جوزي و أمه دمروا حياتي

انا متزوجة منذ 5 شهور فقط ومنذ زواجي وحماتي متداخلة في كل حياتي الشخصية والزوجية وللاسف زوجي طلع ابن أمه يعني بيحكلها علي ادق تفاصيل أسرارنا الزوجية وخصوصا انه بيت عيلة المهم انا مقدرتش استحمل العيشة دي ونفسيتي تعبت انهم معندهمش خجل أو حياء وبيتكلموا عن حياتي الزوجية بكل بساطة كده فذهبت لأهلي زيارة منذ شهرين ولما حكيت لأهلي قالوا دي مش عيشة ولازم نتكلم معاه وأتصلوا بيه عشان يفهموه غلطه ويجي يصالحني ويوعدنا انه ميحكيش أسراري الزوجية لمامته تاني فطبعا حكي لمامته علي المكالمة فمامته تدخلت فالموضوع زي عوايدها وقالت ان أنا أعتبر ناشذ لاني سيبت بيت جوزي من غير سبب وانه مش هيجي ياخدني ولا يصرف عليا مع العلم اني حامل ومحتاجة مصاريف وطبعا بقالي شهرين قاعدة عند أهلي ولا هو عايز يعترف بغلطه وسمع كلام امه ومجاش أخدني ولا حتي بيصرف عليا ولاسأل عليا بمكالمة تليفون المهم من حوالي اسبوع امه أتصلت بأهلي وقالت لهم ان ابني أخد قراره وهيطلق بنتكم .. ده يرضي مين هو يا إما أمه تعرف كل أسراري الزوجية وتفاصيلها يا اما يطلقني بعد 5 شهور جواز حسبي الله ونعم الوكيل

مشاكل وحلول ذات صلة

• حياتي الزوجية حجيم من بيت العيلة
• انا زوجه تانيه وجوزي دايما بيكذب عليا
• أحب زوجي لكن عائلته ضدي
• حلمت كأني متزوجة من خطيبي السابق
• هل اطلق مراتي بعد زواج اختها عرفي
• اشعر بالغضب والملل من زوجي
• انا واخت وام زوجي