متزوجة من 3 شهور عن قصة حب خيالية عملنا كل حاجة فى الدنيا علشان نتجوز .والحمد للة ربنا جمعنا.وبحبة وبموت فية بس مش مدينى اى فرصة اسامحة فيها .انا عرضت مشكلنى قبل كدة وحاولت انفذ كل نصائحكو.جوزى مجنون نت وياريت بيعد يعمل حاجة مفيدة دة بيلعب .احكلكو يومى وانتو تحكمو………بيجى من الشغل9 يعد على الكمبيوتر واللة ما بيغير هدومة الا 1 كدة بعد ما اعد اقولة ميت مرة واجبلة اللبس لغايط عندة .الغدا بتاعنا بعد ما يجى بساعة ولا حاجة بمحايلة بردو ويعد عنية على النت وانا بالى عملاة فى نفسى كلو ولا يلفت نظرة.يعد بقى من 9 لغايط 3 يلعب اكون انا خلاص جبت اخرى من محايلة ودلع وكل حاجة بس مفيش فايدة بزهق كل واحد ولية طاقتة اعد بقى مكشرة يجى بعد 3 يفكر يبصلى بقى ….باللة عليكو اعمل اية؟انا كدة مقصرة؟
مشاكل الازواج
زوجي مجنون النت هيجننى
اضيف بتاريخ: Thursday, January 27th, 2011 في 00:01
كلمات مشاكل وحلول: النت, زوج, قصة حب, متزوجة, مشاكل الازواج, مشاكل النت
هقوللك على حاجة سبيه براحته وعندما ياتى الى البيت لا تقولى له شى واعملى انت اى حاجة فى البيت هو هيلاقى ان انت اتغيرت فابالتالى هو هيتغير
مشكلتك بسيطه اختي الكريمه هوا بيحب النت علشان يلعب سيبه براحته هيجي يوم ويزهق كل حاجه بنشوفها كتير في النهايه بنزهق منها بس لما يشوفك مش عايزه يقعد على النت هيعند واحمدي ربنا انه بيلعب بس مش بيعرف على بنات ثم فيها ايه لو قعدتي تلعبي معاه اهو منها تتسلي وتكوني معاه بتشاركيه في حاجه بيحبها ادمان النت ده عند كل الناس الطفل والشباب والكبيرين في السن
للاسف كثير من الناس بيعانو من ادمان ازواجهم على النت انا عندي لك نصيحه جربيها يمكن تفيد معاك حاولي انه اول ما يجي من شغله تساليه كيفك كيف الدوام معاك وبعدها ان ابدا في روتينه اليومي حاولي انك ماتكلميه ولا تعيريه اهتمام وان كان عندك لاب توب او كمبيوترانتي اجلسي على النت وسوي نفس الي يسويه فيك يوميا وشوفي هوه حيحس و لا لا وان حس وسالك قوليله من عاشر فوما اربعين يوما صار منهم وهوه اكيد حيفهم ويحس فيك
ممكن يكون مريض اي لم يعيش طفولته حاولي تعيشيه الطفوله شويه اي اعملي فيها امه وهو طفلك والمثل يقول الابن علي ماتربيه والزوج علي ماتعوديه
هلا اسمحى لى بالتعليق من فضلك
انا من هواه الانترنت
و حقيقة اجد فيه متعة خيالية
و مع ذلك فمقربتى من الزواج جعلنى ابتعد عن الكومبيوتر والتفكير
فى الحياه و الزوجة والاولاد و المستقبل و ما شابه
ربما حب زوجك للأنترنت بسبب ما فيه من جديد
و لربما لأنه متغير المود يحب التعرف على شخصيات مختلفة من وقت لأخر
وربما تضييعا للوقت و نفورا منك
لا الومك ولا الومه لأننى لا اعرف اين الخطأ ؟؟
و لكن لا يمكنك القول بأنكى قمت بكل ما يجب عليكى
لأنه اذا فشلت وسيلة فهناك وسائل اخرى يجب سلوكها من اجل الوصول للهدف
و بعدين واضح ان زوجك مش من النوع الاجتماعى
و مو يحب التواصل الاجتماعى
ومتهيألى لازم عليكى تشجعيه على تكوين صداقات و القيام بأنشطة اجتماعية
و ده من شأنه انه يخليه يلتفت للحياه و يترك العالم الافتراضى بتاع النت
دمتى بود
حاولى اول ما يوصل البيت ان تقولى له انك مشتااااقة له وانك محتاجاله جدااااااااا ومن الممكن ا ن تدخلى على الويندوز وامسحى ملف واعملى ا لحكاية دى كل ما يصلحه واستمرى فى اغراؤه بشتى الصور واحكى معاه انك دائما تنتظريه على احر من الجمر حتى لو كنتى مش محتاجة شئ واكثر قبل كل شئ من الصلاة والدعاء له بأن يصلح احواله وربنا يعينك واوعى تستمعى لنصيحة لنا الله لانك سوف تعطيه الفرصة اكثر ومن الممكن ان يصادق من على النت وتخرب مالطا اوعى تنصرفى عن زوجك واصبرى قال تعالى واستعينى بالصبر والصلاة
نامي متعديش لحرق دمك وهو لمل يخلص هييجي يصحيكي كرري الحكاية دي مرتين تلاتة لانه هو دلوقتي بياخد كل حاجة فوقت واحد ازاي يعني بيرجع يلاقي زوجة علي سنجة عشرةواكل جاهز ولبس ييجي لغاية عنده ودلع مستمر لغاية تلاتة الفجركل ده بالاضافة للعب فوقت واحد لكن لو جربتي تمنعي الدلع شوية وتسيبيه يعد لوحده وتنامي او تتظاهري بالنوم كام ليلة هتستفيدي حاجتين الاولي انك مش هتشوفي عدم الاكتراث بيكي اللي بيدايقك والتانية انك هتخليه يحاصر نفسه فدايرة اللعب بس ودي لوحدها هتخليه يزهق يابنتي ده راجل واكيد ليه غرائز ومتطلبات منك ومدام بتقولي انه مبيعملش حاجة غير اللعب يبقي هتيجي عليه ليلة يمل ويدور عليكي بس لما تكوني بعيدة عن عينه وربنا يهديه هو وجوزي وكل المسلمين