انا اتجوزت عن حب من سنة وبعد قصة حب استمرت خمس سنين بس المصيبة انى بعد الجواز حبى رح نهائى وكانى عايشة مع واحد معرفوش انا مش سعيدة معاه خالص حياتى معاه ممله حولت كتير اتكلم معاه وافهمه واحسسه انى محتاجه منه اهتمام وحب ورعايه لكن هو على طول مش معايا ومن يوم متجوزنا مقعدش معيا شهرين كل يومين مسافر مش قادره افهم هو مين دى دى الا حبيته خمس سنين وعشنا قصة الحب دى طيب ازاى وايه الا اتغير انا نفسى اعرف اسيبه ولا احاول معاه تانى علشان احافظ على بيتى لكن انا مبقتش احبه خالص بقى شىء عادى بالنسبالى اهماله ليه حسيسنى انه ولا يفرق اسيبه او لا ياريت حد ينصحنى ويقولى ايه الصح اعمل ايه
مشاكل الازواج
بعد الجواز الحب اختفى وبفكر اطلب الطلاق
اضيف بتاريخ: Saturday, March 5th, 2011 في 09:51
كلمات مشاكل وحلول: الطلاق, قصة حب, مشاكل الازواج, مشاكل زوجية, مشاكل زوجية
السلام عليكم
حبيبتى اخر شئ تفكرى فية الانفصال اوعى تهدمى بيتك وتبقى فى نظر المجتمع مطلقة لانها صعبة جدا
حاولى تعبريلة عن اللى جواكى يمكن برضة اللى انتى بتعملية هو مش شايف كل دة انتى بتقولى بيقعد خارج البيت فترة طويلة ؟ لية
حاولى اجزبية لبيتى ومراتة اتكلمى مرة واتنين والف .. يعنى ازا مرضتى مش حيقلق عليكى اكيد لو بيحبك حيخاف عليكى اجزبية ليكى ولبيتك قربية ليكى
موفقة يارب
انا انصح ياختي انك تقاعد معاك وتقوله مثل ايا اللي مدايق زعلان ليا كده يعني انت ممكن تخلي زي الخاتم في صباعك
ولو كان الدلع والرومانسيه والكلام الحلو والاهتمام جه بنتيجه عكسيه بدل ما الاقي حب او حتي كلمه حلو لقيت ضرب واهنات فظيعه وافظع كلام ممكن يتقال من زوج لزوجته رغم اننا كنا عيشين قبل الجواز قصه حب يعني وخدين بعد عن حب ودي النتيجه بس بقول معلشي ممكن يتغير ممكن يحبني زي منا ما بحبه ممكن يحس بيا وانا علي امل رغم اننا اعترفنا اننا مش عدنا بنحب بعض وانا الا مش عرفه اعمل ايه وكل ما اقوله نقعد ونتكلم مش بيوافق ولو وافق بياخد كلامي بسخريه ويحسسنس اني غبيه ودايما يقولي اني مش ليا لازمه وكلام بشع بشع بمعني الكلمه وضعيف جدااااااااااااااااا ادام امه وهي الا ممشيانا اعمل ايه اعمل ايه مع العلم اني والله والله عمري ما قصرت في اي حاجه من حقه ابدا
بسم الله الرحمن الرحيم
لاتتسرعى بطلبك للطلاق بل ضعى حلول لمشلكتك لان تفكير الرجل عقلانى والمراة عاطفيةزيادة لذا اشغلى وقت فراغك باشياء مفيدة بدءا من التقرب الى الله او شاركى فى اعمال الخير وهى كثيرة والجئى الى الله بالدعاء ان يصلح حالكما وان يرزقك الذرية الصالحة
السلام عليكم
شوفي اختي باين انه انتي مابتعرفي انه حب فترة الخطوبة بيموت مع الزواج
وبيولد حب جديد اول الزواج من نوع جديد اوله احترام واخره احترام ووسطه روتين وفتور قاتل
والمرأة الجيدة هي التي تستطيع انقاذ نفسها و زوجها من ذاك الروتين ..
