انا متزوجة من سنتين ولما حماتى جت طلبت ايدى انا قولت عاوزة شقة ملك زى باقى البنات المهم هى قالت الشقة موجودة هى باسم باباه بس هتبقى بتاعته اول لما يدخل فيها رحت وشفت الشقة ومش عجبتنى قلت لخطيبى لا انا مش عاوزاها المهم قالى معلش لازم ادخل فيها وبعدين تبقى باسمى وقال لمامته قالتلى معلش بكرة ربنا يفتح عليكوا وتجيبوا اوسع منها ادخلوا فيها بس عشان دى وصية المرحوم اوكى عشت سنتين فيها وانا مش طيقها وكنت ديما في مشاكل بسببها لحد ما انهرت فى يوم وقلت لجوزى كلم مامتك عشان تكتب الشقة باسمك وصممت على كلامى المرة دى لانى كل مرة كان يقولى حاضر ويكلم مامته عادى وهى تقوله حاضر ربنا يسهل وتطلعله بحجة ورحت لاهلى قلتلهم على اللى حصل وقلتلهم انى زهقت من الشقة دى قالولى معلش احنا مش هنقدر ندخل قلتلهم والاتفاق اللى كان بين الرجالة فين قالولى مش هينفع نقول حاجة كدة هنخرب عليكى سيبى جوزك يتكلم على علم ان فى الاتفاق قالولى عايزة شبكة ولا نجهز شقتك اولى قلتلهم مش مشكلة جهزوا الشقة وفى العزال كنا كل ماروح اختار حاجة يقولى معلش اختارى حاجات مش غالية عشان الشقة خلصت على اللى معايا المهم راح لمامته وكلمها قالتله لا انا مش هكتبها باسمك عشان اخواتك مش يزعلوا المهم اتكلم معاها وقالها على الاتفاقات اللى قبل الجواز كلها قالتله مش عجبك الشقة اخرج منها وسيبها لحد تانى من اخواتك يسنفع بيها وزعقت معا المهم جوزى قالى على كل دة لما رجعت البيت وقالى خلاص هى كدة اتقفلت وانا تعبت ومش عارف اعمل اية ولا ارضى مين امى زعقت جامد وكانت هتتعب وقالى انها قالت عليا انى المفروض مكنتش ابات عندها باليومين والتلاتة علشان انا فلاحة وجاية من شقق مساكن شعبية هما ساكنين فى مدينة نصر وانا فى النهضة وانا دلوقتى شايلة منها اوى ومش عاوزة اكلمها وحلفت انى اروح زى الضيفة يوم وامشى وكنت بقولها ياماما لانى كنت بعتبرها زى امى بالضبط وبعدين دلوقتى مش قادرة اقولها ليها خالص ومش عاوزة اكبر الحكاية واقول لاهلى على اها قالت عليا كدة وكمان اخواته متكبرين جدا وبيعاملونى على انى فلاحة جاية من بنها انا مش عارفة اعمل اية فى المشاكل دى كلها حد يوجهنى ضرورى عشان انا تعبانة جدا فى حياتى
اللي انا عاوز افهمه دلوقتي احنا عندنا ف المنصورة العريس بيجيب شقة سواء ملك او ايجار والدهان وتشطيبات الشقة وخلافه والغرفة الكبيرة والصالون + الشبكة والست بتجيب بقيت العزال ماشية عندنا كدا ……….. انتي لو اتجوزتي بدون ماتجيبي شئ وبفلوش شبكتك جابلك لوازم البيت خلاص تمام مش هتفرق الشقة باسم مين هو يكافج ويشتغل علشان اولادكم انتي دلوقتي بقيتي مسؤلة من راجل متتكلميش ف الحجات دي علشان محدش يكرهك ولا تشيلي من حد ولا حد يشيل منك وريحي دماغك هو اكيد هيفوق بعدين
شوفي يااختي اللي اوله شرط اخره نور وانتم اتفقتوا مع زوجك وامه ان الشقة تنكتب باسمك وهم وافقوا على ده الشرط والان رجعوا في اتفاقهم معك وزوجك شخص ضعيف الشخصية امام امه ومش قادر يقنعها ولاعارف يصون كرامتك ويحافظ عليها ازاي يخلي امه تقول عليك هذا الكلام وتسخر منك كونك فلاحة ويرضى بالاهانة لك وانت مراته وهتكون ام لابناءه ومستغرب جدا من موقف اهلك المتخاذل ليه انت مش بنتهم وكرامتك من كرامتهم والا ايه عايزك تعرفي ان بقاءك مع شخص كهذا لن يودي الى حياة مستقرة وسعيدة مثلما تظني وسوف تعيش طوال حياتك في مشاكل وخلافات واهانات وشتايم منه ومن اهله ولن يتغير زوجك او يقدر الحياة الزوجية او يكون معك على حساب امه واخواته لازم تعرفي الشي ده وتصري على رد كرامتك وطلب الطلاق منه فورا وتاكدي انك بكدا تعمل الصحيح وربنا لن ينساك ابدا بيكرمك باحسن منو الف مرة تلاقي نصيبك مع ابن الحلال الصالح اللي فعلا يستاهلك ويقدر مشاعرك ويصون الحياة الزوجية ويسعدك طوال حياتك
افضل سلاح لك هو قابلي الشر بالخير و اريد الاشارة انه ليس ضعف منك لكن هو محافظة على بيتك
انتي بتصرفك ستجنبين نفسك مشاكل لا نهاية لها وعلى فكرة امه لم تقلها امامك يعني ولا كان شي حصل حتى عندما تلاقيها تصرفي بشكل عادي بل ممكن زيادة اهتمامك بها و في نفس الوقت قولي لزوجك ان لا يقول لها انه اخبرك بما قالته
صدقيني اختي في نهاية المطاف هذه ام زوجك عاملتك جيدا او العكس ذمتك او شكرتك هي ام زوجك و انتي زوجته حافظي على بيتك و انا اعلم درجة الالم الذي تسببت فيه لكن لا اريد منك الدخول في متاهات قد تؤثر على حياتك الزوجية و لا دخلي اهلك ولا اي شيئ ربنا يسعدكم