مشاكل الازواج

شكاك اوي بدرجة غبية بسبب صراحتي معاه

اضيف بتاريخ: Saturday, March 5th, 2011 في 04:29

كلمات مشاكل وحلول: البنات, التليفون, الحب, متزوجة, مشاكل الازواج, مشاكل زوجية, مشاكل زوجية

20 رد to “شكاك اوي بدرجة غبية بسبب صراحتي معاه”

1. ابواميرة

   

   10/12/2013 at 19:02

   اختي العزيزة حياتكم كلهاغلط من البداية حتقوليلي ازاي اقولك اولا كتبتم الكتاب ودخل بيك من وراءاهلكي يعني خبيتي عل اهلك ودي غلطةكبيرة في حق نفسك وحق اهلك لازم يكون فيه اشهار للزواج وبعدالفرح يدخل بك حسب الاصول والاعراف – ثانيا تهاونك وتساهلك معه خله يتمادى في اهانةكرامتك والاساءةلك والشك في سلوكك واخلاقك – ثالثا الزوج اللي مايثق في مراته ودايم الشك فيهاوفي تصرفاتها لايستحق العيش معه اطلاقا ولاعمره يبطل عادةالشك اللي فيه رابعا- الشك دمارلكل حياةزوجيةواستقرارها وتاكدي ان مصيرهاللفشل الذريع وهوالطلاق وربماينتج عنه اشياءغيرمرغوب فيها مثل الاساءةللسمعةوالفضايح والقذف وانكي على علاقة باناس اخرين الافضل لكي ولكرامتك ولااهلك طلب الطلاق منه الان وفورا كي تحمي نفسك وشرفك واخلاقك وسمعةاهلك من انسان مريض جدا وسخيف وغير جدير بالارتباط نهايا
2. HanyMoh

   

   10/08/2011 at 16:54

   مش عارف أقول ايه

   لكن عموما أنا مش بحترم الشخص اللي بيحلف كتير أو بيعتذر كتير

   لأن الأولاني بيكون كداب كبير

   والتاني بيكون أخطاءه كتيرة

   والغيرة لها حدود مينفعش تقل عنها أو تزيد عليها

   وبعدين أنت غلطانة بإنك قولتي له على حكاية الشخص اللي كان عايز يخطبك

   الصراحة متكونش مطلقة أي حاجة تحصل تجري تقوليله عليها (آسف ده غباه أو سذاجة)

   لازم تحددي موقفك معاه ولازم يقلل من شكه وعصبيته دي

   وخصوصا إنك متدينة حسب كلامك بس مش عارف ازاي أنتي في فريق مسرحي لكن ما علينا يمكن خلصتي..

   المهم خلي الدين والأخلاق هي الفاصل بينكم في أي اختلاف..
3. تجربة مشابهة

   

   16/03/2011 at 08:01

   انا جربت نفس الموضوع لكن دون الدخول، بيغار عليي لدرجة كبيرة وصلت انو في احد المرات وانا بحكي معو على التلفون وكنت بالجامعة سمع صوت ضحكة مني وفكرني اني كنت بضحك مع حد مع اني ما ضحكت مع حد واللهي لكن ما سدق كلامي ولما حسيت انو الموضوع رح يتطور لمشكلة اضطريت انو استحمل واقبل بالكلام اللي قالو وقلتلو انا تبسمت لكن ما ضحكت ولما قلتلو هيك هدي شوي وراقت الامور … الحب لما يزيد احيان كتيرة بين 2 ممكن يتحول لحالة من الهذيان يمكن او مش عارفة شو اوصفها بيصير واحد منهم يتخيل امور بتصير او يسمع صوت حبيبو … الموضوع اني حاسة جدا جدا فيكي وانا بحبو كتير لدرجة الجنون وهوي كمان ويمكن اكتر مني انا بغار عليه كمان لكن عم سيطر على غيرتي عشان ما اعملوا مشاكل لكن هوي مش عم يقدر يسيطر عليها وبيضل خايف حدا ياخدني منو … الله يهديهم ال2 ويديم المحبة بين المحبين ويجمعهم باقرب وقت يا رب
4. تيمو