تاكدي بالاول من ان حبك لم يمت ولكنه تغير الي حب من نوع الآخر والذي بدت الاخلاق والتربية والاحترام يسودونه ..
وبالطبعا المرأة بيصير مفهوم الحب عندها كلمات حلوة واحاسيس وحركات من قبل زوجها بعد الزواج… أما بالنسبة للزوج الي تعود في فتره الخطوبة عالكلام الحلوو… في فترة الخطوبة ولما يتزوج يحس انه خلاص ملك حبيبته وصارت زوجته فبيقل كلامه العاطفي في الزواج لانه صار يفكر كيف يحسن ويكون بيت واسرة مستقرة وطبعا يبدأ التناقض بين زوجة متعطشة للكلام الحلو وللإهتمام وبين زوج متعطش لتكوين اسرة وبيت
باعتبار انه هذه مشكلة كل الازواج في بداية حياتهم الزوجية واظن انها مشكلتك كمان فلازم انتي باعتبارك الاكثر عاطفة وحنية انه تحاولي تخرجي زوجي شوي شوي عن التفكير المسيطر عليه بدون ماتاثري على عمله.
فمثلا لا تلحي في طلب عطفه وحنانه لانه مو حاسس انه هيك.. بس حاولي الفتي نظره ليكي بلبسك وهدوءك وكلامك الحلو وحركاتك كزوجة .. وصدقيني هو بغريزته وبحبه الي مخبي جواه راح يصير كل شوي يكلمك او حتى يتصل بيكي وهو بعيد…
صدقيني المرأة اللحوحة كثير تخلي زوجها يزهق منها بسرعة ويمكن يبحث عن الهدوء الي يبحث عنه هروبا من ظغط العمل في مكان ثاني ومرأة ثانية
لذالك قللي من الكلام معاه في موضوع ده..وحاولي تستميليه بهدوءك وعقلك
انتي زوجك بيسافر كثير فحاول تتصلي بيه بين الفتره والثانية من شان ماتحسسيه انه بعيد عنك وانك بتفكري فيه دوما من شان يخليكي هو كمان محل تفكيرة في لحظات فراغه.
ربنا معاكي وصدقيني مو لازم تفكري بالطلاق لانه حتى لو تزوجتي من شخص ثاني راح يكون نفس الشئ وبيد وبحبك تقدرين تغير طبع اي رجل لانه الرجل بتربيه اثنين : امه وزوجته فكوني له زوجة صالحة يكون لك زوجا صالح ومحبااااااااااااا صادقا
شوفي يا حببتي انا عشت نفس مشكلتك عشان كدة انا حاسة فيك اوي اللي يسيب بيته بالشهور وبالسنين ولو كان عشان شغل حيتعود على كدة والاهمال يبقى عندو عادي انا عشت في الوضع ده 12 سنة وضيعت عمري ومتصلحش عشان كدة باقولك الحقي نفسك حاولي معا للمرة الاخيرة لانه لو متغيرش مش حيتغير خالص وربنا يوفقك
حبيبتى انا عايشة نفس مشكلتك بظبط حاولى قربيه منك انا عملت حوار كدة مع جوزى من ساعتها هو بقى يهتم بيا بس قبل متعملى الحوار دة لازم تبقى عارف رد فعل جوزك ايه يعنى لو هو شكاك يبقى مش هينفع معاة الحوار دة او لو هو بيغير غيرة عمياء بردوة مش هينفع قبل متعمل الكلام اللى هقولك عليه اعرفى رد فعل جوزك هيكون ايه عشان متحصلش كشاكل بينك وبينه
