انا عندي 23 سنة متزوجه من سنتين عندي بنوته عندها سنة زوجي كان انسان طيب جدا وحنين وقت الخطوبه رغم اني ماكنتش مقتنعه بيه ف الاول يس اللي خلاني احبه واقتنع بيه هو انه انسان محترم كنا هنتجوز ع طول بس طلب تاجيل الجواز عشان هيسافر وفعلا والدي وافق وبعد فترة طلب من بابا ان بلاش فرح واسافرله لكن بابا رفض المهم نزل واتجوزنا وسافرت وكنا كويسين جدا مع بعض وفجأه بدأت الخناقات تاني شهر بعد جوازنا الخناقة زادت بينا وضربني جامد لدرجة ضربني بالشلوط كذذا مره وقعد يخبط راسي في الحيطه واتقهرت اوي وكانت صدمه بالنسبالي ان الانسان الطيب ده يطلع كده .كان بيزعل اوي ويجي يعيط ويعتذر ويقولي للاسف طلعت زي بابا لان والده كان بيضرب مامته وكان بيكره والده جدا ويقولي سامحيني وكنت بسامحه اتكرر الموضوع كذا مره وكنت كل مره اسامح واسكت ومااقولش لاهلي الموضوع بدأ يتطور بقيت لما اختلف معاه ف حاجه يخلف عليا بالطلاق ويهددني بالضرب لو ماعملتش اللي عاوزه
لما حملت بطل بس ف نص حملي رحع تاني كل مانختلف يضرب بس كان بيلوي ايدي يضربني ع وشي اي طريقه ماضرش الحمل وكان يقولي كلام بيوجعني اوي خلفي وهاتي البنت وامشي ف داهيه ..وانا كنت اغلب الايام انام مقهورة وبعيط ..كان فالاول بيعتذر ع طول مع الوقت بقي عادي عارف اني هسامحه بيسبني ولا يعبر لتاني يوم او يومين
لما نزلت بلدي اولد كان نادر لما يسأل عليا كرهته اوي ف حملي كرهته فعلا لاني اتحملت الاذى منه وكنت بسامح كنت فالتاسع وتعبانه اوي وماكنش بيتصل يسأل عليا
بعد الولاده بقي بيتصل ويكلمني ويقولي ارجعي ووعد هنغير وفعلا سافرت مع بنتي واول فتره كان كويس جدا زي الخطوبه وبعدها بوقت رجع تاني لعادته وبقي اسوأ من الاول بقي بيشتمني باهلي وع اتفه الاسباب يضربني بنتي كبرت وبقت بتعيط لما تشوفه بيضربني يروح يهديها ويطبطب عليها ويحطها ف سريرها ويرجع يضربني لما ارد عليه وازعق من قهري يضربني اكتر ولما بسكت ومااردش خالص واروح غرفه تانيه يجي ورايا ويضرب بردوا ويقولي مابترديش ليه
وصل بيه اني لو زعلانه ومش عاوزه اسامحه يضربني كمان
بقي بيضربني 3 او 4 مرات ف الاسبوع ع اتفه الاسباب
جسمي كله كدمات لانه بيضرب بوكس وبالشلوط
تعبت ومش عارفه اعمل ايه مش عاوزة اقول لاهلي عشان لو اتغير في يوم وبقينا كويسين مايكونش ف نظرهم وحش ويكرهوه
بفكر اطلق بس خايفه اوي من نظرة المجتمع ليا خصوصا ف مصر
وبنتي هعمل ايه معاها هصرف ازاي عليها
تعبت فعلا ومحتاجه حل اعمل ايه ؟ حاولت معاه بالطيبه والهدوء والزعيق والتهديد انه لومابطلش هنطلق بس برضوا عادي ماعدش فارق كانه عارف اني هسامحه فبقي بالنسبه له الموضوع بسيط وماعدش حتي بيعتذر غير بعد كم يوم ده لو اعتذر ده بقي بيقولي احسن
مشاكل الازواج
زوجي بقى بيضربني وبفكر في الطلاق
اضيف بتاريخ: Saturday, November 18th, 2017 في 23:54
كلمات مشاكل وحلول: الطلاق, بنت, زوج, متزوجة, مصر
