انا عندي26 سنه التجوزت من3 سنين جواز تقليدي قبلها كنت مخطوبة لانسان كان بيحبني اوي بس النصيب فرقنا وبعدها جالي جوزي المشكله اني مش بحس بجوزي خالص مش عارفه احبه بعد حتي مجبت اولاد وهو كمان مبيحبنيش دايما يحسسني انا مش انا الي في باله لا شكل ولا موضوع مش عارفه اعمل ايه بس حياتي برده من غير احساس ولا مشاعر اعمل ايه بالله عليكوا نفسي في حل
مشاكل الازواج
مش قادره انسي حبيبي بعد ما اتجوزت غيره
اضيف بتاريخ: Wednesday, March 16th, 2011 في 06:59
كلمات مشاكل وحلول: جواز, حل, مخطوبة, مشاكل الازواج, مشاكل زوجية, مشاكل زوجية
لو علمتم الغيب لأخترتم الواقع
صدقت المقولة التى تقول الرجل مثل الطفل الصغير يحب التدليل و الإهتمام أى
– رسايل حب على الموبايل.
– كلام حلو
– وجبة من اللى بيحبها ودى مخصوص علشانك
– يعنى أبدعى و تفننى فى معاملتك ليه.
فكل فعل له رد فعل و أنتى الكسبانة.
ياحبيبتي ده وهم ولو زوجك مش مقصر معاكي حاولي تقربي منوا وأبدأي انتي صدقيني ممكن هو مش محسسك بحبوا ليكي وده طبيعي لردة فعلك ممكن يكون حاسس بأحساسك وصابر حاولي تغيري الحياة اللي انتم فيها وقربي ليه هو اكيد هيتغير وهيكون احسن وبلاش تفتكري شئ من الماضي وتخيلي لو كنت اتزوجتي اللي بتحبيه جايز قوووي بعد جوازكم كان هيموت الحب بينكم حافظي علي زوجك قبل فوات الأوان زي ما احنا بنحس هما كمان بيحسوا
احب اقولك اللي عند حبيبك هو هو اللي عند وجوزك
وكل حبيب لايريد من حبيبته الا ان يمارس معها الحب واذا كان جوزك انجب منك اولاد يبقي مارس معك الحب كام مره عدي اد ايه جوزك حبك ومارس عملية الحب كام مره.
احب اقولك اتقي الله في جوزك وانسي نهائيا حبيب القلب الكداب
علشان خاطر اولادك وحولى تحبيه علشان عمرك مينتهيش بلاش
حاولى تحبى زوجك وليست كل البيوت مبنية على الحب تقربى من ربك وان شاء الله سوف يصلح ما بينك وما بين زوجك وسوف يأتى الحب وعليك بالدعاء فى ان يصلحكم لبعض
مش محسسك ان انت اللي في باله لأنه حاسس انه مش هو اللي في بالك شوفي الجوانب الإيجابية اللي فيه وحبيها يعني جوزك – عشرة – أبو ولادك – له مواقف حنية – رعاية – حماية . . . .الخ .
واعلمي أن قضاء الله لا يأتي إلا بخير ومادام قضى الله بأن تفترقي انت وخطيبك يبقى خير ، وبعدين عايزك تحسي بالرضا لأنه ده مصدر سعادة أي إنسان وحاولي تتعايشي مع عيوبه اللي تقدري عليها حسسيه انه هو راجلك الوحيد وحمايتك وسندك علشان يحسسك انك أول وآخر ست في حياته ، وانسي الأولاني ده لأنك ماشفتيش عيوبه شفتي مميزاته بس ، احمي أسرتك من الفتور اخلقي جو شاعري رومانسي بينك وبين جوزك ، اسعدي نفسك وعيشي يومك وماتبصيش وراكي . ربنا يسعدك ويهدي سرك