السلام عليكم .. وكل عام وانتم بخير
انا
وتم عقد القران ولكن زوجي يعمل فى دوله اخرى غير الدولة التى اعيش فيها واهله يعيشون معه فى تلك الدوله
ولم يستطيعوا النزول وقت عقد قرانى واتصلوا بوالدي شرحوا له ظروفهم لان عندهم مشاكل فى الاقامه ومش عارفين ينزلوا
المهم ان ام زوجي سيدة مختلفة عن امى تماما امى ست بسيطه تضحي من اجلنا لا تهتم غير باولادها ومظهرهم
لكن ام زوجي تهتم بالنوادي والجيم والخروج والاكل فى المطاعم وعلى فكرة زوجي هو اللى بيصرف على الاسرة
لان والده كبير ولا يعمل وهو من يتولى الصرف عليهم من 12 سنه ولم يقصر معهم ابدا
وبيصرف على الحاجات المهمه والغير مهمه لدرجه انه قعدنا 4 سنين عشان يعرف يكتب كتابي
فى الوقت اللى كانت فلوس كتير بتضيع على امه واخواته وانا عمرى ما تدخلت وهو قالى من الاول
انه هيستمر بالصرف حتى بعد جوازنا ولم اعترض
لكن بدات الاحظ ان حماتى مبقتش تتصل بيا وكل شويه تقلب عليا من غير سبب
بعتلها رساله فى رمضان معبرتنيش وبعتلها رساله على الواتس اب معبرتنيش
كلمتها على الواتس بيومين برضه مردتش عليا
كلمتها بعدها تانى برضه مردتش
وقالت لولادها انها مش عايزة تكلمنى
عاملتنى بكل قسوة انا بسلم واقولها كل سنه وانتى طيبه وهى حتى مردتش
ولما هى بتقلب عليا بناتها كمان بيقلبوا واكلمهم ميردوش
طب اعمل ايه واتصرف ازاى
ابنها نفسه قالى انها بتتلككلى وان كل الناس قالتلها انتى اصلا اللى غلطانه مفروض تتصلى بمرات ابنك فى رمضان
لان ده اول رمضان يمر وهى مراته
لكن كمان مترديش عليها عيب اوى
انا بجد حاسه انى بهين نفسي ومش عارفه اتصرف ازاى خصوصا انى انا هسافر ليهم بعد الزفاف
وكلهم هيكونوا سوا وانا لوحدى ومش عارفه اعمل معاها ايه
اكلمها ولا خلاص كده ابنها قالى خليكي فى حالك ومش تكلميها تانى انا اتصرف ازاى ؟؟؟
اختي السلام عليكم ورحمة الله وبركاته وكل سنة وانت طيبة ومبارك عليكم الزواج وربنا يسعدكي مع زوجك ويتمم لكي بالخير ان شاءالله عاوزك تسمع كلام زوجك ومالكيش دعوة بها -ام زوجك- طالما انها مغرورة ومتعبرش احد ولاعندها احترام ولاتقدير خليك بعيد عنها تماما اهتمي بزوجك حبيبك وبكل شوونه وطلباته وهي ربنا بيهديها ان شاءالله ومع العشرة ومرور الوقت هتتغيير وتبقا كويسة معاك حصل معاي وانا رجل مع حماتي ام زوجتى كانت في الاول مش موافقة ولاراضية اني اتزوج بنتها مع ان الكل يحبوني حماي واخواتها كلهم الاهي كانت عاوزه تزوجها لابن اختها ولكن البنت وابوها رافضين والبنت تحبنى وتموت في وبعد الزواج لاحظت انها برضو مش طايقني وتعبس بوجهها لما تشوفنى وكرامتى ماتسمح اني انزلها اوافرط فيها عاملتها بنفس الاسلوب لااعبرها ولاتكلم معاها خالص وكانت زوجتى تقولي معليش ياحبيبي ماتزعلش منها ابدا وسبحان الله تغيرت فجاة لما عرفت ان بنتها حامل وبرضو لما راتني واقف مع زوجها حماي في مشكلة مالية مرت به وساعدته حتى تخلص من تلك الازمة ولقيتها تكثر من الزيارة لنا في البيت وتاخذني بالاحضان وتسال عني باستمرار وقالت سامحنى يابني انا كنت غلطانة جدا في حقك وربي يسامحنى على اللي عملته فيك وكانت تبكي بشدة وتتاسف مني وعادت المياة لمجاريها وبقينا سمن على عسل مثلما يقولون اعتبرها بمثابة امي اللي انحرمت منها والله يصلح احوالنا واحوالكم وجميع المسلمين ويسترعليكم ويوفقكم ويسعدكم انت وزوجك في حياتكم الزوجية ويرزقكم الخلف الصالح ان شاءالله تعالى