السلام عليكم ورحمة الله وبركاتة
انا شاب ملتزم من الصغر خلصت الجامعة وسافرت للعمل بالخليج دفعت مقدم شقة في ارقي أماكن في مصر وقبل استلام الشقة بعام امي شافت عروسة نزلت أسبوع اشوفها عجبتني وعجبتها وعجبت أهلها جدا وحاولت اتفق علي تفصيل الزواج مع عمها لان ابوها ربنا يعطي الصحة كان مريض ولا يستطيع الكلام كتير رفض وقال احنا بنشتري رجل اتفاق ايه انت لسة في بداية حياتك وكلنا كنا صغيرين كمل شقتك واللي مو تقدر تشتري احنا كلنا معاك
حبيت البنت جدا ربما لان في بلد خليج ومفيش غيرها احكي معاها وربما لان هي اول فتاة ارتبط به في حياتي وأول انثي أقول له كلمة بحبك ولكن في تطورات كتير ولان البنت كانت كل شي تقول لامها أصبحت بحكي مع حماتي وليس البت ، البنت جميلة مؤدبة محترمة عمرنا ما حصل بينا أي تجاوازت ولا هي تقبل ولا انا اقبل احنا الاثنين كنا محترمين ولكن فجاة أمها تبغي كل الأدوات الكهربائية من الخليج وتبغي تغير الشقة وحصل بين وبين امها مشادات كتير وأقول له الشقة حاليا صعب تتغير والاداوت الكهربائية من بره هدفع جمارك تقريبا السعر هيكون اكثر من الضعف وقولت له يعني انا لو مش في السعودية هتقولى هات الحاجة من بره حولت اكلم البنت وافهما ان عمري 27 عام ولسة المستقبل عنانا وان انا لسة عندنا أقساط شقة في مصر وكمان تأسيس مسكن كامل لنا في السعودية يعني تقريبا بجهز بيتين قالت انت بتقول لماما انا لو مش في السعودية كنتي هتطلبي الحاجة من بره هو انتي أصلا لو مش في السعودية مكنش هيتوافق عليك قولت له كده غلط زي ما اتعرفنا باحترام ننفصل باحترام والموضوع انتهى كتير كان في محاولات للصلح لكن كرامتى كانت غالية وخطبت فتاة أخرى وتزوجت وبصراحة نعمة الزوجة ونعم النسب وبحب كل أهلها وهما الحمد لله كمان وكل ما أحاول ارجع فترة خطبتى القديمة احس ان خطبتى القديمة مكنتش تنفع تعيش معايا نهائي واختلاف جامد اوى بينا لكن للأسف مش عارف انسها رغم ان انا تزوجت وهى تزوجت ربنا يسعدها لكن علي طوال ادخل علي البرفيل بتاعها واتابع اخبارها وهذا المضوع كتير بضيق منه لان فعلا معايا زوجة غالية جدا جدا وكمان هي الحين مو نصيبي ومو كانت تنفعني أصلا اعتذر الكلام طويل
مشاكل الازواج
متزوج ومش قادر انسي حبي القديم
اضيف بتاريخ: Thursday, September 21st, 2017 في 06:55
كلمات مشاكل وحلول: الجامعة, الزواج, السعودية, زواج, شاب, فتاة, مصر
شوف يااخي العزيز ربنا بيحبك ويريد لك الخير والسعادة فصرف البنت خطيبتك السابقة عنك لانها كانت ماتستاهل انها تكون زوجة وفية ومخلصة ومقدرة الحياة الزوجية فاحمدالله انك سبتها وراحت لحال سبيلهاوانت ربنا اكرمك بالزواج من فتاة نعم الزوجة كماقلت واهلها ناس طيبون ونسب يشرف فشكر فضل ربنا عليك واحمده على النعمة اللي انت فيها وعاوزك تنسى حكاية البنت خطيبك الاولى دي تنساها خالص وتمسح البرفيل بتاعها واي شي يفكرك بها وتهتم بزوجتك وتعطيها كل الاهتمام والمشاعر والعواطف فهي ست بيتك وبكره تبقى ام اولادك حافظ عليها وحطها جوا عيينك وتلاقي معها كل الخير والهناء والسعادة والاستقرار وراحة البال طول حياتكم الزوجية