصد المصاريف)
طلقيه وأرتبطي برجل كفؤ لكي رجل عنده تحمل مسئولية وناجح ومهذب هتلاقيه بإذن الله
بصراحه مش عارف اقولك ايه … بس حاسس اني كلامك مظبوط وانك مظلومه … بس شوفي ممكن تعملي اي شئ الا الخيانه لانها صعبه اوي اوي اوي … ارجوكي بلاش علشان احترامك لنفسك … وعلشان خاطر اولادك … وجوزك حاولي معاه مره وانين وتلاته كمان ….ربنا يوفقك
انت متحامل عليها كدا ليه يا اشرف الشاهد افندي طيب هي تتقي الله ماشي اتقي الله انت وقول لجوزها اللي البارد اللي معندوش نخوة يحس ويصرف على ولادة ولا دي بس اللي ماقرتهاش ماتخليك حقاني وتعطي كلمة الحق للاثنين ولا لا الزوج طبعا ملاك علشان راجل زيك فين حق ربنا يااستاذ التقوى يا شيخنا الفاضل
بالتاكيد لازم تشوفى كل اخطاء زوجك الان بعد ما تعلقتى بغيره ارجعى الى الله اذا كنتى تعرفيه و انظرى لاولادك بدل الانانيه اللى انتى فيها دى علشان رئيسك المباشر بعد عشر سنين معاشره اكتشفتى فجاءه انه ما ينفعش علشان بيعمل ويسوى اتقى الله فى اولادك
الاخت المحللة الخيانة الزوجية ليست فقط الخيانه الجسدية والكنها ايضا الخيانة النفسية المتعلقة بدوام الارتباط النفسى بالغير لان ذلك من شأنه ان يجعل الزوجة غير راضية بحباتها مع زوجهاوناقمة عليه
واقول للاخت السائلة افتحى مع زوجك طرق عديدة للحوار الهادئ وذكريه انه قبطان المركب وان الاسرة مسئوليته الشخصية وسوف يحاسب على ذلك امام الله واصبرى على ذلك من اجل اولادك لعلل الله بفرج همك
اختي الغالية شكواكي تشبة شكاوي كثير من الزوجات في مجتمعنا نصيحتي لك تبحثي عن طريقة لتحمليه جزء من المسؤولية لانه الواضح انه اعتمد عليكي في الصرف و تحمل اعباء الحياة حاولي تكوني قوية معاه وخذي موقف من تصرفاته ولا تفكري ابدا بالانفصال لانه بينكم اولاد يستحقو انهم يعيشو بين ابوهم وامهم لبناء شخصيتهم اما تعلقك بمديريك فانا بقولك انتي بتشوفي صفات مديرك الإيجابية و الاشياء الي تنقص زوجك بس في الحقيقة انتي بتحبي زوجك وإعجابك بمديرك حاله نفسيه مالها اي علاقه بالحب الحقيقي صدقيني في الحياة كثير من المعاناه الام دورها تتحمل عشان أولادها وتحافظ على بيتها حتى لو كان في زوجها عيوب زوجك بيعرف قدرك وفي الاخير بتحصلي على ثمرة جهدك مع أولادك و زوجك و بتشوفي فيهم كل خير والله يوفقك ويعوضك في أولادك بكل خير
مفيش حد وحش وحد حلو اكيد في جوزك حاجات حلوه ركزي هتلاقيها وحكايه عدم النفاق لو هو بخيل اتركيه احسن لك لكن كثير من الرجال لما الزوجه بتشيل الطلبات وتجيب وتخلي بيتها مش محتاج حاجه هو مبيلمش بالي بحصل ولا الي بيتصرف اشركيه في الطلبات والاحتياجات اطلبي منه انه يشاركك لانك تعبتي من الجهود ده وطبعا متجبيش سيره الفلوس خالص اطلبي منه الحجات الي انت عايزاها واعزمي عليه بالفلوس لمجرد ان الموضوع ارهاق مش اكثر مش لازم يوم تتغدوا لانك مش قادره تجيبي الطلبات واكيد هيتصرف وواحده واحده هتشاركوا بعض وما احلاها زي اغنيه الحب الضائعه