اولا كلمية وقوليله انا محتاجة احس ان فى حد بيحبنى وبيهتم بيا خايفة احب حد غير انا لسة بحبك ومحتجالك قوليله انا عاملة زى العطشان اللى محتاج ميه لو لقى ميه فى اى حتة هيشرب منها هو هيفهم الكلام دة وهيخاف قليلة انك حاسة بفراغ عاطفى طبعا هو كلام انتى هتقوليه بس عشان تقلقية بيه وتخليه يفكر فيكى انا عملت الموضوع دة مع جوزى واتعدل كتير معايا وبقى يدلعنى كمان ربنا معاكى ويوفقك
انا راجل وبقلك كل الرجالة كدة بعد الجواز وفيهم اكتر من كدة قولي الحمدلله واصبري وفوضى امرك لله
اختى كونك مستحمله زوجك وتصرفاته واهماله ده هيكون ليك اجر عن ربنا كبير ولو خيرتك بين انك تاخدى اجر كامل من ربنا لكونك صايره ومستحمله وبين انك تاخدى اجر اقل واالايكون لك اجر من ربنا فى سبيل ان يسعدك زوجك هتختارى اى حل منهماستحملى اختى ولك الاجر الاعظم من ربنا الطلاق ده مش حاجه سهله ومن قالك انك بعد الطلاق ممكن تتجوزى شخص يرعيك ويجبك ده ممكن يتعبك اكتر انتى اهتمى بنفسك عشان نفسك واصبرى عليه وبكره ربنا يكرمك بطفل جميل اوى نتيجه لصبرك وياخد كل وقتك وانسى موضوع الطلاق ده
على فكرة انا كنت فى نفس مشكلتك ولكن كان الحل كويس لية ولية وانصحك تعملى كدة يمكن يجيب نتيجة ايجابية معاكى ان شاء اللة وهو انك تبلغية بتفكيرك فى الاطلاق سعتها هيفرق معاة ويحاول يساعدك لو هو بيحبك بجد عشان يرجع علاقتكم ببعض تانى لانة ممكن شايفك انك مبسوطة طول ما انتى سكتة
خليكى زكيه وانتى تقدرى تشديه ليكى تانى وانتى ابداى بالاهتمام الاول هتلاقيه بقى يهتم اكتر منك ومينفعش تقولى طلاق دى مش حاجه سهله وخليكى عاقله اكتر من كده وقدمى انتى الاول الكويس هتلاقيه يقدم وبعدين بتقولى بيسافر فى شغل يعنى ولا ايه ؟ لو فى شغل هى دى حاجه تزعلك كدا ؟ انتى حاولى تخلى بيتك جنته يجى يرتاح عندك مش تقرفيه وعايزة دلع واهتمام وهو تعبان فى شغله حاولى تفكرى مع نفسك كتير واكيد 5 سنين يعنى عارفه الشخصيه كويس عارفه ايه اللى يفرحه وايه يزعله راجعى نفسك وشيلى فكره الطلاق من دماغك خاااااااااااالص ربنا يوفقكوا يارب
بصى الى يتبنى عن حب استحالة يموت ابدا..الحب مش بيموت لاكن بيتوة شوية. عليكى انتى ترجعية ليكى. فين الحنية بتاعتك وانتى بنوتة؟ فين اهتماك انتى بية؟ فين دلعك لية؟معلش تعالى على نفسك شوية.غيرى انتى فى نفسك اعملى حركات مراهقة رومانسية كلمية وهو فى الشغل على الموبيل بدلع كدة وبكلام حلو زى زمان.ابعتيلة رسايل وحشتنى وكلام من دة . اكتبيلةعلى المراية كلمة بحبك ومش هسيبك تبعد عنى. فى افكار كتيرة ممكن تخليكو تقربو من بعض وومكن تقوليلو عاوزة اتكلم معاك بصراحة وفاتحية بالى انتى حاسة بية ولو عيطى مفهاش حاجة اترمى فى حضنة وقوليلو محتجالك..وابقى طمنينى عليكى كلنا مرينة بكل دة . الايام مش كلها حلوة فيها الحلو والوحش
