السلام عليكم ورحمه الله وبركاته …
في البدايه انا عندي 29 سنة وزوجتى اصغر مني بسنه وكانت زميلتي فى الكليه لمده سنتين وبعد كده حولت لجامعه تانيه واثناء فترة الزماله دي صارحتها بحبي وهى قالتلى ان مفيش اى حاجه من ناحيتها وانها ما بتفكرش فى الموضوع ده اصلا دلوقتى … المهم خلصت كليتي وربنا اكرمنى وسافرت على بلد عربي شقيق للعمل … وخلال الفتره دي ما اعرفش عنها حاجه … ومره بالصدفه قابلتها على الانترنت وبدانا نتكلم وفضلنا فى كلام كل يوم تقريبا لحد ما صارحتها انى لسه بحبها وعايز اتقدملها وسالتها هل في حد في حياتها وقالتلى لا وقالتلى انها موافقه … وبالفعل اتخطبنا وفضلنا طول فتره الخطوبه في كلام وهي وهمتنى انها حبتنى وكتبنا كتابنا وبعد كتب الكتاب عرفت بالصدفه انها كانت على علاقه بشخص تانى بعد ما حولت وراحت جامعه تانيه وانها كانت بتحبه … ولما صارحتها باللى عرفته قالتلى ده موضوع وخلص وانا نسيته وقولتلها ما صارحتنيش بيه ليه قالتلى كنت خايفه لاخسرك … انا تناسيت الموضوع … وصبرت اتجوزنا وربنا رزقنا بطفلين … وطول 5 سنين جواز اوقات احس بسعاده معاها واوقات ببقى مش طايق نفسي بس الاحساس اللى غالب عليا انى حاسس انها ما بتحبنيش … لحد ما فى مره بالصدفه برده عرفت انها بتكلم الشخص اللى كانت بتحبه قبل الجواز ده بتكلمه على النت … طبعا انا اتصدمت وفاجئتتها انى عرفت الموضوع ده … طبعا زهلت انى عرفته وقعدت تحلفلى كتير جدا انها بتحبنى وانها كلمته بدافع الفضول مش اكتر وانها كان نفسها تسمع كلمه حلوة لانى بقالى فتره ما بهتمش بيها .. وفعلا انا مكنتش بهتم بيها لانها كانت مقصره فى بيتها ومع عيالها جامد نوم متاخر وصحيان متخر وتاخير فى عمل الاكل والبيت مبهدل وهى مبهدله فى نفسها على الاخر فكان عدم اهتممامي بيها كنوع من انواع لفت النظر . وفضلت حوالى 3 ايام دمعتها ما نشفتش … وكان الموضوع هايوصل لطلاق بس ربنا سترها وانا قولت حرام العيال يتشردوا ما بينا … واللى ساعدنى اننا اصلا مش عايشين فى مصر والشخص اللى كانت بتكلمه ده فى مصر … مشكلتى انى من ساعتها مفيش اى ثقه فيها … والشيطان مش سايبنى فى حالى … على طول شاكك فيها وحياتى اتحولت لجحيم لدرجه انى مببطلش تدوير وراها واى حاجه باقعد اطلعلها تفسيرات انها بتخونى … مش قادر اعمل ايه هل اطلقها ولو طلقتها ولادي اعمل فيهم ايه ؟ على الرغم انها عمرها ما ريحتنى فى العلاقه الجنسيه بينا وبحسها مبتحبش العلاقه الجنسيه وتفسيرها هو عمليه الختان اللى اتعملتلها مبتخليهاش مستمتعه بالمعاشره الجنسيه… افيدونى بحل لمشكلتى …. هل اطلقها بعد خيانتها لي واشرد اولادي …. ولا اسامحها واعيش حياتي فى جحيم وشك ؟!