اشك انك غير صادقة في طرحك للمشكلة وكلامك متناقض جدا مرة تقولي انه انسان طيب ومحترم جدا وحنين ومرة تقولي انه وحش ويعاملك بقسوة من ضرب واهانات كدا من غير أسباب مافيش نار بلادخان خليك صريحة وصادقة في قول الحقيقة عشان نساعدك في حلول تلك المشكلة وعايز اسالك هل جوزك ضبطك وانت تخونيه مع شخص اخر سوا بعلاقة جنسية او مكالمات ورسائل مع شخص اخر او سمعك تنشري اسرار حياتكم الزوجية لحد من اهلك او اقاربك او تكلمت على اهله بسوء دي عوامل تخلي الراجل يقسو على مراته ويعاملها وحش وقد تصل الى حد الضرب المبرح لها وكثرة الاهانات لها اذا كان يرفض الطلاق نهايا أتمنى انك لاتفكري في طلب الطلاق عشان طفلتك الصغيرة حرام تنحرم من ابوها اذا تطلقتم لاذنب لها في كل مايحصل بينكما من مشاكل وخلافات
انت فكرك انو هيتغير ويحسن معاملته لك لالالا ابدا لن يتغير مهما عملت معه عزيزتي الزوج اللي يضرب مراته بالشكل ده مش راجل ولاعندو ذرة من الرجولة ولا الكرامة هو شافك ضعيفة ومغلوبة على امرك فتمادى في ضربه لك واهاناته المستمرة لك الوضع جدا خطير ولايحتمل السكوت على دي التصرفات المحرمة والغير اخلاقية لازم اهلك يعرفوا كل شئ يحصل لك من هذا الحيوان السافل الحقير ويعرف ان لك اهل يدافعوا عنك ويجبولك حقك منه والا ايه صدقيني بقولك الكلام ده لاني شفته مع اختى ومعاملة زوجها لها من ضرب واهانات متكررة وكانت هي تخبي علينا كل مايحصل لها وساكته علشان خايفه من كلام الناس لو تطلقت منه وذات يوم كنت عندهم في البيت وحصل خناقة بينها وبينه وقام يضربها وجريت على صراخها هي وبناتها الصغيرين ونزلت فيه ضرب مبرح حتى كاد يموت في يدي واهنت كرامة ابوه واهله واخذتها معاي لبيت العيلة واخبرتهم بكل شئ و قلت لهم لازم تطلق منه ولايمكن انها ترجع للكلب ده مرة ثانية وفعلا تطلقت منه والزمته بالنفقة لبناته الصغار عبر المحكمة غصبا عنه وقعدت في بيت اهلها معززة ومكرمة هي وبناتها حتى جاءها النصيب وتزوجت من راجل كريم وابن حلال صالح كان متزوج وتوفيت زوجته وقبلت بالزواج منه وعاشت سعيدة ومرتاحة معه في حياتها الزوجية ويعامل بناتها كانهم بناته ولايفصر معهم بشئ والله يعوض من يشاء ويرزق من يشاء بغير حساب تطلق منه فورا وعيش حياتك حتى يكرمك الله بالزوج الصالح اللي يراعي ربنا فيك ويقدر مشاعرك ويسعدك طوال حياتك
يااختي زوجك هذا شخص مريض وسافل ووحقير ومش راجل ولاعنده ذرة من الرجولة ابدا مستغرب جدا انك راضية بهذا الوضع وهذا جعله يتمادى في اذلاك واهانتك من ضرب وشتايم لازم تخبري اهلك بكل مايجرى لك عشان يعرف انك بنت ناس محترمين وماجابك من الشارع او مقطوعة من شجرة انصحك بطلب الطلاق منه فورا والزامه بالنفقة الشرعية لابنتك الصغيرة وهذا حقها الشرعي لايمكن التسامح فيه او تجاهله وانت عيش حياتك مثل بقية النساء فلست باول ولااخر مطلقة في هذا العالم وتاكدي ان ربنا بيعوضك باحسن منه مليون مرة وبيكرمك بابن الحلال الصالح اللي يستاهلك ويخاف الله عزوجل فيك ويقدر الحياة الزوجية ويصونها ويسعدك طوال عمرك