بداية مشكلتى بدات من الخطوبه احنا اتخطبنا بطريقه تقليديه جدا وبعد فتره صغيره جدا كتبنا الكتاب ومن ساعتها حسيته متغير معايا وحاسه انه عاوز يرجع فى كلامه بس مش عارفه السبب بعدها بحوالى شهر اتجوزنا وبعد الزواج ولا يوم كنا مبسوطين واحنا المفروض عرسان جداد كان بينام ويدينى ضهره ولوكان بيتفرج على التليفزيون واجى اتفرج معاه يسيبنى ويدخل الاوضه وكان دايما يتخانق معايا على اهون الاسباب حسيت وقتها بالاحباط الشديد وانى اتسرعت جدا فى الاختيار لحد مافى يوم اتصلت بصديق ليا كنت اعرفه قبل الجواز وكنت بحكيله على مشكلتى اتارى جوزى كان بيراقب تليفونى واتصل على رقمه جه وواجهنى وقالى بتخونينى والكلام ده حاولت افهمه انه مجرد صديق وانا اصلا كنت قطعت معاه من اول مااتجوزنا وانى كلمته بس علشان كنت مخنوقه ومحتاجه افضفض مع حد بس هوه لحد النهارده مش مصدقنى المهم كان عاوز يطلقنى وكانت ايام مايعلم بيها الا ربنا وعرفت ان سبب تغيره الشديد ده انه عرف انى كنت بحب واحد قبل مااعرفه خالص علشان كده مكنش طايقنى يعنى بيحاسبنى على حاجه من قبل مااعرفه اصلا وجت كمان قصة الصديق ده طينت الدنيا اكتر جوزى طبعه صعب جدا ومستحقرنى طول الوقت ودايما بيهنى واحنا دلوقتى متجوزين بقالنا 5 سنين ومش قادر ينسى ولا يسامحنى انا كنت بقول يمكن بعد مانخلف يسامحنى ويتغير بس للاسف محصلش احنا دلوقتى عندنا ولد وبنت وهوه زى ماهوه معايا وانا والله بحاول اراضيه باى شكل وبستحمل منه اهانات كتير اوى دايما يقولى انتى مش محترمه وانا مش طايق عيشتى معاكى وكل مااجى اقوله خلاص انا هامشى ونسيب بعض يقولى مع السلامه واجى البس هدوممى وامشى الاقيه يشدنى ويقولى شوفتى بقى انك ماصدقتى تسيبنى وانك مش متمسكه بيا ارجع تانى واقع وبرضه نفس المعامله والاهانات واتعود انى كل خلاف بينا انا اللى اقعد اصالح فيه واراضيه حتى لو هوه اغللى غلطان وهوه ولا مره يراضينى نفسى مره يقولى كلمه حلوه للاسف من يوم مااتجوزنا من 5 سنين عمره ماقالى بحبك ولا حتى وحشتينى ولا حتى كل سنه وانتى طيبه فى اى مناسبه او عيد ولا مره طبعا جابلى هديه وانا بعمل معاه العكس هدايا وحب وكل حاجه بس مش لاقيه منه اى حاجه انا بجد اتخنقت اوى اوى ومش عارفه اعمل ايه انا بفكر اسيبه بس مش قادره علشان خاطر ولادى صعبانين عليا اوى مش قادره اظلمهم واحرمهم من ابوهم ارجوكوا ساعدونى قولولى اعمل ايه وايه الصح لمشكلتى هل ابعد عنه فتره يمكن يعرف انه ظالمنى ويعرف قمتى ولا الصح ايه
انا تعبت اوى اوى انا اسفه انا طولت عليكوا اوى
انت طينت الدنيا على نفسك وعلى زوجك ازاي تعمل كده تتكلم مع ذلك الراجل وتقولي بكل وقاحة افضفض له خلاص مالقيت احد تفضفض له الا ذلك الصديق وعايزه زوجك يضرب لك تعظيم سلام على الخيانة والوقاحة اللي انت فيها ومن حقه يشك فيك ويكره العيشة معاكي صدقينى انت الغلط راكبك من راسك لحتى قدميك ولازم تعتذري له فورا وتحرص على الحفاظ على حياتك الزوجية واستقرارها ان كنت فعلا ست محترمة وتخاف الله عزوجل و اذا ارادت الطلاق منه فهذا من حقك شرعا لكن اياك والتفكير في الخيانة له طالماانت على ذمته ومسالة معاملته القاسية لك وعدم اهتمامه بك فالافضل انك تشركي احدمن اهلك من العقلاء حتى يتكلموا معه لعل الله يهديه ويقتنع بكلامهم ونصحهم له وان لم يستجب واستمر في معاملته القاسية لك من ضرب واهانات وتجريح فالطلاق خير لكما من الاستمرار في العيشة دي والاولاد يعيشوا معك ويلتزم بالنفقة والمصاريف لهم حسب الشرع والقانون في هذا الخصوص
الراجل الى كدة ومن اول الزواج عمرو ماهيتغير افلتى بجلدك واطلقى منو وربنا حيديلك ابن الهلال انتى لسة صغيرة ولو على العيال تطلقى و يزورو ابوهم فى الاسبوع ويفضلو حبينو ومهترمينو احسن من انهم يشوفو امهم بتتهان قدام عناهم 24 ساعة ويكرهو ابوهم وممكن يبقى عندهم مشاكل نفسية وعقد فى المستقبل ممكن توصلهم بانهم يكون شواز 50%من الشواز بيبقو عندهم عقد من الاهل و معاملتهم السيءة لبعض و80% من مشاكل الاطفال النفسية بتبقى بسبب العلاقة بين الاهل فا الاهل الى حياتهم بتبقى زيك ويخافو من الطلاق بسبب الاولاد اولادهم بيبقى عندهم مشاكل نفسية اقوات كتير بتوصل للشزوز اطلقى احسن ليكى وعيالك