السلام عليكم
شوفي يابنتي لازم تعرفي حاجه مهمه جدا ان فتره الخطوبه مهما طالت بتكون احلي الاوقات ولما يدخل الجواز بتيجي المسئوليه بتعطل الحب شويه لكنه موجود وانا متاكد انك بتحبيه وهو بيحبك بلاش تخلي الشيطان يدخل بينكم لان اصعب مرحله في حياة اي زوجين هي الفتره اللي انتي فيها دلوقتي ، اصبري وتاكدي انه هيرجع تاني لاصله واهتمي انتي الاول انك تكبري حبه في قلبك وهو ساعتها غصب عنه هيرجع يفتكر حبك تاني اللي مشاغل الدنيا يمكن تكون نسيته اهتمي بجوزك يحبك
انا من رئيى انك متخربيش بيتك بايدك والمفوض انك انت اللى ترجعى سنين الحب ده تانى مش انك تنهيها وتشوفى هو ماله وتحاولى بقدر من الامكان انك تتكلمى معاه وان سابك وتهرب من الكلام واوعى تستسلمى وحاولى تانى وافتكرى ان ده الانسان اللى انت فى يوم من الايام اتمنتيه انت بتقولى انك معنتيش بتحبيه بس انا بقوللك ان اللى يحب عمره مايكره
اختى العزيزه اكرمك الله وعافاكى
تعرفى ان المشكله فى انك مستحيل هتلاقى زوج تفصيل او على مزاجك لان كله بعد الجواز كده مشاكل الحياه وهمومها بتشغل الواحد وبتاخده
مشكلتك دى هى مشكلة كل الستات لكن الحب بيختلف تماما مستحيل اللى عشتيه فى فترة الخطوبه هيستمر بعد الزواج
تأكدى انك لو فكرتى فى الطلاق هتدمرى حياتك بايدك
اهتمى بنفسك وبيتك وزوجك يمكن اهتمامك يشجعه
ربنا يوفقك
يبنتى حرام عليكى متخربيش بيتك هى البنات دلوقتى لاقية تتجوز لما انتى عاوزة تتطلقى وكمان بتحبية اهدى بس كدة وصلى على النبى مشكلة البنات قبل الجواز وخصوصا لما تكون بتحب جوزها قبل متتجوزو ان البنات بتبقى فاكرة الحياة وردية بعد الجواز وكلها سعادة فى سعادة انتى لما كنتى فى قصة الحب كنت بتبقى معاة وقت مش معاة طول اليوم انما انت دلوقتى معاة انتى اكيد ملانة ومأريفة عشان بيسيبك لوحدك وكدة ونفسك تحسى باهتمامو حاولى انتى تقربى حتى لو كان يوم واحد بتشوفية فية واحساسك دة مجرد ان السكينة سرقاكى بس مش اكتر هتندمى وحياة ربنا وخصوصا انتى كنتى بتحبية وعلى فكرة انا برضو شايفة ان الحياة هتبقى وردية بعد متجوز خصوصا ان مرتبطة بواحد من سنين ومش فية نصيب وادينا بنحاول ادعلينا بس صحباتى ال اتجوزو كانو زيك كدة فى الاول وبعدها عقلو خدى بالك من نفسك ومن بيتك ومن حبيبك قبل ميكون جوزك ومتسمعيش كلام حد وارجعى لربنا وربنا يهديكى ويوفقك يارب
السلام عليكم ورحمه الله
اختى الفاضله انتى عايزه تطلبى الطلاق علشان حب زوجك ليكى قل !!!!!!!!!!!!!!
