انا مشكلتى صعبه جدا ومش عارفه اشرحها ازاى ارجوكم ساعدونى لانى حاسه انا حياتى ملهاش لازمه ومش عارفه اعمل ايه يعنى ساعات بفكر اخلص من حياتى بس بخاف من عذاب ربنا مش هيبقى عذاب فى الدنيا والاخره مشكلتى بدات من زمان وانا صغيره كانت عندنا مشاكل كتير فى البيت والدتى عصبيه جدا وكانت بتعاملنا بقسوه كبيره جدا وكنت بحس انها ما تستحقش تكون ام ممكن تعرفوا اننا فعلا عائله مفككه كلنا انا واخواتى عندنا مشاكل نفسيه اد كده وكل واحد فينا كان عايز يهرب من البيت باى شكل المهم انا اتغربت ايام الجامعه واسترحت من الجحيم بس ظهرت مشكله انى بتعلق باى واحد يقولى كلمه كويسه بس الحمد الله معملتش اى حاجه حرام واكتشفت انى عندى برود جنسى يعنى انا بحب الشخص علشان احس بحنانه بس يقولى عايز اتجوزك بحس بقرف شديد جدا وابعد عنه فورا المهم ارتبطت بشخص فلسطينى كان بيحبنى جدا وسافر اشتغل فى دوله خليجيه وكون مبلغ كويس وكل ما يفاتحنى فى موضوع الجواز اقوله ان اهلى مش موافقين علشان هو مش مصرى وهو صبر وفضل مستحمل 4 سنين وانا اتخطبت لمعيد فى الجامعه شخص طيب جدا مكنتش بحبه بس كنت حاسه انه طيب ومش هيعملى مشاكل وقطعت علاقتى بالفلسطينى المهم اتخطبت 4 سنين وفى الفتره ديه مكنش فيه علاقه بينى وبين خطيبى ولا حتى كنا بنتكلم فى التليفون لدرجه انى فعلا كنت بنسى انى مخطوبه المهم قبل فرحى بشهرين الشاب الفلسطينى رجع كلمنى وقالى انا لسه مستنيكى ومقدرتش اقوله انى اتخطبت وفكره انى افسخ خطوبتى وارجعله مش حبا فيه ولكن لانه هياخدنى لبلد تانى ابعد فيها عن اهلى المهم اهلى فعلا رفضوا الفكره تماما واصروا انى اكمل خطوبتى والمشكله انى اكتشفت ان خطيبى عنده السكر وصعب عليا واهلى قالولى لو سبتيه ربنا هينتقم منك فى اولادك من الفلسطينى لو اتجوزتيه المهم فعلا اتجوزته وقلتلو انا عندى مشكله انا بكره الجنس جدا وهو سكت ومردش انا بقالى 6 شهور متجوزه ولسه عذراء حاولت مرتين انام معاه بس كنت حاسه بقرف شديد جدا وكنت مغمضه علشان مشفوفش هو بيعمل فيا ايه واول ما بدا يقرب بدات اصرخ فسبنى ومقربليش انا فعلا بقرف منو ومن ريحتو وساعات بحس انى فعلا بكره ونفسى يموت وخايفه اطلق ارجع لاهلى والجحيم اللى كنت عايشه فيه مش عارفه اعمل ايه انا بجد تعبت انا مش قادره اعيش معاه ومش قادره اطلق وارجع لاهلى اعمل ايه بس ارجوكم ساعدونى اهلوا بداوا يسالوا عن الحمل وهو صابر ومش بيتكلم انا عارفه انه هو احسن منى بس انا بجد بكره الجنس وبقرف منو جدا
يااختي العزيزة الزواج قسمة ونصيب وماحدش ياخذ الا نصيبه اللي كتبه الله عزوجل له في هذة الحياة انت متزوجة من الشاب المعيد في الجامعة وهو شخص طيب جدا ومحترم حسب ماذكرت واهلك يحبونه وراضين عنه فعايزك تنسي ذلك الشاب الفلسطيني تماما ولاعاد تفكري فيه خالص واوع تردي على اتصالاته بك او تحاول الاتصال به دي خيانة زوجية ربنا بيغضب عليك ولن يبارك لك في حياتك الزوجية طوال العمر اهتمي بزوجك وتقربي منه وبلاش تعامليه المعاملة القاسية حرام عليك ده زوجك وبيكون ابو ولادك في المستقبل ومسالة انه يعاني من مرض السكر فاغلب الناس عندهم دي الحالة ومغ العلاج والحمية والاهتمام به وبنظام الاكل بتاعه سوف يزول هذا العارض وتتحسن صحة زوجك ويبقا زي الفل وعشرة 6شهور ولسه عذراء وماحصلش جماع بينكما حرام عليك تعمل كدا في نفسك وفي زوجك استهدي بالله واخزي الشيطان يابنتي وعاملي زوجك بما يرضى الله عزوجل واعطيه حقه من المعاشرة والعلاقة الحميمة وربنا يصلحك ويهديك ويسترعليك ويؤفقك ويسعدك معه طوال حياتكم الزوجية ويرزقكم الله الذرية الصالحة ويبعدكم عن المشاكل والخلافات ويحببكم لبعض ولايحرمكم من بعضكم اللهم امين