   

   13/03/2011 at 13:57

   والله انتى تنفاعى صحفية كل ده مشكلة ربنا يخليكم لبعض انا نفس جوازك ده نفس المشكلة مع مراتى بس ميش بحبه اوى كده علشان مش حاسس ان بحبه ربنا معاكى بس فعلين بيحبك وانتى قول لية حاضر وبس ههههههههه والله انتى عسسسسسسسسسل
5. صاحبة المشكلة

   

   12/03/2011 at 11:46

   وعلي فكرة في ناس قالتلي حاول تمتنعي عن الممارسة وانتي معاه وشوفيه حيعمل إيه؟؟ أولآ يا جماعه انا مش بخلو بيه لوحدينا بإستمرار والاهم وثانيا انه بمجرد ماده يحصل بيكون عنده بالدنيا بس إني اكون بس معاه او قدامه او حتى اكلمه مكالمة تليفون اقوله فيها وحشتني والله بيكون كويس اوى معايا وكمان مش بتكون متاحة الفرصة بإستمرار عندنا مشغوليات كتير اوى .. وكمان لما بقوله لا ورايا صلاة ولا مش حينفع بيقولي حاضر بس اشوفك نتكلم ناكل نشرب وبيعرف يخليني أحس إنه بيسبني براحتي ف الموضوع ده ولو حتى بيزعل علشان إتعودنا علي بعض مش يبين ده خالص.. وبعدين بقا محدش يقولي تسيبوا علشان لا أنا ولا هو نقدر وبدعي كل يوم ربنا يخليه ليا والله انا لا ليا صحاب ولا قرايب قريبين مني وهو الوحيد اللي مالي عليا حياتي ولا شوفت ولا حشوف غيره وبجد شكرا وجزاكم الله خير في ناس كتيرة اوى اتكلمت كلامها سليم وبالفعل نفذته وجاب نتايج حلوة وبقيت ألومه جامد علي الموضوع ده وأقوله إنت كده بتخنقني وانا والله مش بعمل غلط لحد ماواحده واحده بيكون هادي معايا ويعتزرلي ويحس إنه فعلآ بيزودها.. ربنا يخليكم كلكم ويجزيكم خير علي إهتمامكم ولو حد عنده ملحوظة ولا أي حاجه تاني انا متابعه شكرا
6. صاحبة المشكلة

   

   12/03/2011 at 11:37

   والله يا جماعة شكرآ جدا لكلامك أنا والله مـاكده إنه بيحبني وكذا شخص قال إنه بسببي هو بيشك والله بيقولي إنه مايقدرش يشك فيا ولما بزعل منه وبقوله عايز تصدقني صدقني مش عايز أنا مش حدافع عن نفسي وانا مش بعمل حاجة غلط بيتأسفلي ويقعد يعتزرلي كتير ويقولي إنع ديمآ خايف عليا من إللي حوليا مش مني ويقولي إنه متأكد إنه لو حطني في وسط ألف راجل حتقي الله ومش ححافظ علي نفسي وبس لا بيقولي إنه متأكدإنه مش حرفع عيني حتى علي حد.. وإللي بحكيه دهإللي بيخليني أتأكد إنه بيحبني .. وعلي الفكرة السبب والله ما أنا ولا إللي حصل هو في قاعدة صراحة قالي إنه حصلت معاه حاجات قبل كده برة عني يعني بتخليه غصب عنه يبقا خايف عليا زيادة عن اللزوم ولما باجي أقوله هو انا زي غيري في تفكيرك ولا في اللي حصل بيحلفلي أبدآ وماحيلاقي غيري ف الدنيا .. انا بقدر ده كويس وبحترم صراحته وبحاول اتعامل معاها بهدوء مش بعدوانية ولا عنف..
7. الموضوع كبر جدا ياترى مين المستفيد؟؟؟

   

   10/03/2011 at 10:40

   للاسف انتى اتنازلتى عن شرفك بسهولة فرخصتى فى عينه
   كتب الكتاب لا يعنى الزواج
   فين الاشهار
   انتى عملتى كدا باديكى ربنا يهديكوا
8. يارب يصلح حالك