مشاكل الخيانة الزوجية
زوجتي ليست محل ثقة
اضيف بتاريخ: Sunday, October 1st, 2017 في 19:29
كلمات مشاكل وحلول: الجامعة, الحب, الزواج, الكلية, حب, زواج, مصر
شوف يااخي الزوج مش عاوزك تتسرغ في طلاقها سامحها علشان خاطر الاولاد وراقب تصرفاتها من بعيد هل فعلا تابت واتصلح حالها ام لازالت مستمرة في علاقتها مع ذلك الشاب وتتكلم معاه سوا عبر الموبايل او النت فان تاكدت انها فعلا قطعت علاقتها بالشاب وصارت زوجة محترمة ومخلصة لك ومحافظة على بيتك واولادك فهذا هو المامول منها والمطلوب من الزوجة تجاه زوجها وان والله ظلت على علاقتها به وتتكلم معو فصار لابد من طلاقها فورا ولاشئ عليك في هذا وربنا بيكرمك بحسن منها الخيانة يااخي دمار لكل بيت وحياة زوجية ولافي عاقل ولامومن يرضى بالخيانة مهما كانت الظروف وعايزك برضو تعطي زوجتك قدر كافيا من الاهتمام والرعاية المراة تحتاج للكلام المعسول من الرجل والحب والمشاعر ولعواطف الجميلة فاذا لم تجده عند الزوج راحت تبحث عنه عند الاخرين هل فهمت كلام ده واستوعبته اتمنى ذلك واسال الله ان يصلح لكم الاحوال ويسترعليكم ويولف قلوبكم على محبته وطاعته ويبارك لكم في الابناء ويحفظهم لكم ويسعدكم في هذة الحياة
يا اخي انت مقصر في حق زوجتك وابنائك فانت رجل البيت اذا رايت اهمالا من زوجتك في واجبات البيت نبهها بكل لطف او ساعدها انت ليس في ذالك عيب واغمرها بالحب والحنان واسعد نفسك وزوجتك وابنائك ويكفي نكد مع الحرص على مراقبة زوجتك ليس من باب الشك ولا التخوين لكن من باب الحفاظ على عرضك فكانما تربي فتاة في سن المراهقة
يااخي العزيز بارك الله فيك انت السبب لانك اهملت زوجتك ام ولادك وانشغلت عنها والمراة بحاجة للحب والكلام الرومنسي والمشاعر ولاايه يااستاد مثلما انت بحاجة لذلك هي كمان ادمية محتاجة لذلك واكثر استهدي بالله ولاتجعل الشيطان الرجيم يخرب بيتك ويدمر حياتكم الزوجية ويشرد ابناءك ويضيع مستقبلهم تصالح مع زوجتك وتسامح منها واصفح عنها فكل انسان منا في لحظة ضعف بيغلط وهي معترفة انها اخطات ونادمة على مافعلت وربنا غفوررحيم بيقبل التوبة من عباده سامحها لوجه الله تعالى ولاجل اولادك وربنا بيجزيك كل الخير ويبارك لك فيها وفي اولادك ويوسع عليكم من خيري الدنيا والاخرة ومسالة انها ماتحبش العلاقة الجنسية فهذا غير صحيح مافيش امراة ماتحب العلاقة الجنسية وانما بتكون باردة جنسيا او عندها حالة من القلق او الاكتئاب ودي علاجها بسيط باهتمامك الزائد بها وتقربك منها وتخرج معها بعيدا عن اجواء البيت وهموم الاولاد ومشتكلهم وتقضي معها اوقات حلوة وجميلة تستعيدوا فيها ذكريات ايام الخطوبة واول لقاء بينكما صدقني سوف يزول عنها تلك الحالة وترجع احسن من الاول وكمان في عشبة طبيعية تباع في الصيدليات لفتح الشهية وتزيد الرغبة الجنسية عند المراة وتبقا متجاوبة معك في العلاقة الحميمة وتطلب منك معاشرتها جنسيا وتنتهي المشكلة معكم وتمنى لكم حياة سعيدة ومستقرة باذن الله تعالى