انا امرآة متزوجة منذ اربع سنوات و نصف و عمري يقارب الثلاثين و انجبت طفلين
و قصتي تبدا منذ خطبتي خطيبي كان رجل خجول و مجامل يحبني و يحب اسرتي رغم ان الخطوبة صالونات
استمرت الخطوبة سنة كاملة و كنا دائما في خلافات و لكن لم يكن هناك اي عيب واضح لي لكي افسخ الخطوبة و كانت والدتي تبرر خلافاتنا بانها بسبب بعدنا عن بعض لانه من محافظة اخرى و كانت الزيارات مرة كل اسبوع بسبب بعد المكان
انا كنت واضحة جدا معاه طوال فترة الخطوبة لانها امانة ان اصارحه بكل شئ عندي و كنت اظن انه واضح معي تزوجت بعد سنة
و كانت المفاجأة انه طلع انسان تاني غير اللي عرفته في الخطوبة ليس لديه من صفة الخجل اي شئ تصرفاته غريبة و من اول اسبوع لنا مع بعض الفاظه فجة و تصرفاته عنيفة و لا يهتم بمشاعري ابدا يجيد الاستهزاء بي و اهانتي بكل الطرق حتى امام والدته واخواته
لا يوجد لدينا اي خلافات حقيقية و لا اسباب معقولة تخلينا على خلاف دائم في اول الجواز كنت باشتكي لاهلي و في يوم والدتي قالتلي هو دة نصيبك لازم ترضي بيه سكت اربع سنين ما اشتكتش ابدا فيهم عيشت عشان ولادي و محدش يعرف اللي انا فيه ابدا و جت عليا مشاكل باواعها بيكلم بنات على النت و لما نتخانق ضربني تلات مرات مع اني مش باقف قصاده ابدا ولا باعترض على كلامه و في مرة طردني من بيت والدته مع اني في بلد غريبة عني و اهلي في محافظة تانية و ماليش حد في المكان اللي انا عايشة فيه و انا زوجة مطيعه جدا ليه و كل طلباته اوامر تنفذ ممنوع النقاش مهتمة بنفسي فوق الوصف في البيت و برة البيت عمره طول الاربع سنين ما شافني مبهدلة ولا حتى في اصعب ايامي ايام الولادات. لازم يشوفني دايما في احسن حالاتي, في حال ان لما اجي اساله ايه عيوبي ليك يهرب من السؤال او يقولي ناسي دلوقتي ولما بيتكلم من ورايا يقول اني بالنسباله ماليش عيوب بالعكس اني انا صاحبته و هو مالوش حد يتكلم معاه غيري و انه بيحبني انا و الاولاد جدا
لكن التصرفات غير كدة خالص سواء معايا او مع الاولاد منتهى العصابية و تصرفات غريبة جدا مش عايز حد يناقشه في اي حاجة خالص و عايز كل حاحة تحت امره حتى ابني الكبير و خو مش كبير ولا حاجة عنده تلات سنين بس عامله بطريقة بشعة جدا لدرجة انه كل ما يزعقله الولد يرجع و حالته تبقى وحشة جدا
و بقاله شهر زايد في افعاله الغريبة جدا و في يوم حلمت اني في مكان واسع مضيئ و اني بابدل ملابسي بملابس جديدة و تاني يوم لقيته اتخانق معايا على حجات غريبة ملهاش معنى و قالي نتطلقو انا بصراحة مازعلتش بالعكس لاني نفسيا كنت تعبانة جدة و شعري وقع و الدكتور قالي كل اللي عندك حالة نفسية
و صليت صلاة استخارة عشان ما اكونش ظلمت نفسي ولا اولادي بالبعد عن والدهم و حلمت بعدها اني في مكان واسع جدا و في نجف كبير منور المكان كله و امامي سفرة واسعة عليها اكل فاخر جدا مالي السفرة كلها
اعمل ايه ارجع ولا اتكل على الله و انفصل و انا بالنسبالي لن اواجه اي مشكلات مادية بعد الانفصال بس هو خوفي اني اكون ظلمت الولاد
مشاكل الازواج
الطلاق هو الحل وخايفة اكون بظلم اولادي
اضيف بتاريخ: Monday, October 2nd, 2017 في 17:38
كلمات مشاكل وحلول: الاستخارة, الخطوبة, الزواج, حب, زواج, صلاة الاستخارة, فترة الخطوبة, متزوجة
لاحول ولاقوة الابالله ربنا يكون في عونك يااختي العزيزة لاشك ان تصرفات زوجك هذة مخالفة للدين والأعراف وحتى الإنسانية ولايرضى بها احد الحل كمااخبرك – أبو البتول – فهو راي صحيح اطلبي الطلاق منه دون تأخير وربنا بيكرمك بحسن منه ان شاء الله وتلزميه بالنفقة لاولادك ولاتفرط في تلك الحقوق لهم وبالنسبة لتفسير الحلم اللي رايته في منامك فكله خير وبركة ورزق واسع سوف يكون لك وحياة سعيدة تعيشيها وتسعدي بها انت واولادك والله اعلم
انا من راي -ابو البتول -واتفق معه في كل ماقال لك هو عين الصواب والراي الصح اتمنى انك تخلصي منه وتطلقي باسرع وقت وربنا يكرمك بابن الحلال اللي يستاهلكي ويقدركي ويسعدكي طوال حياتكي
طالما هو اللي عرض الطلاق يبقي علي بركة الله
هو عاوز كده شكلة وياة كلها بيتلكك لك
خليه يطلق وهيكون للموضوع فايدتين الاولي انك ترتاحي من الحياة اللي بلا كرامة
والتانية لما يبعد عنك يعرف قيمتك وساعتها اما يرجعلك وبشروطك او يكون ارتاح في بعدك وده راحة للجميع
اله يوفقك في حياتك
اختي العزيزة كان الله بعونك كلهذا اللي ذكرتيه عن زوجك يؤكد انه فعلا شخص سافل وحقير وذووجهين امام اهله واهلك والاخرين بوجه وامامك بوجه اخر كله بشاعة وخيانة ونفاق وسخرية واستهزاء بك وبكرامتك ومافعله من ضربه لك وطردك من البيت وانت في محافظة غريبة وبعيده عن اهلك تدل على حقارته ولاعنده ذرة من الرجولة والمرؤة تطلق منه فورا ان كنت صادقة في كل ماقلت عنه واياك والتردد في طلب الطلاق منه حتى تستردي كرامتك وكرامة اهلك وتصونيها جيدا ومسالة اولادك يبقوا معك في حضانتك ولايحق له اخذهم منك هذا حكم الدين والقانون بيقولوا كدا ومطالب بالنفقة عليهم حتى يكبروا واياك والتنازل له عن النفقة لهم مهما كانت الظروف ورؤيتك للحلمين تدل على خير ورزق سوف ياتيك وتحصلين عليه وسعة في العيش والحلم الثاني يدل على حياة زوجية وسعيدة وكلها ثمار وخضرة ومالذا وطاب من اصناف العيش الكريم وصلاح الحال للافضل ان شاءالله