   

   09/03/2011 at 03:58

   حاولى براحه تفهميه وانا فى نفس مشكلتك بس مش شك فيا لان مينفعش يشك فيكى دا انتى مراته يعنى حتى لو شافك بعينه فى حاجه مش كويسه ميصدقش بس جوزك بعد ما تبقوا مع بعض هيتغير هو دلوقتى بس عشان بعيدعن عينه وانتى ريحيه واسمعى كلامه اما يكون بيغير اوى كده اسمعى الكلام وخلاص وبدل بتحبوا بعض اى حاجه ممكن تستحمليها وهو من كلامك بيخاف عليكى بجد ربنا يخلهولك وانتى استحملى بس شويه لحد ما تدخلى وعلى فكره فى حاجه

   الدخله قبل الفرح حرام لان ناقص شرط وهو الاشهرار فانتى حاولى تستغفرى وماتتعملش تانى
9. توتا

   

   08/03/2011 at 13:01

   انا مش عارف اقولك ايه بصراحه انتى لخبطينى طب هو بيحبك وده كويس فى حد زاته طيب وغيرته لو مكنتش موجوده بامانه مكنتيش هتشتكى وتقولى هو مابيغرش طيب انا من رئيى انك تغيرى عليا اكتر من غيرته عليكى هتسئلينى ليه هقولك لما هو يلائيكى بتغيرى عليه اولا هيحس نفس الاحساس اللى انتى حاسه ومره فى مره هيشتكيلك تقومى انت رده عليه وتقولى نفس الرد اللى هو بيرد عليكى اللى هو انتى بتثقى فيه وبعد كدا صدقينى عمره ماهيشك فيكى ابدا يارييييت تعملى كدا بس بطريقه لطيفه متكنش واحشه
10. ابراهيم نصر

    

    08/03/2011 at 13:00

    اقول لك علي سر صغير انتي السبب لسبب بسيط انك سلمتي له نفسك وانتي لسه في بيت اهلك وضيعتي علي نفسك فرحة الدخله الشريفه والموضوع ده هيطاردك طول حياتك لان الراجل بيشك في البنت اللي تسلم له نفسها وبعدين افرضي انه غير رايه وقال لك انه مش هيكمل معاكي هيكون موقفك ايه ساعتها وانتي في حكم المخطوبه وفي نفس الوقت مكتوب كتابك عارفه هيتكتب ايه في القسيمه طالق بدون الدخول بها ساعتها هتكوني في موقف لا تحسدي عليه قوليله يتقي ربنا فيكي وحاولي تسرعي بالجواز وقوليله كفايه كده احسن حرام لان الجواز هو الاشهار بالدخله وليس بكتب الكتاب وربنا يستر عليكي لغايه ما تدخلي ويتم الاشهار
11. answer

    

    07/03/2011 at 04:58

    اولا ربنا يصبريك .

    و الحاله اللى هو فيها دى مش طبيعيه ابدا و لو انتى بتتحملى لحد ما تدخلى و تعملى فرح و بتاع بردو هتفضل المشكله قائمه و هتذيد بعد الجواز كمان و انتى من دلوقتى بتعيدى التفكير ما باليك بعد الجواز و العشره اللى هتدوم سنين فمش هتتحملى اكيد .

    من دلوقتى تحاولى تشوفى حل معاه فى غيرته و انتى انسانه و ليكى شعور زيك زيه بالظبط , يعنى هو بيغير عليكى وبيشك فيكى و هو مفيش عنده اى مشاكل ولا اخطاء ؟ اكيد فى بس مش موضوعنا .

    المهم عشان المشكله من بدايتها تتحل بسهوله قبل الجواز و الخلفه و هترجعى بردو تفكرى فى الانفصال لو هو متغيرش فحاولى تتكلمى معاه و قوليله ان الاسلوب ده مش هينفع لو عاوز يستمر معاكى .