احمدى ربك على ما انتى فيه من نعمه الزواج والستر والاستقرار
اما الحب والعطف قبل ما تطلبيه من زوجك اعطيه له
كل رجل بداخله طفل صغير لو عرفتى تتعاملى معه بتكسبيه وترتاحى وتريحيه
اهمس باذنك اهتمى بزوجك غيرى من نفسك جددى حبك له
وبعد فتره اخبرينى النتيجه
اتمنى لك السعاده
طبعا مينفعش تهدى بيتك مع انى اقدر ماانت فيه من احتياج لزوجك بكره يبقى عندك اولاد كتير وساعتها مش هيكون عندك وقت للتفكير فى الحب والرومنسيات مطلقا جوزك حاليا يريد ان يوفر لك حياه مستقره وخاصه ماديا يعنى برضه علشانك متهديش البيت بكلمه تندمى ربنا يسعدك
ممكن شغله اللى يكون شويه السبب بس هوة بيتعب عشانك وظروف شغله لازم تتحمليها وبعدين ايه تسبيه دى انتى لسه عروسه وانا مش شايفه ان فى مشكله انتى بس ناقصه شويه خبرة فى الجواز والتعامل مع جوزك اولا لازم تجددى من حياتك ومن نفسك يعنى كل ما يجى من السفر البسى الحاجه اللى بيحبها وتلبسى الالوان اللى هوة بيحبها وبرفان يكون ناعم وهادى وتعملى الاكل اللى بيحبه ودلعيه وادلعى عليه ممكن تخرجه مكان هادى فكريه بأيام الخطوبه والمواقف الحلوة اللى بينكم هديه بحاجه بيحبها ورجعى ايام زمان افتكرى ان جوزك دا لو ضاع منك بعد حب 5 سنين يعنى عمر تانى هتبقى حياتك ازاى اصل الانسان مش بيحس بالحاجه اللى معاه غير بعد ما يفقدها كمان غير الاثاث بتاع البيت دا والله بيحسن الحاله النفسيه جدا يعنى غيرى الاماكن فى البيت هتحسى انه بيت جديد ولازم تناديه حبيبي دايما خليه يهتم ويحس بأهتمامك ووالله هتحسى بحبك ليه وهترجى تانى زى الاول واحسن بس غيرى من نفسك انتى وجددى حياتك معاه الروتين فى الحياه الزوجيه هوة السبب فى الاحساس دا واى راجل بيحب التغير والجديد دايما فى بيته ومراته وربنا يرزقك بالذريه الصالحه تيجى تغير حياتكم اكتر وربنا يسعدك يا رب
سيدني الحب لايختفي بل يموت وانت السبب في موته ابحثي عن الاسباب وستجديها وهناك اسباب كثيرة تعرفيها سببت في موته بقلبك وليس من الصعب اعادة احيائه ان راغبة بذلك والاهم قرارك هل مات بموافقتك ورغبة منك ام ما زلت تريدي له الحياة والنشاط وعلى ضوء قرارك اقدم لك النصح للمساعدة فالحلول كثيرة وسهلة
والتوفيق من الله تعالى
ا أختي صاحبة المشكلة .. اولا الحب هو قرار ولا يتوقف فقط علي اهتمامه بي ام لاء .. وفي الغالب
اصحاب قصص الحب قبل الزواج يصتدمون بأن الحياه ليست فقط هي مشاعر نبيله ورقيقه يتهافت كل من منكما لمقابله الاخر .. هناك جانب اخر هو الواقع العملي .. المشغوليات .. الروتين
الذي غالبا ما يصيب الحياه بالذهق والكتئاب ..
بعص نصائح من اخ وليس متخصص في هذه الامور
1 – اظهري اهتمامك به اقصي ما لديك
2 – اقبلي زوجك حتي لو كانت هناك عيوب علما بان لا يوجد شخص الا وتجدي فيه مميزات وعيوب
3 – لا تفكري اطلاقا في الطلاق لانك سوف لا تجدي افضل من زوجك
4 – تحدثي مع زوجك بكل ما يضايقك وقبل حديثك ابدأي الكلام بالمديح له والحب والولاء له 5 – انتظري بكل فرح وشوق اول طفل مما احببتيه 5 سنوات
الاخت السائله أنصحكى بعدم الانفصال فأنتم لا زلتم فى بداية الحياه وربما زوجك فيه شىء شاغله فى عمله أو مع أهله أو أى شىء اخر حاولى معاه وكونى لطيفه معاه وادخلى جوه نفسه بلطف حتى يطمئن ويحكى لكى ايه الشىء اللى مخليه يعمل كده وان شاء الله ربنا يؤلف بينكم ويجعل بينكم الموده والرحمه كما كانت قبل الزواج لا تتسرعى واستغفرى ربك وادعى ربنا يقربكم من بعض .
