انا اتخطبت لواحد بتاع مامته اوى وفى ايام الخطوبه كانوا ناس طماعين اوى وعايزين كل حاجه فى الجهاز ماركه وبدل الحاجه الوحده ثلاث حاجات وكانوا هايبوظوا الجوازه اكتر من مره بسب الحكايه ديه من رغم انى كنا جايبن كل حاجه وبتتللك ليا من غير ماعملها حاجه المهم اتجوزنا فى بيت عائله مامته واخته كل شويه يشتموا فيا ومقدرش اتكلم معاهم ربع كلمه ومامته تقولى ده انتى قاعه فى بيتى اطردكم فى اى لحظه المهم انى عروسه بقالى شهر واتخانق معايا وغضبنى وشكلى قدام الناس وحش ومش عارفه اروح بيتى ازاى بطريقه كويسه وحقى يجلى وتكون حاجه جايه منهم هما لانى مش سالين فيا
عاوز ارد على الاخ المدعو محمد – محاسب- يااخي قل خيرا للبنت المسكينة دي او اصمت وماتالف من دماغك وتقول هاتي حسناته وهاتي سيئاته وحطيهم في ورقة ومن الكلام الهايف بتاعك ده دي لسه عروسة جديدة لاشافت منه حسنات ولاهم يحزنون وتقولك اهله امه واخته يعاملوها وحش وحش وهي لسع عروسة وتعتبر كضيفة عليهم هل ترضى ان اختك يحصل معها كده مع اهل زوجها وهي عروس طبعا لا وهتقوم الدنيا وتقعدها لكن على بنات الناس طز ومايهمش ابدا هل دي الرجولة في نظرك ياتافهه اخس عليك وعلى الناس اللي زيك الكرامة فوق كل شئ ياجاهل وطالما انهم يعاملوها كدا من البداية فالاحسن تبقى في بيت اهلها معززة ومكرمة حتى يكرمها الله بالراجل عارف ايه معنى الراجل اللي انت وجوزها مش منهم ابدا ولاتعرفوا ذرة من الرجولة ولا الكرامة تطلقي من الحيوان ده النكره والف من يتمناكي ياست البنات
الاخت السائلة باختصار ومش بألف سمعت من ناس مختصين – هاتي ورقة وقلم واقسمي الورقة نصفين بالقلم واكتبي حسناته في النصف اليمين وسيئاته في النصف الشمال فان رجحت حسناته علي سيئاته استحمليه وكملي معاه وان رجحت سيئاته علي حسناته القرار ليكي واديله فرصه يصلح نفسه – والله سبحانه وتعالي غفور رحيم – وفي جميع الاحوال اللي يزعلك حاولي تتجنبيه وتبعدي نفسك عنه- انتي قولتي انك ساكنة في بيت عيلة يعني ليكي شقة لوحدك في البيت اقعدي في شقتك متروحيش لحد اللي يعاملك كويس شليه فوق راسك واللي يعاملك وحش اجتنبيه وكون ابيت بتاع حماتك هي مش هاتعيش علطول سبحان من له الدوام – استحمليها واعتبريها زي الست والدتك وحاولي تكسب ودها اما اخواته ملهومش لازمة اللي تقولك منهم كلمة حلوة قوللها كلمتين حلوين واللي تقولك كلمة وحشة اعملي نفسك مسمعتيش ومترديش عليها – عاوز اعرف هو فين ابوه عايش ولا اتوفي – في جميع الاحوال اتمني ليكي السعادة ربنا يسعدك وكل عام وانتم بخير .
عزيزتي الاخت السائلة الكرامة فوق كل حاجة اذا كان زوجك مش قادر على صون كرامتك والحفاظ عليها فيغور في ستين داهية وبلاش من العيشة دي معاه وبيت اهلك اولى بك يابنت الناس وربنا بيكرمك بخيرمنه بابن الحلال اللي يستاهلك ويقدر مشاعرك ويحافظ على كرامتك وتلاقي الخيرو السعادة والاستقرار الدائم معه طوال حياتك