    و فى اسوئ الظروف لو حصلت مشكله و انفصلتو هتضطرى تعرفى اهليك ان انتى دخلتى ممكن يحصل مشاكل بسيطه بس هترتاحى .
12. ابو عمار

    

    07/03/2011 at 00:21

    اختي العزيزة ربنا يوفقك ويعينك علي اللي انتي فيه – لكن حضرتك غلطتي انك دخلتي من ورا اهلك – طبيعة اي راجل انو يشك في اي ست عملت معاها اي شيء غلط ( حتي ولو كان حلال شرعا) لان مفيش خلة رسمي – تصوري مثلا لو لقدر الله مكملتوش مع بعض ( انا اسف طبعا ) حاولي تخديه باللين وهو هيقدر حبك وتضحيتك علشانه وحاولي ديما تمنعي علاقتك الجنسية معاها وقوليلي انك خايفة من الحمل مثلا – ويريت تصارحي اهلك فموضوع انو دخل بيكي ده مهم جدا – ربنا يحفظك ويرعاكي
13. muslim

    

    06/03/2011 at 22:56

    بصى مش هو دلوقتى جوزك يعنى انتى المفروض متخرجيش من البيت من غير اذذنه كلميه قبل ما تخرجى وقوليله وواحده واحده هيلاقيكى بتكلميه قبل كل كبيره وصغيره وثقته هتزييد بس صدقينى هو بيغير عليكى وده من حبه فيكى بس واعرفى انه لو مش واثق فيكى مش هييجى بعد كده يعتذرلك لكن هى بتكون لحظه شيطان واعملى الحل ده
14. زائر

    

    06/03/2011 at 17:12

    لازم انتو الاثنين تتغيروا . انتى تبطلى شويه تقولى له على كل حاجه مش معقول دخلتى الحمام تقولى نزلتى مع مامتك تصوريها صوره ده شىء مش طبيعى وهو لازم يبطل يسأل على كل حاجه صغيره كانت أم كبيره لان هذه الأشياء ستؤثر على علاقتكم مع الوقت ويصير ملل لا قدر الله . ابتدى انتى وغيرى من طريقتك وعجلى بالزواج والدخله لان أهلك لا يعلمون كما قلتى بالدخله وهذا غلط.
15. صحيحة

    

    06/03/2011 at 10:26

    ده مش هيعمـــــر بيت ليه عملتــــــي علاقـــــــــة معاه المفروش شكاك كنتــــــــي تبعدي عنه ده هيخلــــــــي عيشتـــــــــــك جحيــــــــــــم الا الانسان الشكــــــاك بيخرب بيتــــــــه بنفســــــه
16. اختك في الله

    

    06/03/2011 at 09:42

    حبيبة قلبي انا مبسوطة اوي وانا بسمعك بتقولي كده مش عارفة ليه ده انسان طيب اوي وحنون ربنا يخليكم لبعض احمدي ربنا ان في انسان بيحبك اوي كده وكويس انكم في صراحة مع بعض كده افضل بس ياريت مش في كل حاجة تقوليها له مادمتي شفتيه شكاك كده
    خليكي طبيعية معاه بس مش كل حاجة تقوليهاله مادمتي مش بتجرحي كرامته ومش بتزعليه مادام بيقف لك كده على كل حاجة المهم انك تحافظي عليه وصدقيني لما تتجوزي حد بيحبك اوي كده بازن الله هتكوني سعيدة معاه افضل من انك تتجوزي واحد مش بيحبك او بيمثل انه بيحبك
    ربنا يهنيكم ببعض وربنا يهديه ويبعد عنه الشك
    ربنا يسعدكم
17. Hoss

    