معلش حاولى معاة تانى بلاش تخربى بيتك جايز فى حاجة تعباة اديلة انتى حنان وحب حتى لو هو متغير اصبرى معاة
والله صدقنى مش هيفوق فى اللى هوا فيه حتى لو كلمتية مليون مرة بس الموضوع هيكبر هتخلفى منةوظلمى اولادكوا وتكبرى فى السن وهتلاقى انك اتاخرتى فى قرر الانفصل اتوكللى على الله طالما مش بتحبية وواضح ان مافيش اولاد وانفصلى والحقى نفسك بدل ما توصللى لطريق اصعب ممكن تغضبى فية ربنا لسمح الله
انا عن نفسى شايفه لو ماعندكيش اطفال منه يبقا تسبيه احسن لانك بتقولى انك مابقتيش تحبيه خالص لأن اللى بيكره مابيرجعش يحب تانى اطلاقا اما لو لسه فيه ذرة حب واحده من ناحيتك ليه يبقا حاولى معاه بدال ماتخربى بيتك بايدك وحاولى تقربى منه وتعرفى ايه اللى بعدو عنك بالطريقه دى وربنا يوفقك للصح
حاولى تعرفى ايه السبب فى اهماله ممكن تكون مشكلة انتى سببها او هو بس ممكن من ناحيته يكون في حاجة مدايقاه او مزعلاه منك ومش عايز يصارحك بس اهه عايش وخلاص بس العيشه كده متنفعش لازم على الاقل يكون فى تفاهم عموما حاولى تقعدى معاه وتخليه يصارحك ..
الزواج يختلف كثيرا عن المعرفة فالزواج حياة اخري تحتاج الي صبر وحكمة وانك تفهميه وتقربي منه تشاركيه في اللي وخده منك تديله رايك وتقترحي عليه في الوقت المناسب الخروج لمكان خرجتو في زمان وانصحك اتفرجي علي صور والبومات زواجكما ده هيرجع زكريات جميلة ويجدد الحب
لو كل واحدة مش بتحب جوزها حتطلق … 90% من الزوجات حتطلب الطلاق… طبعا تفكيرك خطأ وانا شايف انك تحاولى ان تجزبى زوجك لكى بكل الطرق .. وانا لا اعرف هل سبب سفره عمل ام للهو واللعب .. انا اشك انه للعمل وهذا شىء لا يعيبه ولا يجب ان يزعجك كثيرا.. نعم انا معكى انتى تحتاجى زوجك بجانبك ولاكن هذه طبيعة عمله ويجب ان تتفهمى وتتأقلمى على ذلك وتحاولى ان تعوضى نفسك فى فترة وجوده معكى…… فكرى كيف تعود لكى السعادة والحب ولا تفكرى فى الطلاق ابدا لهذه الاسباب… ولابد ان تعرفى انكى مازلتى فى بداية حياتك وستواجهك الكثير من المشاكل مستقبلا وهذا شىء طبيعى ولابد ان تتأقلمى على ذلك وتحاولى ان تحلى مشاكلك وان تبحثى عن السعادة وليس الطلاق بهذه السهولة…. وهل فكرتى فى مصيرك وحياتك بعد الطلاق .. اظن انكى لم تفكرى فى ذلك… وربنا يسعدك
هو حس انة خد الا عاوزة ولازم تغيرى رتم الحياة معاة وتعملى جو جديد الواضح ان جوزك ملول ولازمتتعبى شوية وتحفظى على البيت لحد متعرفى تكسبية وسيبك من موضوع ان الحب بتاعك راح معدش ينفع لازم تحفظى علية وتغيرى من نفسك وتجزبية وشوفى اية الا بيزعلة منك
من البدايه هو طبعه كده انصحك انك قبل ماتخلفى انك تنفصلى منه لانه مش حيتغير وانتى من دلوقتى مش مستحمله تبقى لوخلفتى منه حتبقى فى مشكله اكبر فى الانفصال علشان الطفل فمن الافضل قصرى المشوار على نفسك وانفصلى قبل الحمل