اما بالنسبه لسياده المدير طلعيه من دماغك وانت بتصلي ادعي ربنا يخرجه من دماعك انت مش مرتبطه بيه اكيد عاطفيا ممكن يكون زي الاغنيه الي بتعلق في الدماغ بدون سبب كل ما تيجي تعملي حاجه تلاقيكي بتقوليها اهربي منها واشغلي نفسك بقراءه القران بالدعاء اتجهي لربنا واكيد عنده الحل لو كنت صادقه هيساعدك
عزيزتي صاحبة المشكلة هل تعلمين يا عزيزتي ان المجتمع وبعض تقاليده السلبية وكلام الناس تجعلنا نقع للاسف ونقول هسيب ازاي وكلام الناس وهيقولوا ايه معلش كتير من السيدات فعلا بيضطروا لذلك حتى لو اكتشفت انه ليس المناسب والفرح بكرةفطبعا بتكمل خوفا من الناس وادي النتيجة معلش انا مش هلومك انتي اللي فيكي مكفيكي.
ولكن دعينا نحلل مشكلتك اولا واضح جدا ان جوزك بخيل ومتمرد جدا ومعندوش تحمل المسئوليه وكان تمسكه بيكي لانه طبعا واحد زي ده بيسعى لمصلحته واكيد كان عارف انك في شغل مرموق وطيبة واكيد كنتي هتساعديه بدليل انه اختبرك قبل اتمام الزواج ولقاكي بتحليله كل مشاكله وبتساعدية وكمان لا يتحمل المسئوليه ويترك العمل اكيد لاتفه الاسباب لانه طبعا حضرتك بتصرفي وعمرك ماهتقولي لا هقولك على حل انتي لا تتركي بيتك ابدا وابدئي في اهماله ماديا تماما لكي يبدا في الاعتماد والصرف غصب عنه لانه حقك وربنا قال ده وواجب عليه ومتصرفيش قدامه فلوس وممكن تجنينه اكتر وتقوليليه انك هتسيبي الشغل وتعبتي من العمل كدب يعني وتشوفي رد فعله ايه ولازم تجمدي وماتصرفيش مليم عليه بالعكس خالي الاولاد يطلبوا منه ومعلش حاولي تمسكس نفسك مع الاولاد فترة علشان هما كمان مايطلعوش زيه ويعتمدوا عليكي اعتماد كلي ويتاثروا بشخصية ابوهم ويقولوا ماما مش عاوزة تدينا وقوليله مفيش فلوس معاكي علشان هو لازم يتغير ولوفضل كده يغور بالسلامة والقلب داعيله دانتي اللي بتصرفي وانتي اللي مسئوله هو فين من كل ده ده جبله بصراحة
وبالنسبة لاحساسك بزميلك صدقيني ده عقلك الباطن بيصورلك ده علشان كنتي تتمني ان جوزك يكون صفاته كويسه مثل مديرك زي مامثلا صاحبه ليكي تشكر في زوجها وتقولك صفات مش في جوزك فاكيد بديهي كنتي تتمني ان جوزك يتمتع بالصفات الطيبه مثله
وواضح كده انك مش قوية زي مابتقولي انتي جواكي طيبه بزيادة وكنتي بتحاولي تصلحي الامور بنفسك لكن معلش اصبري شويه ماتعدلش يغور وجنينيه انه ممكن يكون في طلاق ولازم هيدفع نفقة وهيصرف بامر محكمه لو في طلاق ساعتها هيحاول يتعدل معاكي وحاولي تهمليه شويه وجنينيه علشان ينصلح الراجل لما يتهمل بيتجنن صدقيني انا بقولك كدا علشان تحاولي تغيريه ولا تستسلمي وخليكي الاقوى زي مابتقولي ماتعدلش بقى يبقى يغور في ستين سلامه وربنا هيعوض عليكي وانتي حرة باختيارك لان انتي اللي هتحكمي اكتر مننا وسلامي ليكي ياعزيزتي وطمنينا عليكي