    06/03/2011 at 07:57

    مش في كل الأوقات الصراحة مطلوبة ، وطبعًا ده مش معناه نكدب ، بس مانقولش كل حاجة ، لأن الصراحة في أوقات بتضر ، فيه حاجات لازم تتقال زي الشخص اللي كلمك وكان عايز يتقدملك ، كان لازم تقوليله في ساعتها ، وطبعًا ماكانش لازم تدخلي من ورا اهلك لأن ده هو اللي دخل الشك لقلبه ، وكل مايفتكر انك عملتي حاجة خارجة عن المألوف والعرف لأي سبب ده يزود الشك أكتر ، أنا مش بالومك الي حصل حصل ، بس بعد كدة مش لازم تثبتيله كل حاجة ، قوليله انه حصل كذا أو كذا ، يصدق مايصدقش هو حر ، لأن محاولتك إثبات الأمر معناه إنك مضطرة لكدة ، وطول ماهو شايف انك مضطرة تثبتي يزود شكه في إنك كدابة ، واتكلمي معاه إنه إذا كان بيشك فيكي تبقى الحياة بينكم مستحيلة ، لأنكم داخلين على جواز ، ودي عشرة دوم مش عشرة يوم زي ما بيقولوا ، ثقي في نفسك وبينيله كدة ، واجبريه على احترام صراحتك باتخاذ موقف جاد تواجهيه فيه بإنك مش هاتحاولي تثبتيله شيء ، صدق صدق ماصدقش هو حر وربنا يتملكم على خير ويهدي سرك .
18. ساره

    

    05/03/2011 at 17:55

    طب انتي عايزانا نقولك ايه مش عايزه تاخدي موقف ولا عايزه نقولك ده مش بيحبك من الكلمتين دول حسيت انك عايزه العذاب ده بصي يا حبيبتي انا عارفه انك بتحبيه وعايز اقولك الحب ايه الحب احترام في الدرجه الاولى في الدرجه التانيه الغيره وفي فرق كبير بين الغيره والشك وعمر الشك ما كان غيره الشك ده هيشل تفكيره وعمر كلامه ما هيرضيكي لانه خلاص بكل بساطه ده انسان شكاك وبعد الجواز ومع الشك ده هيجي يوم وتطلبي الطلاق صدقيني اكبر مشكله في الحياه الزوجيه هيا الشك وكمان بتقولي بتصوري نفسك لما تخرجي ولو خدتي موقف يقولك كنتي بتخونيه ده اسمه ايه عايز يلغي شخصيتك وعايز يخليكي انسانه بدون شخصيه وهوا الريموت كنترول يامر ويتحكم فيكي عايزك تكوني ولا حاجه طب ليه متقوليش برده انه حطك في اختبار ودخل عليكي ولما خد اللي هوا عايزه ال دي بنت مش ممكن اثق فيها بعد كده دخلت عليها وانا خاطبها ويا عالم هتعمل ايه تاني وانه بيعمل كل ده علشان يخلص منك
    نصيحتي ليكي يا اختي انتي مخطوبه والخطوبه دي فتره تعارف بينكو ولما هوا كده ابعدي عنه وربنا هيعوضك باللي يحبك ويخاف عليكي مش واحد عامل زي قسم المباحث والجنايات
19. صلوا على نبينا محمد(مسلمه

    

    05/03/2011 at 14:49

    طبعا عنده حق يشك فيكى يا صريحه اللى تخبى على اهلها انها دخلت زى ما بتقولى (دخلت من ورا اهلى) عاوزاه ميشكش فيكى اذاى يعنى لما يقعد كده بينه وبين نفسه ويحس انك مخبيه على اهلك علاقتك بيه حتى لو كاتب كتابك اكيد هيحس انك ممكن تخبى عليه حاجات كثير ذى ماانتى مخبيه على اهلك نصيحتى ليكى انكك تستعجلى فى الدخله ويا ريت تقوليله انك ندمانه على علاقته بيكى قبل الدخله وانك اول مرة تخبى حاجه على اهلك
20. magdy

    

    05/03/2011 at 13:15

    تسمحيلى اقولك رأى بسيط جدا
    انتى لما سلمتيله نفسك برغم انك مراته من وجهة نظرك ونظره ونسيتو شرط الاشهار ويمكن كان لازم تسألى نفسك لو انتو وضعكم صح كنتو عملتو كده من ورا اهلك وللسبب ده حبيبك دايما شاكك فيكى لانكى خنتى اهلك وهو كده معتقد ان اللى تخون اهلها تخون اى حد تانى
    ثانيا هو بيبقى كويس معاكى لما تكونو لوحدكم علشان الخلوه والحاجه اللى اتعود عليها منك لكن جربى مره ترفضى تمكنيه من نفسك وشوفيه هيعمل ايه
    ربنا يوفقك وتعملو الفرح