الاخ ربى الله هى معملتش حاجه عشان تلومهاكل ده اتقى الله فيه هى قالت مرتبطه نفسيا يعنى مخنتش جوزها لاسمح الله ولاحاجه يعنى ممكن تفكيرها بينجذب للشخص ده لكن قالت انها مابينتش اى اعجاب مجرد عمل بينهم يبقى مانخلطش الامور امابالنسبه لك حاولى تاخدى موقف لمايالس عليكى وعلى تعبك قوليلى انه من الشغل اللى بيصرف عليه وعلى ولاده حتى لو اضطريتى تسيبى البيت كام يوم لحد مايتادب يمكن يتغير للاحسن لكن بلاش الطلاق لان ولادك محاجين ابوهم برغم مساوئه وعدم تحمله المسئوليه وزميلك حاولى تتجنبى التفكير فيه وبردوا افتكرى لجوزك اى مواقف كويسه اى وقت كننم كويسين مع بعض عشان تقدرى تكملى حياتك وربنامعاكى وتشوفى خير فى ولادك
ربنا معاك لا تياسي من رحمه الله ادعي له بالهدايه وتاكدي ان ربنا هايعوض عليك في صحتك وفي اولادك
السلام عليكم
دارت شكواك حول العديد من المحاور ولكن اهمها انك انت التي تتحملين المصاريف والجانب المادي هو الواضح في هذه الشكوي
اولا اتقي الله في زوجك ولاتفضحيه بالشكوي
ثانيا اتقي الله في نفسك وتزكري انك متزوجه ولزوجكك حقوق واقلها الا تخونيه وضعي عنك التفكير في مديرك لانه لا يجوز مطلقا
ثالثا اعلمي ان لك علي زوجك حقوق واهمها النفقة والعشرة بالمعروف فاخلعي يدك من النفقة ودعيه ينفق من سعته وتعايشي معه علي قدر دخله ولاتزيدي من اعبائه
رابعا لزوجك عليك واجبات واهمها ان تسمعي له وتطيعي ولا ترغبي بنفسك عنه وان تحافظي عليه وعلي اولاده وان لا تدخلي بيته من يكرة
واخيرا استعيني بالله واصبري واعلمي انه ليس من انسان كامل واعلمي انك ايضا مقصرة وان كنت كما تزعمين غير ذلك فاعتبرية بلاء من الله واصبري عليه وادعي له بالهداية
وربنا يهدينا جميعا والسلام عليكم ورحمة الله وبركاته
الاخت السائله هذا اختيارك من البدايه مع علمك بأخلاقه ولكنكى أتممتى الزواج
رغبتك وتحملتى الكثير من أجل أولادك وهذا شىء عظيم يحسب لكى عند الله ولكن!
هذا لا يعنى أن تقبلى بهذا الوضع دون تغيير لابد أن يتغير ويتحمل معكى المسؤليه وان كنت أرى أن هذا الأمر صعب خاصتا أنه أعتاد على ذلك . وأقول لكى اذا كنتى قادره على أن تصلى بأبنائك الى بر الأمان وتكملى معهم المشوار فاصبرى حتى يريد الله أمرا أخر ولا تيأسى لعل الله أن يهديه ويصلح حاله ولا تنسى أنه أبو أبنائك وربما الانفصال يترك شرخا فى نفوس الأولاد خاصتا اذا كانوا يحبون أبوهم مع أنه سلبى. الجأى الى الله بالدعاء والتقرب اليه بالصدقات وفعل الخير لعل الله أن يفرج همك ويصلح حالك.